親子旅遊今日: 0|主題: 161787

收藏本版

發帖

返回列表

跳至頁

查看: 889 | 回覆: 4

[日本] [ 帶BB搭飛機去旅行 ]，飛行貼士小分享- 飛機篇小豆妹@沖繩 [複製鏈接]

小豆妹

洋房

積分: 87

1^#

發表於 17-5-18 09:27 |只看該作者 |正序瀏覽 |打印

本帖最後由小豆妹於 17-5-20 01:16 編輯

✈️ "食住野黎起飛計劃"

由於機艙既氣壓會喺起飛時既頭30min 同臨降落前既30min 變化最大，所以呢兩個時候係俾BB 飲野同食野既好時候，因為佢地keep 住食野或飲野，可以幫助佢地耳仔適應空氣壓力既改變。

今次班機比較滿，小豆媽今次就出門口時泵定左支奶(emoji)，因為第一次帶B 搭飛機，驚會埋唔到身，仲準備左佢必食既小食：新鮮蕃茄仔(emoji)。好味又多汁，以防佢唔飲奶，都有d 汁啜下。

小豆媽建議可以準備d 多汁d 既小食俾BB，例如士多啤梨(emoji)，蕃茄仔(emoji)等等，因為一旦BB 唔肯飲水或奶，淨係肯食小食，都有足夠既果汁俾BB，等佢啜下啜下，耳壓都可以輕鬆地舒緩。或者市面上亦有D 預先包裝好既包裝果蓉，都好方便。

派餐既時候，小豆妹就好識趣咁訓著左，等小豆爸同小豆媽可以抖一抖

到左30min to landing，機長就會做廣播(emoji)，講下目的地既天氣同時間，呢個時候就要為BB 準備降落啦。要準備慢慢開始俾BB食下小食，飲下水，奶或果汁，因為飛機開始慢慢下降，氣壓又開始改變啦。

而咁岩呢個時候，小豆妹就醒左啦，咁小豆媽就即刻俾D 星星餅，俾佢 "梅" 下 "梅" 下，間唔中飲d 水(emoji)。呢個時候亦都準備好餵奶巾，當佢唔肯食同開始喊就隨時埋身，如果唔係人奶B，媽媽就要係30min to landing 時，準備好奶(emoji)或果汁以防萬一啦。總之準備晒BB 既至愛就最穩陣。

咁樣，BB 係飛行途中喊既機會應該就會細好多㗎啦(emoji)

希望大家同BB 都有一個愉快既飛行旅程啦