吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 爸爸專區› uber

爸爸專區今日: 0|主題: 16420

收藏本版

發帖

返回列表

跳至頁

查看: 12726 | 回覆: 67

uber [複製鏈接]

12 3 4

dylantsai

民房

積分: 5

1^#

發表於 17-5-22 07:47 |只看該作者 |正序瀏覽 |打印

依家揸Uber是否違法？

0 0 0

私人傳訊

zzzzchu

大宅

積分: 1083

68^#

發表於 17-7-17 10:01 |只看該作者

EricKwok331 發表於 17-7-13 12:32
回覆 hunterml 的帖子

之前搭uber d司機係度呻話賺返嚟啲錢cover唔到油錢

所以之前咪好多人出電動車做uber, 之前平稅, 係政府大力優惠, 點知變相佢地用來搵食, 呢D咪係利用社會資源去比咗佢地, 呢D稅務優惠, 係我地市民的錢財呢

市面上好多充電的地方都唔夠, 引伸出好多問題, 停車場成日被電動車泊係通道旁邊等, 行車道已經窄, 仲要泊幾部係度等......, 令到出車時左就右避, 搞到好多時遲咗一分鐘出車, 要比多一個鐘.....衍生的問題, 邊個埋單? 咪又係暗啞底自己比

私人傳訊

zzzzchu

大宅

積分: 1083

67^#

發表於 17-7-17 09:52 |只看該作者

codeblue 發表於 17-7-1 10:39
我都唔支持唔合法的 uber/gogovan, 但我支持立法規管從而令類 uber 合法化。

純從市民利益角度, 我見唔 ...

有時我坐的士時, 都會同司機傾計, 至今, 差不多個個都話生意難做, 生意額跌, 甚至唔好運時, 每日做超過十個鐘, 平均連最低工資都達唔到, 佢地都話, 政府加多六百架優質的士, 只係客路不同, 影響唔到佢地, 問題係市面上突然多咗六百架車, 塞車多咗, 非繁忙時間就大家都乞米, 根本唔夠生意做.

我個人覺得, 非繁忙時間, 可以見到好多主要地方都有好多的士排長龍等客, 但繁忙時間, 架架的士都已經有客, 幾個call 的士app都call唔到車, 綜觀全世界各個大都會城市, 都存在呢個問題, 亦即係話, 呢個問題唔係加多幾多架的士的問題, 係繁忙問題, 等於lunch, 係晚飯時間特別多人排隊等食飯一樣.

但如果不停咁加的士, 無限發牌, 按現時的士司機的生意狀況, 佢地要生存都已經困難, 無限發牌根本唔可行.

以前只得紅van, 後來有綠van加入, 其實問題同的士的大同小異, 但綠van加入後, 不見經van有任何改善, 一樣係亡命飛車(我已經好多年無搭了), 而綠van, 係一D舊區, 年長的司機的態度, 好得去邊, 大家都知, 車內的整潔情度, 特別係車頭司機那個部份, very dirty. 政府想改善, 到頭來都係差不多.
紅灣亡命, 因為要搏多D生意, 正正係生意唔夠所致, 小巴牌價亦唔平, 好自然可以理解, 但加入綠van後咁多年, 其實無因為咁而令紅van的生存有大改變, 反之感覺上愈來愈亡命.

所謂私家的士, call的士app. 手機上一search, 大把call的士app, 我就已經裝過三個, 主要只用一個, 亦有keep起一個電召的士的電話, 繁忙時間, 以上call車app根本好難call到車, 電召亦一樣, 所以比你再多幾個call車app一樣call, 全部call晒, 最後, 有其中一間的車到了, 又或者咁啱有的士係你面前落客你上咗車, 你又咪要續間上返app去取消, 費時失事. 又萬一, 係面前落客的, 佢已經冚定旗, 話要去接call車app的客,............
私家的士, 萬人出咗事, 邊個保險公司去負責? 你會知道呢D司機的駕駛經驗嗎? 熟識道路嗎? 架車的保養你知道嗎? 如果合法化, 保險要買商用, 就算減一半, 都要萬幾, 保養呢? 商用車的年檢要求比私家車的要求多好多, 成本自然又上漲, 呢D私家車司機為求多一單半單生意, 肯付出咁多錢咩? 如果唔肯, 呢架車的保養會好得去邊? 乘客保障何來?????

作為一個消費者, 愈多自然愈平, 競爭下, 道理上係會有更優質的改善, 但咁多年來, 例如van仔, 巴士, 客貨Van, 都唔見得有太大改善, 平心而論, 九巴係我見到較大改善的, 其他巴士, 包括城巴, 新巴, 大嶼山巴士, 冠忠...., 我來講最多只係合格. 客貨van就更加唔會租用, 情願叫朋友車.

生意唔夠, 再多發牌只會令社會出現更多民生問題, 等於公司請多兩個新的同事來幫輕我手, 但係佢地人工係我的三分一, 甚至一半, 係可見短時間內, 我會被取代.............衍生的問題, 想落都幾難受

私人傳訊

EricKwok331

複式洋房

積分: 106

66^#

發表於 17-7-13 12:33 |只看該作者

uber好似係香港係蝕緊錢唔知政府唔批牌會唔會撤出

私人傳訊

EricKwok331

複式洋房

積分: 106

65^#

發表於 17-7-13 12:32 |只看該作者

回覆 hunterml 的帖子

之前搭uber d司機係度呻話賺返嚟啲錢cover唔到油錢

私人傳訊

gordonskill

洋房

積分: 63

64^#

發表於 17-7-9 18:38 |只看該作者

是違法的但仍有人做
我冇搭亦冇做

私人傳訊

codeblue

大宅

積分: 3124

63^#

發表於 17-7-1 10:39 |只看該作者

zzzzchu 發表於 17-6-30 12:14
改變現有的士行業的生態, 係因為市場上有需要, 人的生活習慣改變, 終日手機不離手, 開始唔識同人溝通, 連台 ...

我都唔支持唔合法的 uber/gogovan, 但我支持立法規管從而令類 uber 合法化。

純從市民利益角度, 我見唔到不限發牌會有咩問題, 就算要限額, 的士牌至少也應該按人口比例增加吧。住屋供應追唔上需求, 係因為地少起樓成本高, 如果樓係可以變出來的話我相信政府都會調節到洽到好處, 令樓價不升不跌; 反觀的士牌, 本來就係可以變出來的東西, 多年來人口和需求增加左咁多, 政府居然一直不增加發牌, 當中很大程度上就是受到牌照持有人影響。其實呢, 自由社會投資賺錢唔係問題, 但當持份者的利益與市民的利益對立, 那就是問題。

作為用家, 眼見的士行業陷於這種局面難以打破, 我實在希望有新的選擇, 而不是在舊制之上建構下去, 千祈唔好誤解 uber 對大家來說只是「用 app call 的士」或「私家車的士」, 更重要係佢獨立於舊有的利益集團!! 一個的士公司整個 call 車 app 唔會改變佢始終係的士既本質。假如有一日 uber 合法化, 自然會有更多機構加入競爭, 對消費者來說絕對係好事~~

私人傳訊

zzzzchu

大宅

積分: 1083

62^#

發表於 17-6-30 12:14 |只看該作者

codeblue 發表於 17-6-25 20:29
坦白講, 我覺得要整頓行業應該靠市場力量, 而不是單靠執法, 我最希望係有全新系統同舊有系統同時並行, 而 ...

改變現有的士行業的生態, 係因為市場上有需要, 人的生活習慣改變, 終日手機不離手, 開始唔識同人溝通, 連台姐都唔想傾, 要用手機app直接call車, 絕對係無可厚非, 但現實係, 據我所知, 已經有超過十個的士團體自行開發apps供市民使用, 為何還要用不合法的Uber? 私人豪華七人車? 甚至GoGoVan之類以代替的士本身的功能呢?

其實我都一樣唔明白, 樓宇乃人之棲所, 乃必須品, 何以離譜到可以變成投資工具? 甚至可以分析兼做按揭? 車位? 舖位?
再講, 小巴, 公共巴士, 甚至地鐵, 都已經變成投資工具, 一樣可以做按揭.....利益之下, 種種持牌人均可以控制市場?
如果按此推論, 係咪所有公共交通工具都不限發牌, 只要買得起車, 就人人都做得?

的士租金, 任何人上網都可以查得到, 一般最貴的早更大約$460, 一更12小時, 最平的早更可以去到$380一更, 大家粗略計一下都知, 成架車租比人, 平圴一小時車主收多少錢?? 而作為車主, 整架車的維修保養, 牌費燕梳, 維修時無租收的日子, 七除八扣, 平均一小時可以有多少錢入袋? 淨係燕梳, 都差不多兩萬一年, 同一架私家車比較, 大約二,三千左右, 用來做Uber, 如果用之前稅制對電動車的優惠, 根本就係用緊市民的康慨去讓Uber經營非法營運出租啦.

我唔認同的士牌價的升幅, 等同我唔認同樓市升, 土地價升, 連死人都無地方一樣.
但個人亦都唔認同無限發牌, 如果牌價係唔會升, 但有錢就可以買, 係經濟學上, 最終就只有會被有錢人壟斷, 到時市場只會一片混亂, 每個人都話自己可以買小巴, 巴士, 甚至自營不同的大型交通工具, 我又係山頭起纜車, 個海咁大, 財團引入水上的士, 空中又引入私人小型直升機載我返工.......

香港自命法律核心, 公平競爭, 可惜, 人有私心, 又要馬兒好, 自己有樓的, 賣出去, 點都想賺錢, 自然係可行情況下唔會平賣, 的士小巴如此, 但卻被人話唔可以...

絕對支持競爭, 絕對支持淘汰行內壞份子, 但一定要公平, 唔係先斬後奏, 偷換既念, 將市民稅金, 利用大眾資源, 來為自己做非法經營.

綠色專線小巴的出現, 咪就係要整頓紅色小巴的行業壞行為, 但, 可惜, 咁多年來, 紅色小巴能夠改善多少? 大家有目共睹, 睇下旺角花園街, 小巴泊車的方法? 那種睹塞的情況, 霸道佔道的情況, 司機的嚣張揸車的態度, 有幾多改善得到?????
政府最鐘意用臭屎密冚的方式處理問題, 咁樣可以慳返好多時間去做改善, 但市場自滅, 拖得就拖......

股市升, 樓市升, 的士小巴牌價升, 租金升, 食肆價格升, 各行各業成本升, 大家都唔想, 但唔公平的競爭, 係導致市場混亂的一大問題

私人傳訊

codeblue

大宅

積分: 3124

61^#

發表於 17-6-25 20:29 |只看該作者

本帖最後由 codeblue 於 17-6-25 20:33 編輯

zzzzchu 發表於 17-6-22 20:20
同意必須規範, 但唔可以歪理變成合理. 競爭幾時都要, 咁樣消費者先會得益, 亦會進步.
現時的士行業問題, 唔 ...

坦白講, 我覺得要整頓行業應該靠市場力量, 而不是單靠執法, 我最希望係有全新系統同舊有系統同時並行, 而不是源用現有的士牌照系統, 舊系統的士受到競爭, 的士生態自然會改變或被切底淘汰。

我冇研究過的士歷史, 所以非常唔明點解的士牌會被限量仲要離譜到可以變成投資工具, 甚至可以分拆兼做按揭, 利益之下, 的士牌持有人想牌價升, 即使大量的士有牌冇人揸, 都唔願意平租出去, 結果司機冇肉食, 市民又受氣 ; 假如的士牌變成開放系統, 牌照不能轉讓, 任何人合資格都可以直接向政府申請的士牌自行買車揸的話, 市場自然會按需求調節的士數量, 甚麼路面負荷根本不在考慮之列, 正如私家車一樣係無限量發牌, 點解的士唔可以? 當然, 咁樣做現有的士牌價會即時插水, 持有人一定同政府死過, 所以倒不如引入新系統, 舊有的由得佢繼續以現有方式運作~~

私人傳訊

zzzzchu

大宅

積分: 1083

60^#

發表於 17-6-22 20:27 |只看該作者

hchu06 發表於 17-6-16 22:34
同意！從來冇坐過，亦唔打算坐uber！原因好簡單，uber係完全唔合法，司機可以剛甩個P牌，亦唔一定係職司機 ...

非常同意, 唔識路, P牌, 所謂豪華車, 我聽聞係有D私人司機用老闆車去做生意, 趁老闆唔係香港, 或者熟知老闆的作息時間, 就偷偷接Uber客, 真係出咗事, 唔知點算, 不過我真係聽聞, 是否真實就無考究.

早排先有個貼住P牌的新牌仔, 接載友人於吐露港出事, 又死人.

我仲聽聞過, 好多炒散出來做一兩單Uber的司機, 佢地話去尖東, 老蘭等call, 睇下會唔會有機會接到醉酒的靚女, 可以搵機會一親香澤........

當然, 我相信任何行業都有壞份子, 包括的士司機, 大家的價值觀不同, 坐唔坐Uber, 自己去衡量.

私人傳訊

zzzzchu

大宅

積分: 1083

59^#

發表於 17-6-22 20:20 |只看該作者

codeblue 發表於 17-6-19 19:25
我唔抗拒亦會偶然搭下 uber, 但認同 uber 目前係違法, 被人拉都無可厚非...

其實就好似無牌小販一樣, 擺 ...

同意必須規範, 但唔可以歪理變成合理. 競爭幾時都要, 咁樣消費者先會得益, 亦會進步.
現時的士行業問題, 唔能夠只治標, 係要用更大力度去令服務差的司機淘汰及改變, 再多發600個所謂優質的士牌, 只會加劇路面的負荷, 亦都無補於事, 所以政府一定要將揀客﹑拒載﹑濫收車資等等問題上作根本的重治.

其實早於幾十年前, 香港的士就係用Benz, 點解現在幾乎清一色日本車, 近年Ford又出返, 但都係日本車主導, 原因就係成本, 平, 以現在豐田金豐的士車價, 要廿多萬, 係今年年底會全面淘汰金豐的士, 轉用新的4座位, 估計車價接近30萬, 市場何解咁多金豐的士, 易維修, 同款車的佔有率, 就只係香港都九成係金豐, 全港兩萬多部的士, 有數得計, 所以保養費就自然經濟好多, 此乃為何同款車咁多的原因.

另外, 其實好多司機都發覺到, 可以係車上提供飲品及小食, 但為何又唔做? 皆因香港人都會怕司機係食物或飲品上做手腳, 什麼迷暈藥之類, 所以, 又無晒下文.

講真, 不單係Uber, 還有GoGoVan, 都係一樣非法載客取酬, 用手機app代替"台姐"接call, 出call, 其實同電召咪一樣, 現在好多的士團體都自發做app, 我見佢地的車隊都做得好好, 而且我算係好彩, 無點坐過衰人的士司機.
所以, 要對揀客﹑拒載﹑濫收車資的的士司機重罰之餘,同樣要重罰Uber, GoGoVan, 無牌經營的所謂豪華七人車.

香港人自命要公平公正, 法律乃香港核心價值, 無公平競爭, 無合法經營, 顛倒是非, 先斬後發難更大義澟然的話新科技, 政府進唔上潮流......, 政府, 真係要對症下藥, 一定要對犯法的白牌車, 包括揀客﹑拒載﹑濫收車資的的士司機重罰.

私人傳訊

codeblue

大宅

積分: 3124

58^#

發表於 17-6-19 19:25 |只看該作者

zzzzchu 發表於 17-5-28 19:35
的士的出現, 係因為幾大年前白牌車無王管, 後來政府發牌管理, 由幾大財團擁有, 之後再演變成有單頭車主可 ...

我唔抗拒亦會偶然搭下 uber, 但認同 uber 目前係違法, 被人拉都無可厚非...

其實就好似無牌小販一樣, 擺到明係違法, 但都一樣有人會做, 亦有人幫襯, 好多野係需要有法律規管, 但法律亦有佢既限制, 所以執法需要有空間去 judge 事情的輕重緩急, 須知道立法速度永遠追唔上時代進步。我認為類 uber 應該被規管, 亦應該要有相應出牌制度, 但不應與目前的士牌制度混為一談, 的士牌係舊社會產物, 除非作大幅度改變, 否則永遠不能滿足社會需要~

今時今日乘客要求唔同以前, 作為乘客, 我希望對乘車體驗有更多元化選擇, 而唔係下下為了方便管理而只提供倒模式既標準, 例如我想坐下 Benz, BMW, Tesla 得唔得先? 我想車上有小食飲品提供得唔得先? 要有各種優質服務既出現, 其實必要有高度競爭既開放市場, 同埋公平而有效的汰弱留強機制, make sure 服務差的司機會被盡快淘汰, 服務好的有相應獎勵, 宜家的士界偏偏相反, 為何要揀客﹑拒載﹑濫收車資? 因為咁先賺得多, 做好司機的反而冇乜錢賺...

私人傳訊

怪・瘦爸爸

民房

積分: 7

57^#

發表於 17-6-17 03:52 |只看該作者

hunterml 發表於 17-5-23 14:52
Uber 阻咩人搵食? 如果的士服務係優質既, Uber 又點生存到?
唔好講笑
搭過UBER真係唔會想再搭的士

私人傳訊

hchu06

子爵府

積分: 13415

56^#

發表於 17-6-16 22:34 |只看該作者

zzzzchu 發表於 17-5-25 19:16
非常同意, 我都想補充一下, 因為呢個社會太多歪理了

如果個個都話唔使合法的話, 就嚟唔使考車牌都可以揸車 ...

同意！從來冇坐過，亦唔打算坐uber！原因好簡單，uber係完全唔合法，司機可以剛甩個P牌，亦唔一定係職司機，保險又唔包。平過的士坐靚車？講真，拎部Tesla、BMW 7、S Class出來炒更做Uber, 司機係乜人，心中有數啦，真正車主點會貪個幾百。其他個D車，仲細過的士，坐黎做乜？

私人傳訊

zzzzchu

大宅

積分: 1083

55^#

發表於 17-6-16 12:09 |只看該作者

cheungkaki1 發表於 17-6-14 10:49
就引用番閣下第一段：的士的出現, 係因為幾大年前白牌車無王管, 後來政府發牌管理

如果現在已經沒有幾十年 ...

如果每事都按你所講, 要法律來幹嗎? 要道理來幹嗎? 揸的士要去學習的士知識, 去考試, 考三個部份, 只要有一個部份唔合格, 就全部唔合格要再考.

無牌, 可以去做技工維修電器? 起樓都要有技工牌, 維修車都要攞牌, 教書都要, 做醫生律師甚至祖傳中醫醫術都要攞牌.

私人傳訊

cheungkaki1

大宅

積分: 1089

54^#

發表於 17-6-14 10:49 |只看該作者

zzzzchu 發表於 17-5-28 19:35
的士的出現, 係因為幾大年前白牌車無王管, 後來政府發牌管理, 由幾大財團擁有, 之後再演變成有單頭車主可 ...

就引用番閣下第一段：的士的出現, 係因為幾大年前白牌車無王管, 後來政府發牌管理

如果現在已經沒有幾十年前的問題, 那政府是否仍需發牌管理呢？還要控制發牌數量, 引發炒賣。既然當初的問題已經消失, 政府根本唔需要規管。

只要有車有牌有保險, 人人都可以做載客服務。政府硬要收回這權利, 根本唔合理, 令人覺得政府正維護一班既得利益者。

假如政府要規管麪包舖, 全港只發100個牌, 冇牌就唔准開, 你們覺得合理嗎？當然,有人會偷偷地無牌經營, 然後就會有上面一班衛道之士走出來大叫, 犯法呀！無牌經營呀！

看問題要看其根本, 只識大叫攞牌照, 犯法嗰班, 繼續做其愚民吧。