夫婦情感今日: 0|主題: 42728

收藏本版

發帖

返回列表

跳至頁

查看: 4655 | 回覆: 36

好想離婚⋯（long story) [複製鏈接]

Qsagie

民房

積分: 10

1^#

發表於 17-5-23 17:19 |只看該作者 |正序瀏覽 |打印

我同佢識左6年、結左婚3年半，我地係網上認識之後成為朋友，我同佢就係因為一次飲醉左發生關係而一齊。由於我係香港佢係澳門既關係，當時我地又好心急想一齊生活，所以係我屋企人唔知既情況下我同佢結左婚，甘我就係澳門搵野做一直係澳門生活。其實一開始我都知佢搵錢唔多，不過佢又話會努力搵錢改善生活，我又好傻甘相信哩d大話，所以一齊頭半年大家都好開心。但半年後，我發現佢搵錢唔多唔緊要，佢不停甘買玩具，買親都千幾2千，所以我開始同佢嘈，我叫佢要比家用我，佢亦開始覺得我管佢d錢同洗佢d錢。其實佢比既錢都只係岩岩好夠佢食後多幾百蚊，佢自己就覺得比左好多我甘⋯以為佢比既錢夠埋我食，我有計比佢睇佢就話我斤斤計較。我地開始成日嘈，佢間中仲打我，當然我都有還手。每次我話走，佢仲打得我嚴重，所以我根本唔甘返屋企，怕比屋企人見到。
到左15年我有左，當時佢第一個反應係唔想要，而我覺得亦未係時候，經濟又唔好，我屋企人又唔知我結左婚⋯所以我地選擇唔要個bb。做完手術後，我好後悔，而佢又再承諾會好好搵錢，同我屋企人講我地結婚，但之後既1年，又係同完本一樣，冇改過，我地基本上每個星期都嘈一次，每次都會郁手。
到15年尾，我地想買部車代步，佢冇錢，銀行又唔批比佢，所以我話甘我比住先，但要供返比我，我唔介意比首期之後停車場錢我比，佢當時應承。點知，買左之後就用各種理由唔比錢我（改車）,到我最後發癲佢先肯每月供2000蚊比番我，車已經係佢名，佢仲要罵我攞晒佢d錢，唔比佢娛樂⋯仲周圍同人講我攞晒佢d錢（我承認我睇佢電話）比佢知道後仲打我。
到16年年中，我比佢打到入醫院時發現我又有左，我已經講到明我唔要同佢屋企人住同有人揍我先會生，我唔想生完每日都擔心錢，最後，佢找左佢屋企人幫手買樓，本身我都好想出番d錢，但佢成家人又嚴地區唔好、單位細、等等⋯超過我中心既預算成100萬，仲要話大裝幾十萬（我本身就只想油下油就算）佢屋企人攞左百幾萬出黎，甘之後供就我供（因為佢根本供唔起，做mortgage 都係用假糧單）⋯佢自己呢，依然繼續攞錢改車，我叫佢出下生b既支出（佢唔比我去政府醫院生）佢就罵我話佢屋企人出左百幾萬，話我仲問佢攞錢⋯
生完阿b，我完全唔想返澳門，佢屋企人我都唔想見⋯佢就郁d就罵我佢屋企人比左甘多錢我都唔比佢地見阿b....
我真係好想同佢離婚，佢屋企人就覺得我不停問佢地攞錢，佢自己一蚊都冇出過，生b我自己都用左10萬8萬，樓我亦供緊，佢仲可以不停罵我貪佢既錢。我好想同佢屋企人攤牌，我唔係1蚊都唔比不停問佢地攞，我唔想要佢地層樓，我淨係想要返阿b然後離婚！