吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 我覺得我已經唔可以同屋企隻狗一齊生活 ...

自由講場今日: 1745|主題: 1357197

收藏本版

發帖

返回列表

跳至頁

查看: 71363 | 回覆: 689

我覺得我已經唔可以同屋企隻狗一齊生活

[複製鏈接]

12 3 4 5...35

YAC0601

男爵府

積分: 7567

1^#

發表於 17-5-26 16:29 |只看該作者 |正序瀏覽 |打印

唉, 估唔到我真係要開個咁既鋪

(以下內容可能會得罪d愛狗人士, 不喜勿回, 我係真心求助)

話說我老公有隻狗, 由bb養到依家差唔多10歲, 係佢同佢ex一齊買一齊養既,
佢地分開左之後隻狗就跟左我老公, 冇錯, 我識我老公時隻狗已經存在...
我由細到大冇養過寵物, 我對照顧寵物真係冇認識, 以前拍拖都冇唔覺得有咩問題,
直到結左婚之後就出事, 開頭我地仲比佢入房, 自從有一日我眼濛濛一落床踩埋灘尿一腳都係, 我老公話因為我地閂左門佢唔識開門去廁所, 之後我地就冇再比佢入房, 平時我地返左工, 佢會係張布sofa度訓, 有時仲會係sofa嘔, 佢識自己去廁所, 係去我地個廁所, 每日返到屋企第一件事就係洗廁所, 因為成日流流長勁臭~
我放幾多吸味野又點香蕉又2部空氣清新機, 但係每日返到屋企我依然覺得好臭, 尤其我大肚果陣, 真係一返屋企就嘔....... 由果陣開始我就好討厭佢, 臨生前已經晚晚訓唔好, 一晚起身幾次去廁所, 每去一次就要洗一次地, 因為佢一定會痾左尿/屎, 訓下去下廁所洗下地, 基本上晚晚都冇乜點訓, 我老公又夜返又忙. 我已經冇叫佢起身幫我, 但係我自問我都盡力照顧佢, 到時到候就帶佢去剪毛沖涼, 買乜買物~ 一直維持呢個忍耐忍耐既狀態, 依家呀b都就黎一歲, 因為隻狗, 我覺得我屋企好似唔屬於我咁, 佢平時會上sofa, 我就唔會坐, 佢係地下行黎行去, 就我唔會比呀b落地, 係屋企長期匿係房, 我唔識講, 總之我覺得我怕左佢驚左佢, 怕左佢怕米貴.............

直到尋晚, 我地返到屋企見到佢痾左屎係sofa

我真係接受唔到!!!
我老公仲要覺得冇問題, 我即時跳左掣, 為左呢件事我夜媽媽帶左呀b走, 同我老公鬧左一場大交, 我直情覺得我冇可能再同隻狗一齊生活落去, 有佢冇我!!!! 鬧到離婚咁滯~

我依家真係唔知做好? 係咪為左頭家要繼續包容接受? 我只係想有個舒服既屋企姐, 點解佢有生活既權利, 我就連生活空間都冇........... 我應該點樣再同隻狗生活落去

點評

LOVE074

發表於 17-5-26 17:47

0 1 1

私人傳訊

teambuilder

男爵府

積分: 5473

690^#

發表於 17-6-1 17:56 |只看該作者

回覆樓主:

其實我覺得養寵物係幾殘忍。我只係試過領養過一隻和接收過一隻被人棄養的龍貓。之後一路都冇養寵物，自己番工留隻寵物响屋企我覺得好自私。仲要一日只係落一次街仲要比人拖住走。如果你出親街都比人拖住個頭行你會點？當然狗就唔同人啦，狗就算你拖住佢個頭行佢都會對你忠心嘛。所以要人同狗比較，係冇意義，就算幾愛狗既主人都冇可能同狗角色掉轉，肯比隻狗拖住個頭行同一日只可以落街一次柯屎柯尿。人一生裡就係好多野要取捨，唔係每件事都可以大團員，因為資源有限。忍？唔忍？其實決定權都係樓主手上，樓主自己衡量過點樣做對大家傷害最少就做囉，沒人比你更清楚自己環境，和你想自己係一個點既人，因為樓主只係人，唔係聖人。

私人傳訊

raintingbow

大宅

積分: 3529

689^#

發表於 17-6-1 15:04 |只看該作者

YAC0601 發表於 17-5-26 16:50
都估到有人會話我係棄養或者想殺左佢
我再唔鍾意佢我都冇諗過咁做, 我亦明白我老公係一定會養到 ...

唔洗理果D人啫!

i'm 雨婷寶

私人傳訊

小小為食

男爵府

積分: 7927

688^#

發表於 17-6-1 13:49 |只看該作者

kksun 發表於 17-5-26 16:48
回覆 YAC0601 的帖子

非常同情你, 我都經曆過差唔多情況, 不過我果隻係貓, 佢又係周圍瞓, 老左又周圍柯, ...

唔該你幫幫手唔好養任何動物

私人傳訊

DDLLhome

複式洋房

積分: 129

687^#

發表於 17-6-1 13:28 |只看該作者

梳化: 狗狗年紀大失禁, 可能要用尿片

洗手間地下問題: 買狗廁所教佢用, 3-6個月學識

狗唔係有心激你, 係佢未學好大小便. 11歲係遲左D但有耐心佢係可以學好GE.學好就一勞永逸

(PS: 我隻狗初初係每日2次係屋企唔同GE地方小便, 屋企仲要唔係磁磚地板, 一起身拖地, 一放工又拖地, 日日如是, 拖完仲有味, 真係好大壓力

(而且狗狗見你唔開心佢都會唔開心). 後來佢學識左, 好快你就鍾意番佢GALA

)

私人傳訊

starer

伯爵府

積分: 19764

2018復活節勳章畀面勳章親子達人勳章親子王國15週年勳章

686^#

發表於 17-6-1 11:54 |只看該作者

樓主...我好明....
我都有狗...
仲係2隻
而家隻狗就算有廁所...如果廁所有尿就唔會成..
我本身返工...
返到黎要清潔真係人都癲...
我覺得你老公係習慣左隻狗的存在...
而唔係真心愛狗.....
或者而家買個狗廁所或者落街放狗會好D?
其實狗本身無問題...係去廁所唔識去先令到你發咁大脾氣~~~

私人傳訊

rionacheung

複式洋房

積分: 289

685^#

發表於 17-6-1 11:46 |只看該作者

YAC0601 發表於 17-6-1 11:14
我認同我都冇辦法接受冇愛心的另外一半，但唔鍾意狗=冇愛心我就唔認同，正如有人唔鍾意小朋友，咁又係咪冇 ...

有無愛心當然要由你伴侶去睇, 我係話我個case, 我就有咁既感覺, 當然可能你老公無呢個感覺既, 呢個只有佢先知~
至於你話為一隻狗決定人生大事係咪誇張, 我覺得養狗同生唔生仔的道理一樣, 如果大家不能取得共識, 就好容易好似你個case咁, 有一方勉強左之後出現爭執, 然後怪對方要佢接受d 佢唔鍾意既野...

咁既然你已結婚生仔, 當初大家就係取得共識, 你選擇包容佢養狗, 就算而家隻狗做既野不合乎你心意, 係咪應該同老公夾左大家點樣分工, 了解下隻狗點解會周圍屙的原因, 而唔係講 "有佢無我"呢？當你用強硬手法叫對方揀時, 就已經違背緊你當初答應包容佢養狗呢一點, 我唔係話你老公啱哂, 你錯哂, 但包容就係要互相磨合, 搵出解決辦法, 而呢個方法, 我希望你們唔會係選擇拋棄隻老狗

私人傳訊

YAC0601

男爵府

積分: 7567

684^#

發表於 17-6-1 11:14 |只看該作者

rionacheung 發表於 17-6-1 04:03
狗狗好單純, 主人就是佢的家人, 佢的一切, 而狗狗亦都好容易感覺到對方是否喜歡他, 我自細就好鍾意狗, 因為 ...

我認同我都冇辦法接受冇愛心的另外一半，但唔鍾意狗=冇愛心我就唔認同，正如有人唔鍾意小朋友，咁又係咪冇愛心？用個人喜好去define一個人的性格本質，係咪刻薄左啲？有啲人嘅logic就係咁，狗主愛狗但乜都唔理，一句佢鍾意就講到已經好好，我一句我唔鍾意狗，我就做幾多嘢都係錯。如果當初我同我老公都拎隻狗出黎考慮結唔結婚，無視我地之間嘅感情同相處，應該我地唔會一齊，咁今日就冇問題，但因為一隻狗去決定自己的人生大事，會唔會誇張左？

其實冇所謂，根本大家嘅睇法就差天共地，講到出年都唔會有結論。

私人傳訊

Yakultcat

男爵府

積分: 8159

683^#

發表於 17-6-1 05:06 |只看該作者

回覆樓主:

我自己係愛貓狗ge人，樓主其實你已經做得好好，好包容，照顧動物唔係一件容易ge事。但你要明白，狗狗唔細了，呢個年紀，真係無咩人肯領養，同埋佢ge一生中，就只有你地，無其他，同你老公商量下，買一個狗圍欄，裡面再放廁所(裡面鋪尿墊)同食物水，你如果驚佢唔識all，可以第一次將塊尿墊濕d佢自己d尿，好快識架。

私人傳訊

rionacheung

複式洋房

積分: 289

682^#

發表於 17-6-1 04:03 |只看該作者

狗狗好單純, 主人就是佢的家人, 佢的一切, 而狗狗亦都好容易感覺到對方是否喜歡他, 我自細就好鍾意狗, 因為阿嫲係鄉下既狗只係看門口, 食粗茶淡飯, 我一年只見佢一次, 但每次返鄉下係幾丈遠時, 隻狗已出黎迎接我, 佢地係好忠心, 你對佢好, 佢一世守護你

我係愛協領養左隻狗, 今年已經九至十歲, 我認我係狗痴, 比佢上床上梳化, 但男友唔鍾意狗, 驚狗(試過比狗追), 其實伴侶的話, 一個人鍾意狗, 如果另一個好反感, 只會令對方覺得你係好無愛心, 老實講, 我同男友為狗吵過好幾次, 佢覺得我隻狗惡, 但佢從來無試釋出善意, 只係避得就避, 狗係會知道的, 樓主, 我可以話你知, 係我立場, 我係寧願分手都唔會放棄隻狗, 因為我覺得無愛心的人唔係我要搵的對象

我亦理解唔特別鍾意狗的人要接受, 要同佢清理屎尿係好累, 但你唸下狗狗只有十至十多年命, 同埋佢點解會係屋企屙？係咪因為出街少, 唔開心, 定係你定關左房門之類...總有個原因, 佢習慣上梳化, 佢上左你唔想坐, 但佢唔係 "唔比你坐", 因為那裡就是牠的家, 最後我想話, 我好羨慕d情侶兩個都喜歡狗, 一齊放狗, 將心比己, 如果你老公覺得佢喜歡狗, 你都喜歡, 佢會欣賞你的愛心, 更甚
於你用 "有佢無我"的方法逼佢去揀

私人傳訊

YAC0601

男爵府

積分: 7567

681^#

發表於 17-5-30 21:07 |只看該作者

kaaaaaaa 發表於 17-5-30 20:26
樓主第時點教小朋友呀？點解要生小朋友呀？

你呢個係咩問題？我生小朋友係咪要問準隻狗？
我唔鍾意狗同我教小朋友有咩關係？

私人傳訊

eelcyy

男爵府

積分: 7228

680^#

發表於 17-5-30 20:49 |只看該作者

kaaaaaaa 發表於 17-5-30 20:26
樓主第時點教小朋友呀？點解要生小朋友呀？

下生小朋友又關隻狗事？

私人傳訊

kaaaaaaa

別墅

積分: 791

679^#

發表於 17-5-30 20:26 |只看該作者

apple220 發表於 17-5-29 22:46
其實你咁既性格，唔應該有囝囡(你既留言睇到我眼都突)

樓主第時點教小朋友呀？點解要生小朋友呀？

私人傳訊

oni2

子爵府

積分: 12418

我的育兒心得勳章陪月勳章 BK猜猜猜慶中秋

678^#

發表於 17-5-30 20:20 |只看該作者

回覆樓主:

我明白，好多時唔一齊住係過唔會知道的（即使同老公都係住過一排先知佢d壞習慣一樣

）
我老公都係一識佢已經有隻寵物，冇諗咁長遠會有咩問題呀又唔生得小朋友呀乜乜物物
總之我接受牠但也不代表要喜歡牠吧
anyway, 個重點係隻寵物老公負責繼續所有照顧，我最多加下水比糧食佢 that's was it
樓主你已經好好肯照顧佢，又沖涼又抹地都算真的很愛屋及烏了
我會將個責任比返你老公，佢如果繼續養狗狗就要照顧牠好d啦，我 friend 夠忙啦，但除非8號風球，如果唔係都日日放狗狗的
希望你們找到 solution

私人傳訊

do-re-me

伯爵府

積分: 15035

677^#

發表於 17-5-30 19:58 |只看該作者

YAC0601 發表於 17-5-27 01:16
轉狗糧我又冇諗過喎！佢一直食一款狗糧，自雞肉味冇出之後就轉食羊肉味，味道真係大左，但史立 ...

我隻都係史納莎, 我地係白烚急凍雞柳比佢做正確小便獎勵 (得閒就烚定好多放雪櫃), 即係放尿墊响地下, 久唔久抱佢去尿墊叫佢vv, 如果佢响痾, 就比雞柳佢食, 讚佢good dog. 痾响其他地方就冇雞肉. 佢好快就識得自己走去尿墊痾完再走去對住個雪櫃吠, 問攞雞肉. 初初唔比佢上梳化, 佢會嬲, 突登跳上梳化痾, 後來比佢坐梳化, 佢反而冇再响梳痾