自由講場 今日: 30 | 主題: 1367114

積分: 3643

1^#

發表於 17-6-5 08:33 |只看該作者 |正序瀏覽 |打印

容我呻一呻，因為谷到爆！！
c6有3兄弟和1妹，佢同妹一路同6299同住。妹冇做嘢，前幾年已嫁，剩c6仍同住。最近62話層樓佢百年後會留比個妹，而份人壽保險就會攞曬出來做後事！
c6仲要比個哥話咁多年同住都冇比過家用！(屋企水電煤一路都係哥比嘅)，咁以後攞返曬d保險出來做返d嘢好應該！！

我好想講，福佳啊！！c6每月都有比家用架！過年過節都有比利是，成日買d日用品，買嘢食。個d唔係錢咩？？？？唔通只有水電煤個d大家見到先叫有比？？？！！最重要係父母嘅保險全部都係c6供！！每個月都猛猛緊！點解以後最起碼嘅連自己供嘅個部分都唔可以攞返？？？！！！！本來層樓話比妹我地已經冇出聲，而家仲要打份保險主意！！！講到冇比家用，個冇做嘢嘅先叫冇比啊！！！仲一樣有層樓收啊！！！

點解父母兄弟，連呢d咁簡單嘅道理都唔明！！掉轉曬d嘢黎講？？！！大家嘅所謂親情，係咪完全建立係金錢之上！！！

0 0 1

私人傳訊

積分: 3643

377^#

發表於 17-6-7 16:16 |只看該作者

本帖最後由 ilmummy 於 17-6-7 16:56 編輯

Luffy007 發表於 17-6-7 14:59
我深信人種的是什麼，將來收的也是什麼。
每樣事情（特別係錢）都要和兄弟姊妹、父母6299，斤斤計較，將來 ...

好多謝你睇曬D 回復，有D 嘢系越描越黑，本來我唔想再講呢個，不過出於尊重，我覺得仲系回復下較為好，雖然我地互不相識！
1.我開呢個POST 嘅時候系好嬲，系唔明點解有比家用，而家要比人聲大夾惡講冇比（我一開始就有講每月有比，唔系後來先補充，系有人中意斷章取義！有興趣睇返個POST ,第6行第8個字開始）。點解要比人掉轉D 事實黎講！99 走左，大伯亦冇再比呢2000蚊！C6 收入一路都唔多，計埋雙糧BONUS ，先19K多 ,20K 唔夠。系以今年人工計，之前根本冇咁多，供幾份保險，點會唔重皮？？唔通要比曬D statement 先信？？當然我冇必要比，亦唔需要作大！我地已經盡力比，唔系有而專登唔比！！！

2.我同C6 最初完全冇諗過份保險嘅問題。系最近大伯同62 講起，以後份保險要點用啊？大伯話要大家分左佢，而62 堅持話要全部用黎做後事。呢件事，C6 同細佬根本唔知情。系62 後來自己講返出黎先知。如果我一早有預謀呢D 錢，點解唔叫C6 同62 去簽平安紙，咁D 錢咪由我地完全支配？我又點會走黎呢度發問“博鬧”？？？強調，如果唔系有人專登講，而且系回避D 兄弟講，我同C6 冇諗過呢個系一個問題！邊個意圖明顯D 呢？？？

3.我仔系香港出世，只系為左照顧佢，佢一路跟我系大陸生活。我平時返工，我父母幫手照顧。所以C6 為佢買保險同做教育儲蓄，系好合理。而我自己亦有買開保險，只不過系買嘅地方系大陸而唔系香港！如果真系貪錢攞著數，點解唔索性落黎住，白食白住，咪攞到盡？？！！我就系要靠自己養活自己！！！

4.我父母得我一個女，我對佢地有責任。我有工作，每月贍養佢地都系有支出，更重要系佢地幫我湊仔，尤其系我媽咪，24小時為我仔服務。我地雖唔寬裕，但好明白仔女同父母嘅關係系互相需要。仔女唔會為左個小小利益而唔顧父母！亦唔會下下謀住D 所謂家產！我系獨女，從細只有自己一個，好希望可以有兄弟姊妹可以依靠。我系香港冇人冇物，離間佢地兄弟，繼續做獨家村對我黎講有咩好處？？？

其他唔多講啦，橫掂講咩都會有人覺得狡辯！！再次多謝你嘅回復，令我對自己有個反省。初初系好唔明點解份保險系自己供嘅，到頭黎要大家分？咁開始又唔肯大家一齊供？？後來比人諷刺加嘲笑，保險唔系銀行存款咁架，邊個存就邊個攞返！我諗，都啱嘅，轉個角度睇兄弟都唔系完全冇付出過，系方式唔同啫！以後D 嘢佢地兄弟自己拆掂佢，我唔理！不過，再次強調，你可以話我冇腦，無知，咁簡單條數都唔識計！但我絕對冇諗過貪D 錢！貪都貪層樓啦！！錢有幾多！！！我雖窮，但非無志！我有工作，有理想，為自己同C6 有個和諧家庭而努力，唔系一個貪威識食，爭家產嘅大陸新抱！

多謝瀏覽！

私人傳訊

Luffy007

積分: 6945

376^#

發表於 17-6-7 14:59 |只看該作者

之緣發表於 17-6-7 14:29
回覆 Luffy007 的帖子

講得好 ! 分析得好好 !

我深信人種的是什麼，將來收的也是什麼。
每樣事情（特別係錢）都要和兄弟姊妹、父母6299，斤斤計較，將來個仔一定有樣學樣，同你計算更好。

私人傳訊

ninachu

侯爵府

積分: 24127

375^#

發表於 17-6-7 14:54 |只看該作者

Luffy007 發表於 17-6-7 14:50
本來一家講定數，乜事都冇，就因為有外人貪心，樣樣計較，攪到兄弟不和，真係幫唔落。
...

分折到位，不過係佢媽媽幫佢湊仔同煮飯

私人傳訊

Luffy007

積分: 6945

374^#

發表於 17-6-7 14:50 |只看該作者

ninachu 發表於 17-6-7 14:38
同意你睇法，我奶奶同我好到有聯名户口，佢放左幾十萬入去，叫我有咩事攞去用，我從未用過。

我都覺得佢 ...

本來一家講定數，乜事都冇，就因為有外人貪心，樣樣計較，攪到兄弟不和，真係幫唔落。

私人傳訊

ninachu

侯爵府

積分: 24127

373^#

發表於 17-6-7 14:38 |只看該作者

之緣發表於 17-6-7 14:29
回覆 Luffy007 的帖子

講得好 ! 分析得好好 !

同意你睇法，我奶奶同我好到有聯名户口，佢放左幾十萬入去，叫我有咩事攞去用，我從未用過。

我都覺得佢老爺係防佢，所以屋俾阿囡，安排保險金扣除身後事4個仔女平分

私人傳訊

之緣

子爵府

積分: 12463

372^#

發表於 17-6-7 14:29 |只看該作者

回覆 Luffy007 的帖子

講得好 ! 分析得好好 !
其實樓主老公可能覺得無問題，但樓主覺得老公錢就係自己錢，自己賺錢就係養活自己錢，咁如果老公D錢多D=自己D錢多D，所以先話谷到爆...

我奶奶的錢甚至比我老公KEEP，我從來唔會理...亦唔會問，我奶奶知我唔貪錢，對我無防範，連有幾錢都話比我知，奶奶放係我屋企D錢，係我將出世仔仔間房一格櫃桶，無鎖任開...所以明顯樓主老爺比層樓個女，係正確做法...因為明知呀嫂係咁GE人 !

私人傳訊

Luffy007

積分: 6945

371^#

發表於 17-6-7 14:12 |只看該作者

回覆樓主

睇完樓主由頭到尾的回應，根本就不是事實的全部，有利樓主的，就講到大一大，冇利的就甚至唔講。

1. 我相信以前c6和大哥已有協議，大哥每月俾大約二千元的水電煤費，而c6就供父母保險費約二千元，都係公平的協議。
大哥水電煤冇得攞番，咁c6供款（已變了三十萬人壽）為何可以攞番？

2. 以以上原則，將來62身故後，扣除殮葬費後，餘下的保險金當然是平分。唯一略為不公平是為何分四份，而不是分大哥和c6兩份？

3. 大哥一直都要俾水電煤費，去年99身故後，大哥都要繼續俾，老人用電較少，水電煤費不會因為少了一個人而交少好多，大哥依然要交約二千元，但c6去年就可以每個俾少千多元，況且，c6俾完二十年不用俾保險費，但大哥就成世都要俾水電煤，點叫公平呢？

4. 每年供養父母扣減稅項，弟妹收入少不會攞，大哥在外地不會攞，祇有c6會去申報，咁多年都慳（賺）不少，公平咩？

5. 講到每月三千多元的食用費，出面租個割房都不祇這個價錢，己經賺咗。

6. 去年樓主和約三歲兒子來到香港，如果一同住，俾三千元家用直頭賺都笑。
樓主兩公婆日間出外工作，仔仔一定是由你62照顧，又再賺多一點。

7. 就算不同住，仔仔日間由62照顧，夜晚一齊食完飯至接返仔仔走，俾三千元，其實請個工人都唔得，照賺！

8. 如果仔仔不用62照顧，去年又不同住，樓主相信已經沒有再俾三千元做家用，有俾，一開post就講咗，點會人追問至講話有買日用品，之後再追問才講話有俾家用。

9. 至於每月一萬保險費供款，樓主和仔仔去年至來香港，99去年去世，同一時間供緊五個人,最多衹係一年，甚至冇，一開post好作大。

10. 樓主和仔仔去年或以前在大陸住，不會買保險，仔仔（三歲以前）突然有病點會捱到香港至睇醫生，所以以前都係供緊三份保險，約五六千，而家四個約八千。

11. 不要拿歧視大陸人為借口，就算香港人一樣照鬧爆。

私人傳訊

積分: 3643

370^#

發表於 17-6-6 07:39 |只看該作者

mugtaitai 發表於 17-6-6 00:28
我個人意見，食飯緊要過醫療保險，喺香港有政府醫院，冇人會因為冇錢而失救，呢點同中國唔同，放心放心。而 ...

多謝你嘅中肯意見！

私人傳訊

mandy952

琥珀宮

積分: 190604

馬年勳章

369^#

發表於 17-6-6 00:57 |只看該作者

ilmummy 發表於 17-6-5 08:33
容我呻一呻，因為谷到爆！！
c6有3兄弟和1妹，佢同妹一路同6299同住。妹冇做嘢，前幾年已嫁，剩c6仍同住。 ...

見親呢d post ,都覺得生一個就算數，無謂多

私人傳訊

mugtaitai

公爵府

積分: 28241

368^#

發表於 17-6-6 00:28 |只看該作者

ilmummy 發表於 17-6-5 20:32
我同個仔而家都係香港，就係有99嘅經驗，好驚自己病左d醫療費好金，所以先會買重醫療。 ...

我個人意見，食飯緊要過醫療保險，喺香港有政府醫院，冇人會因為冇錢而失救，呢點同中國唔同，放心放心。而且你地而家仲後生，身體相對好，我覺得可以暫時唔好花錢喺醫療保險上，將來經濟環境好 d，年紀也稍大時，再揀一個啱自己嘅醫保都未遲。你不妨同先生商量下，睇下錢方面是否可以安排得好 d，來緊小朋友讀書開始要有使費，一家三口只得一萬鬆 d，真係幾捉襟見肘

私人傳訊

嘉德莉澳

積分: 5140

367^#

發表於 17-6-6 00:17 |只看該作者

Jnam 發表於 17-6-5 22:39
係你先前話"當初係冇人肯供，先焗住自己攬上身！"，而家又話其他人冇供過，即係由始至終得你c6想買，咁又 ...

3 角都變圓形，唔明20 年前，樓主62 供時候50歲做公務員，唔明冇人肯供邊位搵保險傾咁得閒? 現家70歲都仲供緊，邊個傾到咁既地步，而你老公一直幫你62咁供，佢本定義係咩先?如果佢諗住攞千幾幫62供係當孝心，咁即你62資產黎架喎即好似有62 淨錢都要分配，唔係邊個有俾家月就俾邊個，如果你c6，個心意係幫62供保險，等佢百年歸老有得攞，咁應該係攞哂既，

私人傳訊

積分: 3643

366^#

發表於 17-6-6 00:10 |只看該作者

滑蛋河發表於 17-6-5 23:48
樓主雖然話份保險妳老公供，同埋每個月有負擔家用，但佢一路都係屋企住咖嘛，嗰$3000其實可以話係佢係屋企 ...

99身後事係份保險比，唯一受益人係62，邊個仔女都冇份。個過程就大伯負責嘅，洗費就冇公開過。不過都過左去，唔講啦！以後62個份等去佢地幾兄弟拆掂佢，我比乜意見都假，父母係佢地嘅，有權分擔和承受一d嘢。其實呻完舒服好多啦，起碼知道自己睇問題嘅角度唔係咁正確。我慶幸可以靠雙手養活自己，唔會比人睇唔起！

私人傳訊

已刪除用戶

已刪除用户

積分: 1301

365^#

發表於 17-6-6 00:02 |只看該作者

回覆樓主:

提示: 作者被禁止或刪除內容自動屏蔽

私人傳訊

bbhappy68

子爵府

積分: 12595

364^#

發表於 17-6-5 23:59 |只看該作者

滑蛋河發表於 17-6-5 23:48
樓主雖然話份保險妳老公供，同埋每個月有負擔家用，但佢一路都係屋企住咖嘛，嗰$3000其實可以話係佢係屋企 ...

私人傳訊

滑蛋河