吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 應該考慮分居嗎？

夫婦情感今日: 0|主題: 42754

收藏本版

發帖

返回列表

跳至頁

查看: 8142 | 回覆: 41

應該考慮分居嗎？ [複製鏈接]

12 3

雅竹

大宅

積分: 1085

畀面勳章

1^#

發表於 17-6-6 04:42 |只看該作者 |正序瀏覽 |打印

本帖最後由雅竹於 17-6-6 05:19 編輯

我同老公結婚7年，拍拖時覺得佢溫柔，好就得人，份人又無咩所謂。結左婚之後第二年我就開始發覺佢好大使，而且佢既無咩所謂原來係嚴重到「咩都唔理，同咩都唔知」。我同自己講，佢有對直昇機父母，造成佢咁唔係佢既錯，所以我一直好努力同佢分享生活所有細節既野，等佢知道發生咩事，有咩係要知道，要去處理。7年後既今天，佢知道，但唔做，因為佢一直同我講佢似佢亞媽咁無記性。所以，屋企大少事務都係我處理。真正既「做仔靠父母，婚後靠老婆」。
我地有個聯名戶口，本來應該每個月各自入指定金額做家庭開銷。結婚第一年開，到第二年年中戶口存到8千蚊，年尾時連唱利是錢都無，我問佢D錢去左邊，佢話用左黎買玩具。之後我發現，不管戶口有幾多錢，最後月底都歸零。甚至我要再入錢入戶口應付月底既自動轉帳。後來我都無錢再入戶口，因為我應付太多開支，自己已經零使用，有時仲要借埋亞媽家用黎應付自己頭家。其實都真係幾不孝，但有咩辦法？！

0 0 0

私人傳訊

lovestarry001

公爵府

積分: 29352

開心吸收勳章 hashtag影視迷勳章

42^#

發表於 17-6-8 22:53 |只看該作者

回覆樓主

樓主，我明你。我老公就係果種俾老豆老母湊到變癈人嘅男人。其實佢癈都吾緊要，問題係佢吾會咁覺得，仲要覺得自己付出良多又以為世事都俾佢乕看透果下搞笑。

你經歷緊嘅我都經歷緊，我仲有2個仔添。所以，每次覺得佢哩個超齡港童癈嘅時候，我都會諗下佢其它優點黎分散自己絕望嘅心情。

我宜家都係一路等對仔大架咋

.........................................

私人傳訊

s7824

大宅

積分: 3028

41^#

發表於 17-6-8 20:57 |只看該作者

雅竹發表於 17-6-6 04:42
我同老公結婚7年，拍拖時覺得佢溫柔，好就得人，份人又無咩所謂。結左婚之後第二年我就開始發覺佢好大使， ...

不如你要你老公一出糧就畀晒啲錢你，你每日畀零用錢佢啦。反正佢都知佢大洗，一家三口個個月做月光族唔係辦法架。

如果傾唔掂先諗分開啦⋯⋯

私人傳訊

Maxki

男爵府

積分: 5948

40^#

發表於 17-6-8 19:14 |只看該作者

回覆樓主

你好叻女呀。
可以清清楚楚寫低每樣支出同老公一齊想辦法嗎？

私人傳訊

kingchows

複式洋房

積分: 170

39^#

發表於 17-6-7 20:35 |只看該作者

好老實呢d老公靠佢既話遲早餓死老婆同仔女咁大個人做野都仲咁唔成熟

私人傳訊

HLDMaMa

水晶宮

積分: 65325

38^#

發表於 17-6-7 20:17 |只看該作者

回覆樓主：

本帖最後由 HLDMaMa 於 17-6-7 20:18 編輯

保險係保障自己有乜意外，吾會令親人頓失依靠，但楼主老公已經有幾份保險，現今生话已陷拮据，仲叫佢買多一份保險俾樓主。我覺得應該叫佢C6cut 保險或轉一份俾樓主同佢仔就真。
至於囝囝係資優，我又吾覺得一定要讀私校，除非楼主負擔得起又作别論。
反而我覺得楼主應該留番個傭工，因為如果楼主揾媽媽凑囝囝，多少都要俾多少少家用，但番屋企又要做家務、煮飯，真係做死樓主咩，而佢老公就覺得樓主開消减咗，以後就買更多玩具了。
樓主每個月只有三百蚊使，吾帶飯就只能食杯麵，這種生活甘刻苦，可能連工人姐姐生话都比你好。但樓主又要囝囝讀私校，真係辛苦咗自己。我覺得楼主應同老公好好坐低，攤開條數傾。分配多D責任俾佢，D錢吾好放在聯名户口了，否則一次一次俾你老公提取哂，你補貼到幾多？

私人傳訊

mrscheung

子爵府

積分: 13699

好媽媽勳章

37^#

發表於 17-6-7 15:24 |只看該作者

雅竹發表於 17-6-6 04:42
我同老公結婚7年，拍拖時覺得佢溫柔，好就得人，份人又無咩所謂。結左婚之後第二年我就開始發覺佢好大使， ...

現實問題：

離婚后，你分糧可以cover你同小朋友嘅一齊開支嗎？

私人傳訊

jeremylui83

子爵府

積分: 14244

畀面勳章

36^#

發表於 17-6-7 13:43 |只看該作者

分居，再離婚

私人傳訊

tungking

伯爵府

積分: 19132

35^#

發表於 17-6-7 00:35 |只看該作者

回覆樓主:

條数点计都系楼主吃虧，除左冇份供楼外，所有都系楼主出~如要炒工人，分分钟到時更做死楼主，比長老邦手吓咪又系要比，比得少又比人话，比得多又冇$(除非他們真心邦)。楼和保險根本5想同妳有关糸(所以5洗邦手供和名)。5系要分身家，但又真睇5出你是一分子(我真系太負面吧)。甘~~你米同老公講明白D你的感受，睇有冇共識

私人傳訊

siuling0119

公爵府

積分: 25067

34^#

發表於 17-6-7 00:07 |只看該作者

回覆樓主:

你忍到咁耐真係好勁，如果係我，一係分開，一係以後錢銀俾我keep,由我再分配俾佢，接受唔到一個咁無責任感嘅老公…

私人傳訊

Tanyafish

複式洋房

積分: 354

33^#

發表於 17-6-6 23:35 |只看該作者

樓主，明白妳好辛苦。加油。
就聯名戶口而言，妳可以看看可否整自動轉帳，每次你老公放錢入去（選定每個月某日）第二日就轉去妳個人戶口。如果他不定時入，就set每次戶口有交易都電話短訊提示妳，妳可以手動將錢撥入自己戶口同埋monitor住他用錢。

明白妳的怨氣同埋想給小孩最好的，但是真的要看送食飯。幼稚園其實都好多係happy school而有學到野的，資優也不是一定要讀私校的。基金也要想想是否沒那麼手緊才供。妳小朋友人生很長，不要太在意目前是否能完全給他最好的。發力很多時係較後的事。happy mother makes happy family and happy kid. 妳迫到自己那麽緊（老公唔爭氣無辦法）會讓自己崩潰對小朋友更不是好事。
離婚與否妳心中已經有答案，妳係當事人最清楚什麼是最好的下一步。加油，希望在明天。

私人傳訊

alphabetagamma

珊瑚宮

積分: 108855

環保接龍勳章

32^#

發表於 17-6-6 22:31 |只看該作者

回覆樓主:

你老公好有問題

人邁向新的一天跨新步放眼遠方迎來朝暉將人照亮

私人傳訊

irisleung888

別墅

積分: 838

31^#

發表於 17-6-6 21:22 |只看該作者

雅竹發表於 17-6-6 09:45
我老公只係供我地而家住緊個到，每月供4千蚊。但層樓係佢同佢老豆名既。我老公有幾分保險，全部受益人係佢 ...

明白！即系話你每月的付出金錢比你老公付出的多，你覺得唔公平，而且間屋同保險都無寫你名，萬一你老公有咩事，你完全無保障！

首先講間屋。如果結婚前，間屋已經系寫老公同62既名，而你老公又一路都供緊，咁其實無咩好講，亦無咩好怨。雖然無你名，但你都有份住，而且唔使你一齊供，比起其他人，你算系幸福！(仲有，萬一你老公有咩事，你老公占間屋的個部份，最後米系由阿仔繼承? 所以，少d計較, 個人會開心d!)

再講個幾份保險，你覺得你無保障。咁點解唔叫你老公買多份，寫你或阿仔個名呢? 你老公份保險寫99名，系佢孝順。但同佢顧唔顧家系無衝突，佢可以孝順佢父母的同時，亦可以好疼你同阿仔。所以，唔好覺得佢孝順父母，就系偏心佢地。

另外，阿仔讀書系慳唔到，咁唯有炒左個工人啦！阿仔而家讀緊幼稚園，咁睇下4大長老有無時間幚手接送，同照顧半日，等你放工就自己湊返。適當一個月俾返3幾千佢地飲茶。比起你工人姐姐的平均每月開支(我估6k-7k)慳返成半。等多一兩年，阿仔升小學返全日，咁就會輕鬆好多！

最後，你要問下自己仲愛唔愛你老公? 如果都唔愛，而你又覺得而家的生活好辛苦，咁不如分啦！但如果你仲愛佢，試下兩個再坐低傾下，睇下有咩方法可以改善而家的生活……

你地有樓住，有個資優的乖仔，兩夫妻有收入，除左理財出現左問題之外，情感方面都無乜特別大問題，系別人眼中的幸福家庭，如果就咁離婚，都幾可惜！

私人傳訊

tungking

伯爵府

積分: 19132

30^#

發表於 17-6-6 20:58 |只看該作者

回覆樓主：

本帖最後由 tungking 於 17-6-6 21:03 編輯

佢老公又5系5g屋企开支/財政，楼主又5系冇问道/提过/追过，根本系个男人都5想理/冇打算理/冇理楼主感受和辛苦。少少責任少少保障都比5到楼主，就g佢自C和不在乎。仲话商量什么过戶什么責任(你想得太美了)，佢一定黑面发皮气，甘既情况$到手也冇福消受。(轉头佢同家人講，楼主更可能仲难堪

私人傳訊

岚月亮

侯爵府

積分: 20164

29^#

發表於 17-6-6 20:17 |只看該作者

快d停左個聯名戶口,將屋企既固定洗費列曬出黎,大家坐低慢慢傾邊個負責邊d。然後各自每月自己搞掂佢,你今個月洗大左咪行路返工咪搭車囉,問人借又好總之自己搞掂佢。你千奇唔好心軟幫佢。
如果佢唔同意仔考慮分居

私人傳訊

dativebond

大宅

積分: 4224

28^#

發表於 17-6-6 19:45 |只看該作者

雅竹發表於 17-6-6 19:32
坦白講，小朋友係個意外。當時有左真係有諗過要唔要。但覺得點都係一條命，無理由殺左佢。但真係好辛苦。我 ...

本帖最後由 dativebond 於 17-6-6 19:54 編輯

加油！

你老公唔自律就幫佢搞自動轉賬入你戶口(當然你都要入一定銀碼，唔駛一樣，但要表達誠意，可能佢擺既錢三分一或一半，大家都有份付出，無分高低)，唔駛你個個月追佢咁辛苦，最緊要個計劃一開始唔好太呵刻先，搞得掂每月家庭必要開支再加每月儲幾千先，其它你由佢fing，佢慢慢就會慣，慣左就唔會再為錢嘈，好鬼老土。

佢一嘈唔夠錢駛，你咪攞月結單比佢睇囉(你記得每次攞錢係月結單寫明係乜開支，因為耐左有時唔記得)，好客觀，你咪問佢邊樣可以減囉。無既話，惟有自己慳住駛。

如果計極都唔夠或太辛苦，有D開支你要降低，無得事事完美架喎，睇餸食飯啦！

私人傳訊

雅竹

大宅

積分: 1085

畀面勳章

27^#

發表於 17-6-6 19:32 |只看該作者

坦白講，小朋友係個意外。當時有左真係有諗過要唔要。但覺得點都係一條命，無理由殺左佢。但真係好辛苦。我有時真係諗如果無呢個仔，我生活一定好好多。但呢D野無得後悔。生左就要教好佢。最少要教好佢點做個男人。

或者姐妹都講得岩，保險受益唔比老人家比邊個。呢對老人家有兩層樓係手，戶口幾百萬，日日炫富。不過姊妹都講中左，我同佢地既關係唔差，但都唔好。因為我唔比佢插手我個仔既教育，佢教左兩個「極品」出黎，我唔想禍害我個仔。我亦唔鐘意佢地插手我既事，我地當初結婚，我老公連我地幾時做愛都報告比佢亞媽知，後來我仲發現佢鐘意將自己仔女既事周圍講當人情賣。我就更唔想比佢知。直接同我老公下封口令。兩老係唔happy。

我當初都有錯，當時佢老豆反對我地一齊時，就講過話我人工低，應付唔到家庭，我當時以為佢講緊我地兩公婆加埋，而家諗返轉頭，其實佢係警告緊我。我當時太唔理志，一心覺得兩公婆未計。而家真心後悔！我應該聽佢講。

多謝大家既意見同安慰，你地肯咁有心回我，我真心覺感動，覺得有人肯理我，聽我呻。我會搵個機會同老公攤開講，如果佢都係咁，我就算了。點都唔會差過而家。

多謝大家！

私人傳訊

tungking

伯爵府

積分: 19132

26^#

發表於 17-6-6 18:33 |只看該作者

回覆樓主：

本帖最後由 tungking 於 17-6-6 18:41 編輯

资優生读政府又如何(真心问)?叻~担系5谷得?所以一定要去直资/私立?。。系我就分开，目標不同/步伐不同，老公又自C。甘多份保險都冇一份你受益，楼又冇名(冇話要攞哂)，但有乜衫長褲短，老婆和小朋友都有D保障卦。(其實你系米同夫家关系不好，乜都冇你份)