吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 獨自入睡既老婆

夫婦情感今日: 0|主題: 42796

收藏本版

發帖

返回列表

跳至頁

查看: 10124 | 回覆: 47

獨自入睡既老婆 [複製鏈接]

12 3

AAV

男爵府

積分: 5391

1^#

發表於 17-6-16 08:05 |只看該作者 |正序瀏覽 |打印

我同老公結左婚就快4年，差唔多每一晚，都係我自己上床訓覺。真係無咩試過一齊上床訓。連行埋都少之有少。真係無話訓覺前傾下計。。。我其實好唔鍾意咁。我覺得少溝通好寂寞，我自己在感情上已慢慢對佢無咩依賴。只係大家共同生活咁。點解唔一齊訓？因為由我10年前識佢開始，佢已經在職進修，可能未結婚時都好夜訓，但婚後一齊住，佢晚晚都做功課做到三更半夜。開頭我地都因為佢在房做野我訓唔到而鬧過好多次交。到後來，書枱搬左出廳，終於唔洗為阻住我訓而嘈。但有左bb到生，佢都係忙到連幫我搬野去媽到坐月都話要等佢做曬功課先。又嘈左好多次，佢話我唔體諒佢多野做迫佢，我話bb唔會等你做完功課先出世。最終都係bb出左世，佢先唔知執左d咩去我媽到。好喇，書讀完喇，又話接左project在家做，一樣做到3更半夜，都係唔會一齊上床訓。。。叫佢做任何野，都只會話我唔體諒佢多野做唔夠休息，仲要迫佢。但對我來講，我識佢10年，10年都係無人會幫我手做野，家務、執野、粗重、結婚所有野都唔幫手。只會覺得自己好多野做。而在我來講，頭家你都有份唔係只係關我事唔關你事！你一段時間忙我可以幫你頂曬屋企野，但10年喇，都仲係我頂，真係我頂。。你個肺！好厭倦。係，佢係做到3更半夜唔夠休息。但我覺得係佢自己攞嚟。唔識分配時間！定係我真係唔識體諒佢辛苦？係我唔支持佢同佢計較？

0 0 0

私人傳訊

星星的後裔

複式洋房

積分: 495

48^#

發表於 17-6-26 00:57 |只看該作者

回覆樓主

好多人唔識分人生的先後次序，老了孩子長大了，老婆離開了，自己身體差了，甚至臨死才醒覺自己錯。祝他早日醒過來。

私人傳訊

rose-mag

王國長老

積分: 174325

母親節2025勳章 2025勳章蛇年勳章 2024年龍年勳章虎到金來勳章牛年勳章 15週年勳章親子王國15週年勳章 2018復活節勳章畀面勳章有「營」勳章好媽媽勳章醒目開學勳章環保接龍勳章大廚勳章親子達人勳章王國長老 BK Milk勳章 hashtag影視迷勳章最關心BB問題熱投勳章開心吸收勳章

47^#

發表於 17-6-25 07:52 |只看該作者

少少分享：我個例子係我夜瞓老公早瞓，佢份工要早開工，所以佢每晚9點前上床，仔女都跟佢去瞓，我9點至開始做下自己嘢上網，有時煮第二日嘅午餐或整小朋友點心，9點都未煮完，唔可以去瞓住，老公一直冇出聲話我唔啱，但佢會話咁我會冇精神架，咁夜瞓朝早起身都唔夠8小時睡眠，佢星期六日都習慣早起，佢唔會嘈醒我，會自己帶仔女出去洗衫買嘢，八九點打俾我（我多數已起身）約去食早餐。

我自己其實夜晚幾個鐘做D咩呢？睇下email，做下online banking，online shopping，上FB上BK，煲劇睇新聞。。。其實都唔係唔做會死嘅嘢，返學時間會每星期幫下學校做義工翻譯（呢個就真係有時間限制，要同日或一兩日內做起），老公真係好少問我做D咩，佢認知除咗我幫學校做義工之外，我有時會打下遊戲睇下電影煲劇，都係消遣嘢，仔女又會話媽咪唔好做咁多嘢啦，陪佢地去瞓覺，佢地已經過咗要陪瞓嘅日子，但佢地會想我早D休息，因為覺得我辛苦。。。於是耐不耐會早D去瞓，佢地幾個都好開心。

好啦，我有冇時間同老公談心？係有嘅，有時我上床瞓會嘈醒咗我老公，咁佢會同我講幾句，有時佢唔醒，但我拖住佢隻手一陣，佢會有反應拖番，咁一陣大家就瞓著。另外，我老公返工有時間會打電話俾我傾幾句，食飯時會有計傾下。其實兩夫妻溝通係要，但唔一定要佢集中晒所有時間喺你身上至係對你好，如果老公進修做PT都係為頭家，佢已經好辛苦，如果身邊人仲要投訴，明顯地唔欣賞自己咁辛苦嘅動機，你怨幾多次佢都唔會改變，只會覺得個老婆唔理解唔體諒自己。

少少建議：試下坐低傾下，但語氣態度唔係指責佢怨佢，一句起兩句止表示你嘅關心：佢身體會捱壞；佢要有時間同BB互動親子；每日俾少少時間同你一齊，唔好貪心，佢真係忙的話，由每日10分鐘開始，叫佢離開工作枱，同你坐喺梳化，冇嘢講冇回應唔緊要，佢唔講嘢你可以講佢聽（不過一定唔好抱怨，俾D正面嘢，講下BB今日點點點。。。），一齊睇下電視又得，一定唔準玩手機，你要求feel到being loved，佢冇理由10分鐘都唔肯花啩。

你自己唔好過份將自己上床瞓呢樣嘢放大，幾多夫妻輪更一日見唔到幾多時間，大前提係大家個心喺邊，要兩個人腳步一致，一段關係要相互維繫，就好似二人三足咁，要一齊同步至會向前行，希望對樓主有幫助。

花旗太太生活在花旗國，留意時差，你問我未必即時答到。

私人傳訊

cativecheung

大宅

積分: 2513

46^#

發表於 17-6-25 03:25 |只看該作者

我都好難過，另一半永遠都好忙，同佢講，佢肯哄我既，話之後無咁忙，之後搞掂邊個project 就得，搞掂一個project又接一個。我終於明白係永無止境的等待。我明佢都好努力好辛苦，但我都好辛苦。。等下等下已經五年，我覺得我等不下去了

。。。

私人傳訊

Bob_Lennon

男爵府

積分: 5203

熱血金章

45^#

發表於 17-6-19 11:47 |只看該作者

dativebond 發表於 17-6-18 05:03
樓主，其實問題唔係客觀上佢時間放左係邊，因為事實上如果佢係咁上進既人，你要佢改變，等於阻佢發達。因為 ...

很好的見解、分析和建議。樓主可以好好參考一下啊！
其實當男人專注於一樣事情時係會忽略好多事情，但到當他們醒覺時才發現想再番轉頭都已經太遲。

我以前都會專注於工作而忽略了另一半、家人、朋友......以及很多美好的事情。慶幸嘅係我好好彩，上天給我一個改過的機會，那一刻我再次重新訂下自己嘅人生目標，到而家我終於找到生命的真意義，總算不太遲呢！

私人傳訊

AAV

男爵府

積分: 5391

44^#

發表於 17-6-18 13:30 |只看該作者

bedwinfi 發表於 17-6-18 06:16
佢咁努力進修賺錢,你唔請番個女佣/鐘點幫做家務,一來唔俾面佢,二來好屈就自己,仲怨.真係好傻 ...

請人幫手真係好想。但，經濟唔充裕，唔捨得請。

私人傳訊

AAV

男爵府

積分: 5391

43^#

發表於 17-6-18 13:29 |只看該作者

dativebond 發表於 17-6-18 05:03
樓主，其實問題唔係客觀上佢時間放左係邊，因為事實上如果佢係咁上進既人，你要佢改變，等於阻佢發達。因為 ...

我覺得你睇中左我地之間的「問題」。我會好好參考下。

私人傳訊

dativebond

大宅

積分: 4224

42^#

發表於 17-6-18 06:21 |只看該作者

bedwinfi 發表於 17-6-18 06:16
佢咁努力進修賺錢,你唔請番個女佣/鐘點幫做家務,一來唔俾面佢,二來好屈就自己,仲怨.真係好傻 ...

其實都係，如果有能力，請個姐姐，少好多日常家務既煩惱，兩公婆少好多無聊既磨擦。。。個姐姐點衰法都總會幫輕好多。。。

私人傳訊

bedwinfi

大宅

積分: 4130

41^#

發表於 17-6-18 06:16 |只看該作者

佢咁努力進修賺錢,你唔請番個女佣/鐘點幫做家務,一來唔俾面佢,二來好屈就自己,仲怨.真係好傻

私人傳訊

dativebond

大宅

積分: 4224

40^#

發表於 17-6-18 05:03 |只看該作者

回覆樓主：

本帖最後由 dativebond 於 17-6-18 05:22 編輯

樓主，其實問題唔係客觀上佢時間放左係邊，因為事實上如果佢係咁上進既人，你要佢改變，等於阻佢發達。因為佢而家做既野係佢熱愛架嘛，夫妻唔係應該支持對方熱愛既野咩？

問題核心未必係時間上的分配，因為熱愛既野係好佔用時間，況且佢又唔係打機，佢做緊正經野喎，你又點可能做得出反對呢？(題外話，夫妻關係好忌成日將自己的地位和佢熱愛既野對立，最愛你，唔通就要放棄其它野咩？聰明人唔會咁諗，搵自己笨。況且，佢而家熱愛工作，係男人角度，某程度等於愛你，為頭家付出。你和工作不是對立，反而係共生關係。)

問題核心反而係你倆有無互相感激對方的付出。家務和讀書工作擺明要做，但點樣做得開心？就係互相感激和支持，要用把口講出黎比對方知，唔係估估下，或覺得老奉。

你試諗下，如果佢日日都表達比你知佢好感激你為頭家的付出，你做家務做得辛苦，但心都甜啦。同樣，如果你日日都表達比佢知你好感激佢為頭家努力進修和工作，佢都肯定覺得幾辛苦都值。呢個係幾理想既夫妻關係！

所以，要解決問題唔係要求佢點分配時間先，佢唔會理解，仲可能覺得你唔體諒佢，瞓都唔夠時間瞓，仲要搞我既時間？

你首先要做既係日日都表達比佢知，用把口大大聲話佢知，你好感激佢為頭家努力。開得呢個頭好，要佢每晚抽十五分鐘陪你上床傾下計先再做野，就變得好簡單。兩公婆傾計時間長短唔係重點，係咪一齊瞓都唔係重點，係兩人對對方的態度，有無互相感激，相處時間的質素，先係重中之重。

其實，問題唔難解決，只不過都係普遍夫妻通病，感激對方又唔講，兩個估估下，又覺得對方不理解自己，好事都變壞事。

點評

Bob_Lennon

發表於 17-6-19 11:41

私人傳訊

Maya5488

大宅

積分: 2472

39^#

發表於 17-6-18 00:06 |只看該作者

回覆樓主

好辛苦喎佢都，忙到咁佢搵得多唔多先？
係既我會睇開d囉

私人傳訊

s7824

大宅

積分: 3028

38^#

發表於 17-6-17 18:06 |只看該作者

AAV 發表於 17-6-17 17:53
讀完喇，但又接左project 返屋企做。即係自己正職加part time

不如叫佢畀個時間表你，幾時先可以過返正常夫妻生活啦

私人傳訊

AAV

男爵府

積分: 5391

37^#

發表於 17-6-17 17:53 |只看該作者

s7824 發表於 17-6-17 16:50
佢仲要讀幾耐？

讀完喇，但又接左project 返屋企做。即係自己正職加part time

私人傳訊

s7824

大宅

積分: 3028

36^#

發表於 17-6-17 16:50 |只看該作者

AAV 發表於 17-6-16 08:05
我同老公結左婚就快4年，差唔多每一晚，都係我自己上床訓覺。真係無咩試過一齊上床訓。連行埋都少之有少。 ...

佢仲要讀幾耐？

私人傳訊

AAV

男爵府

積分: 5391

35^#

發表於 17-6-17 16:17 |只看該作者

tammy2008 發表於 17-6-17 00:00
得架啦, 繼續都係單方面佢享受架咋...

得到你認同佢咪仲加倍開心咁繼續做繼續唔理你囉, 我身邊嗰個咪就係 ...

我自己爸爸都係一個只顧工作「不顧家」的爸爸、老公。我諗我懂性前，都同爸爸無咩機會建立過感情，淨係會睇我地功課，好驚佢。到大個，知道爸爸返工好辛苦去養家，慢慢覺得爸爸好偉大，我而家好尊重佢。我媽無在我地面前提過佢唔開心，反而心底好感激。對爸爸來說，佢對家庭「愛」我付出就係工作，唔會用把口話你聽我好錫你好愛你。所以，我覺得我媽做到，但我會唔開心，我係咪小器唔成熟？係咪計較？我唔知。