吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 有事請教.....

單親天地今日: 0|主題: 18365

收藏本版

發帖

返回列表

跳至頁

查看: 8151 | 回覆: 39

有事請教..... [複製鏈接]

ngsl

洋房

積分: 44

1^#

發表於 17-6-20 18:07 |只看該作者 |正序瀏覽 |打印

第一次係呢度開帖，因為實在有事想向各位請教，我可能有啲長氣，但希望你會睇完比啲意見我......

我今年三十歲，已經冇拍拖四年，因為之前一個女朋友傷得我比較深，所以就唔敢拍拖
到我想再搵既時候先發覺身邊已經冇好女仔，有既都已經有男朋友或者拍緊拖

逼於無奈，唯有上網試一試運氣
玩交友App都玩咗四五個月，約個四個女仔見面，但冇一個可以發展落去...
唔係對方性格興趣唔岩我，就係對方冇打算認真拍拖

老實講，男仔係App度追女仔真係要花盡花思，一啲都唔易
又要關心對方，又要不停諗話題，又要記住對方講過咩，又要適當時幽默.....
仲要傾好耐對方對你冇咁大戒心喇，先可能有機會可以見面....

見面又好可能唔啱....除非你係Player 咩人都受啦...

見過四個女仔(其實都唔算多掛....)真係有啲灰心，懷疑自己可能點都唔會搵到.....
就係呢個時候我遇到佢.....

同佢whatsapp 一啲都唔辛苦，
佢好主動會搵話題，唔會靠晒你問問題，更唔會問一句答一句(我最憎咁....)

而且會分享每日生活既點滴，又會主動關心我

未見面就已經好似拍拖多年既情侶咁.....(我真係有呢種感覺)
好快我地就約見面，
第一次約會我約佢係地鐵站等，只係食晚餐短聚(因為如果大大家唔啱都係浪費一餐飯時間啫....)
我習慣約會早半個鐘到，搵吓有咩食，有咩地方好行咁(如果食完飯大家仲想行一陣既話.....)
到差唔多我就去返地鐵站等佢，等咗陣，好快就見到佢...

佢第一眼比我既感覺係同網上張相差唔多，普普通通咁，冇咩特別
直到佢見到我，笑咗一吓，果吓我認，我中咗招......個心跳漏咗幾吓.....
佢笑得真係好甜......好可愛.....

如是者我地就食飯，傾計....雖然第一次見面，但好似有傾唔完既話題咁.....
食完飯仲行咗陣，最後先依依不捨咁分開

第一次約會係成功既，我知我都比到好印象佢

冇耐我地就一齊咗，係我做主動拖佢手，問佢可唔可以做我女朋友
佢有啲怕羞但最後都應承咗

我地一齊咗差不多一星期，好開心
直至尋晚，佢突然話有野要同我坦白....

我會係度開post 大家都應該估到，冇錯......佢結咗婚的
嚴格黎講，應該係離緊婚(冇小朋友)，佢話年尾就會成功離婚......
佢好難過，覺得好似呃咗我，咁我唯有安慰佢，表示我唔界意......

過咗一晚我冷靜下來，要諗吓點面對呢段啱啱開始既關係....
但我諗唔通，所以想請教大家.....

1. 屋企得我一個仔，父母(特別係母親)好着緊我拍拖結婚，如果佢地知我有個離緊婚既女朋友，一定會強烈反對....我應唔應該話比家人知？

2. 佢話係上年年尾前提出離婚，離婚通常要搞幾耐？要去到今年年尾咁耐？

3. 我好想結婚.....想有自己小朋友，想組織家庭，所以想問如果離咗婚後有冇話幾耐唔結得婚？

4. 我而家算唔算做咗第三者？難聽啲講，搞人老婆.....? 因為佢仲未正式離到婚..... 我應否分手等佢離咗婚先再同佢開始？

多謝各位.......

0 0 0

私人傳訊

dearmybaby

洋房

積分: 64

40^#

發表於 17-7-27 05:42 |只看該作者

回覆樓主:

你咁大個仔都唔洗比父母知佢結過婚，父母思想手舊，嫁入去婆媳關係就唔好，有機會下下針對新抱，你做仔既，未好仔兩頭瞞囉！
人誰無錯，只係她錯在前夫唔好，
好在她無細路！

希望你娶得成她，祝福您們

私人傳訊

Shirley_

大宅

積分: 1810

39^#

發表於 17-7-24 14:59 |只看該作者

yydaddy 發表於 17-6-22 12:49
回覆 ngsl 的帖子

師兄，雖然我唔係好明白點解你會係單親天地問，不過你問到，咁我就比少少意見你，希望你 ...

私人傳訊

Chowsf

大宅

積分: 3108

38^#

發表於 17-7-7 03:01 |只看該作者

回覆樓主

路過。咁啱見到呢個post,好似我朋友，當年我朋友又係認為自己搵唔到女友，又差不多30，係時候結婚生仔，經人介紹下識咗個女仔，好快就拍咗拖，個女仔千依百順，直到無耐個女仔喊住咁同佢講其實呃緊佢，佢離緊婚。
朋友又係好似你咁婚都未結過，好怕父母知道個女仔原來係結過婚，但礙於認為自己無得選擇，又已經開始咗，又已經鍾意咗對方就繼續一齊，當時我地有力勸佢，因為覺得個女仔好唔妥，但當然當局者迷，聽唔入耳啦。
時間耐咗仲出現第三者來同佢爭個女仔，為咗好勝心同驚無咗呢個女仔就無人要，用盡力去爭返來，最後女仔提出結婚，佢仲走去外國註冊（因為文件上係唔會寫離婚兩個字，咁佢爸媽就唔會知女方離過婚。）同辦咗個兩地婚宴添，順理成章梗係生仔啦，但生完個仔之後，女仔性格開始變，脾氣越來越差，小小事都嘈得好厲害，我朋友都死忍，直至發現「老婆」有第三者，甚至四、五、六⋯⋯而且連面子都唔再俾佢，開始將佢同出面啲男人比較，為咗個仔佢繼續死忍多年，最終佢崩潰，離婚。最大問題係想自殺，要啲朋友去救，現在總算重過新生，學識唔好為做而做。

唔係話你一定似晒全部，只係剛開始已經好相似。以上故事係想叫你自己問下你自己。
1）究竟你係因為適婚年齡而愛佢吖，定係真愛。
2）㸃解女仔未離好婚就急著搵第二個呢？
3）主動出擊同你談天説地，噓寒問暖，你唔覺得個女仔似乎太主動咗啲咩？
4）點解一開始唔講，要一齊咗先「坦白」呢？究竟佢又係為趕時間而識你，定係真係鍾意你呢？
5）離婚原因，你只係知道由女仔口中單方面講嘅版本，一開始已經唔坦白，你是否要再了解一下？

上網問人點，不如自己冷靜思考，自己想點，唔係旁人一兩句話可以改變到你嘅諗法。婚姻本來就係一生一世嘅，好多原因導致雙方走不下去，所以結婚前應該諗清諗楚，如果唔係就會好傷。祝福你有個美好的將來！

私人傳訊

MA33IE

大宅

積分: 4309

37^#

發表於 17-6-29 22:41 |只看該作者

回覆樓主:

其實你地開始左幾耐，熱戀期沉落去好正常，但你30歲大個仔，要理智啲，深思熟慮呀。佢未離成婚就已經app識朋友，咁快又拍拖，而家觀察下先啦，你咁想結婚，對方係咪當你係結婚對象先，見過鬼仲唔怕黑咩

私人傳訊

salina2303

男爵府

積分: 7286

36^#

發表於 17-6-29 20:05 |只看該作者

littlelamma 發表於 17-6-21 18:15
婚都未離,個女仔快快就用app識男仔, 是不是快左D? 多少都反映她的婚姻觀

慢慢來吧! 觀察清楚先。 ...

我都有依個問題？？？？？

私人傳訊

Liangbobo

大宅

積分: 1507

35^#

發表於 17-6-29 13:35 |只看該作者

唔知点講好，其實你感情問題唔应該這裡发問，而且我覺得你一有事就震，又家人前家人後，比較似細路，其實再婚那又如何？家人一迫你就缩？你現在只需做兩件事，1盡快清楚女友背景，但請不要用迫問手段，2為將来打算請成孰点，唔好一有事就震，你以為離咗婚就=句号？每个離婚故事都有手尾跟的，可能是她，或可能是他，你有冇呢个心理準備？到時一有事又震过？

家人可以唔提住，等搞清楚都未遲

私人傳訊

babyjjj

大宅

積分: 1769

34^#

發表於 17-6-29 07:53 |只看該作者

回覆樓主:

唔好意思，想講一句，你要學識控制你嘅母親大人。唔係佢想點就點，考慮結婚前第一步，係考慮下如果你媽唔中意呢個女仔同你一齊，總之就覺得佢唔好，咁你點算？佢地一定會好多意見喎，咁關懷你。
唔知點解感覺上你好唔獨立，同你嘅年齡好唔配合，我老公都係30歲，我唔覺佢左一句呀媽右一句呀媽。

私人傳訊

alpaca

大宅

積分: 1831

33^#

發表於 17-6-23 23:28 |只看該作者

ngsl 發表於 17-6-23 12:19
我問咗佢係咪雙方同意離婚，佢答得有啲含糊

但我得到嘅意思係相方仲有啲野討論緊

幾時可以成功離到婚唔係自己話到事，要等法庭判。你呢個case 其實未真正了解對方，只係熱戀期覺得所有野都係美好，始終喺app識人太易，有冇其他野呃緊你都未清楚，咁快瞓晒身落去唔係一件好事。

私人傳訊

ngsl

洋房

積分: 44

32^#

發表於 17-6-23 12:24 |只看該作者

jessie_mei 發表於 17-6-22 16:42
前幾個月再婚, 結婚證書有寫"離婚"呢2個字喺上面喎, 如果雙方家長簽名, 一定會知~

...

所以我都唔打算暪住

只打算合適時間先講....

私人傳訊

ngsl

洋房

積分: 44

31^#

發表於 17-6-23 12:23 |只看該作者

cedarcone 發表於 17-6-22 16:06
應該等待(對方兩人) 徹底攪清楚 ! 之後你才開始 ! 不應過急!
避免食蘇州屎, 惹禍上身,不應輕易單靠一方的 ...

我會好好三思，多謝忠告

我呢幾日都諗會唔會真係分手先，等佢離婚先正式開始

但我唔忍心佢難過，分手大家都會痛苦

我真係唔忍心
我只想光明正大地愛佢，而家似偷情....

私人傳訊

ngsl

洋房

積分: 44

30^#

發表於 17-6-23 12:19 |只看該作者

cedarcone 發表於 17-6-22 15:36
單方離婚同雙方同意有咩分別?

我問咗佢係咪雙方同意離婚，佢答得有啲含糊

但我得到嘅意思係相方仲有啲野討論緊
但佢唔要善養費，又冇小朋友，應該可以成功年尾離婚，佢有信心

我覺得個男人應該係有啲唔願意.....

私人傳訊

ngsl

洋房

積分: 44

29^#

發表於 17-6-23 12:16 |只看該作者

chowqv 發表於 17-6-22 14:37
3年都要"死啦"…咁點行一世…

因為我唔想佢拖拉於現時嘅感情....

想早日光明正大同佢一齊

所以3年我覺得比較長.....

但唔係唔等得嘅.....

私人傳訊

jessie_mei

大宅

積分: 4511

28^#

發表於 17-6-22 16:42 |只看該作者

chowqv 發表於 17-6-21 11:09
佢今日上午出到果絕對離婚令，你地下午可以排期註冊。無過冷河呢回事。
至於你女友，有無結過婚，你唔講， ...

前幾個月再婚, 結婚證書有寫"離婚"呢2個字喺上面喎, 如果雙方家長簽名, 一定會知~

私人傳訊

cedarcone

男爵府

積分: 7281

27^#

發表於 17-6-22 16:06 |只看該作者

ngsl ＿發表於 17-6-21 01:45
其實我都怕交友app識唔到認真嘅人，但我好彩識到佢

我好介意做人第三者，更怕佢而家老公會糾纏佢唔放，但 ...

應該等待(對方兩人) 徹底攪清楚 ! 之後你才開始 ! 不應過急!
避免食蘇州屎, 惹禍上身,不應輕易單靠一方的一面之詞 !

忠告 ! 無論如何捨不得的緣份,都應該自我理性判斷分析 ! 三思而行 !

私人傳訊

cedarcone

男爵府

積分: 7281

26^#

發表於 17-6-22 15:36 |只看該作者

ngsl 發表於 17-6-21 01:28
謝謝你認真回覆

我其實係好亂先上網求教＿

單方離婚同雙方同意有咩分別?<----已有人答左你。

除了以上分別之外 !

其次重點 :
雙方同意離婚(表示男女方有意斷絕關係)
對於你較為穩妥及安全,因為她老公都同意,沒有拖泥帶水,亦沒有做第三者嫌疑。

如果是單方(女仔)申請離婚(表示男方未必同意或會拖延)有機會拖泥帶水,糾纏不清。
甚至,如果男方火爆既話,不排除全數歸咎於你,無辜變成第三者,你就有風險存在。

點解我叫你問...是單方或雙方同意離婚? 就是重點原因 !

私人傳訊

chowqv

水晶宮

積分: 67550

wyeth冷知識勳章畀面勳章大廚勳章

25^#

發表於 17-6-22 14:37 |只看該作者

ngsl 發表於 17-6-22 14:27
3年??!!
死啦...我真係要追問吓佢對方離婚一事上合唔合作.....
因為佢講過對方有啲想挽回.....

3年都要"死啦"…咁點行一世…

不知所謂的乙陸！！！

私人傳訊

ngsl

洋房

積分: 44

24^#

發表於 17-6-22 14:37 |只看該作者

yydaddy 發表於 17-6-22 12:49
回覆 ngsl 的帖子

師兄，雖然我唔係好明白點解你會係單親天地問，不過你問到，咁我就比少少意見你，希望你 ...

多謝你回覆得咁仔細
我係單親天地問係想了解離過婚既人既睇法，因為我試過結婚，都冇離婚經驗.....有啲野我認為問吓大家會了解佢更加多....

我仲同父母一齊住，因為我唔想佢地兩老自己生活，仔女都走晒...
我有能力獨立，財政上都應付到，都有儲錢，如果想結婚都財政上都冇問題....
買樓就難少少啦.....但租屋住都冇問題...

睇完各位意見，我而家已經冷靜咗少少，冇咁快打算諗結婚，等了解佢再多啲我先考慮
30 歲唔係我結婚大限，我想35歲前結婚，但只係想，冇一定

認同你話時間會比到答案我，我可能同佢要再花更時間相處先得....

至於你話個女仔有冇問題.....老實講我有嬲過佢呃我，但好快就原諒咗佢.....
我都覺得佢太快搵App識男仔.....都有擔心佢當我水泡.....
但只有時間可以證明.....我唯有花更多時間去了解佢.....