夫婦情感 今日: 2 | 主題: 42799

積分: 495

1^#

發表於 17-6-26 00:41 |只看該作者 |正序瀏覽 |打印

本帖最後由星星的後裔於 17-6-26 00:51 編輯

現在老婆只要喺屋企，唔係照顧訓個小朋友就會揸住個電話或平板。真係朝早約7點起身就睇到返工，放工又睇至訓覺。

本來有d 個人興趣算啦，但愈來愈過份，晚晚睇到3,4點，第二朝遲到。星期六日就一係遲遲都唔起身，我自己同女落街食早餐。佢懶話訓唔著至睇，問醫生攞安眠藥食，但食完佢繼續睇繼續笑所以根本d 藥對佢起唔到作用。唔係藥無效而係佢唔平靜個人根本就起唔到作用，佢唔係打麻醉針。其實我一收佢機，佢就15分鐘內打鼻寒，所以佢根本就唔肯訓。
仲有佢近依個月病，即使訓左上床都係睇劇，根本無休息過。而且我覺得佢病是因為佢長期訓喺床睇劇，運動唔做，街唔落，飯都是屋企有咩食咩。搞到個女好似單親家庭噤，可以我帶佢就扮唔舒服喺屋企，我真係唔得閒佢就先出去。平時都仲會同佢畫畫，現在病就食住粥睇住劇，連個女都唔理。講真雖則佢咳得好利害，但兩日週未佢日間無訓覺休息，即使佢不用照顧個女佢都是睇劇。我地有工人所以佢唔洗做家務。

有傾過點解佢噤，總括佢話因為佢見到我成日拎住手機，咁佢又拎。係，我會喺屋企都拎手機玩，但佢地一叫我我就會放底，而且好多時候是個女唔要我。而且我現在已好多時間陪個女，但佢呢咪就係可以揸住部機咪揸機囉。

我試比自由佢，佢就無限時間睇劇，最大問題影響親子，影響健康。我管佢，佢又發皮氣。我真係唔知可以點！

0 0 0

私人傳訊

aidan08

侯爵府

積分: 21125

203^#

發表於 17-11-1 15:05 |只看該作者

本帖最後由 aidan08 於 17-11-1 18:00 編輯

Deleted

私人傳訊

aidan08

侯爵府

積分: 21125

202^#

發表於 17-11-1 14:54 |只看該作者

本帖最後由 aidan08 於 17-11-1 14:58 編輯

樓主，睇完咁多頁，我都有D感想，其實唔多唔少睇到你為人性格。

如果你在bk長期都有留意吓D留言，你可以見到我唔係嗰種咩都幫住女人出聲的女人，我個人係比較客觀，同埋理智型。

老實講，樓上幾個jm我覺得都觀察得啱，你個人其實應該係有D難頂，control freak，完美主義。(注意︰我係講有D，因為始終唔熟你，保守少少的comment，純粹從你的post所有留言看出。) 又老實講你知，我老公都有類似性格，不過佢有其他優點，我覺得值得我忍受佢嗰D難頂嘢。仲有，你都有好多男人的通病，就係總係睇到人哋嘅缺點，唔多睇到自己嗰D。(我嘅觀察係，普遍上男人自省能力係低過女人，只差在有D男人被提醒後會改善，有好多唔承認同依然故我。)

又講返點解我咁講。毛巾事件，我睇到幾樣嘢。第一，你講到成個家你好似係唯一去run的人，你老婆被你描述到似一個廢人，咩都唔做唔理，咁點解你連毛巾喺邊都會唔知？你去問你老婆即是佢一定係會知嗰個啦！咁你老婆不見得係你所描述的咁廢喎！(我老公真係屋企大小事務都知，佢真係大內總管，一定唔會問我呢D問題！)

第二，你老婆當時同緊個女落街。又睇到佢唔係你所描述得咁廢同唔願落床做任何嘢喎！最少佢帶個女落街，做咩都好，佢係有帶個女落街。你認為無意義嘅嘢，唔係所有人眼中都無意義的。正如你覺得你老婆同個女讀嗰D咁淺嘅書係無意義，但你老婆好可能覺得係有意義，只係你唔認同。如果你覺得呢件事無意義，你嘅做法應該係由你去做你認為有意義嘅嘢，例如你同個女伴讀你覺得程度啱嘅書。而唔係逼你老婆去讀你認為有意義嘅書。因為你老婆明明覺得自己同個女讀緊嘅書好有意義。 (呢樣嘢其實反映到你嘅Cf性格，成日想逼人去做你心中覺得啱嘅事)

第三，你老婆嘅反應係傻笑。唔明點解你覺得咁大問題？每個人面對事物嘅反應都不盡相同。佢個反應，講真客觀上我諗大部分人唔覺得好大問題。起碼唔覺得係無禮貌或唔正常的反應。反而你嘅反應，反映到你個人太執著的性格。我本身都係一個成日唔該、sorry、唔好意思掛嘴邊的人，可能同我屋企教育有關。我老公就唔係一個咁嘅人。我以前都有時會太執著其他人點解唔客氣D。但後來我老公提我，其實我係過於執著，有時反而令到自己唔開心。仲有，同我老公相處耐咗，我會知佢唔似我咁會成日呢D用字掛嘴邊，佢有佢表達歉意感謝的方法，只要我感受到佢係有呢D意思，我唔覺得我需要要求佢同我一樣咁表達法。我老公同我一齊十五年了，講sorry真係唔知有無兩次？我懷疑一次都無。我慢慢知道佢個人係做出嚟多過講，所以我都無謂咁介懷。
而你老婆笑吓嘅反應，總好過鬧返你轉頭話你毛巾都唔知擺邊啦！

半杯水，有人睇到係半滿，有人睇到係半空，好多事情其實取決於你睇嘢嘅角度。我無見過執著嘅人會開心的。仲有，對生活事情不滿，永遠都係要求自己好過要求人地去改。要改變現狀，幾時都係由自己開始係最好。我知你可能會話你自己已經做得好好，咩都係你做咁滯。呢個就係你盲點，因為你可以改變的係你嘅睇法，你嘅執著。人幾時都有嘢可以改善，無人會係完美的。而且人係相互影響的，你嘅改變係會影響到身邊人。

你老婆只想二人行，而且仲要唔係同你，我諗你可能係時候諗諗你係咪比太大壓力佢。你呢種性格嘅人，其實比咗人壓力而不自知的。我老公有時做嘢大壓力，佢D cf性格會變本加厲，我講咩都唔啱聽，我都好想逃避佢，唔想接近佢。試問有邊個人鍾意身邊成日有個人只會complain，唔會欣賞或者輕鬆D面對每件事？係好難頂嫁！

私人傳訊

aquasee

別墅

積分: 632

201^#

發表於 17-11-1 08:26 |只看該作者

星星的後裔發表於 17-10-28 19:10
除非你一開始就lvl1-9,甚至其他一早買好曬喺屋企，佢又自己肯睇，莎士比亞都由佢啦。但若你見佢睇完一批又 ...

係，我係成套(level 1 - 3 then level 4-9 + tree top)咁買的

私人傳訊

tammy2008

水晶宮

積分: 50566

200^#

發表於 17-10-31 18:36 |只看該作者

星星的後裔發表於 17-10-30 08:41
除抑鬱外，在朋友提示下我留意緊太太有否阿氏保加。雖然佢無超凡記憶力，但她客觀上是社交有問題，間中有 ...

嗰個係你老婆，大緊肚，肚入面有你骨肉！咩叫近日關係唔係咁好呀？

同老婆既關係你可以攞來同公司同事，學校同學關係去對比？這能比嗎？

又話自己獨立慣，沖涼前唔 check 好晒自己要使用既物品先沖既？

如果關係差你老婆就爆你啦，而唔係送上傻笑一串啦。。。

我都開始明白點解你老婆唔願三人行啦，我估佢其實係唔想同你一齊行。。。

私人傳訊

mini1204

翡翠宮

積分: 79228

199^#

發表於 17-10-31 10:32 |只看該作者

樓主, 點解你會連毛巾擺係邊都唔知?
毛巾, 唔係一直儲存係固定位置既咩?

如果我老公問我毛巾擺係邊, 我會以為佢發緊燒...

私人傳訊

積分: 139783

198^#

發表於 17-10-31 10:23 |只看該作者

~小樹兒~ 發表於 17-10-31 10:00
响老爺眼中，冇放好毛巾就是錯，就是犯了家規，就是明明難得媽媽終於同個女有親子時間都要打電話去問罪， ...

切合樓主的風格, 無擺毛巾就要 sorry, 唔係一味笑, 但我覺得尼件事, 佢太太無乜錯唔錯, 毛巾又識攞去洗, 只係無 ' 好似平時咁 ' 放番條新, 就已經係

一. 做錯野
二. 無道歉
三. 無厘頭笑

樓主覺得同老婆難溝通, 佢自己个格都一樣難相處, 無 NANA 都有野列左入錯. 尼 D 組合我諗過多二三十年就無你咁好氣收皮, 咁就細水長流了.

私人傳訊

~小樹兒~

積分: 6156

197^#

發表於 17-10-31 10:02 |只看該作者

星星的後裔發表於 17-10-31 07:45
係喎

你睇錯嘢喎，你咁有禮貌做乜連句唔好意思都唔識講?

私人傳訊

~小樹兒~

積分: 6156

196^#

發表於 17-10-31 10:00 |只看該作者

本帖最後由 ~小樹兒~ 於 17-10-31 10:19 編輯

Nancy20090615 發表於 17-10-30 11:52
同埋沖涼前唔會自己望下有無毛巾响度, 一無毛巾就係太太問題, 重要 sorry, 樓主都係一个老爺.

...

响老爺眼中，冇放好毛巾就是錯，就是犯了家規，就是明明難得媽媽終於同個女有親子時間都要打電話去問罪，對方要道歉才是唯一正解

所謂「禮」，要合乎情況合情合理，事有大小，恩情亦有輕重。一個孕婦正在為家庭付出身體心靈上嘅犧牲，對方又有沒有感恩，對於事情大小，感恩與責怪之間又是否合乎比例? 何謂「禮」? 在枕邊人背後，公開其私生活，數她不是，又是「禮」嗎?

私人傳訊

積分: 495

195^#

發表於 17-10-31 07:45 |只看該作者

Nancy20090615 發表於 17-10-31 02:41
我無話你是大爺, 我話你是老爺. 我諗你有眼疾多 d .

係喎

私人傳訊

積分: 139783

194^#

發表於 17-10-31 02:41 |只看該作者

星星的後裔發表於 17-10-30 23:23
正如我一開始講，我無投訴既意圖。如你講是大瞢做錯，又會否講sorry 好d. 同樣情況若發生在我身上，我就會講sorry. 你話我是大爺，其實我睇法是相敬如賓，禮多人不怪，所以對老婆個女都經常講唔該，多謝，sorry 等。

再講，我當然不是因為一件事就話佢是，阿氏保加症，我是會繼續找資料，繼續留意/比較。若各種病症都好似傷風咁明顯就唔洗要醫生啦，有d 病既症狀是好簡單，但已是一個警號. 記得最近fb 話你若合埋眼左手捉不到自己右手手指，你就可能有腦退化定其他腦病。我又唔係要搵錯口離婚，佢係咪係、唔係就唔係。 ...

我無話你是大爺, 我話你是老爺. 我諗你有眼疾多 d .

私人傳訊

積分: 495

193^#

發表於 17-10-30 23:23 |只看該作者

Nancy20090615 發表於 17-10-30 10:15
我覺得你都有 d 問題, 兩公婆有乜需要成日 sorry, 又唔係主僕, 勁笑一輪佢笑自己懵唔記得放番毛巾, 或諗到 ...

正如我一開始講，我無投訴既意圖。如你講是大瞢做錯，又會否講sorry 好d. 同樣情況若發生在我身上，我就會講sorry. 你話我是大爺，其實我睇法是相敬如賓，禮多人不怪，所以對老婆個女都經常講唔該，多謝，sorry 等。

再講，我當然不是因為一件事就話佢是，阿氏保加症，我是會繼續找資料，繼續留意/比較。若各種病症都好似傷風咁明顯就唔洗要醫生啦，有d 病既症狀是好簡單，但已是一個警號. 記得最近fb 話你若合埋眼左手捉不到自己右手手指，你就可能有腦退化定其他腦病。我又唔係要搵錯口離婚，佢係咪係、唔係就唔係。

私人傳訊

hudsonchui

珊瑚宮

積分: 112226

2025勳章蛇年勳章 2024年龍年勳章 2018復活節勳章畀面勳章 wyeth冷知識勳章 DHA勳章

192^#

發表於 17-10-30 14:58 |只看該作者

Bobo113 發表於 17-6-26 07:25
唔夠瞓就好多病上門找你，系真既

認同

私人傳訊

積分: 139783

191^#

發表於 17-10-30 11:52 |只看該作者

~小樹兒~ 發表於 17-10-30 10:51
啱聽就聽

其實你自己問題都唔細，不停响小事上轉埋啲無謂牛角尖，初時會覺得因為你唔夠愛你太 ...

同埋沖涼前唔會自己望下有無毛巾响度, 一無毛巾就係太太問題, 重要 sorry, 樓主都係一个老爺.

私人傳訊

~小樹兒~

積分: 6156

190^#

發表於 17-10-30 10:51 |只看該作者

本帖最後由 ~小樹兒~ 於 17-10-31 11:49 編輯

星星的後裔發表於 17-10-30 08:41
除抑鬱外，在朋友提示下我留意緊太太有否阿氏保加。雖然佢無超凡記憶力，但她客觀上是社交有問題，間中有 ...

啱聽就聽

其實你自己問題都唔細，不停响小事上鑽埋啲無謂牛角尖，初時會覺得因為你唔夠愛你太太，所以佢做咩都唔順眼。但嚟咗你個post幾次，次次都只係見你响度抱怨一啲小事。唔係唔可以呻，但平心而論，唔覺正常人要咁大負能量去將呢堆小事不停放大，或記住咁耐，仲係滿腔怒憤。嗰幾本書真係好小事，兩公婆有時觀念不一，要達成共識就係要溝通，再唔係你真係可以出下小招式，收埋或掉咗啲低level嘅書，話唔知點解唔見咗又得，但你卻覺得值得拎呢件事不停上網數你太太。

你提過幾次話男女唔平等，點解女人可以無限呻，男人唔可以，乜乜乜，咁點解你又要覺得女人做咗人老婆就係應該要有心煮啲好食嘅嘢比個老公食? 而坦白講，我唔覺如果有jm一直不停怨婦咁開post數個老公一啲問題都冇。

我唔知點解你會覺得佢呢次响電話笑，就懷疑佢有asperger’s syndrome，possible contexts可能係佢同女玩緊，心情好，容易啲笑，或者自知自己唔記得放好毛巾比你，笑自己個mistake，又或者尷尬，又或者覺得你因為佢自己嘅失魂而冇毛巾用嘅狀態好滑稽，又或者佢都知大家關係唔好，更加因此而幻想到你「窘況」覺得好笑，想一齊笑下，釋出善意，etc。

同埋你做好爸爸、丈夫嘅角色，係你自己嘅做人態度，尊重自己，和尊重自己不同的身份，同太太嘅「表現」要分返開。

私人傳訊

積分: 139783

189^#

發表於 17-10-30 10:15 |只看該作者

本帖最後由 Nancy20090615 於 17-10-30 10:46 編輯

星星的後裔發表於 17-10-30 08:41
除抑鬱外，在朋友提示下我留意緊太太有否阿氏保加。雖然佢無超凡記憶力，但她客觀上是社交有問題，間中有 ...

我覺得你都有 d 問題, 兩公婆有乜需要成日 sorry, 又唔係主僕, 勁笑一輪佢笑自己懵唔記得放番毛巾, 或諗到你無毛巾用好好笑.

我有个同事, 又完美主義又細緻又執著, 係人响佢眼中都滿是缺點/不濟, 我諗你都係佢果類. 所以, 其實你老婆唔係問題, 係你揀左蠢人做你老婆的問題. (唔係蠢, 係唔够你醒.)

我同事係老處, 又叻又搵到錢但樣麻麻, 倒轉佢係男人, 應該娶到老婆的, 但佢係女人, 咩都你叻你得你掂, 係男人都怕左你喇.

私人傳訊

hhz

積分: 8856

我的育兒心得勳章

188^#

發表於 17-10-30 09:27 |只看該作者

星星的後裔發表於 17-10-30 08:41
除抑鬱外，在朋友提示下我留意緊太太有否阿氏保加。雖然佢無超凡記憶力，但她客觀上是社交有問題，間中有 ...

係都唔出奇，因為以前資訊無咁發達，父母留意到都未必會覺得係咩問題。

私人傳訊