夫婦情感今日: 0|主題: 42796

收藏本版

發帖

返回列表

跳至頁

查看: 14261 | 回覆: 82

12 3 4 5

積分: 24

1^#

發表於 17-7-10 00:48 |只看該作者 |正序瀏覽 |打印

拍拖時我知道佢係大少爺兼大男人，我父母都講過跟住佢會辛苦，但當時我認定佢做我伴侶，辛苦都唔怕，但依家我後悔。

結婚時簽紙只有四大長老，只收左禮金，仲要老爺出的，擺酒時只有女家親戚沒男家親戚。

婚後同老爺奶奶住，我同老爺奶奶的關係好似租客咁，你讓我我讓佢，到依家從未見過男家親戚，問過幾時介紹我比親戚知，老爺和老公互推，老爺仲話唔被人知可以繼續收利是，這是其一

同老公開始的頭大半年都相處到，好少嘈，我一直都想要小朋友，但佢就話屋企環境唔適合，牆身發黃，木地板又殘，屋企多雜物(七成係老公D野)我的野只能放係膠箱。而且話我有左便要搬出去，三月時大家仲計劃五月做人

但五月到依家，關係慢慢變差，已經嘈左好幾次，每次一嘈就話唔生小朋友，仲話我係屋企唔幫手做家務話我懶話我唔上進。

我都要返工，仲要由觀塘返元朗，收工要買餸煮飯，每日都累到想咩都唔做，家務留返星期六日做，同老爺奶奶同住的關係，我每星期的家務都係洗衫洗床單換床單整理衣服。老公要輪班，相處時間少，佢在家時我便陪他，咩都做唔到，一行開佢就比說話話我唔珍惜大家相處時間。但家務做慢左又比佢話我懶。有私人時間上下網就比佢話我唔上進。

佢D野亂搵唔到就發皮氣話我唔幫手，我話不如幫佢執好又話唔使幫，轉個頭又話我懶

近呢幾個月都少左一齊活動，明明講好一齊出街，佢自己瞓到夠鐘返工先郁身，郁D佢發皮氣就話唔愛我，唔理你，唔同你要B

我生日前兩日嘈，之後佢咩都冇表示，到結婚紀念日佢咩都沒準備，連我送的野都原封不動

我心淡了，可以點做？真係好想走

0 0 0

私人傳訊

yaubb2014

伯爵府

積分: 17350

83^#

發表於 17-7-19 12:51 |只看該作者

happyyukk 發表於 17-7-10 00:48
拍拖時我知道佢係大少爺兼大男人，我父母都講過跟住佢會辛苦，但當時我認定佢做我伴侶，辛苦都唔怕，但依家 ...

樓主現況如何？

私人傳訊

MonkeyGirl

大宅

積分: 3229

82^#

發表於 17-7-19 12:19 |只看該作者

全屋人都好怪.

你ex , 簡直係仆街, 唔 appreciate 你為佢屋企付出, 仲要話你無上進心.. 痴跟 !!

你呢段感情好難睇好, 第一, 條仆街下下威脅你唔生B , 唔采你....佢係咪低能架...我最憎d 人, 求其講, 唔經大腦.. 係一就一.. 講過就要算數..

你嫁咗人, 都要有自己空間架..唔係下下放工, 老馮要煮飯, 做家務...點解只係你做, 佢唔使? 佢份人甘自私, 點對過世?

佢屋企人, 都好自私..完全唔理你, 好似租客甘, 跟本無為你諗...仲叫你忍? 係咪癲架, 掉轉佢個女係甘, 佢會唔會叫佢亞女忍...點忍姐?佢 d 脾氣性格, 你忍佢, 只會變本加厲..點忍...

放生自己啦, 比返尊嚴你自己..如果,.你係我女, 我會叫你返屋企. 屋企永遠支持你.

祝福你