婆媳關係 今日: 5 | 主題: 27781

積分: 1948

1^#

發表於 09-1-23 13:33 |只看該作者 |正序瀏覽 |打印

宜家好矛盾，諗緊去唔去食團年飯同返99家拜年好。

99之前一路都唔鐘意我，覺得我唔襯佢個仔，99係一個奄尖聲悶的人。乜都批評一餐，有一段時間，我真係因為佢搞到我日日喊。
不過，我一路諗，佢點都係我老公個阿媽，所以我點都忍…一路都好尊敬佢…
用佐好多時間修補關係，佢對我宜家已經冇乜野。直到去年年尾我生佐個仔，佢開心到不得了…開始對我好好，我生完都有整補品俾我食。我自己亦開心，亦覺得佢開始錫我…

不過，直到bb滿月，99叫我帶阿b返佢屋企拜神。我亦好乖咁帶阿b番去。

果日，一路相安無事﹐99仲"不"埋湯俾我飲。係呢個時候，我老公的大家姐返黎屋企，佢痴佐線咁狂鬧我…叫我"冷"…問我死得未…仲未死咩咁…我之前係冇得罪過佢的，但係唔知點解佢勁唔鐘意我，我同佢細佬結佐婚後(即我老公)，佢仲嬲埋我老公，話要同佢斷絕關係…(老公話佢覺得我搶佐佢細佬喎…)

果日，我好驚，抱住bb即刻走，我係覺得我再唔走，佢會拎刀出黎斬我果d…

黎緊年三十晚團年，99一家會出去食飯，大姑奶唔會去，99就叫我去。又同我講，大姑奶新年期間會去旅行，叫我上去食飯…

我好矛盾，我知唔關99同c6的其他兄弟姊妹事…我唔應該唔鐘意佢地…但自從果次之後，我好怕佢屋企人…好驚佢地…
唔想見到佢地…

仲有，我諗，點解要我做個地下新抱，要大姑奶唔係度果時先可以上99度食飯?

好矛盾啊…唔知點做好…

0 0 0

私人傳訊

積分: 1948

38^#

發表於 09-2-2 13:54 |只看該作者

原帖由 chinatea 於 09-1-31 12:32 發表

咁其實有冇兄弟妹可以幫手同佢傾下呢?佢都係覺得自己奉獻哂出來最後冇人關心佢而覺得你係罪魁禍首,先咁對你者.

唔好再怪佢咁得人驚行為啦,應該去結開呢個結,終於一家人呀. ...

其實我真係冇怪佢，只係覺得好無奈，亦都"鄧"佢好好慘，c6好心痛…我都好心痛c6。

佢同其他兄弟姊妹、弟婦、妹夫都冇野，相處融洽。淨係憎我同c6、99。

其他兄弟姊妹只要係佢面前提係我，就會俾佢"問侯"，其他人又點敢同佢提起我丫…

私人傳訊

chinatea

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

37^#

發表於 09-1-31 12:32 |只看該作者

原帖由 比比熊 於 09-1-31 12:21 發表

咁你阿哥都好慘…
我大姑奶都一樣，又係揹起頭家，而家人老珠黃，性格孤癖，我知佢好慘，但係佢咁鬧我，我真係好難受…

咁其實有冇兄弟妹可以幫手同佢傾下呢?佢都係覺得自己奉獻哂出來最後冇人關心佢而覺得你係罪魁禍首,先咁對你者.

唔好再怪佢咁得人驚行為啦,應該去結開呢個結,終於一家人呀.

<br>

私人傳訊

積分: 1948

36^#

發表於 09-1-31 12:21 |只看該作者

原帖由 chinatea 於 09-1-30 16:29 發表

其實真係會有妒嫉呢樣野,人人一對對佢就一個人,當年你地拍拖會叫埋佢一齊,佢就覺得有人仲關心佢,不過現實中冇可能3人行者.

因我大佬為左怕娶個老婆返來受奶奶氣佢最後選擇唔結婚,而且佢一直負擔兩老,我亞媽係果種 ...

咁你阿哥都好慘…
我大姑奶都一樣，又係揹起頭家，而家人老珠黃，性格孤癖，我知佢好慘，但係佢咁鬧我，我真係好難受…

私人傳訊

chinatea

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

35^#

發表於 09-1-30 16:29 |只看該作者

原帖由 比比熊 於 09-1-24 11:57 發表

我老公都好感激佢大家姐，已前我地拍拖果時，都有同佢大家姐三人行去食飯睇戲…
只係，我地一結婚，佢就變成咁…仲話「你以後唔係我細佬…」
唉…我都唔知點算好… ...

其實真係會有妒嫉呢樣野,人人一對對佢就一個人,當年你地拍拖會叫埋佢一齊,佢就覺得有人仲關心佢,不過現實中冇可能3人行者.

因我大佬為左怕娶個老婆返來受奶奶氣佢最後選擇唔結婚,而且佢一直負擔兩老,我亞媽係果種遇鬼鬥鬼遇神鬧神d人來,下下就話去跳樓最終個仔唔娶養佢終老啦.

我大佬初初脾氣都好好架,不過朋友,同學,細佬妹結哂婚之後佢收親帖就會大發脾氣,鬧人結就結啦請咩飲呀,整整下脾氣越來越怪...

呢d都係我媽一手做成,攪到個仔一個人生活老左咩都冇,有錢有咩用,身邊冷清清,有野又唔同人呻,而家仲神出鬼沒做d野出來好恐怖,唔知佢幾時開心幾時唔開心架.

<br>

私人傳訊

積分: 1948

34^#

發表於 09-1-30 13:02 |只看該作者

原帖由 newcook 於 09-1-29 16:54 發表
下次你話, 99你辛苦啦, 等我黎啦, 咁囉~

根住我咪追出去話﹕「等我抱番啦…」咁囉…

私人傳訊

積分: 1948

33^#

發表於 09-1-30 13:02 |只看該作者

原帖由 Cat1218 於 09-1-29 18:20 發表

其實樓主姑9有前科,有機會佢係有病你唔知,好簡單,大家唔想其他人用唔同的眼光望住佢.因為我都係嫁左入去,一齊住先知大姑9都有病,時好時壞,但有食藥,尚可控制下病情,但一到大時大節就會病發,我第一次發現佢有病係我 ...

佢之前應該係冇病的…就算宜家真係冇病，都係呢兩年先有…唉…

私人傳訊

Cat1218

積分: 1690

32^#

發表於 09-1-29 18:20 |只看該作者

原帖由 JBlam 於 09-1-23 15:02 發表
我諗多數都係chi左!!!
唔係你可以處理到,你只有一樣野可以做就係同你c6講,佢咁樣既情況同情緒, 對你同bb都有機會有生命危險,帶佢去睇醫生la...
唔係講得笑..千萬唔好以孩子生命教飛!!!
FYR

(星島日報報道)上水彩園 ...

其實樓主姑9有前科,有機會佢係有病你唔知,好簡單,大家唔想其他人用唔同的眼光望住佢.因為我都係嫁左入去,一齊住先知大姑9都有病,時好時壞,但有食藥,尚可控制下病情,但一到大時大節就會病發,我第一次發現佢有病係我陀住9個月bb,佢無啦啦狂鬧我,嚇到我全身顫曬,走入房喊,當時老公唔係屋企,好彩bb無事,真係好危險.到阿b出左世,佢受唔到新刺激,又有事,後來報警叫差人帶佢入院.而家我地搬開了,我都好奇怪,點解老公可以唔講,真係唔怕佢會傷害我兩母子嗎,原來佢阿媽唔想俾我知,怕我唔知點睇佢個女.

私人傳訊

newcook

積分: 51578

2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

31^#

發表於 09-1-29 16:54 |只看該作者

下次你話, 99你辛苦啦, 等我黎啦, 咁囉~

私人傳訊

積分: 1948

30^#

發表於 09-1-29 16:43 |只看該作者

多謝大家的意見…我最終都有帶bb返99度做節同拜年…不過番到99度，覺得好唔自在，令我諗起果次俾人辱罵的經歷…

都冇乜事發生…不過真係好唔鐘意99同我爭bb抱…我明佢想抱佢個孫，但bb認人，你俾我抱，佢咪唔喊囉…年三十晚酒樓勁多人，又迫，d侍應又拎住d熱野行黎行去…你仲要抱住bb週圍行，真係好危險o架…唉…

私人傳訊

mrsdoh

男爵府

積分: 6107

29^#

發表於 09-1-24 20:15 |只看該作者

嚟D就係上左年紀又無結婚, 心理開始唔平行的女人, 難聽D講句就係心理變態的老姑婆.

我堂家姐夠一個人揹起成頭家唔結婚供樓供細佬妹讀大學讀博士, 又唔見佢對細佬的女友咁變態.

我自己覺得無私奉献係唔需要計較, 問題在於你姑9佢本身想法有問題, 佢本身心地唔好先會變成咁執著同咁無理取鬧.

皆さん、こんにちは......我係居住於日本的C9仔.
閒時鐘意炒下股, 上網shopping.
願望係提早退休唔駛做(即係C6發達)....發夢中.ハハハハ

私人傳訊

ABBC

子爵府

積分: 13533

28^#

發表於 09-1-24 16:27 |只看該作者

樓主~可能你大姑9有戀弟情結呀~~接受唔到個細佬同左第二個結婚囉!不過我覺得你大姑9真係要去睇心理醫生~如果唔係咁樣都唔係辦法~咁生人勿近,你真係唔好俾你老公單獨帶個bb去見佢添呀..如果唔係好似上水果單阿叔掟個侄女落街之後跳樓死咁就大件事喇

私人傳訊

積分: 1948

27^#

發表於 09-1-24 11:57 |只看該作者

原帖由 chinatea 於 09-1-24 01:21 發表
照睇你姑奶變成咁都係有因果,你都識講佢幫手挨大幾個細佬妹,冇私奉獻左青春落家庭道,又最錫你老公,咁一定張最好d野比哂佢,漸漸張希望落哂個細佬道,你都話唔係佢,你老公唔會係專才啦.

可能咁對佢祁望太大,你老公恩都 ...

我老公都好感激佢大家姐，已前我地拍拖果時，都有同佢大家姐三人行去食飯睇戲…
只係，我地一結婚，佢就變成咁…仲話「你以後唔係我細佬…」
唉…我都唔知點算好…

私人傳訊

積分: 1948

26^#

發表於 09-1-24 11:55 |只看該作者

原帖由 newcook 於 09-1-24 00:36 發表

原來係咁, 咁你大姑9真係好可憐, 我唔知佢癲既程度去到邊, 如果可以的話, 我覺得你同你老公都應該對去好好先係, 比99同佢其他兄弟姊妹都要好, 因為你大姑9真係你同你老公恩人呀~

如果佢真係癲到得人驚, 無人敢埋佢 ...

其實我都知佢好慘…我老公都好錫佢的，但係佢宜家勁憎我老公，打電話俾佢就即刻"吸"佢線…如果番屋企時，係佢大家姐應門，佢會即刻"彭"門，唔俾我老公入。
大姑奶宜家根本唔肯同我老公溝道，我老公想對佢好，都做唔到野…

私人傳訊

yy25

子爵府

積分: 13211

好媽媽勳章醒目開學勳章

25^#

發表於 09-1-24 02:31 |只看該作者

有病你姑9

私人傳訊

chinatea

積分: 59494

牛年勳章 2018父親節勳章 2018復活節勳章開心吸收勳章認識瑞士牛牛第二回 hashtag影視迷勳章好媽媽勳章醒目開學勳章畀面勳章環保接龍勳章 BK Milk勳章

24^#

發表於 09-1-24 01:21 |只看該作者

照睇你姑奶變成咁都係有因果,你都識講佢幫手挨大幾個細佬妹,冇私奉獻左青春落家庭道,又最錫你老公,咁一定張最好d野比哂佢,漸漸張希望落哂個細佬道,你都話唔係佢,你老公唔會係專才啦.

可能咁對佢祁望太大,你老公恩都未報就拍拖生仔,可能呢一點佢覺得個細佬一讀飽書就有點成就已經唔記得左呢個大家姊啦.

男女間除左愛情之外,兄弟姊妹都有手足之情,因愛成恨唔一定係情侶先有架.

解玲者都應該係由你老公去做先岩,至於你咁辛苦去解開同奶奶個結,你已經係一個好好新抱啦,大家一齊去面對啦.

<br>

私人傳訊

newcook

積分: 51578

2025勳章蛇年勳章 2024年龍年勳章 2023年兔年勳章牛年勳章好媽媽勳章醒目開學勳章畀面勳章

23^#

發表於 09-1-24 00:36 |只看該作者

原帖由 比比熊 於 09-1-23 21:13 發表

知呀…但係佢地有咩反應我就唔知…因為自那次事件後，我怕佐佢屋企人，完全唔想同佢屋企人見面…

其實，大姑奶都好慘…我老公屋企細個好窮，62又唔理頭家，一日到黑就同99鬧交。大姑奶好細個出黎做野，供養五個細佬妹…
佢係 ...

原來係咁, 咁你大姑9真係好可憐, 我唔知佢癲既程度去到邊, 如果可以的話, 我覺得你同你老公都應該對去好好先係, 比99同佢其他兄弟姊妹都要好, 因為你大姑9真係你同你老公恩人呀~

如果佢真係癲到得人驚, 無人敢埋佢身果隻, 咁你地就真係要幫下佢, 多d關心下佢先係呀~

私人傳訊

積分: 1948

22^#

發表於 09-1-23 21:20 |只看該作者

原帖由 樂樂小天使 於 09-1-23 21:15 發表
咁佢呢個心如黎,睇怕都好難解!可以既話
上去你99屋企前打聽下佢係唔係度,同埋
叫埋你老公同你去,有咩事老公都可以幫
你嘛!!

當然啦…我點會咁大膽一個人走上99度…上次上佢屋企前，夠話佢家姐唔係屋企啦…結果佢咪突然間返黎，咪又搞到咁多野…

唉…我同老公結婚三年，只係上過佢屋企三次…就係因為要避佐佢呢個家姐…

私人傳訊

樂樂小天使

子爵府

積分: 12373

環保接龍勳章

21^#

發表於 09-1-23 21:15 |只看該作者

咁佢呢個心如黎,睇怕都好難解!可以既話
上去你99屋企前打聽下佢係唔係度,同埋
叫埋你老公同你去,有咩事老公都可以幫
你嘛!!

私人傳訊