最近表姐攪緊離婚，因為表姐夫攪基，佢呢個消息震撼咗整個家族。連表姐爸爸媽媽都嚇到傻咗。
佢老公每幾日都會喺Facebook，whatsapp post 啲肉麻恩愛相，例如同老婆三個仔女一齊行山旅行，又幫老婆煮愛心早餐(真係有心嗰隻),又會得閒整篇愛的宣言，家庭聚會又會無喇喇講好彩娶到個好老婆，幾生修道，每月又俾2萬個外父etc.
我阿媽成日都同阿妹講話揾男人要揾表姐夫呢種男人，又孝順又錫老婆。
點知表姐話佢3年前已經有唔妥，晚晚都O T到好夜先番，喺屋企又唔理家人，有時又唔番屋企，整篇facebook都只係呃like。成日話做嘢好攰要休息或自己落街幾粒鐘。
表姐頂唔順揾私家侦探查佢，原來有個男伴行街開房. 同佢攤牌佢仲希望表姐可以唔好離婚，因為佢需要一個掩飾，等佢自己阿爸阿媽唔好發覺。
表姐話D人成日話佢幸福，就係因為Facebook d posts.攪到佢好似人格分裂,有口難言。
佢叫我出呢個post提醒大家唔好太高調宣揚自己有幾幸福，又唔好太信另一半嘅甜言蜜語。有幾多分係真，根本無人知。
佢話講咗件事俾全世界聽，佢而家終於解脱，亦奉勸其他有相同遭遇嘅女人唔好忍氣吞聲，真係會谷到痴線。而家終於唔駛扮恩愛夫妻，朋友家人仔女講嘢又可以直接，唔駛收收埋埋。
發表於 
返回列表
