吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 點樣可以令99知難而退？

婆媳關係今日: 2|主題: 27783

收藏本版

發帖

返回列表

跳至頁

查看: 4092 | 回覆: 33

點樣可以令99知難而退？ [複製鏈接]

Chickentailbun

大宅

積分: 3426

1^#

發表於 17-7-15 17:06 |只看該作者 |正序瀏覽 |打印

是咁的，我99係一個好人，佢非常有心想幫我坐月同照顧bb。
但係佢為人非常鄉下，又食古不化，更唔聽人勸告，亦自把自為，仲好鍾意監人接受佢嘅好意。

而我，又非常麻煩，又唔鍾意人講野大聲，又唔鍾意比人安排我要點做點做。

為左bb 出世後照顧嘅問題，我同老公討論左好多次，我已經強烈要求佢媽媽千祈唔好諗住黎幫手，因為我唔想攪到大家關係破裂，亦包容唔到佢。但係我老公真係好廢柴，完全冇將我呢個訊息正確傳比佢阿媽。

前幾日，99話要報陪月課程，佢真係諗住我需要佢照顧，天啊！

有冇人可以教我應該點做？

0 0 0

私人傳訊

歐買尬

大宅

積分: 3425

34^#

發表於 17-7-18 00:15 |只看該作者

回覆樓主

我自己都唔中意人地搞我d野
第一胎阿媽幫我坐月
簡直生不如死
第二胎請陪月
雖然日日都有陌生人係度
但我只要求佢朝早幫我湊大囡返學
煮brunch
湊大囡放學
預煮晚餐
做好少家務（洗奶樽抹吓廚房）
做完就請佢早d放工（下午3-4點）

私人傳訊

Chickentailbun

大宅

積分: 3426

33^#

發表於 17-7-17 23:59 |只看該作者

回覆樓主:

昨日表左態，99有啲傷心失望。
佢話佢後生果時都唔識湊，攪到自己身體recover 唔到，仲話個仔都好瘦弱。所以佢先諗住去讀陪月course。

我話我上左好多講座，已經有相關知識，佢就話你識就得啦。

臨尾仲話生完最緊要訓得多，乜都唔好做，叫人做。

私人傳訊

ariariel

男爵府

積分: 5069

32^#

發表於 17-7-17 08:48 |只看該作者

Chickentailbun 發表於 17-7-16 09:58
個個身邊嘅朋友都話我怪人，唔肯接受其他人。
其實我都唔鍾意我阿媽黎我屋企，不過我似我阿媽，所以佢明白 ...

我都係唔鍾意人嚟我屋企同搞我啲嘢，嗰時請咗陪月我直頭覺得中伏，佢勁執我個廚房，我趁佢放工執返好，第二日再叫佢唔好亂執，佢話要方便佢做嘢

我重申呢度係我屋企，係應該佢要習慣我啲擺位唔係執到我自己都搵唔到嘢，但佢唔理我

我話比佢知唔食嘅嘢，佢特登切細細粒撈落其他嘢想呃我食，我勁嬲因爲我話過佢知我有食物敏感，但佢話食少少唔怕

總之就係你講嘅質人接受佢「好意」，我覺得自己請咗個 99 返嚟搞住自己

用咗 10 日頂唔順炒咗

跟住就到我 99 同我媽出場，日日走上嚟話幫手，我 99 就 9588 唔識湊初生，但勁多意見煩到我忍唔住狂黑佢面，我媽就日日迫我食嘢但我心情太差根本食唔落

明明講咗坐月我唔會接待任何其他親戚，我 99 仲要監管不力放咗我老公個伯父伯娘嚟，嗰日落大雨佢兩條死鏟上嚟踩到我間屋濕哂坐到張梳化濕哂，用完廁所又唔閂蓋沖廁，我嬲到 bb 都收埋入房唔比佢哋睇，茶都冇招呼佢哋

佢哋走咗我仲要抹梳化拖地抹廁所同埋洗哂廁所啲毛巾紗巾

總之坐月心情已經唔好，賀爾蒙影響吓更差，仲要比人煩住堅係會抑鬱

所以你要企硬，如果唔想比 99 嚟搞搞震就唔好比假希望佢，一定要講清楚

私人傳訊

tingtingMeow

大宅

積分: 1886

31^#

發表於 17-7-16 22:54 |只看該作者

Chickentailbun 發表於 17-7-15 23:14
其實我認為老公嘅支持真係好重要，如果佢願意用我嘅立場去睇呢件事，跟本佢會認同佢媽媽唔係合適人選。
而 ...

最大問題係佢2 個都唔會咁諗。一相情願覺得自己對你好好，女咁錫。其實冇人恨囉。好冇？

私人傳訊

fungwongphie

珍珠宮

積分: 46803

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

30^#

發表於 17-7-16 10:41 |只看該作者

Chickentailbun 發表於 17-7-16 10:02
我臨生之前會再同老公講多次，我同你的要求一樣，就係唔想見到任何人，直屬家人可以但唔好喺度打“等”。
...

如果你ftm、人奶、日日有人買食物返嚟、加埋處理，即你老公，你又獨立開，咁其實可以唔駛人幫，係怕有突發，不過可以到時再算。

而家東華有D送餸服務，有家美雞的，上網訂，真係唔駛人幫。好過以前。

其實我都怕有其他人响屋企的。

咁快D3口6面講清楚佢，以免有人諗多咗、做多咗嘞

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

Chickentailbun

大宅

積分: 3426

29^#

發表於 17-7-16 10:02 |只看該作者

藍尾巴發表於 17-7-16 02:03
我同你一樣，唔鍾意人煩同掂我既野，我連自己呀媽都頂唔順何況係99。我C6知定，請假同我坐月，我亦講明頭一 ...

我臨生之前會再同老公講多次，我同你的要求一樣，就係唔想見到任何人，直屬家人可以但唔好喺度打“等”。

我之前搬屋，99叫左一大班親戚黎參觀。我見過鬼怕黑了。

私人傳訊

Chickentailbun

大宅

積分: 3426

28^#

發表於 17-7-16 09:58 |只看該作者

sumsum_so 發表於 17-7-16 07:12
你同佢講，我夠知鬧交解決唔到問題啦，鬧得姐係忍唔到啦，明唔明咩叫忍唔到呀？你咪同佢講，好，你咪試下 ...

個個身邊嘅朋友都話我怪人，唔肯接受其他人。
其實我都唔鍾意我阿媽黎我屋企，不過我似我阿媽，所以佢明白我係唔鍾意人地上黎，佢自己都冇黎我度。
我家姐啲細路係我阿媽照顧，阿媽又係勞勞嘈嘈，結果阿媽家姐都好辛苦。

所以我都唔想過咁嘅生活。
老人家都係玩孫好啦。

私人傳訊

sumsum_so

伯爵府

積分: 16562

27^#

發表於 17-7-16 07:12 |只看該作者

Chickentailbun 發表於 17-7-15 23:30
exactly the same situation!!!!!!
佢係咁問我點解唔接受佢阿媽！！！

你同佢講，我夠知鬧交解決唔到問題啦，鬧得姐係忍唔到啦，明唔明咩叫忍唔到呀？你咪同佢講，好，你咪試下叫佢陪月，我會盡量忍，但我有日忍唔住，你唔好後悔你今日既決定！我一定會唔比面鬧你阿媽！到時件事一發不可收拾。
唔怕同jm你講，我奶奶就好比面，唔敢煩我，我媽第一胎幫我坐月，煩到爆，不過嗰個係我媽，我直情癲到，有佢係度我根本訓唔到，最尾唔駛一星期我媽就冇幫我坐月。

私人傳訊

已刪除用戶

已刪除用户

積分: 24878

26^#

發表於 17-7-16 02:03 |只看該作者

回覆樓主:

提示: 作者被禁止或刪除內容自動屏蔽

私人傳訊

章魚妹妹

男爵府

積分: 8319

25^#

發表於 17-7-16 00:13 |只看該作者

Chickentailbun 發表於 17-7-15 23:30
exactly the same situation!!!!!!
佢係咁問我點解唔接受佢阿媽！！！

男人有時真係唔用腦諗野！

私人傳訊

fungwongphie

珍珠宮

積分: 46803

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

24^#

發表於 17-7-15 23:36 |只看該作者

Chickentailbun 發表於 17-7-15 23:10
我諗住自己捱過去。
我寧願辛苦，都唔想接受其他人，尤其係年長的女人。。。
...

有時未必辛苦就可以。生完一定有D不能控制既事，如果得你一個人，未必夠架。生仔始終有D搵命博架。

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

Chickentailbun

大宅

積分: 3426

23^#

發表於 17-7-15 23:30 |只看該作者

sumsum_so 發表於 17-7-15 23:18
加多句，我老公都冇幫過我，係生第二胎先會幫，你旨意佢幫佢實問你點解唔比奶奶幫。所以行得呢步要人知難而 ...

exactly the same situation!!!!!!
佢係咁問我點解唔接受佢阿媽！！！

我好坦誠同佢講，我話我生完會好累好想安靜，唔想有人騷擾。如果你阿媽話黎幫我，佢做乜我都唔順眼，我忍唔住鬧佢就會破壞關係。
佢竟然仲反問我，“咁唔係一定要用鬧黎解決架嗎？！”
我癲左，幾乎爆粗。我都話生完好累好想安靜，咁有人干擾左我嘅寧靜，我陰聲細氣講完佢再迫我接受佢嘅好意時，我仲可以心平氣和咩？！

私人傳訊

Chickentailbun

大宅

積分: 3426

22^#

發表於 17-7-15 23:21 |只看該作者

sumsum_so 發表於 17-7-15 23:15
自己出錢請陪月，你自己比，同奶奶講你媽請左個陪月比你，等阿親家唔駛咁辛苦，黎玩孫就得。我同你一樣，唔 ...

樓上幾位都講得好！
坐月最重要係自己同bb ，應該按自己心意而行。

可能咁多年黎表現得太和藹可親到連老公都以為我乜都冇所謂，我今次為左自己嘅精神健康點都要同佢死過。

私人傳訊

sumsum_so

伯爵府

積分: 16562

21^#

發表於 17-7-15 23:18 |只看該作者

加多句，我老公都冇幫過我，係生第二胎先會幫，你旨意佢幫佢實問你點解唔比奶奶幫。所以行得呢步要人知難而退，你自己有硬淨既心理準備

私人傳訊

sumsum_so

伯爵府

積分: 16562

20^#

發表於 17-7-15 23:15 |只看該作者

自己出錢請陪月，你自己比，同奶奶講你媽請左個陪月比你，等阿親家唔駛咁辛苦，黎玩孫就得。我同你一樣，唔鐘意人煩，但我有樣好，我老公會幫手出聲，同你老公講，生完抑鬱自殺咁點，何況我一向脾氣差，你唔叫走奶奶，不足一星期實小爆奶奶，之後日日家嘈屋閉，問佢到時想冇左阿媽定冇左老婆仔女。不過你講到咁真係唔好旨意有人幫，我就病死都唔駛人幫(emoji)種。