夫婦情感 今日: 1 | 主題: 42761

積分: 4934

好媽媽勳章醒目開學勳章畀面勳章

1^#

發表於 09-1-27 02:52 |只看該作者 |正序瀏覽 |打印

我同c6結左婚都有十年喇,但係e十年以黎,佢做野(工作)最長都唔會過4個月,冇乜點攞過家用返黎,由我識佢冇幾耐,已經問我借錢,仲攞去賭,後來有左bb唯有結婚啦,佢結婚錢都係老豆出,同成日都問佢亞媽借錢,我諗佢都冇還過比佢地,咁响03年,因為真係冇晒錢洗,我成日都咋佢型,點知佢走左去打劫,即場比人捉到,坐左4年幾,响e段時間,佢响入面都仲可以賭,輸左就要個亞媽入錢去人地戶口,每次佢有ed事,我都問自己,好唔好再比機會佢,至衰我又成日衰心軟,一次又一次比機會佢,咁坐檻後期,佢參加左個學習課程,學剪頭髮,個課程要去到喜靈洲到,都要學成年架,咁我就以為佢從此修心飬姓,出黎會做番個有責任既人啦,點知.....
07年7月出番黎,一路斷斷續續都有做野,但又係份份工都做唔夠4個月既,係頭個幾個月比左幾千蚊我做家用囉,但係始終都係同我攞返既,借口都係冇錢返工之類咁....e一年多裡面,我夠胆講,我比佢返工的錢仲多過佢比我的家用....
咁近期佢e份工,到而家做左個半月,人工雖然只得6千元,佢比我感覺做得最開心同有信心的一份,佢同我講佢老細都覺得佢做得幾好,未滿試用期已話下期糧加5百人工比佢,咁我都覺得ok,雖然人工唔係高,我都鼓勵佢好好地做落去.....
咁近排過年,好多野要買,我d錢都洗得7788,我都有同佢表示我冇晒錢喇,仔女都冇新3過年,只係每人買左一對鞋,好喇,年廿八晚,佢老細打比佢,話見佢啱啱入黎做,應該冇乜錢過年,咁就出住1千蚊比佢過年啦,咁佢就好開心咁同我講左e件事,我都好開心左半日,點知佢第二日返工(廿九),佢又打黎同我講有得早收,咁我都即時問佢老細比左錢佢未?佢都話攞左喇,放心啦.......
咁又到佢差唔多收工時間,佢打比我話仲有好多野做未收得工住,好,咁算啦,我等你......咁到左佢平時收工時間我打比佢,第一次唔聽,5分中後再打唔聽,到第三次直情熄左電話,到e度我都諗到佢好可能去左賭錢.......好啦,過左收工時間後1個中佢打返黎,同仔女講話返緊黎就葱葱收線,我即時打比佢,問佢去左邊,做乜熄電話,佢就一味話响公司,電話冇電之類,我直接問佢係咪去左賭錢,佢冇認,咁好啦,睇你返黎點交代.....
咁成個晚上我都冇問佢,費是又响仔女面前嘈,到夜晚訓覺,我問佢喇,又話有一千蚊既??咁佢先至同我講話真係去左賭錢,輸剩2百,咁我又即時好嬲咁嘈佢啦,仲講左好多難聽說話,又叫佢般走之類,唉.....佢真係好軟皮蛇,唔理我,仲話我發完din好訓啦咁.......又話好耐都冇賭啦,而家先賭一次,完全認為自己冇錯咁......
唉........仲諗住有一千蚊可以好好地咁過年,點知又係一個賭字.......
點解我又咁心軟,我試過幾次趕佢走架啦,有一次佢真係行出門口,點知個仔喊住咁拉住佢,為左對仔女有個爸爸,有個完整既家,我一次又一次咁原諒佢.......但係唔講錢既問題,佢真係對我好好架,我地平時都好恩愛,仔女都好中意佢,咁我又唔捨得放棄佢........

各位睇完的bkmama,你覺得我c6仲有冇得救,可唔可以同我分析下我應該點做,下次再有同樣事情我可以點?

長編左d,可能會組織得唔好,但我都打左成粒中喇,請勿見怪~

[ 本帖最後由魚肉於 09-1-27 03:05 編輯 ]

0 0 0

私人傳訊

毛豆豆

積分: 1035

50^#

發表於 09-2-5 18:07 |只看該作者

我好明白樓主嘅情況，因為我ｃ６都係甘，你地旁眼人講就容易，但係要我地同佢離婚真係好難行出呢步，佢地好似同ｄ錢有仇，個袋有一千就賭晒佢，　唔會諗聽日ｄ仔女無奶粉各樣，　次次我地都會死都死番黎，　佢地真係一ｄ責任心都無。我自己成日都諗離開佐佢，　唔洗受佢氣，　有幾多米比幾多仔女，好過依家份糧都唔夠屋企開支，重要照顧埋佢。
都唔知係米比佢地落佐降頭，　點都擺脫唔到佢地。

私人傳訊

rain^v^

積分: 3539

畀面勳章

49^#

發表於 09-2-3 00:30 |只看該作者

你唔好心軟是實上你c6是冇得救,如果有一日你真的冇錢俾佢賭佢一定打你(我肯定),你都唔想你仔女有事啦!你都唔想你c6影響到你仍女日後的發展啦!暫時的分開對大家都好
(我都是一個爛賭家庭成長對我的影響是好深)
我是希望你仔女快樂成長開開心心

私人傳訊

BBR

積分: 2760

48^#

發表於 09-1-31 09:58 |只看該作者

我身邊以前都有爛賭鬼,一個我妹夫,一個我老豆,我老豆鍾意炒外匯,股票,因為佢自己開個D鋪,幾十年前輸左幾百萬後戒左,我妹夫就咩都賭,馬,股票,打牌,牌九,啤派........咩都arm,响6,7年前第一次賭到無哂成副身家5百幾萬,比我細妹鬧到飛起,想離婚,不過個時有兩個小朋友,第2次又輸左3百幾萬,佢屋企有錢,幫佢還左,我細妹同埋兩個小朋友離家出走,佢老爺奶奶

佢返去,我細妹最後返左去,第3次又輸左3百幾萬,屋企話最後一次幫埋佢,重即日趕左佢走,公司唔比返(因為妹夫屋企做生意,又係一齊住),我細妹一家連夜被趕,前後佢輸左成千幾萬,我細妹D私己都比埋佢,被趕後,我妹夫冇野做,走左去揸的士,返教會,每日收入比哂細妹,已經成4年了,佢老公冇再賭,重好鍚老婆仔女,我唔知賭仔會唔會改,可能真係要賭到最後一刻(一蚊)至醒,就好似我妹夫同老豆,佢地宜家係一個住家男人.
不過如果我係樓主我走左好耐,一個連份工都做唔長的男人要黎都無用

,有幾多個咁好彩可以好似我老豆同妹夫咁,不過佢地都係輸到一蚊都冇屋企又唔幫至醒

mouth:

[ 本帖最後由 BBR 於 09-1-31 10:07 編輯 ]

私人傳訊

ccbeauty

積分: 17220

47^#

發表於 09-1-31 00:42 |只看該作者

我老豆咪係d咁ge人lor, 到e+成60歲都冇改lor, 成世都諗住搵我地幫, 我唔理佢ga.

私人傳訊

lky3107

侯爵府

積分: 20895

46^#

發表於 09-1-30 15:54 |只看該作者

賭仔好難變架, 見得多啦, 大話連篇, 死蛇x x, 佢遲D借埋大耳loan 成日被人追債你仲慘, 無錢走去打劫都夠膽, 又坐過, 都唔改就知啦, 做工又無份長，對住呢d人，點頂？！

私人傳訊

See

積分: 18772

好媽媽勳章

45^#

發表於 09-1-30 13:54 |只看該作者

對我來說，一個不養家的男人係無用的！我不明白樓主你重等乜？如果一年的時間可以令你死心，我也同意你等多一年。可是請不要一年復一年！
男人壞，就像破鞋一樣，掉了不可惜！

全世界都在看你家的笑話，騙不過天地，沒不了良心。即管繼續下去，總有一天自己受！

私人傳訊

happypiano

侯爵府

積分: 24395

醒目開學勳章

44^#

發表於 09-1-30 12:25 |只看該作者

我都以過來人既經驗去講我既意見. 我老豆都係好難賭的, 從來都無做過一份正職, 以前細個屋企一時好有錢, 有車, 有大哥大水wu電話, 但又可以窮得要問親戚借錢過活.

我亞媽成日都話唔同我老豆離婚都係因為我地, 但係係我黎講, 我當時真係一萬個情願佢同佢離婚, 因為我係一個完全無安全感既屋企長大, 成日都好驚有人打黎搵我老豆的, 又怕有人上門搵佢................

唉, 我亞媽even到而家都唔知道我既感受, 係佢一廂情願咁以為咁樣係一個完整既屋企. 但係事實上我地係好清楚知道所有野, 亦唔覺得咁樣叫完整既屋企. 我地幾個到而家都唔會信我老豆的(錢銀既野), 因為.........錢一過佢手, 又係無晒的, 唔賭晒又係做闊佬駛晒d錢. 老豆, 係未結婚前對我黎講係一個包伏...........一個好重好重既包伏, 有錢唔可以俾佢知, 否則又問你借埋, 一去無回頭. 若d錢係做正經事, 借俾佢唔緊要, 但係去賭就唔得, 因為d錢我好辛苦搵番黎的.

所以我想講既係, 你以為你唔同佢離婚係對d細路好, 但係事實上d細路既想法未必係咁.

私人傳訊

joe_1206

積分: 18914

好媽媽勳章

43^#

發表於 09-1-30 03:25 |只看該作者

樓主，你需要各人給你意見及支持，但我看不需要囉！因為你心中已有答案，別人幫唔到你，只有你自己最清楚，沒有人喜歡叫人離婚的，自己想清楚吧！

私人傳訊

Yan010408

男爵府

積分: 6221

42^#

發表於 09-1-29 17:32 |只看該作者

樓主:
你宜家D仔女仲細, 好多野都未明, 當然想要爸爸和一個完整的家。但到將來佢地大咗識搵錢, 你C6會係佢地嘅包袱和負累。

我自己都有個爛賭老豆, 仲係超級煙產(最高峰可以一日食4包煙)。麻雀, 啤排, 天九, 買馬, 過大海, 講得出都好(好彩唔會借大耳Lung), 機本上佢係一個職業賭徒。我地過住啲3更窮2更富嘅生活, 我老豆輸咗錢就會燶口燶面, 脾氣好差(但唔會打人), 但平時尤其贏咗錢嗰陣, 就會對我地好好, 仲超級豪爽。基本上我老豆都好顧家, 因為我亞媽係家庭主婦, 我地一家3口的生活都係靠佢維持。我亞媽話佢無賭到賣咗我地兩母女已經好彩。到我出黎做野養家後, 我老豆就無以賭為生, 不過就會以賭過日神, 上落一千幾百(以前係上落一萬幾千)。

我大個之後問過我亞媽點解可以同我老豆一齊咁多年(其實佢自己都覺得難頂), 我亞媽話如果唔係因為我, 早就走咗啦。我個心諗"乜咁多謝呀, 但如果俾我揀, 我寧願我亞媽响我細個嗰陣帶我離開我老豆好過, 肯定我地兩母女會生活得開心D囉。"

所以樓主你繼續同你C6一齊, 係為咗你D仔女好? 定係害咗佢地? 你自己諗清楚, 你仔女將來嘅命運在於你今日嘅決定。

私人傳訊

janeclare_leung

禁止訪問

積分: 2775

41^#

發表於 09-1-29 17:27 |只看該作者

提示: 作者被禁止或刪除內容自動屏蔽

私人傳訊

^新人王^

複式洋房

積分: 161

40^#

發表於 09-1-29 17:13 |只看該作者

哈佬.....你好!!
看完你所寫的.....你自已也有決定....
或者用爛賭的過來人講自己先!!
我自己都好爛賭....成家人都係....
無論賭馬...十三張....鋤大弟....打麻雀....唔駛錢買船票過大海...現在大左重玩埋股票....估計你老公都係鍾意是旦一樣,不過都好好彩....細細個就由亞爸亞媽教到有小小心得....輸小贏多.......

其實每種的賭博都是由心癮開始.....跟住就開始沉迷......最後真的賭又得...唔賭又得....如你所寫.....你老公都賭左多年....其實真係有機會到"賭又得,唔賭又得"....只是你用甚麼方法引導他去到那境界......

舉例說:在他去賭時,先說你現在的處境,用自己真的能夠動用的錢給他,如三幾百也不緊要,最重要係唔可以比他知道還有錢可用,最好是這個數,在家就買好米...罐頭之類,如他輸了就大家在屋企食罐頭.......
因為你已再一次選擇和他一起,你就是要他知道你和他共同進退.....錢輸完是沒有的.....只有米和罐頭.....
如他真的賭完回來,如真的用了你給他的錢,就要問他最後有多小,輸幾多唔緊要,一定要取,是取回下次給他再賭的,下次唔可以比多過這個數
但如他是用自己的錢去賭,你就每次等他回來後問他的戰果如何......輸了每次都要講下次努力......如問下他有沒有想過下次點贏返......有些人就是每遇到這處境時,除了大炒大鬧外,都是加多一句"下次唔好再賭啦"

其實賭錢同樣有學問的,點樣令到你老公越賭越細....而去到唔到的地步,當然還要多些了解,我自己....屋企...身邊的朋友一般都沉迷十年左右......

你之前都有說...除了爛賭外......他都幾好...我唔知有沒有看錯....如他還有可取之處...如對子女還有親情....也可以這方面埋手.....好似現在個仔仔都攪到我馬仔都無得賭...因為我每次看跑馬他都會說馬馬....有時每接他回家時,因為我是比人湊的....他都會轉定台給我看的......哈哈

早期可以安排在他賭完後陪仔女一齊玩.....因為此終會買野和食野.....如他真的賭到一個仙都無時,我相信他都會輸少一些,預留小小錢陪仔兒的.......
如你真的想她改過,這些時間你要加陪控制情絮,真的不容易的.......
希望救到你老公.....
如以上可以幫到你老公,遲些再講下賭錢的學問,如幫不到就....見諒!!:)

私人傳訊

芝芝

子爵府

積分: 14514

39^#

發表於 09-1-29 16:39 |只看該作者

恕我直言,喜歡賭的人真的是改不了。
我C6一向不賭,所以我不用為呢樣擔心,但我就有一個細我兩年勁爛賭的弟弟!從他十多歲開始他就喜歡賭錢,因為他長得高大,未足18都成日去馬會,初時真的少少玩下,點知WIN過大錢就越買越大,講真,年中我媽咪都唔知幫佢還左幾多呀!由初期馬會,到外圍波,之後過埋大海,在澳門都衰左兩次,被人夾回HK都唔識死,媽咪賣埋樓幫佢都死性不改(過百萬),近年更用信用咭透支去賭,你話點死!!如果你真係仲好喜歡你老公就無法,唔係你都要為小朋友諗下,個爸爸咁,小朋友都會有影響架!

私人傳訊

積分: 4934

好媽媽勳章醒目開學勳章畀面勳章

38^#

發表於 09-1-29 00:57 |只看該作者

原帖由 c-wong 於 09-1-29 00:45 發表
I know a friend who always gambles too. He got axed and had abt 2m remuneration fee. He lost all his 2m + borrowed $ from his friends. He went bankrupt. Then his family brought him to Church. His ...

sorry呀,我英文唔好,唔明....
但係多謝你用心睇我既post同用心回應

私人傳訊

積分: 4934

好媽媽勳章醒目開學勳章畀面勳章

37^#

發表於 09-1-29 00:53 |只看該作者

原帖由 rachelpuipui 於 09-1-29 00:40 發表
你有冇諗過...佢而家問得你攞$走去賭...到第時d仔女大哂...出去搵$...一樣會煩倒你d仔女...到時佢會不停問你仔女拎$...去賭~拎
$..去賭.....

佢而家已經冇問我攞錢去賭,係佢自己揾返黎既錢攞去賭,我只係每日比30至40蚊佢返工食飯+搭車,因為我自己真係冇晒錢喇...
第時......我都唔知會點,但係我估如果佢衰起上黎,趕左佢走都會返黎問仔女攞架喎,我又冇能力搬

私人傳訊

積分: 4934

好媽媽勳章醒目開學勳章畀面勳章

36^#

發表於 09-1-29 00:46 |只看該作者

原帖由 pollybell 於 09-1-28 23:39 發表
其實你都唔係靠佢開飯,不如比佢做全職爸爸,咁無錢咪無得賭,又可以一家齊全,做野得果幾千一個男人點夠洗,倒不如留響屋企貢獻下,難得仔女又中意呢個爸爸. ...

佢冇可能做到全職爸爸架,如果佢留响屋企只會訓,仔女做錯小小野都會好惡咁鬧佢,但有時佢地又好中意同佢玩,唉,我都唔知點講喇~

私人傳訊

c-wong

積分: 15999

35^#

發表於 09-1-29 00:45 |只看該作者

I know a friend who always gambles too. He got axed and had abt 2m remuneration fee. He lost all his 2m + borrowed $ from his friends. He went bankrupt. Then his family brought him to Church. His family only gave him a very small amt of $ each mth. When he does not have $, he will not gamble.

Your hubby may find gambling is an activity, just like women love shopping, or some people love trading stock (losing $ in stock mkt than gambling).

Don't be unhappy and talk more to your hubby and express your feelings. It's difficult to find someone who truly loves you.

Maybe try to bring him to Church? Or maybe kill his time by bringing him to parks or more family gatherings?

[ 本帖最後由 c-wong 於 09-1-29 00:47 編輯 ]

私人傳訊

積分: 4934

好媽媽勳章醒目開學勳章畀面勳章

34^#

發表於 09-1-29 00:42 |只看該作者

原帖由 PinPin 於 09-1-28 21:43 發表
樓主你醒醒la!~
你浪費左十年喇~仲有幾多個十年比你浪費?!
你唔好以為你可以改變佢d咩la!要改,一早改la!
你諗下...佢坐監其間d仔女都係等於冇左爸爸ga la!又有咩問題?!
我有個朋友又好似你咁,知個男人爛賭,又係又左先結婚~我fd一句唔甘心...捱生捱死,又幫個男人去財務公司借錢~最後...我fd醒喇~趕左個男人走...生活先冇咁艱難!
你狠心d la!!!對呢d人仁慈,只會令自己悲哀咋!!!
Take care!

你講中晒,真係唔甘心,為左佢真係乜都冇晒....
我以前都係咁犯賤,為左佢look爆晒d卡,借過財務,還唔到,唯有避債,而家冇晒d卡,d錢就可以就住洗,但係以後都唔可以申請信用卡了~
多謝你意見,我會好好考慮~

私人傳訊

rachelpuipui

別墅

積分: 833

33^#

發表於 09-1-29 00:40 |只看該作者

你有冇諗過...佢而家問得你攞$走去賭...到第時d仔女大哂...出去搵$...一樣會煩倒你d仔女...到時佢會不停問你仔女拎$...去賭~拎
$..去賭.....

私人傳訊