吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 岩岩瑪嘉烈生完Bb, 但全程都好唔開心（長文） ...

懷孕前後今日: 2|主題: 330598

收藏本版

發帖

返回列表

跳至頁

查看: 6218 | 回覆: 25

岩岩瑪嘉烈生完Bb, 但全程都好唔開心（長文） [複製鏈接]

Roseman

複式洋房

積分: 106

1^#

發表於 17-7-18 13:58 |只看該作者 |正序瀏覽 |打印

本帖最後由 Roseman 於 17-7-18 14:20 編輯

純分享因為真係好唔開心
我係第一胎同都幾後生，唔知係咪咁啲姑娘睇我地唔順眼對我地好惡
早幾日朝早起身見紅就立即入院上產前房，其實都無人理過我，然後有朋友黎探我因為佢做護士所以佢幫我攞左件外套同張厚啲既被比我
果時都係6-8分鐘痛一次，因為唔太痛我都行動好自如暫時都無咩感覺，去到8點幾9點開始痛密左，但我記得姑娘叫我痛到5分鐘一次/痛多左先通知佢地，我見我仲未好穩定咁5分鐘一次就忍住痛先，啲姑娘好惡我費事比佢地鬧。到10點我開始忍唔到唯有行多啲好過訓係到典床，果時已經5分鐘一次但未計到係咪穩定，所以我同啲姑娘講想要個暖包，佢地望一望我：下？你未夠痛要喎！咁我就忍下，之後真係好辛苦就行出去同佢地講我已經5分鐘痛一次啦，佢地又話：咁你3-4分鐘痛一次先再黎同我講啦
我好無奈但都無辦法唯有再等，但痛左好耐痛到12點都係5分鐘，我痛到出哂汗好想喊，咁岩姑娘經過我好似就死咁款叫姑娘佢先望我一眼：點呀你？同你檢查下啦唉
跟住一除底底姑娘：嘩！
我都嘩左一聲，因為塊巾已經好多血，佢就塞手入黎同我檢查宮頸，摸完一輪就話：咦你進度好好喎！差唔多啦！過一陣再黎睇下你，得就落產房啦
原來我果時已經開左半度，可能聽到姑娘咁講我就心理作用痛得勁過之前，又開始忍唔住叫好痛，有另一個惡啲既姑娘埋黎問：點呀你？開左幾多呀？有幾痛呀？果時我痛緊答唔到，到我痛完時佢就再講：痛完啦嘛？而家我問你你逐樣答我！幾耐痛一次？邊到痛？
我答子宮佢話：我夠知子宮痛啦！上定下呀？有冇想屙屎？答完之後佢走開先問我要唔要暖包，即刻話要啦當然！
佢比左我後其實我覺得無咩用，之後又到返第一個姑娘黎問我要唔要止痛機，老死都話要啦！之後我就聽佢講一痛就禁掣，個惡死姑娘又黎問我幾耐痛一次，搞左好耐比佢地又鬧左好多次先終於1點9推左落產房，老公黎到又不停比佢地鬧，連著件袍唔知係姑娘幫佢著，佢想自己接手著都要鬧：先生你再係咁樣自己著啦！

0 0 0

私人傳訊

BREADWING

珍珠宮

積分: 35654

26^#

發表於 17-7-19 00:21 |只看該作者

Roseman 發表於 17-7-18 21:51
我都知唔係怪佢地講野mean 只係回想返同諗返bb而家情況... 先覺得唔開心
...

要放開d,bb而家有醫生睇住其實可以安心d,加上bb又足左月平安黎到呢個世界，都想媽媽開心去迎接佢，媽媽要儲定子彈bb出院返屋企又係另一個挑戰啦

私人傳訊

debarked

別墅

積分: 758

25^#

發表於 17-7-19 00:09 |只看該作者

回覆樓主:

樓主，點都好，而家bb出左世，留係醫院有專業護士照顧，你要趁呢段時間先好好休息，遲啲亞b出院，你就有排忙了。
我7月頭，bb才出世，都住了A1房5日，所以好理解你呢刻擔心bb的心情。

私人傳訊

Roseman

複式洋房

積分: 106

24^#

發表於 17-7-18 23:47 |只看該作者

ckso4 發表於 17-7-18 23:40
我生的時候都有比人罵，但最後抱住bb餵奶咩都唔記得哂！
加油！好好休息等bb返屋企湊b, 到時忙到你癲就一定 ...

我呻完就好好多啦多謝你地有睇哂我而家都努力準備緊同休養等仔仔返黎

唔再諗咁多啦

私人傳訊

Roseman

複式洋房

積分: 106

23^#

發表於 17-7-18 23:46 |只看該作者

babyjjj 發表於 17-7-18 22:59
佢地都係在意你，驚你同bb生太耐有事姐，如果唔係人地都唔理你啦。。過左去就算！bb冇事就好。
...

知道

多謝你啊

私人傳訊

ckso4

大宅

積分: 2259

22^#

發表於 17-7-18 23:40 |只看該作者

我生的時候都有比人罵，但最後抱住bb餵奶咩都唔記得哂！
加油！好好休息等bb返屋企湊b, 到時忙到你癲就一定唔記得比人罵。

私人傳訊

babyjjj

大宅

積分: 1769

21^#

發表於 17-7-18 22:59 |只看該作者

回覆樓主:

佢地都係在意你，驚你同bb生太耐有事姐，如果唔係人地都唔理你啦。。過左去就算！bb冇事就好。

私人傳訊

Roseman

複式洋房

積分: 106

20^#

發表於 17-7-18 21:55 |只看該作者

艾森發表於 17-7-18 21:42
其實呢...好多人生bb都比姑娘、醫生、嬸嬸鬧過.......
係產房醫生check宮頸，一黎就望住我下體笑，果刻覺得 ...

我都知⋯而且都知政府既姑娘醫生惡啲係正常，佢地都做到麻木哂，日日對咁多產婦，只不過一諗起明明我夠位生夠氣生結果都要吸出黎搞到bb要留醫，就自然諗返起佢地講既野。其實實際佢地仲有講咩我都唔清楚，果時都暈咁濟，係我老公話返比我聽。。

我而家只係想Bb快啲返黎。。

私人傳訊

Roseman

複式洋房

積分: 106

19^#

發表於 17-7-18 21:51 |只看該作者

BREADWING 發表於 17-7-18 21:12
其實佢地都緊張你同bb先咁講野，仲有邊有媽媽第一次就識生，我第一次都係唔識用力，屙b變屙屎啦
...

我都知唔係怪佢地講野mean 只係回想返同諗返bb而家情況... 先覺得唔開心

私人傳訊

艾森

子爵府

積分: 11164

18^#

發表於 17-7-18 21:42 |只看該作者

其實呢...好多人生bb都比姑娘、醫生、嬸嬸鬧過.......
係產房醫生check宮頸，一黎就望住我下體笑，果刻覺得醫生好唔專業亦唔尊重我。

生完發燒姑娘比退燒藥我食，禮貌地問餵人奶可唔可以食，姑娘都好惡死咁答。

生完唔落得床，嬸嬸拎個盆比我小便，我都未去完就格硬話我去完，未去完就拎走個盆。到我夠鐘落得床想去小便又唔比，因為無人得閒，十幾個鐘無得去廁所.....

嬸嬸問bb有無大便？我答佢晏就有，比佢一輪咀剷到上天，鬧到我喊....不過任何情況姑娘、嬸嬸同我講咩都同佢地講返聲「唔該」，佢地工作量大我體諒，住兩日就出院何必記住自己比人鬧....呢d野我連老公都無講過，樓主講起我先回想咋...

樓主～做媽媽要堅強d

私人傳訊

BREADWING

珍珠宮

積分: 35654

17^#

發表於 17-7-18 21:12 |只看該作者

回覆樓主:

其實佢地都緊張你同bb先咁講野，仲有邊有媽媽第一次就識生，我第一次都係唔識用力，屙b變屙屎啦

私人傳訊

Roseman

複式洋房

積分: 106

16^#

發表於 17-7-18 18:06 |只看該作者

clkam 發表於 17-7-18 18:01
唔洗諗住姑娘的說話喎，政府生好多時都遇到咁，睇開d, bb可以順利出來就好啦。
我之前孕中期穿左水，要在 ...

勾起你既傷心事好唔好意思⋯我都知架啦，我會睇開啲！多謝你地，反正都唔洗再對住啲衰姑娘，BB健康返黎就得！！

私人傳訊

Roseman

複式洋房

積分: 106

15^#

發表於 17-7-18 18:04 |只看該作者

大戶發表於 17-7-18 17:07
我都好在意，你仲好啦！有老公陪你，我嗰陣自己一個咋。
諗住快啲見 bb,講真，我都去過加護病房，睇到天光 ...

多謝你呀⋯講完出黎我個心都舒服啲⋯我都覺得啲姑娘已經無哂人性，淨係為做而做，反而Bb房啲姑娘會令我個心會舒服啲

私人傳訊

clkam

大宅

積分: 1211

14^#

發表於 17-7-18 18:01 |只看該作者

Roseman 發表於 17-7-18 13:59
入到產房，我不停聞笑氣，因為推落去果時已經開左3度，等開到10度期間可能開得太快，一次痛過一次，我吸氣 ...

唔洗諗住姑娘的說話喎，政府生好多時都遇到咁，睇開d, bb可以順利出來就好啦。
我之前孕中期穿左水，要在政府引產，都係俾產房姑娘狂鬧唔識生，最慘係佢明知我bb保唔住都不留情咁鬧，醫生又係等好耐先來檢查，手勢又唔好，真係超辛苦，仲要無左個bb, 所以只要bb係度，人地講咩更加唔洗理，俾心機湊b同坐月吧。