日本政府提出申請將23個明治日本產業革命遺產列入世界文化遺產名錄，其中一個係有軍艦島之稱嘅端島。不過，南韓就講明會反對端島入遺，因為呢個島有著朝鮮人極慘痛嘅歷史。
位於長崎縣嘅端島，因為藴藏煤炭所以成為煤礦，但係有唔少去採礦嘅係被強迫所徵集嘅朝鮮人。佢哋响昭和時期去咗端島成為礦奴，要响海底700米深處嘅煤礦工作，又受盡虐待同折磨，好多朝鮮人响採礦個陣死咗，亦有唔少因為逃走而俾人打死。所以端島除咗軍艦島之稱外，仲有地獄島呢個惡名。有段咁慘痛嘅歷史，好難怪南韓咁反對端島入遺。如果軍艦島成功入遺，就猶如美化日本昔日嘅侵略同殖民歷史。
照咁睇，日本除咗對住中國唔太重視過去嘅歷史，對住南韓都係唔多重視同反省歷史。
發表於 
返回列表
