少年成長 今日: 0 | 主題: 16013

積分: 39132

好媽媽勳章

1^#

發表於 09-1-31 11:25 |只看該作者 |正序瀏覽 |打印

我女女而家2歲2個月 ,
近呢排曳左好多 ,
佢性格又無耐性 , 又勁硬頸 , 又易炆憎易發脾氣 !
之前都無咁勁 , 唔知係咪大個左啦 !
有時佢對我地有要求 , 我叫佢要有禮貌同我講先 , 佢唔肯就發脾氣 ,
o係佢發緊脾氣果陣人地同佢講1句野 ,
佢就大嗌向人地發脾氣係度喊 ,
越叫佢唔好喊就越喊得大聲 ,,, 激死我 !
每次罰佢坐bb床 , 等佢喊完收聲先好嗌我 ,
次次都同我講會聽話 , 轉頭又黎過 ,,
我都唔知應該點先教好佢,,,好辛苦 ,,
壓力好大 ,,,,

仲有 , 佢呢排成日痴住公公 ,
唔知係咪成日都就慣佢 ,,,
佢連我同daddy都唔多痴 ,
應該話我都會痴 , 但daddy就唔多 ,
成日都好抗拒 , daddy講野都唔多聽 ,
唔知係咪因為少時間見到daddy呢 ?

0 0 0

私人傳訊

wttcly

禁止訪問

積分: 6646

42^#

發表於 09-4-1 12:17 |只看該作者

提示: 作者被禁止或刪除內容自動屏蔽

私人傳訊

mlk

積分: 4516

畀面勳章

41^#

發表於 09-3-27 15:26 |只看該作者

我個仔已經三歲了, 一樣咁令人激氣. 又硬頸 , 又易炆憎易發脾氣好聲好氣又唔聽 , 鬧同打又唔聽 , 都唔知點教 ,真係俾佢搞到我人都癲了.
全家人只係吓我, 咩事都要我做先可, 如, 要飲水, 一定要我俾才飲, 其他人俾, 佢會倒咗, 直到我再俾才飲.

私人傳訊

abbymum

積分: 1318

40^#

發表於 09-3-27 00:39 |只看該作者

我囡囡剛滿兩歲, 性格very strong (即使未到二歲反叛期時已經唔易搞), 但基本上未致失控 (佢 & 我)

我覺得令人頭痛同激氣, 主要因為二歲前佢地基本上都仲係任阿媽擺佈的 "一舊飯", 係阿媽的sweet heart, 係阿媽的心肝ding, 係阿媽的附屬咭.
但到兩歲, 佢地就開始想做返個獨立的人 (喂應該高興先係呀, 因為係佢人格正常發展, 唔通你想佢一世係唯命是從的一舊飯?)
兩年來一向自詡對 "bb" 瞭如指掌, 能對 "bb" 呼之則來揮之則去的媽媽, 一旦沒有了這份control和把握, 就很頭痛和胃痛了.

放鬆d, 在不違反安全/大道德對錯的前提下, 比返一份對人的尊重比佢地, 唔好諗住事事要跟晒自己, 受自己控制, 要學接受, 孩子有些事情不一定要跟足我的想法, 咁會好好多.

我自己做了二年媽媽的體會是, 教孩子難, 教自己改變更難. 孩子的行為和態度品格確係是好好去教 (這就要參看SanrdaLo/ 校長大人和各位前輩的指教), 但為人父母的心態也更要好好調校. 否則到三年級又有反叛期, 青春期又有反叛期, 一期勁過一期, 到時點頂??

總之, 不是遷就, 而係:

建立親密與安全感-->確實必要時才收緊 (咪事事jur住晒)-->對佢多點尊重 (尊重佢情緒/反應/表達方式/想試的做法---只要唔係傷害自己及別人, 就比多空間佢: 唔一定要認同, 但未必要事事jur住晒及睇唔過眼)--->注意自己的反應:你唔會咁樣跟你同事/朋友講野的(就算佢地係幾咁麻煩), 但點解可以咁樣同個小矮人講野呢? 佢地係無知小人, 我地係有理性(起碼比小人好些)的大人, 比耐心, 忍佢地, 就佢地 (情緒上, 唔係管教上!), 係應份個喎, 咪佢點學得識呢?

[ 本帖最後由 abbymum 於 09-3-27 01:04 編輯 ]

私人傳訊

angie127

積分: 3538

39^#

發表於 09-3-23 06:04 |只看該作者

原帖由 jojoplanet 於 09-2-5 14:06 發表
想請教, 我個仔而家2.2歲有以下行為需要改善, 請問怎麼做好:-
1. 有時佢要一樣野或者佢想去一個地方我地唔滿足佢, 佢會瞓係地下 (呢樣係我最討嚴佢既行為)
2. 有時玩一d野佢可能覺得自己做唔好..佢就會好炆爭...會叫 ...

我個仔２０個半月大，同你個仔―模―樣~我諗大部分男仔都係無咁乖~唔好激氣,要小朋友就要有心機同耐性~

[ 本帖最後由 angie127 於 09-3-23 06:05 編輯 ]

私人傳訊

ypm

複式洋房

積分: 188

38^#

發表於 09-3-20 03:58 |只看該作者

前日往回家的公車上，一對上班族男女吸引了我的目光，
而他們的一段對話，更讓人難忘，一個很好的省思......
每天搭乘公車上下班，來回通勤時間約莫近二小時?
有時人少，可坐在位置上欣賞窗外的風景；
人多時，也只能慢慢地擠回家，
但這時，身邊乘客的對話總會不時地傳到耳邊。
前日往回家的公車上，轉程靠站時，乘客頓時多了起來。
一對上班族男女恰巧在我身邊，吸引了我的目光。
可能因為人多，男的不時地將手臂圍住女的，
並輕聲的問「累不累？」
「待會想吃些什麼？」
只見女的不耐煩地回答
「我已經夠煩了，吃什麼都還不先決定，每次都要問我。」
男的一臉無辜的低下頭，
而後說了令我印象深刻的話。
「讓妳決定是因為希望能夠陪妳吃妳喜歡的東西，然後看到妳滿足的笑容，
把今天工作的不愉快快暫時忘掉。
我的能力不足，妳工作上所受的委屈我沒法幫妳，我所能做的也只有這樣。」
女的聽了後，滿懷愧疚的說聲對不起。
男的這才似乎重燃信心般說
「沒關係，只要你開心就好。」
而後親吻了女的頭髮。
公車到站，下車前再回頭看看這對情侶，
男的依舊保護著心愛的人。
這樣的情景，讓我覺得自己今天同樣在工作上有些許不愉快，
如果沒有聽到這一段對話，
回家後的我，
可能也是一副全世界都對不起我的臭臉面對心愛的人，
只在乎自己的委屈，卻忽視對方的感受，
不自覺地傷害最親密的人。
所以在踏進家門時，我告訴自己，
難道我要像公車上那位女孩一樣忍心將自己的不滿委屈帶給身旁的人嗎？
不，我想我現在應該做的是別再把工作上的情緒發洩在心愛的人身上，
破壞了最親密的關係，並且主動給自己一個微笑。
相遇，不是用來生氣的!說得真好!
當自己快抓不住情緒時,想想這句話,
應該會讓煩忙的生活,加些微笑的因子吧!!
有一位金代禪師非常喜愛蘭花，
在平日弘法講經之餘，花費了許多的時間栽種蘭花。
有一天，他要外出雲遊一段時間，
臨行前交待弟子︰要好好照顧寺裡的蘭花。
在這段期間，弟子們總是細心照顧蘭花，
但有一天在澆水時卻不小心將蘭花架碰倒了，
所有的蘭花盆都跌碎了，蘭花散了滿地。
弟子們都因此非常恐慌，
打算等師父回來後，向師父賠罪領罰。
金代禪師回來了，聞知此事，便召集弟子們，
不但沒有責怪，
反而說道︰「我種蘭花，一來是希望用來供佛，
二來也是為了美化寺廟環境，不是為了生氣而種蘭花的。」
金代禪師說得好︰「不是為了生氣而種蘭花的。」
而禪師之所以看得開，
是因為他雖然喜歡蘭花，
但心中卻無蘭花這個罣礙。
因此，蘭花的得失，並不影響他心中的喜怒。
同樣地，在日常生活中，我們牽掛得太多，
我們太在意得失，所以我們的情緒起伏，
我們不快樂。在生氣之際，
我們如能多想想︰
「我不是為了生氣而工作的。」
「我不是為了生氣而教書的。」
「我不是為了生氣而交朋友的。」
「我不是為了生氣而作夫妻的。」
「我不是為了生氣而生兒育女的。」
那麼我?
為我們煩惱的心情闢出另一番安詳
所以看完之後…
當你要和朋友..家人吵架時…
要記得你們的相遇…
不是用來生氣的喔…
何況所謂人非聖賢...
誰能不生氣呢…
不過…
看了這篇文章以後…
下次要生氣時…
就別生太久…
免得傷心、傷肝、傷腎又傷腸胃…

私人傳訊

積分: 31256

37^#

發表於 09-2-24 13:23 |只看該作者

原帖由 巴比倫 於 09-2-22 11:11 發表
阿囡(而家2歲幾),今日真係激死我呀!

喺由返屋企路途中,會有一段好小的馬路,我成日都同佢講,過馬路時要拖住架(佢平時已經唔鍾意佢人拖),點知今日佢唔俾我拖,仲一支箭頭都不回就跑入大廈,好在lift門還未開,如果佢入咗 ...

我有真人真事發生過喎..我個仔成日係lift出面唔肯入, 咁有一日我自己入咗去條門closing緊, 我想按番開門但係番錯咗閉門, 咁lift門真係close咗, 我屋企係要過咗security入一度門再等lift..當我我只係諗希望唔好有人..咁bb係個度等我都ok呀...但又怕佢cry..點知我架lift去番個層, 佢係完全一d驚都無....我有時都比佢搞到我痴線..

私人傳訊

巴比倫

積分: 1364

36^#

發表於 09-2-22 11:11 |只看該作者

阿囡(而家2歲幾),今日真係激死我呀!

喺由返屋企路途中,會有一段好小的馬路,我成日都同佢講,過馬路時要拖住架(佢平時已經唔鍾意佢人拖),點知今日佢唔俾我拖,仲一支箭頭都不回就跑入大廈,好在lift門還未開,如果佢入咗lift,我真係唔知點算,救命呀!我真係唔知點教佢好呀!

佢成而大個咗,去街已唔鍾意俾我哋拖住,究竟有咩方法可以改善呀?

私人傳訊

wincywincy

男爵府

積分: 8521

好媽媽勳章畀面勳章

35^#

發表於 09-2-21 21:08 |只看該作者

如果2歲就識頂嘴,,可以點呢?

私人傳訊

sam/josh

男爵府

積分: 7295

34^#

發表於 09-2-21 17:36 |只看該作者

2歲反叛期係咪真係咁令人激氣?

係，直頭攞命。

[ 本帖最後由 sam/josh 於 09-2-21 19:01 編輯 ]

私人傳訊

小露比*

積分: 39132

好媽媽勳章

33^#

發表於 09-2-19 21:16 |只看該作者

咁如果佢好易就發脾氣 , 發炆憎
咁又可以點教 ?
thanks

私人傳訊

csc0728

積分: 1393

32^#

發表於 09-2-10 15:40 |只看該作者

[quote]原帖由 SandraLo 於 09-2-4 23:24 發表

csc0728 :

你囝囝幾歲？
答:剛2歲
通常扭計係扭乜？
答:唔知架.可能有時佢要的野,我地唔比,佢會大喊大叫,跟住扭計
佢扭你就罸佢企, 一扭就要企？
答:叫佢收聲或者唔好扭,佢唔聲,越喊越叫大聲,就要佢罰企
企幾耐？
答:佢一收聲唔喊,唔叫,佢就會離開罰企位置
企完就完事佢唔會喊或反抗？
答:完事啦!佢冇反抗架
thx

私人傳訊

Carlsson

積分: 4011

31^#

發表於 09-2-10 14:22 |只看該作者

我都覺得每日抽少少時間(min.30mins)同仔女玩, 係好重要...
我一放工就返屋企, 早就同仔仔去吓公園/圖書館...
係屋企, 都可以講吓故仔/玩吓識仔/電腦(雖然電腦係唔係咁好, 但可以聽吓兒歌, 玩吓memory game)...
有時我會買D stick book同佢玩, 佢好鍾意, 係書本上可以學到好多嘢...

可能日子有功, 我仔仔會聽我的話...
所以要先比仔女知, 妳係會重視佢的...

原帖由 maymay220hk 於 09-2-8 02:11 發表
我會有個時間表比自己去分配,親子玩具時間
(每日30分鍾)响玩遊戲中可以增加溝通同關係
仲有就係....每做一樣野知前,我會同佢講......
(例子洗澡咁:玩多15分鍾後要洗澡啦~然後係會好合作翼吾需要我鬧同勞氣)
講到食飯的問題"飯前2個鐘頭,我吾會比D雜食佢,
等佢响食晚飯的時間會有D饑餓,咁就大家都好啦~

我係開心CarCar...
我最鍾意係車車

私人傳訊

maymay220hk

水晶宮

積分: 50734

2024年龍年勳章好媽媽勳章醒目開學勳章畀面勳章

30^#

發表於 09-2-8 02:11 |只看該作者

我都想同大家分享一下,我教我對孖寶兄弟的方法,
其實都係同 Sandra Lo 老師的方法一樣!
同 my 睇左好多集 "BB保你大"裡面的方法~
入番正題先.....我有2個仔仔,
(大仔 3.2 y old / 細仔 1.1 y old )
哥哥以前都有/扭計瞓地/吾合作/打人/含飯
種然知就多啦!!!

但係我用左老師個方法後,阿仔真係合作左好多呀

我會有個時間表比自己去分配,親子玩具時間
(每日30分鍾)响玩遊戲中可以增加溝通同關係

仲有就係....每做一樣野知前,我會同佢講......
(例子洗澡咁:玩多15分鍾後要洗澡啦~然後係會好合作

翼吾需要我鬧同勞氣)
講到食飯的問題"飯前2個鐘頭,我吾會比D雜食佢,
等佢响食晚飯的時間會有D饑餓,咁就大家都好啦~

[ 本帖最後由 maymay220hk 於 09-2-8 02:13 編輯 ]

私人傳訊

積分: 31256

29^#

發表於 09-2-6 16:24 |只看該作者

插嘴無任歡迎呀..我都係想揾方法教個仔....我會不斷提自己架啦....

原帖由 Haley媽 於 09-2-6 15:42 發表

對唔住,雖然你係問sandralo,但我都好想講兩句.
之前見你話bb掟嘢你就打佢手仔,之後你見佢打表哥你就同佢講話打人唔岩,其實可能對個bb黎講已經係雙重標準...佢係從你身上學識唔岩就打...父母經常都會犯呢個錯而 ...

私人傳訊

Haley媽

民房

積分: 26

28^#

發表於 09-2-6 15:42 |只看該作者

原帖由 jojoplanet 於 09-2-6 09:47 發表
SandraLo
我琴日開始用你個方法, 琴日既情況係: -
1. 話說表哥係度玩緊d野, 佢要攞...唔比佢佢打表哥, 我話佢佢係知錯, 2. 我個仔係一個好心急既人, 有時佢要個樣野佢要即刻要...教極佢等等都係咁..佢要我抱高佢拍個 ...

對唔住,雖然你係問sandralo,但我都好想插嘴講兩句.
之前見你話bb掟嘢你就打佢手仔,之後你見佢打表哥你就同佢講話打人唔岩,其實可能對個bb黎講已經係雙重標準...佢係從你身上學識唔岩就打...父母經常都會犯呢個錯而自己唔知...我自己都係!
我相信sandralo教嘅方法,都好須要父母自身行為配合先至盡善盡美!

私人傳訊

積分: 31256

27^#

發表於 09-2-6 09:47 |只看該作者

SandraLo
我琴日開始用你個方法, 琴日既情況係: -
1. 話說表哥係度玩緊d野, 佢要攞...唔比佢佢打表哥, 我話佢佢係知錯, 2. 我個仔係一個好心急既人, 有時佢要個樣野佢要即刻要...教極佢等等都係咁..佢要我抱高佢拍個輕氣球, 但係有時飄開咗我只係想攞番近d佢一見我touch個balloon佢又發脾氣, 解釋極都係咁.
3. 琴日返屋企時...佢要行上去step我唔比, 佢又係度坐地下, 以前我會大聲閙佢.琴日我就好soft既tone叫佢起身..緊住我解釋比佢聽地下dirty, mami唔鐘意係你咁...咁佢又好calm..行返屋企
4. 返到屋企, 佢又要開燈呢樣個樣大發脾氣, 我忍唔住bing咗佢...到佢瞓係床我好soft咁同佢講.佢打人係唔岩..發脾氣係唔岩..媽咪唔鐘意你咁..媽咪唔開心...佢個樣係知错..佢拍下個shoulder comfort 我..
佢成日好似好impulsive咁 (呢d係唔係HYPERACTIVE既象徵?)..之後又知錯

原帖由 SandraLo 於 09-2-5 14:54 發表

你先睇呢度 (由舊開始) 第一個post :
成日話「讚」可以改正小朋友壞行為，到底點解同點讚？
http://forum.baby-kingdom.com//viewthread.php?tid=1094774&extra=page%3D1

照住做, 如有問題, 可入番呢度問, 因d 媽 ...

私人傳訊

校長大人

洋房

積分: 77

26^#

發表於 09-2-5 18:51 |只看該作者

幼兒需要從父母得到安全感

看過閣下女兒的情况，亦明白當中的困難情况。我希望閣下先嘗試接受一個事實；孩子在不同的階段有不同的需要，而父母帶著無懼的愛去滿足孩子的需要，否則孩子在長大的過程中就不需父母的照顧了。作為一個10 – 11 個月的幼兒，她需要是什麽？她正正需要很多身體上和感受上的需要；她在飽肚、睡眠上有很大的需要。此外，她亦十分需要從父母親身上得到安全感和滿足感。母親的擁抱和kiss 是最令孩子感受到安全感，因為她會感受到保護和關懷。

幼兒仍未建立語言能力，而她亦未懂表達自己，而幼兒只能用基本的本能去作出回應，例如情緒及喊叫等。千萬別以為幼兒不肯吃奶、不肯自己入睡是她的問題。幼兒在這階段是接受者，而她跟本不會選擇穿什麼衣服、睡什麼床、吃什麼牌子的奶粉，但她有的是感覺，故她的感覺不得到滿足的話，她就會用有限的本能去回應和表達。因此，若要幼子在這段時間得安穩，盡量給與他們安全感，亦不要介意孩子較貼身些少。父母可以待遲些少慢慢培育孩子的自主能力。

私人傳訊

積分: 31256

25^#

發表於 09-2-5 15:34 |只看該作者

唔該晒呀...我今日突然想起朋友講過terrible 2...我係website睇完...好內疚呢幾日bing阿仔..我同公老講左要比多d耐性比佢...

原帖由 SandraLo 於 09-2-5 14:54 發表

你先睇呢度 (由舊開始) 第一個post :
成日話「讚」可以改正小朋友壞行為，到底點解同點讚？
http://forum.baby-kingdom.com//viewthread.php?tid=1094774&extra=page%3D1

照住做, 如有問題, 可入番呢度問, 因d 媽 ...

私人傳訊

SandraLo