吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 產後同奶奶0既關係有無改變？

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1887 | 回覆: 23

[2008年] 產後同奶奶0既關係有無改變？ [複製鏈接]

k1123a

子爵府

積分: 10665

醒目開學勳章畀面勳章 BK Milk勳章

1^#

發表於 09-2-1 20:22 |只看該作者 |正序瀏覽 |打印

請問你0地產後同奶奶0既關係係好左定差左呢？

0 0 0

私人傳訊

petunia

大宅

積分: 1235

24^#

發表於 09-2-26 12:16 |只看該作者

我自己....俾奶奶攪到痴晒線....

我阿b在我返工時俾奶奶湊，我已經睇得好開，只要阿b無生命危險就夠了，當做教個女要堅強d。

我請左個鐘點俾佢洗，佢每日都只係湊阿b食三餐奶，同埋沖涼，其他家務包括洗衫、買餸、抺屋等等都由個鐘點做晒，就連晚食都係62整唔駛佢動手，佢都可以話太辛苦要我晚晚洗碗。佢仲成日話我間屋唔整齊，又鐘意在上我屋企時攪我屋企d野。仲要問我攞錢話係湊b費，仲要同佢交水電煤，果度加加埋埋6千幾蚊一個月！

如果果6千蚊係我同老公一齊俾都算了，佢專登只係講俾我知，叫我自己一個人俾晒，我仲每個月俾緊二千蚊家用佢，共8千蚊。..........有一日我忍唔住，同佢講我老公都未俾過家用外家，佢就罵足我三個鐘話個仔俾家用阿媽係應該的，佢做得我奶奶問我拿家用係應該的，又話我唔應該講d咁野攪到個老公抬唔起頭做人，然後絕口不提自己個仔無俾個家用外家。....我根本就唔係咁的意思，我只係想佢知道，你要人地專重你，要使我覺得公平，都要有返d表示掛....

佢成日都無端端發脾氣，成日都講我阿媽壞話，又多疑我會向我阿媽講佢壞話，一亂諗野把口就好毒咁罵我阿媽，又罵我無家教......我係咁忍係咁忍....我點講佢都唔信我無講佢壞話la，佢係咁在我面前罵我阿媽就叫有家教咩....我阿媽反而由細教到我大唔好講人是非。

佢上我度湊b又成日借d二唔走住，坐一陣先至走，我原本都覺得無咩所謂，點知有一日佢竟然在堆污濁衫入面深深處找我條底褲出來，掉左係個廁所度，然後又借d二罵我阿媽無家教，唔識教女要分開洗底褲。到呢日，我終於覺得佢痴線架！佢根本就對我有偏見，只係在我面前扮晒無野！

佢成日都話當我係女所以罵我，又話佢都係咁樣罵佢自己個女。不過...我未見過佢叫個女洗衫，叫個女洗碗。

雖然係我個心好唔舒服....但係婆媳關係是中國五千幾年來都無法改變的，唯有....繼續努力專重佢。洗錢事少，我留返d錢又有咩用？財散人安落，到有一日佢知道我一個先都無時，大家個心反而少個唔開心。做多d野事少，唔好教到個女以為可以向大人投訴。

唔忍，都忍左兩個半月了，我都未死得，阿b又開開心心，咁....即係都唔係好辛苦啦。

只要記住，到我做奶奶時要對個新抱好d就算了

私人傳訊

kapakbb

大宅

積分: 3309

23^#

發表於 09-2-26 02:32 |只看該作者

我老公都頂自己阿媽唔順o既...
我未嫁都覺得佢十級煩同埋脫節

好在唔洗同住，加上老公返工時間長，本來就只係一個月見1-2次 (每次都係3-4hrs)

但有咗阿b見多咗...唉！
開頭我都同自己講，唔應該限制佢地見自己個孫女，唔好高姿態要個囡親我媽咪多d...之不過...
6299 o黎到我除咗無咁free之外...絕對係仲辛苦囉 (表面佢又係話可以幫我...佢其實可能真係咁諗)好可惜....佢地連抱佢個手勢都未穩陣，又唔乾淨，老公又唔係o度wor...又唔教/鬧得....全程要睇實....連bb瞓咗我都無得休息！

仲有要迫人答佢d問題...family planning / bb future education 咁...之後又叫老爺去問返我老公...如果唔係exactly一樣o既answer 佢就會下一次講返....."阿仔都唔係咁講"....我頂妳....咁妳咪問我啦~

所以even佢對我o既態度無變....但時間對多咗....佢想問o既問題多咗 (可能怕我迫佢個仔般遠d佢掛).....攪到我係老公唔係o度o既時候....一d都唔想見到佢地囉!!

仲有....最白痴係....
佢唔知有心定點啦，抱住個2個月o既bb...同佢講....."要見多d嫲嫲呀....要認住嫲嫲wor~~"
講俾我聽？唔抵得bb 最鐘意我媽咪抱佢？(因為坐月係我媽咪全程照顧我同bb)
hoho...叫你個女生個外孫咪得囉....hohoho

私人傳訊

QQP

別墅

積分: 999

22^#

發表於 09-2-24 11:57 |只看該作者

同 6299 關係唔好根本係宿命, 其實就算我做咩 or 佢做咩, 大家都互相睇唔過眼, 不過我暫時仲可以用 "敬而遠之" 的方法應付......

- 佢話要o黎 "探我", 我叫老公同佢講遲d先, 我唔舒服, 我地又住得遠, 叫佢唔好o黎.

- 佢話"關心你"要 link 薑醋俾我食, 我話中醫叫我唔好食, 虛不受補, 叫佢慳番, 攞番佢屋企自己食到夠.

- 借d意又塞d垃圾o黎我屋企, 又話"為左你", 攞俾你用, 死都話唔o岩用, 叫佢攞番走, 費事接得一次, 以後大把垃圾堆去你屋企.

明耳人, 一聽就知, 佢地句句關心你係假, 想多d o黎睇個孫就真, 不過我都唔係咁絕情, 等我在場, 一個月見一兩次就冇所謂, 咪洗指意想等我唔係屋企, 成日o黎龐壞 / 教壞我個仔, 但這個辦法要老公都贊成合作先得. 如果你老公係個孝順仔, 咁就冇計.

私人傳訊

tww1229

子爵府

積分: 10007

畀面勳章

21^#

發表於 09-2-24 10:34 |只看該作者

緊係差咗啦\
有次我同bb係房沖涼,之後bb d污糟衫同張包被我就擺咗係地下度,跟住呀99就開門見到地下d衫,然後就講咗句我覺得佢係痴X線的說話,佢話做乜擺呀B係地下瞓(佢以為地下捲住D污糟衫同被係呀Ｂ)講真99真好笑我擺佢係地下瞓都唔會擺個仔啦!!!
有時都唔知D99係咪個腦有問題

私人傳訊

JWCBB

大宅

積分: 2193

20^#

發表於 09-2-24 01:12 |只看該作者

差左啦........我99實在太頂穩啦~

1. 每次打電話黎, 第一句就問你夠唔夠奶比bb食呀 (我心諗, 我餵人奶, 唔夠, 係咪你渣比呀囡食呀)

2. 上次姑9 & 99 買錯左尿片, 佢地隔左成2個wk先去換, 人地話咁耐換唔到, 99就打黎問我.... 可唔可以用蠅綁住用........(痴孖根)

3. 未生時問過99擺唔擺滿月酒, 佢話唔會, 點知到囡囡滿月前一日, 話要擺滿月酒 ~ (我真係彩你都有味呀)

4. 有次黎睇囡囡, 係bb房到, 囡囡喊緊, 99話bb口渴要飲水喎, 我話佢扭計姐, 99反問我 "你點知呀" 本能反應回佢一句 "我點會唔知呀, 我湊左佢成個月" 99即時無聲出 , 我都未講下半句 ," 我唔知, 唔通你知咩"

5. 有日夜晚7點既打黎, 話8點黎我屋企, 幫我湊囡囡, 玩野咩, 你8點半黎到, 10點你就走, 講咩幫我湊囡囡呀, 想玩bb咪老實講囉, 講到好似好大恩裼咁, 黎幫我~

6. 除左99, 我姑9一樣咁衰.... 打電話黎聽到bb喊, 跟住SEND個MSG比我, 話我囡囡係百日喊, 仲話可以黎幫我湊2-3粒鐘, 嘩~~~ 2-3粒鐘咁多, 留番你自己啦, 仲話我個囡百日喊, 真係大吉利是~

7. bb未出世時講過擺滿月酒的, 我姑9個時一聽到我問, 就即時答, 就算擺滿月酒, 只係得5個人黎姐~~~ 真係想一句 pk車過去比佢～　

私人傳訊

woobear

男爵府

積分: 6658

19^#

發表於 09-2-17 09:33 |只看該作者

你就好啦, 奶奶咁開明。
琴日奶奶同我老公講話我地對佢既態度差在, 仲一路喊一路同我老公講。其實我覺得係佢接受唔到我地話佢, 就話我地態度差。
我老公依家加快諗下搬出去。

原帖由 Joeff 於 09-2-16 23:13 發表
咁我奶奶算好好喇，佢對我同以前一樣咁好，成日買呢樣嗰樣俾我食。我依家返工都俾佢湊，雖然佢之前都湊過兩個，有佢自己嘅一套，但係我同佢話我睇書有D新方法湊B，佢都全部接受，仲無黑面添，所以我都放心俾佢湊。 ...

私人傳訊

Joeff

男爵府

積分: 7422

18^#

發表於 09-2-16 23:13 |只看該作者

咁我奶奶算好好喇，佢對我同以前一樣咁好，成日買呢樣嗰樣俾我食。我依家返工都俾佢湊，雖然佢之前都湊過兩個，有佢自己嘅一套，但係我同佢話我睇書有D新方法湊B，佢都全部接受，仲無黑面添，所以我都放心俾佢湊。

私人傳訊

kiki.kiki

珍珠宮

積分: 49031

醒目開學勳章環保接龍勳章

17^#

發表於 09-2-16 16:58 |只看該作者

我就冇咩分別, 因為BB係我同我媽咪自己湊返, 99只會間唔中嚟睇吓B(佢要返工, 好忙), 咁有時佢都會俾吓意見, 我地覺得啱就聽, 唔啱就算數...仲有, 當99嚟探BB時, 我同媽咪會即刻"走鬼", 整返99鍾意見到嘅野(例如幫阿B著多件衫)....99走咗就回復原狀

, 所以99而家都冇咩好講lu....

私人傳訊

mokcnine

大宅

積分: 2582

16^#

發表於 09-2-16 15:15 |只看該作者

原帖由 woobear 於 09-2-16 09:24 發表
差在；
勁唔like奶奶,見到佢我就覺得好煩,成日做d野對阿b唔好,以下只係其中3樣

1)學我地上肩膀抱阿b, 點知阿b成塊面食曬佢d頭髮 (奶奶d頭髮有髮泥)。
2) 阿b食奶個時,成日逗佢玩, 攪到阿b食食下奶, 唔專心繼續食落去 ...

你99同我99一樣, 最鍾意係阿b食奶果陣撩佢, 搞到佢唔願食, 食唔晒支奶不特止, 有時仲要嘔番出黎, 激死人! 就算係佢餵, 佢都要一路餵一路搞佢, 都唔知點解...

私人傳訊

woobear

男爵府

積分: 6658

15^#

發表於 09-2-16 09:24 |只看該作者

差在；
勁唔like奶奶,見到佢我就覺得好煩,成日做d野對阿b唔好,以下只係其中3樣

1)學我地上肩膀抱阿b, 點知阿b成塊面食曬佢d頭髮 (奶奶d頭髮有髮泥)。
2) 阿b食奶個時,成日逗佢玩, 攪到阿b食食下奶, 唔專心繼續食落去。阿b同佢笑, 奶奶覺得好過癮。
3) 唔洗手抱阿b, 阿b返屋企第1日已經講在要洗手, 加上依家流感高風。

唉..唔單止奶奶, 連老爺都係咁, 琴日仲話過多2個月, 即4-5個月, 話可以比阿b可以食芝士波(佢一路食, 一路講)

我同老爺奶奶一齊住, 真係無法。我真係唔放心阿b同佢地一齊獨處。