少年成長 今日: 3 | 主題: 16012

積分: 2065

1^#

發表於 09-2-2 00:18 |只看該作者 |正序瀏覽 |打印

阿囡情緒好好好好飄忽, 大上大落, 同親戚朋友一齊, 非常十分之正常, 但只同我地兩公婆一齊, 就"禁"一個制就黎料, 要撩到我地興, 我地檢討過自己, 發覺同佢嘈or 閙佢, 長期黎講對佢心理唔好, 所以我呢幾日好忍得(由年初一, 我立志唔再歇斯底里地閙佢), 由得佢發花顛, 只係同佢不斷不斷講道理, 日頭好work, 佢好服我地. 但唔知點解, 呢七天, 佢半夜醒左(有時又話張皮歪左, 有時要weewee), 無端端發我皮氣, 佢好勞氣地話鐘意自己一個人, 唔要我地, 叫我地錫哂妹妹得架啦, 我同佢解釋唔係, 我地最錫佢 & quote左好多例子比佢聽, 我地係最錫佢, 佢居然大大聲話"係咩", 我唔駛您地錫........ 又試過打我, 真係人都顛, 我地覺得佢個心有d鬱結, 好想幫佢解開, 唔想佢積住d野響心度令佢唔開心. 其實阿囡好聰明, ok靚女 & 學野好快, 但真係好驚佢情緒影響佢整個人. 各位, 有無好既兒童心理醫生介紹 ? 仲有, 佢有d焦慮, 但唔經常, 但黎料就非常神經質.

0 0 0

私人傳訊

AW224

禁止訪問

積分: 37

31^#

發表於 09-4-8 03:12 |只看該作者

提示: 作者被禁止或刪除內容自動屏蔽

私人傳訊

AliJasEd

複式洋房

積分: 296

30^#

發表於 09-4-7 18:04 |只看該作者

I know a specialist, not a doctor, who may be able to train or help you and your kid to handle those problems. My kids are there for almost a year. I find her trustful. She always gives me some valuable opinions and looks at things from other perspective. However, she is in Yuen Long and not sure if it is too far. PM me if you want more info.

[ 本帖最後由 AliJasEd 於 09-4-7 18:07 編輯 ]

私人傳訊

HHCC

積分: 5069

29^#

發表於 09-4-6 21:10 |只看該作者

原帖由亞菊於 09-4-3 14:04 發表
想問下大家的問題解決得到嗎?

近來，我囝囝有類似焦慮症的問題。
想知你們子女的最新近況，有沒有好轉呢?

我非常擔心囝囝，令自己一想到就不禁哭出來。已經向學校社工求助，暫時末有大進展。

現在趕住去接放學，希望你們能 ...

可以詳細點講講情況嗎？唔好咁擔心住，有時我地為人媽咪真係會緊張左，而令到小孩都好有壓力

私人傳訊

HHCC

積分: 5069

28^#

發表於 09-4-6 21:09 |只看該作者

原帖由 薳然媽媽 於 09-2-9 22:26 發表
根據非官方統計，異性兄妹/姊弟既互相jealous情況應該係唔會太嚴重, 同性別仲係女性會jealous多d. 其實話jealousy, 需要daddy媽咪愛既程度, 真係人人唔同, 若果個個都一樣, 社會就唔會有咁多問題了. 不過我幾十隻字, ...

其實你有無諗過家庭治療? 我聽過有些機構有家庭治療, 心理醫生會了解全部家庭成員, 再提議解決方法. 因為我覺得單一去安排你女女去做治療, 未必最有效. 坦白講, 我覺得你都處於一個好緊張的狀態, 你也需要找RELAX的方法. 小朋友好敏感, 佢地真係會FEEL到你果種無助感的. 所以我覺得你地一個家庭ＡＳ　Ａ　ＷＨＯＬＥ咁去見醫生會有效Ｄ。

如你只想找個別心理醫生，你可以試下找黃重光醫生，佢好似都幾出名。

希望你地快Ｄ過渡左呢個階段！

私人傳訊

亞菊

積分: 3351

27^#

發表於 09-4-3 14:04 |只看該作者

想問下大家的問題解決得到嗎?

近來，我囝囝有類似焦慮症的問題。
想知你們子女的最新近況，有沒有好轉呢?

我非常擔心囝囝，令自己一想到就不禁哭出來。已經向學校社工求助，暫時末有大進展。

現在趕住去接放學，希望你們能夠留言和我分享下。
謝謝!

私人傳訊

ypm

複式洋房

積分: 188

26^#

發表於 09-3-20 03:16 |只看該作者

I have the same case...I'm looking for the doctor too..
My daughter is 2.5yrs and 1 month. I need to take care them by myself until my maid get the visa.
My frist daughter will cry when she sleep, and can't hear what i say. she will ask me to do a lot and say 'i want it now!' or 'i don't want you'<---to daddy.
I know she is sad and she will told me she is not happy. but she can't told me why. but i know because i can't spend too much time to her. She love the little sister so much. she will kiss and hug her by herself.
I know it won't be too long, but i still want to find the doctor. hope he can help or i can know more about my daughter.

私人傳訊

jk923

翡翠宮

積分: 75130

25^#

發表於 09-2-11 21:32 |只看該作者

遠然媽咪：
我有朋友帶過佢個仔見心理醫生做評估同治療資料，有需要你打比我丫。我pm電話比你。

私人傳訊

BBR

積分: 2760

24^#

發表於 09-2-10 10:23 |只看該作者

其實睇返你都好似話個女只係半夜會醒發脾氣同講個D野係米?平時佢好正常,好錫妹妹?如果係咁我覺得可能你將個問題復習左小小,因為我聽你咁講佢都唔係好唔正常,你個女都係好似其他小朋友一樣比較難教D,大脾氣,佢有冇做D傷害妹妹的事?我個女大約3歲時開始成日半夜會醒(係每晚),跟住會大喊,打人,發好大脾氣,都係會講D唔要你呀!唔好攪我.....之類的說話,差不多成年都係咁,宜家至好D,不過半夜都係會醒但就冇大吵大鬧.同返D同學仔媽咪傾佢地有D小朋友都係咁.因為睇你寫我就真係未覺得你個女問題好嚴重,只係可能縱壞左小小,我知你有鬧佢,但問題係可能你個女比較難教,如果你忍佢可能重會得寸進尺,我照你字面睇的理解你個女應該係一個幾活潑的小朋友,你試下同佢傾(我知你傾左好多次)不過會唔會方式錯左?例如你唔好將個問題方向放响妹妹到先,唔好比佢借題發揮,你問清楚點解佢要成日發脾氣,你要引渡佢講,要响佢心情好時同佢傾,唔好响佢發脾氣時或後至傾,傾的過程中你當然要話佢知你再發脾氣你地會點做,例如你同佢講我會唔理你直到你發完脾氣,我會唔同你去邊,唔比你玩咩........你重要成日同佢講一個乖小朋友係唔會成日發脾氣,你都唔想媽咪嬲,咁你唔發脾氣我都唔會嬲你重會好錫你,你又試下應承佢如果佢乖你又會同佢去邊或買一D野去獎勵佢,又試下要佢照顧下妹妹,比一D野佢做跟住讚佢大個女,識幫手,我有時都會特登比D野個女幫手跟住話"好叻喎,大個女識幫手,你宜家係大姐姐,所以乖左好多冇發脾氣,宜家成日都可以幫到媽咪做野,你好"西利"",小朋友好鐘意聽le d野,至於佢半夜喊發脾氣你試下分散佢注力,例如佢一喊你可以試下扮整親話好痛好痛,跟住話因為佢發脾氣所以整到,又試下佢一喊你話肚痛問佢可唔可以停一停陪你去洗手間,但你一定要誇張D,因為小朋友通常要誇張D至吸引到佢地注意力,咁佢一靜落黎你就同佢講佢次次醒左喊你都會痛痛,問佢下次可唔可以醒左唔好喊發脾氣,問佢想唔想媽咪痛痛?跟住你都要同佢講如果你半夜醒左你可以叫醒我,媽咪會起身陪你,但千萬唔可以大吵大鬧,因為媽咪會陪你,不過唔醒瞓天光就最叻,不過你可以試下將佢半夜醒當一個遊戲,因為我同個女都試過,等佢可以分散注意力唔好一醒就喊,我會叫佢如果醒就大聲叫我3聲我就會立即起身,或kiss我我就會張開眼睛,有時我會放個有聲音發出的玩具响佢隔離,咁佢醒就發出聲音我就會出現.不過我建議你平時如果佢發脾氣你唔好次次都鬧,試下唔好理佢,話佢知佢發脾氣你係唔會彩佢,叫佢自己想清楚自己arm唔arm,想清楚後同你講,佢唔講的話你係唔會理佢,佢可能會發脾氣想好耐都唔出聲,你就要隔一段時間再提佢唔講自己錯咩你係唔會彩佢,到佢同你講的時候,你一定要佢學識say sorry.
我唔知你有冇試過以上的方法,不過對我個女就幾work,你個女重細(K1?),我個女K3了,不過我之前有加小小打手拍,但你個女宜家情況就唔好打,佢未必係心理有問題,係臭脾氣D,好多小朋友都會,因為我見你都好錫佢,可能縱壞左,唔好成日唔理妹妹,試下多D4人一齊,比佢學下照顧妹妹做姐姐,比佢分擔一D簡單工作,比一D自豪感佢感受下.多讚佢大個女做得好可以幫手.希望你女女早日可以改善到.

原帖由 薳然媽媽 於 09-2-9 22:31 發表
我一d都唔擔心佢要淨係同我一齊, 唔比我拖daddy, 因為我睇過d幼兒書, 4-5歲既小朋友係咁架, 會當左daddy係情敵, 係好正常架.

私人傳訊

NO.1YUET

積分: 1506

23^#

發表於 09-2-9 23:04 |只看該作者

原帖由 薳然媽媽 於 09-2-9 22:31 發表
我一d都唔擔心佢要淨係同我一齊, 唔比我拖daddy, 因為我睇過d幼兒書, 4-5歲既小朋友係咁架, 會當左daddy係情敵, 係好正常架.

我唔知點, 但你的問題有d像我一個朋友. 但我朋友冇同個仔見e生, 而佢找社工&上一些堂.

私人傳訊

積分: 2065

22^#

發表於 09-2-9 22:31 |只看該作者

我一d都唔擔心佢要淨係同我一齊, 唔比我拖daddy, 因為我睇過d幼兒書, 4-5歲既小朋友係咁架, 會當左daddy係情敵, 係好正常架.

原帖由 BBR 於 09-2-9 00:24 發表
唔好咁擔心,我個女5歲多佢都係唔比爸爸拖我,佢爸爸一痴埋我到佢就一定立即分開我地,佢出街都係唔肯拖爹地,其實我覺得係一個過渡期,我細妹個女都係咁,不過大左後就已經好左,如果係咁你試下真係發下嬲比佢知如果佢再係 ...

私人傳訊

積分: 2065

21^#

發表於 09-2-9 22:26 |只看該作者

根據非官方統計，異性兄妹/姊弟既互相jealous情況應該係唔會太嚴重, 同性別仲係女性會jealous多d. 其實話jealousy, 需要daddy媽咪愛既程度, 真係人人唔同, 若果個個都一樣, 社會就唔會有咁多問題了. 不過我幾十隻字, 都真係無辦法去完全解釋您聽我既真實情況. 上星期我幫同事傾阿囡既情況(面對面講會好清楚, 即刻有反應 & 同事見過我阿囡, & 都好明白我為人, 識我既人知我唔係d唔負責任既媽媽, 亦知我係好好好錫我囡囡的 & 知我都ok注重幼兒心理), 係同事(佢地一個係讀成人心理學 - 暫時幫我唔到, 另一個係HR Director, 接觸過好多人心裡有積壓, 俗d講係shot shot地, 佢地通常都係內心心處由一d小問題開始無解決, 就變左一個大問題) 提議我再搵幼兒心理醫生架, 阿囡無緣無故半夜醒左, 講d咁既野又打我 (唔係一晚, 係好多晚), 有個同事仲話好得人驚, 驚係污糟野, 但我當然知唔係啦, 我係阿囡個阿媽, 係feel到佢心裡有鬱結, 真係好想幫佢清左佢, 我唔想佢積壓住唔理, 否則一路落去, 大個會癡線架. 我有好幾個同事識我阿囡, 都話阿囡好多野諗, 第日大個左會唔開心多, 我d同事好好, 預早提醒我, 等我可以咁早注意, 我做媽媽既, 最想最想係囡囡開開心心, 健健康康.

其實之前幫阿囡做game therapy個姑娘由阿囡bb開始host我地參加既親子班, 阿囡3,4個月左右, 佢已經話阿囡好敏感, 因為姑娘一抱佢, 佢就成個人硬哂好緊張(通常一般同齡bb係唔會架, 仲未識認人, 仲係一舊飯), 隔多幾個月, 阿囡又大d, 佢就提我小心阿囡既情緒, 一路要好好留意.

我個陪月姨姨都係咁話, 我大囡&細囡都係請同一個陪月姨姨幫手, 姨姨話妹妹一d問題都無, 好cheerful, 但家姐就要我好好睇住, 尤其係第日開始有m時, 佢d情緒仲會大起大落d添. 我地依家唔搞好佢, 真係好驚佢會癡架.

原帖由 may123 於 09-2-9 18:54 發表
我有兩個小朋友,大女四歲半,細仔三歲,我自己就冇刻意話照顧家姐多一些,細仔小一些,係咩都一齊,去街一齊,玩一齊,係佢小時,我會同佢講,細佬仔細,要照顧她的事項會多一些,但我不會只愛你而唔愛細佬,又或只愛細佬唔要你, ...

私人傳訊

may123

積分: 6788

好媽媽勳章

20^#

發表於 09-2-9 18:54 |只看該作者

我有兩個小朋友,大女四歲半,細仔三歲,我自己就冇刻意話照顧家姐多一些,細仔小一些,係咩都一齊,去街一齊,玩一齊,係佢小時,我會同佢講,細佬仔細,要照顧她的事項會多一些,但我不會只愛你而唔愛細佬,又或只愛細佬唔要你,你同細佬係一樣的
家姐而家都四歲幾啦,爭野一定有,但暫唔會有我愛細佬而唔愛她的感覺(不過又可以咁講,因為家姐仔歲幾時,細佬巳出世,所以我想佢少少懂事以來,巳有細佬仔的存在,所以佢可以唔多知咩叫妒忌

[ 本帖最後由 may123 於 09-2-9 18:56 編輯 ]

私人傳訊

BBR

積分: 2760

19^#

發表於 09-2-9 00:24 |只看該作者

唔好咁擔心,我個女5歲多佢都係唔比爸爸拖我,佢爸爸一痴埋我到佢就一定立即分開我地,佢出街都係唔肯拖爹地,其實我覺得係一個過渡期,我細妹個女都係咁,不過大左後就已經好左,如果係咁你試下真係發下嬲比佢知如果佢再係咁你就會好唔開心. 要佢停止發脾氣至理返佢. 我覺得佢心裡面知道咩事,只係發慣脾氣,所以你要先攪掂佢D脾氣,如果唔係再大D變左好野蠻就煩. 如果要做的你都做哂咁就係女女太野蠻,你要攪掂佢D脾氣先,等佢冷靜落黎至不厭其煩的同佢解釋你點解要嬲.
不過小朋友這情況的過渡期一定唔會短(我都係大女,我以前都覺父母錫細妹多D,係讀小學個6年成日都係咁諗,直到上左中學至明白).

原帖由 薳然媽媽 於 09-2-8 23:59 發表
BBR,

都唔係過渡時期啦, 老實話您聽, 去年我剛生完細女, 大女情緒非常十分之唔好, 經常閙情緒 (例如佢指定要我幫佢沖涼, 我較好水了, 除左佢d衫, 佢又話唔沖, 好啦, 我順佢意唔沖啦, 叫佢著返衫, 佢又唔著, 咁我又 ...

[ 本帖最後由 BBR 於 09-2-9 00:28 編輯 ]

私人傳訊

積分: 2065

18^#

發表於 09-2-9 00:15 |只看該作者

我大囡講話 "您地錫妹妹得啦", 應該係挑釁我地. 我常常為忽視妹妹而暗自流淚, 您知道嗎 ? 我地覺得妹妹好慘, 我地成日響樹諗若果細o個個係仔, 我地或會唔內疚, 可以好恨心, 我同老公一樣咁諗, 女仔係要黎錫架, 所以成日都覺得對妹妹唔住. 或者係咁, 雖然我地對妹妹少, 但抱佢&玩o個一刻, 真係用心去抱去錫, 大女看在眼內唔定 ?!

原帖由 NO.1YUET 於 09-2-7 00:50 發表

hi,

我同意, 你囡囡已經比咗message你, 佢覺得你重視妹妹而你就仲將佢推去e生處. 我有2個小朋友佢2個相處唔錯, 但我都時時提醒自己要小心以免家姐誤會.親細妹仲未識煩你, 假期交比婆婆照顧, 你兩公婆只同家姐佢一 ...

私人傳訊

積分: 2065

17^#

發表於 09-2-9 00:06 |只看該作者

mywong,

我細囡係比工人照顧多, 我老公同細囡瞓, 我每晚同大囡講完故事睇完書, 同佢瞓, 我同佢沖涼, 同佢刷牙, 早上, 叫佢起身, 同佢梳洗, 換校服, 食早餐, & 同佢一齊搭地鐵轉校車, 我有時中午會返屋企食飯, 佢見到我響樹, 又要我餵, 唔響樹好地地. weekend, 我地兩公婆一齊帶佢去學野, 妹妹星期日至有得一齊出街數小時, 我有兩個工人, 本來可以幫輕吓, 但都唔得, 或者得大囡被我寵壞了.

我大女係知道我地陪佢多d, 佢都知妹妹好可憐, 但佢又好錫妹妹. 或者咁形成佢矛盾既感覺.

原帖由 mywong 於 09-2-4 22:37 發表
薳然媽媽

女女幾大呀, 我都有2個小朋友, 我做法係將細仔交比工人照顧, 而大仔由自己主力照顧. 不時會同大仔兩人去街街, 每一星期有1-2晚同我訓, 多d同佢傾計(但唔會下下要提住佢要鍚細佬, 佢都會覺得你偏心) 當然佢 ...

私人傳訊

積分: 2065

16^#

發表於 09-2-8 23:59 |只看該作者

BBR,

都唔係過渡時期啦, 老實話您聽, 去年我剛生完細女, 大女情緒非常十分之唔好, 經常閙情緒 (例如佢指定要我幫佢沖涼, 我較好水了, 除左佢d衫, 佢又話唔沖, 好啦, 我順佢意唔沖啦, 叫佢著返衫, 佢又唔著, 咁我又叫佢沖啦, 佢又唔沖, 但又唔肯著衫, 總之係好聽d, 佢試我底線, 唔好聽係玩我), 經常有類似情況 (如要我陪佢瞓覺), 我當時又坐緊月, 我望住個窗口, 想跳落去, 但理智話我聽, 我係兩個小朋友既媽媽, 我跳左落去, 佢地就無媽咪架啦, 咁我無做度, 跟住老公提我去搵社工傾, 姑娘起初感覺我大女有焦慮症, 幫佢做了12堂遊戲治療 & 按我要求book了心理醫生, 但做完遊戲治療後, 姑娘話大女有好轉 & 可以暫時唔見心理醫生. 之後一路都無咩大問題. 其實阿囡好錫妹妹架, 佢都知妹妹好慘, 媽咪 (即係我)無理過妹妹, 我每天只係見到妹妹最多一小時(抱就最多每天10分鐘), 飲奶 & 食粥仔, 陪瞓覺, 換片片, 全部都係工人. 由呢兩個月開始, 我地星期日至帶妹妹一齊出街3-4個鐘, 但好奇怪, 佢同埋妹妹一齊出街時會好乖, 佢係好錫好錫好妹架. 我早幾日出差數天, 今早佢起身見到我, 就話佢好掛住我, 仲幫妹妹講埋 "妹妹都好掛住您呀". 大女都會jealous我老公的, 出街時, 我一手拖佢, 一手拖daddy, 佢唔比daddy拖住我, 但佢又唔肯拖daddy, 又唔想daddy同我地一齊出街, 我老公話大女想擺住我, 要同我獨處. 或者佢呢段時間(四歲)係咁啦. 不過佢真係好矛盾(就係呢樣野, 我至最擔心, 因為佢會鬱住鬱住), 佢好錫妹妹, 但又唔想我理妹妹, 所以做埋好多令我激氣 & 搞到我想c既事情. 唔緊要啦, 我出完差返黎, 同佢隔開左幾天無見面 (呢前幾日, 佢喊到歇斯底里, 老公形寄佢好似d大人失戀咁), 今日淨係同大女出街 (無帶妹妹)補返數 & 陪佢參加體操比賽, 佢成日都諗起妹妹, 話好掛住妹妹, 佢真係好錫妹妹架. 希望可以以新態度同佢相處, 與此同時, 我會搵返姑娘 & 學校社工幫忙先. 唔該哂各位.

原帖由 BBR 於 09-2-3 09:16 發表
你個女幾歲?我反而唔主張咁細個就比佢睇心理醫生,因為你女女情形其實好多有妹妹/弟弟的小朋友都會有,可能係一種過渡期,反而係父母要用正確方法去handle,你同佢睇心理醫生第1佢未必明個醫生做咩,第2始終係要做父母的 ...

[ 本帖最後由薳然媽媽於 09-2-9 00:27 編輯 ]

私人傳訊

NO.1YUET

積分: 1506

15^#

發表於 09-2-7 00:50 |只看該作者

原帖由 BBR 於 09-2-3 09:16 發表
你個女幾歲?我反而唔主張咁細個就比佢睇心理醫生,因為你女女情形其實好多有妹妹/弟弟的小朋友都會有,可能係一種過渡期,反而係父母要用正確方法去handle,你同佢睇心理醫生第1佢未必明個醫生做咩,第2始終係要做父母的 ...

hi,

我同意, 你囡囡已經比咗message你, 佢覺得你重視妹妹而你就仲將佢推去e生處. 我有2個小朋友佢2個相處唔錯, 但我都時時提醒自己要小心以免家姐誤會.親細妹仲未識煩你, 假期交比婆婆照顧, 你兩公婆只同家姐佢一齊過, 無論做什麼都好.比佢知道妹妹細什麼都要人幚而姐姐有幾叻等佢有d優越感同埋你們都會抽時間同佢單獨相處, 漸漸大囡會接受妹妹.

私人傳訊

mywong