吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 0岩0岩結婚99就強調一定要生仔, 壓力好大 ...

自由講場今日: 4549|主題: 1342436

收藏本版

發帖

返回列表

跳至頁

查看: 13702 | 回覆: 84

0岩0岩結婚99就強調一定要生仔, 壓力好大

[複製鏈接]

12 3 4 5

utopia25

大宅

積分: 1526

1^#

發表於 17-8-2 22:24 |只看該作者 |正序瀏覽 |打印

本帖最後由 utopia25 於 17-8-2 23:39 編輯

呢件事我連親人都唔敢講（怕擔心），所以非常多謝大家既回應！我諗我知道點做，由於成件事有點長，我highlight左一D重點, 不過如果咁0岩呢刻0既你有時間, 希望可以唔嫌棄, 睇晒我成件事0既前因後果, 感激。。。

我明白我有責任解決呢單野，亦都唔會係一時三刻可以close file咁簡單，唯有一步步去拆呢個計時炸蛋，既然我命中注定有呢一劫，既來之則安之。。幸好我無怨恨既心，因為我知道任何恨意只會令問題越滾越大。希望大家可以祝我好運。。

其實結婚前我已經同老公多次講明我唔想有下一代, 當初應承拍拖0既其中一個前提都係佢話生仔太貴唔想生, 提醒佢接受到先好娶我 , 一路都無野, 點知臨結婚前佢先黎改變主意, 果時乜都book 晒, 加上商議好多次結論係雙方都唔想因為呢個單一原因就放棄, 並同意短期內唔提呢個話題, 初初老公都可以遵守約定。

點知99唔知係咪因為知道我就算宜家生都已經係高齡產婦, 一結婚就不斷強調"遲幾年生唔緊要, 但你必須make sure你地一定會生仔 (下刪若干理由)", 99住得好遠一年只能見個仔幾次, 但間中會打電話比老公, ( 我同99未見過面未直接講過野, 但已經好驚 ) 咁老公每次收到99電話都好down, 並且不斷講D令我有壓力說話(雖然唔係故意但對我黎講係好大壓力) , 話愛我先想有下一代之類, 婚前婚後我都講左Ｎ次佢如果咁重視下一代係應該娶第二個，最吹脹係佢強調佢唔係求其想搵個女人為佢生，對其他女人生的仔無興趣，又話作為男人愛一個女人無理由唔會想有下一代，但佢無話我唔生就會自殺，佢只係話如果離婚佢會自殺，結果每次９９催佢時，佢都拖住９９先話我地搞得掂架啦，然後轉９９話題，佢雖然唔開心，但其實都無俾說話我聽，反而係我沉唔住氣，拎返９９打電話比佢呢件事出黎講話覺得無將來，係咪我反應過敏？

總之佢一講呢Ｄ我就晚晚訓唔到覺影響埋健康.　其實佢地講乜我都肯定自己唔會妥協唔會生，正如一個極度畏高０既人你點迫佢都唔會搬去１００樓透明地板０既屋度住啦，佢只會逃離迫佢０既人。

佢犧牲左好大黎同我結婚，除左呢個問題佢處理得唔好外，問心佢樣樣都做得好好。如果宜家一結婚就離婚, 唔係我唔肯放生大家，係佢有講過如果離婚0既話會受唔住打擊自殺, 呢點令我覺得更加大壓力, 佢地Ｄ日本人真係易Ｄ自殺，而且唔會好似ＨＫ男人咁覺得再婚搵第二個生係好小事，佢地文化入面男人離婚都係醜事黎，所以佢講得出會自殺，我唔敢用人命黎搏佢做唔出。同佢已經傾過好多次, 根本以目前0既佢或者目前0既我黎講, 大家都無可能接受對方觀點, 我覺得越傾只會越衰亦好累, 唔想呢件事慢慢演變成倫常慘劇。睇左大家既意見，似乎結論係我應該等件事淡Ｄ時，以人身安全為前提提出離婚，make sure唔會有人受傷，甚至應該搵婚姻輔導員陪同下去提出離婚，咁樣可以減低萬一佢情緒失控下既危險性。

我唔識點樣用三言兩語解釋我點解死都唔肯生仔, 我了解自己性格, 如果生左仔一定後悔一世痛苦一世, 個細路都一定唔會好過, 所以熟我0既人都覺得我唔生反而係負責任行為. 可能有D人覺得咁係自私, 但我想講一去到呢D大TOPIC人人都總會自私, 佢地兩個強人所難都係一樣. 不過我唔覺得三方面任何一方有錯, 只係命運俾左一個好大考驗我地.

至於點解我老公會轉汰堅持要生：我老公細過我幾年，我覺得佢都有時都未係好成熟（指以父親ＬＥＶＥＬ黎講，男友ＬＥＶＥＬ黎講就好夠成熟照顧得我唔錯），佢話係身邊０既人加佢阿媽０既壓力令佢改變，加上初時以為佢自己可以改變黎配合我，點知做唔到之類，不過咩原因都好啦，已經回唔到頭，婚書又簽左，我唔係話想怪佢因為怪黎都無用啦，淨係日日求神救我，我完全無ＩＤＥＡ點解決呢件事

當初大家以為真心中意對方, 乜都坦坦白白, 相處愉快就可以結婚, 無諗過會搞出個大頭佛, 我真係好驚, 而且我係過埠新娘, 無親無故, 根本無人可以救到我

好在佢都唔係唔聽旁人意見, 上次佢話尊重BK 俾我0既意見, 叫我多D收集同歸納大家點回應, 同將一D重點翻譯比佢聽 (因為佢係日本人唔識睇中文), 咁我梗係舉腳贊成, 一向都大推BK係好好0既forum , 至怕佢唔buy姐, 既然佢話 buy 咁都仲有一線生機..

ＳＯＲＲＹ打得好長，多謝每一位肯睇晒成篇文０既朋友！要講出黎，真係好需要勇氣。。

0 0 0

私人傳訊

rayrayus

翡翠宮

積分: 83959

2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章 2018復活節勳章育兒性格勳章趣教勳章叻叻勳章 BK Milk勳章 hashtag影視迷勳章 15週年勳章親子王國15週年勳章

85^#

發表於 17-8-7 00:04 |只看該作者

回覆樓主

老公唔願面對，唔同奶奶坦白講你既意願，你就自己同奶奶講啦。直接講我係好愛你個仔，但唔願意生小朋友，婚前老公已經知，我冇隱瞞過。當然，你要有心理準備會嘈，會唔開心，有可能離婚，但堅持己見就預左會係咁，人哋再唔開心你都冇辦法，早日面對好過拖拖拖

私人傳訊

EMILY03

侯爵府

積分: 20108

84^#

發表於 17-8-6 23:56 |只看該作者

我覺得要三口六面講清楚，表明我一定唔生，你決定離婚或搵人代生也好我都冇意見．前題是，希望樓主你唔好後悔．

私人傳訊

AJ0000

男爵府

積分: 6332

83^#

發表於 17-8-6 23:40 |只看該作者

回覆樓主

唔想生真係唔好生, 我未生前都想有小朋友, 但生左後, 真心覺得自己的性格係唔適合做媽咪, 我份人又無耐性, 又急, 又怕煩!!

當然, 為左小朋友我都盡量改變, 但我心底裏係後悔嘅, 尤其有個中年港男係隔離, 咩都唔幫手嘅時候, 仲更激氣!!!

私人傳訊

HO2118

複式洋房

積分: 196

82^#

發表於 17-8-6 23:08 |只看該作者

尊重自己的意願，世上無后悔藥可食，一個過來人嘅忠告！

私人傳訊

brindlewin

珍珠宮

積分: 38404

81^#

發表於 17-8-5 06:58 |只看該作者

ec727 發表於 17-8-3 13:03
而家只可以三個人坐低講清楚，你同你老公點傾都唔會有咩共識，源頭係奶奶個邊。
諗起好多人堅持唔要小朋友 ...

搬個“99要求”出嚟，純係造勢，又不同住(完全不同地域)邊理得到兩公婆咁多？講坦白兩個是否同床，99都唔知。
另一方面，冇男人結婚後才忽然開始聽阿媽話的。

私人傳訊

吉野

男爵府

積分: 9217

80^#

發表於 17-8-5 06:51 |只看該作者

回覆樓主

我有個朋友決定唔會生BB，
到最後男人開始變想生，女人亦都年紀大，
最後離婚
男再婚立刻有小朋友
女嘅只係與新男友同居

私人傳訊

brindlewin

珍珠宮

積分: 38404

79^#

發表於 17-8-5 06:48 |只看該作者

tester5 發表於 17-8-3 12:30
以我咁多年觀察，生仔和不生仔係最不可妥協的分歧，如果剛剛開始，我會建議立即分開。

而你己婚， ...

私人傳訊

brindlewin

珍珠宮

積分: 38404

78^#

發表於 17-8-5 06:45 |只看該作者

utopia25 發表於 17-8-2 23:26
我同你諗法一樣，佢想生ＢＢ既原因我完全唔ＢＵＹ亦覺得唔成熟，不外乎中意細路，唔想老來無兒女送終，怕孤 ...

我反而覺得呢個係結婚最應該放在首位的問題，根本係人生價值觀唔同。
尤其你立場(so far 係你一步不讓)咁強硬，對方卻明顯係為就你而要跟你意思做，俾我走到神壇前都會回頭~~其實你自己思想夠成熟，就應該放生佢。

私人傳訊

紫紫媽

大宅

積分: 3504

77^#

發表於 17-8-5 06:43 |只看該作者

回覆樓主

竟然你諗清楚自己唔會生，不如札左先，以防你老公岀古惑。學你講，過多排掉淡左件事先再決定點做。

私人傳訊

1mocha

伯爵府

積分: 19941

76^#

發表於 17-8-5 06:03 |只看該作者

utopia25 發表於 17-8-2 22:24
呢件事我連親人都唔敢講（怕擔心），所以非常多謝大家既回應！我諗我知道點做，由於成件事有點長，我highli ...

本帖最後由 1mocha 於 17-8-5 06:04 編輯

生仔好大責任，生咗就一世啦。想清楚才生。

再唔係咪找過第二個老公。

私人傳訊

gumchubb

大宅

積分: 2648

75^#

發表於 17-8-5 02:34 |只看該作者

回覆樓主:

好多case 老婆唔生老公真係會出面搵人生 ... 雖然唔可以一概而論，你自己衡量下自己想挽留邊樣野多d。

你搵十個生小朋友既好處，佢搵十個生小朋友既壞處，睇下可否各自改變心態？但我好奇既係日本男人唔係好專制架咩？

私人傳訊

唔係怪獸

伯爵府

積分: 15926

74^#

發表於 17-8-5 01:16 |只看該作者

回覆樓主

如果不想生千萬不要生，
生左之後責任超級大，除非你接受到自己不負責任！生左之後無錢丶冇時間丶冇自己丶冇自由⋯⋯而且冇得後悔，巧大鑊架！

沒有得到本人字面上允許，文字傳媒不許引用／摘錄／轉載本人任何留言，以作報導或任何其他用途。

私人傳訊

唔係怪獸

伯爵府

積分: 15926

73^#

發表於 17-8-5 01:13 |只看該作者

回覆樓主

洗乜嘈，口說會生，實際自己去打針避孕咪得囉！

沒有得到本人字面上允許，文字傳媒不許引用／摘錄／轉載本人任何留言，以作報導或任何其他用途。

私人傳訊

激烈的海狗

子爵府

積分: 10438

72^#

發表於 17-8-4 21:06 |只看該作者

utopia25 發表於 17-8-2 22:24
呢件事我連親人都唔敢講（怕擔心），所以非常多謝大家既回應！我諗我知道點做，由於成件事有點長，我highli ...

已睇晒。

你唔生！可能係用一段時間而可嘅解決問題
勉強生！係一世嘅責任和問題（遺背你自己意願）

再講衰啲，佢係要生？你係都唔想生（其實你係可以有方法去避而佢又唔知嘅）

我覺得生與唔生唔應該取決於上一軰嘅意思,生下一代係你地嘅責任係無人能取代，下一代始終都有自己獨立嘅一日，到時莫講話爺爺麻麻公公婆婆啦，自己係老豆老母都未必理倒未必管倒呀！

結論：婚照結（先唔講到離婚咁長遠），自己堅持唔生就唔生。