為左調理身體可以懷孕，我都調理左成三年幾。岩岩結婚時已經冇走去避孕但就點都唔可以BINGO，於是乎就去左做抽血檢查，報告結果係黃體素低於標準值...三年以來，為左BINGO所以食左好多食補，終於如願以償22W啦!!!!(遲左好耐先開post)我就同大家分享一下我既食療過程…
黃體不足: 一定要勤力D，每朝早上固定量體溫，搵出高溫期，岩岩開始既時候，難免體溫會唔夠明顯，亦可以認真觀察白帶既情況，我仲有額外食維他命丸加強調理。我自己就食左聖潔莓同肌醇，早晚各食一粒，持續食左1個幾月，係第二個月時，高溫期就開始穩定超過12日以上。
遲排卵: 因為月經唔準，所以亦好難捉到排卵期，中醫同我講，我主要係因為肝鬱近而引起腎虛，所以醫生要我加強疏肝補腎，我會自己煲杜仲茶，或者係煲杜仲雞湯，加強補腎。有陣時比較忙，就會飲田原香滴雞精救急，味道都幾好架。另外，我亦都好推薦黑豆茶，炒過之後煲成茶，能夠增加雌激素架。就係咁樣食補大約Keep住食左2~3個月，從一開始點都測唔到，令我自己都開始懷疑我係唔係排唔到卵，到後來終於慢慢浮出來，明顯既排卵日！
宮寒: 我係天生手腳冰冷既人，就好似一塊唔會融化既冰，即使著左襪，腳板底都仲可以透過襪冰到我老公，醫生話其實咁樣都係代表左我腎陽虛，非常不利於備孕。所以為左調理手腳冰冷既問題，我每一日都會浸腳，浸完腳之後全身都會流汗，身體亦都比較放鬆，晚上又特別好訓。但覺得最有用既方法都係跑步或者快步行，咁樣對於調理肝鬱亦特別有效，如果冇動力跑步就可以放下狗，不知不覺都會行左超多路。而最重要既係，千祈唔好飲凍野，補身既涼茶，就可以放到常溫後先至飲。
最後因為我係中西醫綜合調理，為左避免食補之間會有衝突？我都係秉持著中藥或者湯水要先飲，滴雞精就會揀係早上空肚飲，隔30分鐘後先會食維他命好似係聖潔莓同肌醇。仲有一點特別重要，我覺得調理過程中，一定要等自己睇開D，唔好患得患失，因為你越諗得多壓力就越大，反而更難生BB。
之前有JM PM問滴雞精品牌差異，據我所知今次BB展一共有好多間參展，鴻福堂、田原香、娘家、王朝同晨露，借呢個機會同大家試哂咁多款品牌～
一開始對王朝好有興趣，因為係比較新既品牌，亦都見到有好多Blogger推薦，不過台灣朋友就話王朝係台灣冇咩人識，揀滴雞精既話一般都是揀娘家、老協珍、田原香呢d大牌子。王朝優惠最低到78折，但講緊要買32盒。有免費試飲，買夠指定金額就送嬰兒浴盆、嬰兒用品消毒機、BB車等等。我同sales姐姐話我之前係有飲過娘家、田原香，但工作人員就開始攻擊，話佢地d雞隻來源不明、花錢請大明星（好似田原香請左鍾嘉欣同林心如代言），我覺得做生意有時為左爭生意係無可厚非，但係咁樣攻擊對手就唔係咁好囉！
之後我就去左鴻福堂度試飲，鴻福堂具我所知就係今年先推出滴雞精既，佢地標榜用既雞係歐洲既有機雞，拎左歐盟有機認證，好似都幾信得過！但係佢既滴雞精比起我以前飲既滴雞精顏色上有D唔同，佢係比較淡身，冇咁濃既感覺，有少少似茉莉茶色，唔通歐洲雞滴出黎既湯色都會唔同！？同埋有一點係，佢用歐洲雞，但係香港製造，即係話佢用既雞其實係冰鮮雞或者係雪藏雞，如果大家對雞既質素有要求可能就要考慮埋呢一點！但鴻福堂畢竟係香港大牌子，食品安全個part我一定最信任佢，我諗大家都可以俾D信心佢既！同埋可能係岩岩起步既關係，鴻福堂暫時只有一款味道，想特別補身既就要注意啦！
最後我去左田原香，田原香其實之前都有飲過，最主要係因為見到好多大牌明星都飲同埋台灣既朋友都有飲，諗住比較信得過，但佢既價錢就應該係比較貴既一個。今次BB展係佢地度買滴雞精有儲值金優惠，有D果汁機呀、揹帶之類送，仲有LC杯添。咁樣計落又好似比較抵，所以我就買左田原香拎埋禮物啦(笑)
發表於 
早餐前食！
返回列表
