吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 親子旅遊› 不是太滿意但總算完成的一行12人暑假宜蘭花蓮旅程 ...

親子旅遊今日: 27|主題: 161717

收藏本版

發帖

返回列表

跳至頁

查看: 1613 | 回覆: 19

[台灣] 不是太滿意但總算完成的一行12人暑假宜蘭花蓮旅程 [複製鏈接]

monssa

別墅

積分: 637

1^#

發表於 17-8-7 14:08 |只看該作者 |正序瀏覽 |打印

不是太滿意但總算完成的一行12人（7大5小）暑假宜蘭花蓮旅程！宜蘭花蓮如果秋冬去會舒服好多，有些景點是戶外活動的，太熱太曬比較辛苦，亦唔玩得好耐！另外，選一個好嘅包車係好重要！今次因爲包車司機唔掂就影響哂成個行程！

原本hk exxxx 朝早機去花蓮，點知又改左去下午黃昏機，無左大半日行程，結果決定改早一晚飛住多晚第二朝可以開始行程！但走程花蓮飛香港又被改得超早，由10:00改左8:00，要勁早起身！好彩酒店近機場！

中伏包車：因為12人，我地用20人中巴，聽說小吳包車幾好，上網search 小吳，搵到小吳車隊，似乎有規模的，應該唔會差掛！好後期先在fb 台灣親x遊谷，先發現我選的小吳不是哪個小吳，唉！大家上fb 睇返谷入面介紹的司機應該幾好，有相有真相！始終bk 有時大家唔開名得個講資訊好混亂！小吳為我安排一個中巴司機年紀大的大叔，似乎不熟悉景點，只能說他只是一個司機，你安排佢去的會送你去，或者佢老闆安排了行程就跟，不會變通！其實我之前編左宜蘭行程俾小吳叫佢安排，佢應該整理後交托俾司機！最重要有幾個景點我想去的，其他小吳再加了一些！

0 0 0

私人傳訊

coney

男爵府

積分: 7912

20^#

發表於 17-11-1 17:12 |只看該作者

monssa 發表於 17-8-7 14:19
第四日：
早餐後坐包車回花蓮，好彩呢程無嘔。花蓮一日游我完全無plan ,一早叫小吳幫我plan, 去到花蓮第一 ...

我12月去, 都想去鐵道文化園區、松園別館.......希望佢已經整好啦.

私人傳訊

lovelybaby2015

水晶宮

積分: 62173

畀面勳章

19^#

發表於 17-8-8 13:20 |只看該作者

回覆樓主

我覺得你們行程豐富是豐富，不過好緊密，一天去好多個地方，每個地方又不是留太耐
其實個司機都辛苦。雖然佢又不是太專業
另外，宜蘭其實近台北多d，由花蓮去路途真是遠一點
不過樓主一個plan咁多人行程，其實好吃力

今次買個經驗，下次無咁熱再去過

Btw我七月時本來想去花蓮，所以都爬過吓文，似乎花蓮好少室內地方又怕打風，所以改了去廈門丶金門。點知出發嗰幾日真的打風，好彩冇去花蓮

私人傳訊

April2009

男爵府

積分: 6278

18^#

發表於 17-8-8 12:36 |只看該作者

monssa 發表於 17-8-7 19:13
叫民宿幫手call 的士，300台幣，沒有計標的！攞埋聯絡方法，走嘅時候搵返佢！其實童玩節公園門口都有好多 ...

童玩節公園門口有好多的士, 的士司機會問去那裡, 然後告訴你幾錢 (不用錶) or 看錶.
我們由童玩節公園去羅冬夜市, 的士司機說可看錶, 落車 NT200. 與之前包車司機 (我們那天不包車)說的一樣.

希望幫到你.

私人傳訊

IKaNai

禁止訪問

積分: 837

17^#

發表於 17-8-7 20:06 |只看該作者

提示: 作者被禁止或刪除內容自動屏蔽

私人傳訊

monssa

別墅

積分: 637

16^#

發表於 17-8-7 19:15 |只看該作者

muimui5 發表於 17-8-7 16:56
"上將蔥油餅：原本想去蔥仔寮，司機介紹去上將，因為有室內冷氣"
有沒有全名或地址呢？

「三星上將蔥仔餅」

點評

wcpcelia

發表於 17-8-8 15:00

私人傳訊

monssa

別墅

積分: 637

15^#

發表於 17-8-7 19:13 |只看該作者

muimui5 發表於 17-8-7 16:38
樓主記得由民宿乘的士往童玩節車費是多少嗎？
是按標定講價呢？
叫車容易嗎？

叫民宿幫手call 的士，300台幣，沒有計標的！攞埋聯絡方法，走嘅時候搵返佢！其實童玩節公園門口都有好多士的！不過唔知點收費！

私人傳訊

muimui5

大宅

積分: 4985

陪月勳章

14^#

發表於 17-8-7 16:56 |只看該作者

"上將蔥油餅：原本想去蔥仔寮，司機介紹去上將，因為有室內冷氣"
有沒有全名或地址呢？

私人傳訊

12312

珊瑚宮

積分: 119168

13^#

發表於 17-8-7 16:38 |只看該作者

monssa 發表於 17-8-7 15:00
因為太曬太熱，都無周圍去行！

本帖最後由 12312 於 17-8-7 16:39 編輯

其實，司機預你玩的景點，你們不用半小時就走頭，咁呢樣野司機又好難知你們的心水喎。

私人傳訊

muimui5

大宅

積分: 4985

陪月勳章

12^#

發表於 17-8-7 16:38 |只看該作者

樓主記得由民宿乘的士往童玩節車費是多少嗎？
是按標定講價呢？
叫車容易嗎？

私人傳訊

monssa

別墅

積分: 637

11^#

發表於 17-8-7 15:00 |只看該作者

12312 發表於 17-8-7 14:53
七星潭有間牧羊咖啡，幾好坐。
七星潭主要看戰機升空飛行

因為太曬太熱，都無周圍去行！

私人傳訊

12312

珊瑚宮

積分: 119168

10^#

發表於 17-8-7 14:53 |只看該作者

monssa 發表於 17-8-7 14:29
不過睇返相，係玩得開心嘅，總算完左一大家庭難得一次嘅旅行，有了今次經驗，下次會plan 好d! 因為夾人夾時 ...

七星潭有間牧羊咖啡，幾好坐。
七星潭主要看戰機升空飛行

私人傳訊

monssa

別墅

積分: 637

9^#

發表於 17-8-7 14:29 |只看該作者

不過睇返相，係玩得開心嘅，總算完左一大家庭難得一次嘅旅行，有了今次經驗，下次會plan 好d! 因為夾人夾時間，好快好急咁就買了花蓮機票，如果花蓮去宜蘭應該坐火車會好些，但我地人太多又行李又細路，坐火車怕輪盡，以為包車會舒服些，但無想到會暈車浪！

私人傳訊

monssa

別墅

積分: 637

8^#

發表於 17-8-7 14:20 |只看該作者

第五日：
沒有包車，跟酒店預訂了遠雄海洋公園package,連埋車接送！比香港海洋公園細好多，三份一唔知有無，但因為酒店安排車接送迫住要9:00玩到5:00！機動遊戲適合2至12歲，我家五位細路，由3歲至10歲都鐘意玩，大人只得海盜船及滑浪飛船先覺刺激！另外就係海洋館、海洋劇場、坐纜車！其實半日都夠玩！

晚餐：食左幾日嘅地道野，家人想食下自助餐，就上網book左理想大地渡假酒店自助餐，大約港幣二百幾一個人，預左呢d地方唔會有咩好食，所以是普普通通嘅自助餐，無咩驚喜！但理想大地渡假酒店係幾靚嘅5星級酒店，如果入住有好多小朋友免費活動玩，因爲之前要搵近花蓮機場嘅酒店所以無考慮呢間！

其實之前輕輕睇過花蓮都有唔少野好玩，今次我只是花精神時間plan 宜蘭，花蓮真係諗住靠包車同我諗掂佢，可惜呢間個司機唔掂！而酒店幫我地接送海洋公園嘅司機都好好，佢主動問我地第二日有問行程，亦介紹左一兩個好玩嘅地方，可惜我地嘅旅程已經到尾聲⋯⋯

第六日：
晨早機8:00回程返港，朝早5:30要坐車出機場！

私人傳訊

monssa

別墅

積分: 637

7^#

發表於 17-8-7 14:20 |只看該作者

第四日續.....

去完松園別館都差不多4、5點，已經把鬼火，直頭同司機講我地返酒店游水，叫佢7:30 接返我地出去夜市，佢8:00收工，我地完左夜市自己搭的士返酒店！司機似乎唔系太滿意要等我地兩個幾鐘，冷笑了一下！

亞士都酒店：不是高級酒店，但勝在有個泳池游下水，泳池旁嘅園區有魚池可餵魚，亦有四隻小白兔在園內自由活動，幾得意，酒店有兩間遊戲活動室，可打兵乓球、桌球、足球機！房間系有些舊，但都算乾淨！

東大門夜市：比宜蘭嘅羅東夜市大，熱鬧好多，有玩嘅、食嘅、live show!

私人傳訊

monssa

別墅

積分: 637

6^#

發表於 17-8-7 14:19 |只看該作者

第四日：
早餐後坐包車回花蓮，好彩呢程無嘔。花蓮一日游我完全無plan ,一早叫小吳幫我plan, 去到花蓮第一個景點系清水斷崖。

清水斷崖：司機話俾一個鐘我地！其實好熱好曬，我地只是影幾張相就走！系幾靚嘅，但曬到無心情欣賞！

午餐：司機帶我地去食咩太監雞，其實無咩特別，都係三千台幣一枱餸，不過不失！

七星潭：都系幾靚嘅風景，又系太曬太熱影幾張相就走！只是逗留左15分鐘！司機再開車5分鐘唔夠就到一個景點？又系七星潭？司機話七星潭好大可以再落車睇睇，我話唔落喇，太熱小朋友頂唔順，咁佢叫我地落車去下廁所！

酒廠、燒毀的柴魚博物館遺址：廁所都去埋，再問司機去邊，佢無正式回應我，似乎佢無咩想法，因為佢話下一個唔知咩景點要三點鐘先可以入去！咁我唯有出手,search 到七星潭有個柴魚博物館叫佢車我地去！應該好近就到！又系睇返google map ,佢又唔知做咩帶我地去左個離七星潭遠些嘅酒廠，到左就叫我地落車睇下，都系賣特產嘅地方，唯有食下雪糕雪條先！去酒廠又去返七星潭果邊嘅柴魚博物館，去到只見到燒過嘅遺跡，上網睇到有人今個星期去完話燒毀左，呢鑊真系黑仔，浪費了不少車程時間！

我嬲嬲再問司機有無地方去，無就車我地返酒店游水仲好！佢話老闆叫佢去花蓮文化創意園區，應該夠鐘可以去！跟住我又google map 有幾個景點（除左佢話嘅文化創意園區，附近亦有鐵道文化園區、松園別館），俾埋司機呢幾個地方叫佢帶我地去，司機話我地想其他地方都可以，咁我決定先去花蓮鐵道文化園區，點知黑中之黑，去到原來維修無開！其實再近些附近已是創意文化園區，唔知點解司機就車我地去左遠些嘅松園別館！

松園別館：舊式建築物，行下影下相都幾好，大約一小時多就夠！

私人傳訊

monssa

別墅

積分: 637

5^#

發表於 17-8-7 14:16 |只看該作者

第三日：
童玩節：一早計劃無包車，本來是梅花湖遊湖踏單車，但真係太熱，改了去童玩節玩水！大大小小都開心！童玩節我地只是玩水的部分已經玩左大半天，在入面食埋午餐玩一陣先走！有個遊戲幾好玩，走入水床上面，上面會灑水射水，感覺就是打颱風一樣，另外一面有個地上多個噴泉位嘅平台，有人教跳健康舞，我家兩位老人家都玩到興起！

回田庄園民宿休息：呢間民宿都幾靚，今次我book 6入房及4人房，小朋友都開心房內有韆鞦及滑梯，每天早上出發前都玩下電動車，亦有早餐及下午茶提供，不可說是豐富，但還可以啦！老闆及老闆娘都親切有善，幫我地call 的士，連的士司機都好好，幾次出入都是找他幫忙！

新月廣場、紅樓櫻桃鴨：原來是同一個地方好方便，下層是家樂福，三家人買左幾袋野走！上層是百貨，有誠品可以行下，行到夠鐘直接搭(emoji)上紅樓食櫻桃鴨！我地細路多所以叫個六人餐都夠食！食完坐的士返民宿！

私人傳訊

monssa

別墅

積分: 637

4^#

發表於 17-8-7 14:16 |只看該作者

第二日：
上將蔥油餅：原本想去蔥仔寮，司機介紹去上將，因為有室內冷氣，都好反正都是玩拔蔥洗蔥做餅，應該邊間都一樣，負責人都幾好，介紹得幾仔細，同夠細心，知道天氣熱唔想小朋友曬，俾我地拔一下蔥影下相就帶返我地回室內。

幸福20號農場：地方唔大，不過幾靚，影相唔錯，可以diy pizza ,鉛筆，檸檬醋，餵羊、雞、鴕鳥！入場票100台幣，可用返來消費買飲品、飼料等！

午餐：懷舊駿餐廳，我見朋友去完幾特別所以試下，咁啱司機行程都有編！食物味道ok, 餐廳環境影相幾好，有個俾錢玩嘅幸運輪，轉幾多杯雪糕，幾有趣，我地轉到5杯雪糕，大小朋友都開心，老闆好好人會派糖俾客人！

幾米公園、丟丟噹森林、幸運轉運站：司機俾一個鐘時間行，其實唔係好夠，最後去到幸福轉運站得好少時間玩，連波波池都無玩！

積木博物館：又係趕住入場，因最後一場diy 係4:45 ! 好快行左個圈，博物館提供一張遊戲紙要細心睇展品嘅內容就找到答案，小朋友太細無咩耐性，答案只好亂填！最後diy 都還可以啦！仲有飲品送！大約留1小時都夠！

羅東運動公園：其實原本叫司機去積木博物館先，幾米公園沒有關門時限應該可以慢慢行，但司機話咁行會順路同埋近d, 又信錯佢！結果玩完上面景點有時間淨，太早又未係時候行夜市食晚飯，於是司機帶我地去附近嘅羅東運動公園，話公園好大，可以慢慢行，預一個鐘俾我地，有個魚池可以餵魚！結果公園的確好大，但又唔係好靚，魚池的水感覺好污糟，唯有在魚糧售賣機買兩三包魚糧俾班細路玩下，不到15分鐘已餵完，再慢慢行返出去都應該不用一個鐘！好彩司機已在外面等我地！

羅東夜市：比較細嘅夜市，唔太啱小朋友同老人家口味，吃了少許，在就近的麥記買外賣回民宿！

私人傳訊

monssa

別墅

積分: 637

3^#

發表於 17-8-7 14:14 |只看該作者

第一日續⋯⋯⋯

民宿-田庄園：飯後回民宿，路途上睇著google map ，明明飯店同民宿好近，20分鐘車程，唔知點解架車愈行愈遠，條路又黑又靜，忍唔住問司機確認下民宿地址，佢一停車，我就見到幸福20號農場號牌！天啊！佢應該係定位錯了！再行返轉頭，又20分鐘車程！

經過第一日嘅經驗，呢個包車司機完全唔掂！為免再俾佢左點右點去埋d唔想去嘅景點浪費時間，我決定俾我個plan 佢跟，最重要係去到我想去的幾個景點！

私人傳訊

monssa

別墅

積分: 637

2^#

發表於 17-8-7 14:10 |只看該作者

第一日，朝早從花蓮到宜蘭，車程2.5小時，對小朋友來說太耐車程會暈車浪，這個係我無諗到小朋友頂唔順，五個小朋友嘔左三個，好彩我個女d衫放左上車，換左三套衫！

蘇澳鎮海鮮：最終入到宜蘭，要改一改行程去一個最近嘅景點，同司機講帶我地去蘇澳鎮食海鮮，司機帶我地去左一間海鮮飯店，第一餐就俾人剧，7大5小，食幾碟餸，5千台幣，感覺就係去左鯉魚門被昆咁，之後幾餐先知其實台幣2、3千已好豐富，櫻桃鴨酒店級數都係6千5一個6人餐已經夠食！

祝大漁：食完午餐司機話附近有個景點好近可以去，於是就去左祝大漁，影相都幾靚幾得意，大約留左30分鐘就離開。

宜蘭餅發明館：原本計劃去幸福20號農場，因為怕又要坐太耐車細路仔頂唔順，反正都在蘇澳就改左先玩蜡藝館。司機又係話順路先帶左我地去宜蘭餅發明館，行左一陣先去蜡藝館！宜蘭餅發明館,我覺得只是一個買手信的地方，上層有製作宜蘭餅，不過沒有花時間玩！

蜡藝館：呢個地方推介，好玩，玩完有好多紀念品！安排幾好，一個部分接著一個部分，一定會玩哂所有diy!

大洲馬場：玩完之後時間都太晏，去幸福農場應該唔夠時間玩，問司機下一個景點去邊好，因為行程有所調動，司機似乎都無咩想法！咁唯有自己決定，叫司機載我地去大洲馬場，趕住關門前要到，去到馬場，司機又入錯入口條路，搞到要倒車先出返來，咁又浪費了時間！大洲馬場入場不用錢，餵馬要買糧，不是太貴，可俾錢騎馬行一圈，可惜阿女驚無騎！d馬幾乾淨幾靚！

晚餐：基本上我三日宜蘭我只是訂了櫻桃鴨，其他都諗住交俾司機介紹！司機可能知道我地覺得午餐的海鮮餐太貴，今次介紹一間比較平的海山樓，3千台幣一餐飯，餸菜都多，口味就普通啦！不過全間飯店係得我地一枱，都係有d唔對路咁！