吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有無人曾經後悔嫁左比自己個老公？

夫婦情感今日: 3|主題: 42797

收藏本版

發帖

返回列表

跳至頁

查看: 7418 | 回覆: 31

有無人曾經後悔嫁左比自己個老公？ [複製鏈接]

scytsin

大宅

積分: 4874

1^#

發表於 17-8-24 23:00 |只看該作者 |正序瀏覽 |打印

我有時都會諗點解我當初會嫁比佢，拍拖及結婚初期鬧交當食生菜，佢令我成日唔開心/喊/傷害自己，我覺得佢唔珍惜我，對住其他人佢會好溫柔/好聲好氣，但對住我就成日嫌我煩！係佢生命入面，我覺得佢既工作/同事先係放第一位！佢本身已經spend好多時間工作，返到屋企都係90%時間係覆同事/客msg ! 佢覺得佢搵錢係想比好生活我地，但我想要一個錫我關心我陪我既老公，小朋友想要一個會陪佢錫佢而唔係由朝到晚拎住電話不停禁唔理佢地既爸爸！

如果唔係有小朋友，我相信我一早已經離開左佢，我有時真係好厭倦做一個好媽媽，我都好想放肆自己，搵返自己既生活

慶幸我有一份我自己好鍾意的工作！

如果再重來，我未必會選擇呢個老公！

0 0 0

私人傳訊

catherine_wong2

別墅

積分: 665

32^#

發表於 17-9-10 23:52 |只看該作者

回覆樓主:

有後悔，但沒有勇氣去改變宜家生活。唔想離婚，或者我仲喜歡佢，或者係習慣咗呢種生活唔想去改變。
同時，會對小朋友造成好大傷害，帶不走佢，我諗帶俾佢嘅應該係荒廢嘅童年。
我想像離婚，夫家一定唔會俾我帶個仔走（6299得呢個孫），老公再婚將個仔俾99湊，無人教無人理，結果就學壞。。
所以好多時，離婚無想像中咁易...

私人傳訊

chris832

子爵府

積分: 13197

BK Milk勳章

31^#

發表於 17-9-10 08:02 |只看該作者

karenball 發表於 17-8-24 23:07
我依家好後悔嫁咗比老公! 婚前婚後都郁手, 奶奶又唔鍾意自己, 成日喺我個女面前講我壞話, 個老公又成日唔陪 ...

私人傳訊

carebeauty

大宅

積分: 1133

30^#

發表於 17-9-10 02:43 |只看該作者

yuyueng 發表於 17-8-25 13:53
如果可以再重來，我一定唔會選擇宜家個老公！嫁呢個老公系我一生人最失敗最後悔既事。

..我都係呀~ 嫁呢個老公系我一生人最錯誤嘅選擇

私人傳訊

QQ6543

大宅

積分: 2289

29^#

發表於 17-9-9 17:08 |只看該作者

tha 發表於 17-9-9 16:35
我都好後悔。如果可以時光倒流，我寧願做剩女都唔想好似現在咁。
日日都為佢地幾個而活，自己連梳個頭，好 ...

唔好咁灰，向好方面諗。
正面生活才會幸福快樂。

私人傳訊

mandychan1611

男爵府

積分: 5673

28^#

發表於 17-9-9 16:55 |只看該作者

回覆樓主:

冇後悔

私人傳訊

tha

大宅

積分: 1143

27^#

發表於 17-9-9 16:35 |只看該作者

我都好後悔。如果可以時光倒流，我寧願做剩女都唔想好似現在咁。
日日都為佢地幾個而活，自己連梳個頭，好好坐低食啖飯既時間都無。
自己父母都走左，無兄弟姐妹。覺得自己無人關心，無人珍惜，無人明白。日日對住3隻野。我現在先發覺原來自己係咁憎小朋友！
今日有街坊問點解我瘦左咁多，我心諗：唔開心，無心情食野，休息又唔夠，又勞碌，咪瘦lor!
最好笑係自己老公都唔會覺得我瘦左，眼尾都無望過我！
我有時諗，過馬路俾車撞死算！生cancer 死左算啦！我唔想做呢個家既女主人！
我同老公呻兩句，佢只會覺得煩，覺得我無啦啦成日發脾氣！點解佢唔了解下個老婆點解唔開心？

私人傳訊

cocolachina

別墅

積分: 502

26^#

發表於 17-9-7 02:02 |只看該作者

karenball 發表於 17-8-25 01:53
因為有對仔女所以我忍佢！但我同自己講過再有下一次我一定一定會離婚!
...

如果唔係有仔女好多時都唔想捱落去, 一有仔女就好難搞, 一個正常的小朋友必須要有一個正常的父母的家庭

私人傳訊

Kalaphone

大宅

積分: 1213

25^#

發表於 17-8-31 23:57 |只看該作者

回覆樓主:

我都好後悔，永遠都唔會支持自己，有事唔會企喺老婆身邊的老公，要不要也罷，我都係為左對仔女

私人傳訊

LUMUSMBBB

複式洋房

積分: 349

24^#

發表於 17-8-31 12:09 |只看該作者

本帖最後由 LUMUSMBBB 於 17-8-31 12:34 編輯

嫁左仲諗?
如果知問題..就諗方法改善好D..

私人傳訊

seaker

別墅

積分: 741

23^#

發表於 17-8-31 04:05 |只看該作者

jezz_ka 發表於 17-8-25 02:55
好後悔，唉，有大仔依家仲要陀住個細，
成日為小事而嘈，永遠唔聽人講，永遠嘈交都係話我錯，
但唔會去檢討 ...

感同身受。。。
做每件事都唔順佢意。。小小事就粗口。。
我覺得不被尊重。。佢就成日話我自己攞黎，，話收聲唔講嘢咪唔會激佢！！
又好話我係娘家話佢唔做嘢又嘈左一輪。。問心，我做多佢好多。。我仲要工作搵錢多過佢。。假期我一早打兩件，佢訓到十點十一點。。現在同佢生活得好唔開心！
我唔明點解少少事可以嬲到發哂脾氣
我見到隔離牌講c6啲好嘢。。我好羨慕。。
我成日諗我可以點樣做才順佢意，我又頂唔到唔講嘢。。例如佢教訓個囡，個說話hurt到個囡。。我事後同佢傾，，又唔順佢意又媽前媽後。。
唉。。我明action n reaction..我成日諗改善時，佢有無？！
好後悔嫁比佢。。。認真。。做囡無咁辛苦！