夫婦情感 今日: 0 | 主題: 42799

積分: 1804

1^#

發表於 17-9-19 21:54 |只看該作者 |正序瀏覽 |打印

呀媽呀爸幾十年夫妻，咁多年呀媽都覺得呀爸同佢奶奶 (我嫲) 對佢唔好，話呀爸有幾衰又唔攞錢返尼，又話前幾年出面有女人。我同細佬同佢講過十萬次 "對自己好d啦，離婚啦我地陪你去旅行食好野" 我媽係有錢過我老豆。但佢永遠都沉醉於被害者角色。。每次都可以講成個鐘咁多年嘅慘事。。又點辛苦堀到出病。我好願意聽佢講亦叫佢要"活得比人地好，唔好比人地睇死". 真係勸到我都發脾氣同佢講 "對自己好係應份架，唔好依懶老豆。唔好唸舊時d 野。放過自己啦" . 佢反而嬲我，話我唔體量佢個處境。。。咁我問佢"你係咪想我聽完由得你抑鬱啦去？我比意見你係咪害你先？咁你其實想我做d 乜？"

但其實都係無限loop 住類似嘅conversation. 佢老人家始終都係走唔出呢個圈套。。。令到我都好frustrated.....

0 0 0

私人傳訊

jje88

珍珠宮

積分: 43194

55^#

發表於 17-10-12 15:53 |只看該作者

時代唔同

上一代死都唔肯離婚, 日糟夜糟要生要死 , 都仲一齊住
難為D 仔女

而家D人, 離婚易過食生菜, 唔鐘意咪搵過第2個, 換手機咁易

私人傳訊

trenycebaby

子爵府

積分: 14220

54^#

發表於 17-9-30 21:49 |只看該作者

回覆樓主:

可能都係想你鍚佢多d

私人傳訊

積分: 1804

53^#

發表於 17-9-30 19:20 |只看該作者

Tyasnm 發表於 17-9-29 12:41
好慘呀！我不只聽我亞媽呻，連我亞爸都對我訴苦，有時聽得太多都覺得好煩，真心覺得他們的負能量影響了我的 ...

咁你慘d 囉聽兩邊。一般老豆好少訢苦

私人傳訊

aquamarine1030

積分: 7175

2024年龍年勳章

52^#

發表於 17-9-30 17:21 |只看該作者

回覆樓主:

我媽都係咁，一模一樣，日日互相折磨，最慘講極都係咁

私人傳訊

hoganbaby

公爵府

積分: 27460

51^#

發表於 17-9-29 15:24 |只看該作者

gtg435i 發表於 17-9-19 21:54
呀媽呀爸幾十年夫妻，咁多年呀媽都覺得呀爸同佢奶奶 (我嫲) 對佢唔好，話呀爸有幾衰又唔攞錢返尼，又話前 ...

既然都一齊咁多年，你啊媽都習慣咗囉，有時就系系係呻下，唔洗理佢

私人傳訊

Tyasnm

積分: 7649

50^#

發表於 17-9-29 12:41 |只看該作者

好慘呀！我不只聽我亞媽呻，連我亞爸都對我訴苦，有時聽得太多都覺得好煩，真心覺得他們的負能量影響了我的情緒。

私人傳訊

積分: 1804

49^#

發表於 17-9-28 17:48 |只看該作者

worthy 發表於 17-9-24 12:35
回覆 ~小樹兒~ 的帖子

完全同意.

"不如問下自己你好好好唔開心時真係可以咁豁達忘記傷痛, 然後開開心心????"

呢個就係重點.....

好唔開心個陣當然唔可以即刻 "豁達忘記傷痛,然後開開心心", 而且內心一定唔會好過,呢個冇人否認過喎.

所以呢個TOPIC嘅大部份回覆嘅人都就係好想開解自己嘅呀媽,同佢地去玩,聽佢地呻,然後慢慢令佢地開心番.奈何大部份人都係徒勞無功

私人傳訊

worthy

珍珠宮

積分: 45658

馬年勳章

48^#

發表於 17-9-24 12:35 |只看該作者

回覆 ~小樹兒~ 的帖子

完全同意.
我講以下所有嘢係完全會被人狠批嘅, 但的確係最真嘅感覺.

鬼唔知佢一對你唔住可以即刻同佢斬纜咩? 第一, 咁即係成全佢同出面嘅小三. 第二, 人係有一定嘅報復心 (把口講話無嘅只係連自己都呃埋), 係咪俾人傷害咗仲要唔好俾佢知, 驚佢唔開心唔安樂呀! (你俾佢知道佢有幾錯係幫唔到件事, 但至少都講咗出嚟吖). 第三, 如果你問我, 一個人點都有個伴好過無. 有好多人單身過活唔係佢地特登選擇, 只係無可奈何.

一個被人深深傷害嘅人你叫佢忘記啦! 開心D啦! 為自己而活, 活得比佢好, 學新嘢, 自己生活, 自己揾活動......不如問下自己你好好好唔開心時真係可以咁豁達忘記傷痛, 然後開開心心????

係, 無人要為別人嘅開心而負責, 就算人人都對你呵護備至你都可以唔開心. 但請自問一下, 有人對你唔好, 就算係普通朋友, 相信你內心都唔唔好過, 是嗎? 即係話人係一定會被別人嘅行為影響到嘅.

其實我係會覺得與其呻點樣俾當時人煩, 點解唔去揾件事嘅始作俑者, 話佢知發生緊咩事. 可能係無用, 但至少佢知點解另一半會對佢咁差. 佢怪人之時亦要自我檢討下.

HOPE EVERYDAY IS A GOOD DAY

私人傳訊

KulookFung

積分: 8216

47^#

發表於 17-9-24 11:27 |只看該作者

回覆樓主:

你唯一可以做嘅係聽。我媽到四十幾年後嘅今時今日，講起阿嫲當年點蝦佢都仲係咬牙切齒。

私人傳訊

貓咪達人

公爵府

積分: 27227

46^#

發表於 17-9-24 11:23 |只看該作者

gtg435i 發表於 17-9-19 22:26
我地都好明, 好想陪佢去玩, 試過想同佢去旅行, 佢會扭扭擰擰，最後都唔成事, 但係我老豆話去D 短線旅行佢就 ...

我理解你媽媽，佢把口會成日話老公點對佢唔好，係因為你媽媽真係好愛你爸爸，佢想得到你爸爸對佢既愛，回應，但奈何感情係好覆雜，冇對冇錯，冇尺可以量度邊個愛對方多啲好啲，你父母都幾十年夫妻情，唔係話斷就斷，而且你媽媽內心應該好愛你爸爸，同仔女抱怨，係因為唔識放開懷抱，鑽左牛角尖，唔識嘗試將注意力離開你爸爸，導致佢覺得辛苦，你叫佢離婚，佢當然會嬲，因為佢冇唸過離婚，係佢角度，佢想要傾聽者，咁當然，我亦明白你地做仔女心痛呀媽日日活係痛苦中，試下只係聽佢呻，乜都唔講，間中照安排活動陪媽媽，俾佢知道，世界除左老公之外，仔女都可以依靠信賴，到你媽媽慢慢學識抽離對爸爸過份依附時，分分鐘到時唔需要你地開口叫佢學識自愛，享受人生，佢自己都會有轉變

私人傳訊

積分: 1804

45^#

發表於 17-9-24 09:31 |只看該作者

babybabyu 發表於 17-9-22 01:07
無得搞，我完全明白你。。。。一直無限loop，人生就煩左一大半為呢啲好無謂。。。。。只有係聽，，，應佢‘ ...

我而家都係咁. 簡單應下或者唔出聲, 已經唔會再同佢講做下其他野開心D, 反正講咩都冇用

私人傳訊

babybabyu

侯爵府

積分: 20111

44^#

發表於 17-9-22 01:07 |只看該作者

回覆樓主:

無得搞，我完全明白你。。。。一直無限loop，人生就煩左一大半為呢啲好無謂。。。。。只有係聽，，，應佢‘‘‘哦，，，係啦，，，唔好理佢，，，聽，，，應佢‘‘哦，，係啦

，

私人傳訊

~小樹兒~

積分: 6156

43^#

發表於 17-9-21 18:08 |只看該作者

gtg435i 發表於 17-9-20 16:59
上一辈女人最大嘅問題係.....佢地永遠覺得得到快樂係要依賴其他人....老公....仔女....覺得自己付出幾多 ...

佢都係唔甘心多，第二係佢年紀咁大，離咗婚又搵到第二個嘅機會好低，佢可能已經將佢大半人生貢獻給老公和家庭，根本沒有真正開展自己嘅一切，包括嗜好，容貌沒有了，身材沒有了，也不比以前健康，不比以前有體力，沒有信心自己一個可以優雅地活下去。佢而家有呢個身份，應該係佢安全感之一，唔少老人家冇咩唔會太大動作改變，因為佢覺得半個老公好過零個老公

私人傳訊

eg86

積分: 1162

42^#

發表於 17-9-21 15:56 |只看該作者

回覆樓主

有情緒問題嘅人，如果咁簡單同佢講"積極啲啦、唔好諗啦"就可以tune到自己諗法，咁佢就唔會有情緒病啦。

你呢啲所謂鼓勵，對佢嚟講只係增添壓力，一啲幫助都冇，因為你確實只係想將自己嗰套強加佢身上。

佢需要人哋嘅同理心，如果你冇或者做唔到，咁你唯一能夠做嘅嘢就係齋聽佢傾訴，同扮明白佢，而唔係批評佢或講啲懶鼓勵有建設性嘅說話。

私人傳訊

LUMUSMBBB

複式洋房

積分: 349

41^#

發表於 17-9-21 12:50 |只看該作者

老一輩唔係好接受到...離婚...

因為怕俾人話佢離婚...係因為佢唔好...

古時離婚都係女人唔好..俾男人休....

所以唔係咁多老一輩受

私人傳訊

QQdevil

侯爵府

積分: 21832

BK Milk勳章

40^#

發表於 17-9-20 23:55 |只看該作者

回覆樓主:

習慣。當一個人或一件事。未去到最嚴重。通常都會依然共處

私人傳訊

做個靚太

水晶宮

積分: 51139

39^#

發表於 17-9-20 22:10 |只看該作者

回覆樓主:

佢需要心理醫生，必要時可能要用藥，其實佢都好辛苦，放唔低尼份執著！
我媽媽都係咁，我嫲同爸唔好，我都用左好長時間去勸佢，什至試過同佢一齊鬧，理解佢嘅無限loop，等佢爽，又要成日讚佢仲有好多優點，然後再慢慢點化佢，因為我發覺佢本身係有抑鬱，之後演變成心理病，唔可以用正常角度去諗，亦都唔可以話佢煩，因為佢事實係睇唔開，唔係你一句睇開啲就有用~
可以嘅，帶佢睇下醫生，我媽唔肯睇，我真係用左好長時間同耐性，先令到佢平靜啲~

私人傳訊