＋
Baby Kingdom - 親子王國 香港 討論區 › 首頁 › 婆媳關係› 我有個咁樣既62！

婆媳關係

收藏本版
發帖
返回列表
跳至頁
我有個咁樣既62！ [複製鏈接]

首頁
12

尾頁
   0
cookingma


大宅

積分: 1201


1#
發表於 09-2-18 02:09 |只看該作者
我女今年9歲，要講返果時d辛酸史．．

本來我同99,62，未有果bb時都幾好，
但自從b出咗世，問題就黎．．

我同老公本來都想工人湊，費事麻煩
d老人家，但我地兩公婆都要返工，實
在唔放心比工人，雖然我都唔願意比
99,62湊，但最終都要bb安全作前題．

開頭都無乜野，但亞女一日一日大，
開始大，開始曵，我先知死，99都
無乜野，62就好種亞女，亞女就好
黏62, 都唔緊要，但62直情教到亞
女唔要媽咪，心目中只要爺爺，咁，
你話我十月懷胎生個女幾傷心．

62做咗好多野出黎都令我好反感，
亞女有野食，佢專登叫佢比爺爺食，
亞女當然比，跟住再同佢講比媽咪食
亞女即刻大叫"唔比"，跟住62就好
底死咁，哈哈大笑話佢唔比佢亞媽食喎．

又試過亞女有野係唔啱，我一路係度
教緊佢，62居然向隔離一路同亞女講，
唔係啫，唔係啫，你亞媽唔好，爺爺
鍚晒，完全當我無到．

永遠我唔買比亞女d野，佢轉頭就買，
仲要同亞女講，你媽咪咁衰呀，佢唔
買比你爺爺買．

有一次亞女病咗，我放工返黎同亞女
睇醫生，62就湊佢黎診所，跟住佢又
唔走，係咁跟住我地，話睇完醫生要
湊返佢到，當我睇完醫生，正在比錢，
轉身已經唔見佢地，我就出去行混個
商場搵佢地，終於比我搵到佢地，
62見到我，面色一沉，問我返轉頭
做乜，你走就走吧，啱啱氹得亞女
好開心，唔記得你，依家見到你，
佢又唔捨得你，你快d走！嗄！
我係佢亞媽喎，佢唔捨得我都正
常啫．

所以由果時開始，我決定幾辛苦都好，
要攞返個女，自己湊．

過程我覺得自己有d絕情，真係完全
要劃清界線，我都唔知自己係咪好衰，
咁樣對老公個爸爸，但唔係咁，我
就永遠得唔返同亞女既感情．．

因為太長篇，我遲d再講．．．．．．．　
私人傳訊

Leomummy


男爵府

積分: 7723


28#
發表於 09-2-22 18:07 |只看該作者
原帖由 mayleecarol 於 09-2-20 02:32 發表
每個Mama都想係仔女心中No.1位，但開始時d仔,心抱都會為某d原因叫99&62幫手照顧BB日子一日一日過去99,62與BB心靈&關係會加深自然會跟yaya&亞ma多d,但Mama會
覺得bb唔錫自己唔聽話:------dd完全d老嘢教嘅，星球大戰一觸即 ...


我諗你真係好好彩，未見過真係有阿嫲係 d 孫面前講媽咪是非，教個孫去憎自己阿媽，仲話想佢阿爸另娶一個女人返嚟做佢哋阿媽噃﹗
好彩呢個人唔係我 99 ，我 99 冇咁衰，點解我又會知得咁清楚，因為呢個係我阿媽，佢就係咁對我大嫂喇但我阿嫂係全職媽咪自己一手一腳湊，我阿媽只係襯每個星期過去見面，襯阿嫂落街買餸時同 d 孫講:;pppp:
私人傳訊

十一月


大宅

積分: 1900


27#
發表於 09-2-20 14:24 |只看該作者
原帖由 mayleecarol 於 09-2-20 02:32 發表
每個Mama都想係仔女心中No.1位，但開始時d仔,心抱都會為某d原因叫99&62幫手照顧BB日子一日一日過去99,62與BB心靈&關係會加深自然會跟yaya&亞ma多d,但Mama會
覺得bb唔錫自己唔聽話:------dd完全d老嘢教嘅，星球大戰一觸即 ...


我唔知你係咪無小朋友, 或者係你自己湊仔, 你未預過比99 AND 62湊的情況, 或者你好彩預到一個開通的老人家, 通常比得佢地湊時, 都會諗呢個係C6 阿爸阿媽, 話晒自己人, 衰極有個泡, 但我見的事實唔係, 你當人一家人, 人家當你外人, 個老人家當住你面真係同個孫講你爸爸搵錢好辛苦, 你要錫爸爸多D, 咁媽媽呢, 又唔見提下一聲, 比你, 你又會點處理呀
私人傳訊

cookingma


大宅

積分: 1201


26#
發表於 09-2-20 14:07 |只看該作者
原帖由 mayleecarol 於 09-2-20 02:32 發表
每個Mama都想係仔女心中No.1位，但開始時d仔,心抱都會為某d原因叫99&62幫手照顧BB日子一日一日過去99,62與BB心靈&關係會加深自然會跟yaya&亞ma多d,但Mama會
覺得bb唔錫自己唔聽話:------dd完全d老嘢教嘅，星球大戰一觸即 ...


我比99,62湊亞囡時，我都預咗亞囡會鍚99,62多，放係No.1位，其實我唔介意喎，我地在外工作時，知道99,62咁鍚自己個女，都好放心添，但如果一個識做既
99,62，係咪應該教我個女，爸爸媽媽每日要好辛苦
工作，返黎你要好好錫返爸爸媽媽至啱架．
而唔不斷離間我地既感情掛！

仲要慌我唔知咁，成日問亞女有野食，比唔比我食，
係要亞女大大聲講多幾次比我聽，話唔鍾意我，
我都唔知62到底乜居心．

我唔係要亞女同9962斷絕來往，因為佢始終都係
佢爺爺嫲嫲，往後日子我地都會見面，只不過我開始
要湊返個女，我點都要做得恨d，要62知道個孫始終
都係要跟返自己爸爸媽媽，由自己爸爸媽媽去教先正路．

我個女更係知我做緊乜，就係咁，我更加要教識個女要
尊重別人，62咁要做，其實係好唔尊重我，調返轉頭，
我返9962屋企，我每次都會遇先打電話比佢地，問吓
個時間方唔方便，如果有事會遲，我又會再打電話同佢地
講我會遲，叫佢地唔好等食飯先，喱d野我個女係睇到．

而我亦從來無教個女唔鍚爺爺嫲嫲，我話比佢聽爺爺嫲嫲
係爸爸個爸爸媽媽，所以都要錫，不過我同個女相依為命
咗咁多年，佢好自然放我No.1位，雖然之前係咁谷氣，但我從來都無係6299面前發過脾氣，最多過後同我老公講，等佢同62傾．

我c6大情大性，一放假就諗同個女去邊度玩，我都會
提返佢要同9962飲吓茶，食吓飯咁，9962生日或者平日有時間，有時我，有時叫亞女，打個電話比爺爺嫲嫲傾吓計問候吓，或者叫佢畫張生日咭送比佢地．

你話到底邊個唔尊重邊個呢，我喱個心抱老婆都算係
咁掛．

私人傳訊

十一月


大宅

積分: 1900


25#
發表於 09-2-20 11:49 |只看該作者
我都明白樓主的心情, 阿b當初比99湊, 99同62好麻煩, 佢唔會聽你嗰套, 阿b五個月大, 99話阿b唔食奶, 佢用隻湯匙(唔知乾唔乾淨)用隻杯, 一匙一匙咁餵阿b, 我當時見到嚇呆左, 問題係bb咁細, 唔知佢會唔會促到,

99仲要好醒咁話: xx, 你睇佢飲得幾快
我:

其實我放工會上99睇阿b, 後來99湊了一段時間, 每當阿b喊, 佢就會係我手到抱走阿b。有次仲離譜, 我地一家三口係房到玩得好開心, bb笑的, 99係c6手度抱走阿b,
我驚再比佢湊落去, 佢一定會教阿b唔認我媽媽, 所以99湊左半年, 我就自己湊返, 湊走時62 99鬧我好湊走阿b, 心想: 你湊到咁樣我仲比你湊, 除非個仔唔係我生啦。
其實當時我好聲好氣同佢地講: 奶奶, 老爺, 我想自己湊返bb, 我想bb跟返我地。
佢地兩老黑面, 跟住用福建話話我不是
c6唔出聲, 我聽到少少, 大概知佢地講乜, 我就鬧返佢地, 跟住立即抱走阿b。
而家自己湊返年幾, 雖然之前真係好辛苦, (因為99搞到bb每天都五點半起身, 自己湊返, 要搞成半年佢先訓晚d)至少唔駛睇兩老面色, 佢地要見阿b, 仲要睇我心情好唔好先過去佢地度
私人傳訊

mayleecarol


民房

積分: 7


24#
發表於 09-2-20 02:32 |只看該作者

如果62&99轉咗係你papamama你又點

每個Mama都想係仔女心中No.1位，但開始時d仔,心抱都會為某d原因叫99&62幫手照顧BB日子一日一日過去99,62與BB心靈&關係會加深自然會跟yaya&亞ma多d,但Mama會
覺得bb唔錫自己唔聽話:------dd完全d老嘢教嘅，星球大戰一觸即發，家無寧日；但如果兩老角色轉為你亞pa亞ma那又是另一天地了，心抱們請回想一下你哋62&99都唔會去教壞d孫嚟去害你0架,虎毒不吃兒啊!無人會想兒孫衰,不如停吓口,做好榜樣唔好以為小朋友唔識大人做緊d mud,你0地d c6都開心d喇!

[ 本帖最後由 mayleecarol 於 09-2-20 02:45 編輯 ]
私人傳訊

anita0725


大宅

積分: 1250


23#
發表於 09-2-19 17:46 |只看該作者
咁你有無比C6話你? 有無安排D時間比62見個孫女??
d種落嘅壞習慣, 要一段時間至改到 !!
私人傳訊

bencat


子爵府

積分: 10018

好媽媽勳章 畀面勳章


22#
發表於 09-2-19 17:20 |只看該作者
樓主你要加油呀,一定支持你
私人傳訊

hhmum


侯爵府

積分: 21858

2025勳章蛇年勳章 虎到金來勳章


21#
發表於 09-2-19 17:15 |只看該作者
通常老人家都唔聽人講唔係都唔駛咁烘煩.
私人傳訊

Pinklapin


別墅

積分: 704


20#
發表於 09-2-19 14:02 |只看該作者
我都好同意樓主所講, 每個媽媽都想子女錫自己, 佢老爺真係好不知所謂, 竟然教個孫女唔要媽咪, 比著係我一早就同佢唔客氣, 樓主你已經好有量度, 因為你只會諗辦法備佢而唔會趕佢走!
私人傳訊

cookingma


大宅

積分: 1201


19#
發表於 09-2-19 13:29 |只看該作者
你話覺得佢可憐，但如果你十月懷胎生個女出黎，個女
居然唔要你，當你仇人咁，到時就你仲可憐．

其實62咁多年都無乜變，佢自己鍾意點就點，從來
都唔諗人地方唔方便，鍾唔鍾意．

其實佢咁既行為，我可以話佢無禮貌．

我老公同佢講過無數次，又叫99同佢講過，叫佢打個電話比我地，又或者約個時間，免得會打亂人地既生活，而你又無謂要白行一次，我地都唔想，佢聽完都仲係咁，我地都無辦法．

我都唔係完全唔比62見我個女，星期六日，等我c6返咗黎香港，我地一家會約6299飲茶，又時又會返去食晚飯，但就唔可以每個星期囉，因為c6一星期先返黎兩日，c6好想我地一家三口開心吓，同個女玩吓，享受family day,因為到c6驚個女見得佢少，唔黏佢．

我只係唔想佢打擾我地平日既生活，唔想佢騷擾我同個
女相處既時間，我要湊返個女，我知62好唔想，佢意謂
我會好似佢個女咁，放個女係佢度湊到大，而因為c6成
日唔係香港，所以睇死我湊唔掂，要比返佢，但是實
我依家湊到亞女9歲，雖然亞女有時真係好曵，但都叫
同亞媽一齊生活，會聽爸爸媽媽話，唔會心目中只有一
個爺爺．
私人傳訊

bencat


子爵府

積分: 10018

好媽媽勳章 畀面勳章


18#
發表於 09-2-19 12:33 |只看該作者
原帖由 mother904 於 09-2-19 12:04 發表
真係唔明，點解有d人一定要做到咁討厭？鍚孫女係好，但點解要教人地唔要媽媽？

如果係我，我都會好似樓主你咁做。

而家過左咁多年，你62仲會唔會失驚無神咁出現？如果佢有改善，樓主都可以放寬些少，帶個女多少少番去見下佢。如果佢 ...


十分同意
私人傳訊

mother904


翡翠宮

積分: 82289

畀面勳章


17#
發表於 09-2-19 12:04 |只看該作者
真係唔明，點解有d人一定要做到咁討厭？鍚孫女係好，但點解要教人地唔要媽媽？

如果係我，我都會好似樓主你咁做。

而家過左咁多年，你62仲會唔會失驚無神咁出現？如果佢有改善，樓主都可以放寬些少，帶個女多少少番去見下佢。如果佢仲係好似以前咁，就睇定d先啦。
私人傳訊

123!@#


伯爵府

積分: 16607


16#
發表於 09-2-19 10:23 |只看該作者
我覺得你62好可憐呀.
無錯, 佢愛錫囡囡既方法可能有問題, 但當我睇到佢會走來學校揾囡囡, 而你又討厭佢時, 我真係覺得佢好慘.
樓主, 我想問下, 如果個個係你媽媽, 而你c6做左你角色, 你有咩感受呀?
唔知你地宜家同62既關係係點? 但真心希望你, 多d帶囡囡回去, 等62可以見佢多d.
私人傳訊

心抱


子爵府

積分: 13095

好媽媽勳章 醒目開學勳章 畀面勳章


15#
發表於 09-2-18 23:59 |只看該作者
你62好錫你囡囡,不過用錯方法

可吾可以同佢定d時間俾佢見你囡囡黎解決佢成日失驚無神咁出現
私人傳訊

cookingma


大宅

積分: 1201


14#
發表於 09-2-18 23:31 |只看該作者
原帖由 cookingma 於 09-2-18 17:52 發表
part 2

我都未講完．．．

其實我已經湊返個女好多年，由我放亞女係幼稚園，
再請工人湊到依家我做咗全職家庭主婦，今時今日，
亞女係好黏我同好鍚我，
對爺爺既印象，就只記得62成日送野比佢咁，
但我女因為之前都被寵壞過，所 ...


初初湊返個女時, 我要絕對隔開亞女同62既距離，
所以我無論幾趕，都唔會搵62幫手湊放學，
我知咁真係好似好絕情咁，但我點都要同個
建立返好d感情，如果一日有62係身邊哝哝
哦哦就唔會成功．

62真係幾討厭，佢知道我幾點接放學，就無端端
係學校樓下或屋企出現，講咗無數次，叫佢黎都
打個電比我，等我有心理準見到你，次次都咁嚇人，
佢仲要攞大包零食，大包玩具黎，次次我見到佢，
我都唔知點反應，備又無得備，因為學校得一條路
返屋企，好想快d打發佢走，點知佢都唔識趣，
係咁跟住我返屋企，仲要磿係我屋企同亞女玩，
跟住又睇吓我煮乜比亞女食，又睇吓亞女張床有d乜，
喱度話危險，果度又話d光橕親亞女，佢真係仲煩過d女人，我99都無咁煩，唔該你快d走，又唔係黎幫手，
係度攪攪震，我c6又唔係身邊，仲要我係無心理準備下
招呼你，我當時真係好鬼掹．

試過一次，62離譜到上咗學校，因為等家長接既
小朋友，都會坐定定係接待處d凳仔等家長，
而無我既指示，當然無人可以接走亞囡，62
上埋學校坐係到同亞女玩，老師都覺得奇怪，
點解有個亞伯走咗上黎同個小朋友玩，但又
唔係接放學，我上到去又見到佢真火都黎，
62好似寃鬼咁，c6又唔係香港，真係有寃無
路訴，所以果次起我見親佢都講大話，話我約咗
人，要搭火車出去，等佢跟我去到火車站入閘
bye bye,一陣我再出閘返屋企．

又一次仲經典，有一日我早放工，所以早咗接
走亞女，點知62又失驚無神出現，當然等唔到啦，
佢就痴咗線咁，走上學校問我地點解咁早走，
無理由咁早走，又問d老師攞我個電話號碼，
要搵我，問我去咗邊，等d老師意謂我約咗佢，
自己走咗賴低佢，天呀！點解62會咁，攪到我
好尷尬，好彩佢搵唔到我，搵到我老公，
我老話返比我聽，我真係啋你都傻，我又無約你，
唔見我，你咪走囉．

咁多年，62都撞好多次板，都減少咗失驚無神出現
既次數，但都依然有，不過盡量都唔會透露我
既行跡比佢聽，因為亞囡真試過去學學吓畫畫
見到佢，去補補吓習見到佢，真係好騷擾．

其實當初如果唔係62咁對我，我都唔會咁決絕
一定要攞返個女，仲要好似備乜咁備佢，
我一早就見到佢點樣寵壞c6個甥女，但都
估唔到會教佢唔要媽咪．

亞女初頭都唔跟我，仲成搵爺爺，但當佢知度
從此起就只有媽咪同佢，佢慢慢開始識鍚返我，
我地相依為命咗7年，亞女依家係好鬼黏我，
仲成日攬到我實，有乜都同我講，唯一缺點
就係62種落咗一舗臭脾氣比佢．

我真係好長氣，62 d經典野同埋　d無理種
細路法真係好多，真係不能盡錄．．
私人傳訊

Smallpigbb


大宅

積分: 3406


13#
發表於 09-2-18 22:51 |只看該作者
原帖由 hinleungwah 於 09-2-18 08:53 發表
好采你老公幫你, 如果係愚孝, 就算99幾唔啱, 都唔會出聲


係呀，因為我老公分工唔洗準時返工，有好多時99做o既o野唔需要我講c6自己都睇到，而且c6都知道自己亞媽根本都唔湊過自己呢個係事實。
私人傳訊

cookingma


大宅

積分: 1201


12#
發表於 09-2-18 17:52 |只看該作者
part 2

我都未講完．．．

其實我已經湊返個女好多年，由我放亞女係幼稚園，
再請工人湊到依家我做咗全職家庭主婦，今時今日，
亞女係好黏我同好鍚我，
對爺爺既印象，就只記得62成日送野比佢咁，
但我女因為之前都被寵壞過，所以個脾氣係好大，
喱d我咁多年都教唔到，我知唔可以硬碰，
都會就住黎教，慢慢同佢講．

由亞女歲半開始，我同老公堅決每晚都帶個女返
屋企瞓，最多第二日早d起身，帶返個女去99,62到，
到兩歲我搵到間幼稚園，夾到我放工時間，但當
時屋企環境起咗變化，c6從此要返大6工作，一星期
只可以返黎兩日，但我依然堅持獨力湊返個女．

由果日開始，我就非常辛苦，每日一早開奶比佢飲，
同佢著校服，送佢返學．放工我立刻走，因為我要
在一個鐘頭內由九龍趕返新界，用五分鐘買送，
再去接女，果時亞女得兩歲仲成要抱，學校返屋企
要行10分鐘，我一身要拎亞女，手袋，書包，一袋送，
一袋被，又時落雨要拎埋雨傘，依家回想自己好似顛婆咁．

返到屋企又要煲粥，同亞女沖涼洗衫，全部一腳踢，
當時都未想到請工人，直至我因為太辛苦，捱出
病來，健康跌到最底點，我都堅持唔比99,62去
沾手亞女d野，所以我老公就請工人幫手．

仲有我點甩62　d野都末講，因為初初湊返亞女，
佢真係寃魂不惜咁，成日失驚無神咁出現．．

好啦！　依又趕住湊女，part 3再續．．．．．．．　
私人傳訊

debbieip


大宅

積分: 1113


11#
發表於 09-2-18 16:16 |只看該作者
我諗樓主係講 "以前", 唔係依家女女9歲才拿回來自己湊...
係一早已經帶回家自己湊...
私人傳訊

麟媽媽


王國長老

積分: 89584

好媽媽勳章 王國長老


10#
發表於 09-2-18 14:32 |只看該作者
小朋友好直接，邊個平日親佢多d，
佢就最鍚佢，我仔都勁錫婆婆既。
你個女已經九歲咁大個，
佢地之間已經建立左好深既感情，
以往呢九年點解你無發現呢個問題？
你話「得唔返同亞女既感情」，
感情應該從小建立...希望你同囡囡可以得，
不過你要小心處理，
因為九歲已經 有自己思想同情感，
如果佢咁親62，不要一刀切，
唔係適得其反，怕亞女反感更嬲你啊。
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy