吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我有個咁樣既62！

婆媳關係今日: 0|主題: 27784

收藏本版

發帖

返回列表

跳至頁

查看: 3656 | 回覆: 27

我有個咁樣既62！ [複製鏈接]

cookingma

大宅

積分: 1201

1^#

發表於 09-2-18 02:09 |只看該作者 |倒序瀏覽 |打印

我女今年9歲，要講返果時d辛酸史．．

本來我同99,62，未有果bb時都幾好，
但自從b出咗世，問題就黎．．

我同老公本來都想工人湊，費事麻煩
d老人家，但我地兩公婆都要返工，實
在唔放心比工人，雖然我都唔願意比
99,62湊，但最終都要bb安全作前題．

開頭都無乜野，但亞女一日一日大，
開始大，開始曵，我先知死，99都
無乜野，62就好種亞女，亞女就好
黏62, 都唔緊要，但62直情教到亞
女唔要媽咪，心目中只要爺爺，咁，
你話我十月懷胎生個女幾傷心．

62做咗好多野出黎都令我好反感，
亞女有野食，佢專登叫佢比爺爺食，
亞女當然比，跟住再同佢講比媽咪食
亞女即刻大叫"唔比"，跟住62就好
底死咁，哈哈大笑話佢唔比佢亞媽食喎．

又試過亞女有野係唔啱，我一路係度
教緊佢，62居然向隔離一路同亞女講，
唔係啫，唔係啫，你亞媽唔好，爺爺
鍚晒，完全當我無到．

永遠我唔買比亞女d野，佢轉頭就買，
仲要同亞女講，你媽咪咁衰呀，佢唔
買比你爺爺買．

有一次亞女病咗，我放工返黎同亞女
睇醫生，62就湊佢黎診所，跟住佢又
唔走，係咁跟住我地，話睇完醫生要
湊返佢到，當我睇完醫生，正在比錢，
轉身已經唔見佢地，我就出去行混個
商場搵佢地，終於比我搵到佢地，
62見到我，面色一沉，問我返轉頭
做乜，你走就走吧，啱啱氹得亞女
好開心，唔記得你，依家見到你，
佢又唔捨得你，你快d走！嗄！
我係佢亞媽喎，佢唔捨得我都正
常啫．

所以由果時開始，我決定幾辛苦都好，
要攞返個女，自己湊．

過程我覺得自己有d絕情，真係完全
要劃清界線，我都唔知自己係咪好衰，
咁樣對老公個爸爸，但唔係咁，我
就永遠得唔返同亞女既感情．．

因為太長篇，我遲d再講．．．．．．．　

0 0 0

私人傳訊

angel_cheng

大宅

積分: 2000

2^#

發表於 09-2-18 02:27 |只看該作者

如果我bb係咁,我一定會好傷心,妳自己揍番個女係啱架,因為要教好佢,做一個正常人,而唔係俾爺爺縱壞嘅生番,始終個女第時做錯野,最心痛就係媽媽,支持妳...

等緊睇埋妳嘅精彩故事...

私人傳訊

食嘢太狼

男爵府

積分: 9850

3^#

發表於 09-2-18 03:19 |只看該作者

我贊成同支持你.攞番個女揍其實係對小朋友好,相信小朋友最希望成日都係父母身邊,而父母喺佢做錯事,走錯路嘅時候,可以教導同指引佢,你嘅小朋友愈嚟愈大,如果而家唔同佢建立好關係,第時就更加難教,溝通.喺四大天王眼中,孫係要錫嘅,佢哋當然唔會say no,咁就好容易教咗個小霸王出嚟,而你62更存心要你個女唔錫你,疏離你母女感情,係更加要揍番個女,可能你會覺得比宜家幸苦d,但係值得.
唸過好聽籍口同你62講,不過你遇咗佢唔鍾意.
堅持自己嘅決定

好希望你成功,順利解決問題

私人傳訊

Smallpigbb

大宅

積分: 3406

4^#

發表於 09-2-18 08:24 |只看該作者

cookingma,

我都好明白你所講o既o野，因為我都係俾工人湊我個女，起初姐姐好乖，我雖然係返part time工但好多時都唔可以準時放工，我放完產假就叫99嚟幫手睇頭睇尾同睇住姐姐，老實講我就知道99唔識照顧BB（因為佢根本唔照顧過佢自己倆個小朋友，連粥都唔識煲只識去八卦），我起初因為個女細未識得表達，之後慢慢開始大就會扭計，我做亞媽o既就一定要教啦，我記得有一次我鬧女女我個99就講喇，你返工個女都無喊過你一返嚟就整到個女喊。如果我個女唔係扭計又點會俾我鬧先，我當時緊係無o甘講啦。

之後我發現個女成日唔食正餐又有一次99走咗之後晚上嘔到7彩，我就當然問姐姐有無俾過D咩女女食，姐姐就話99俾咗D面包BB食，我知道面包唔係無益但就未必消化得好好（因為當時只有8-9個月），而99最唔得一樣o野就係好樅個工人，搞到最後個工人打我個女，（因為99在我返工時容許姐姐去同人傾計學壞咗）之後我裝咗cam姐姐都知道，我就可以見到99同姐姐o係我返工時做咗D咩，我99試過同我個食同一個面包你一口我一口好唔衛生（老實講我自己都唔會o甘做），我炒姐姐時因為係即炒，我叫c6同99講咩事，我個女換片唔合作就俾姐姐打通大力放佢o係床仔，99仲唔信自己個仔，我c6好激氣o甘話你得閑上嚟睇返段片啦，我個c6到依o家都好唔like99，所以我請咗新姐姐之後我自己請咗2個星期假去教，之後到依o家都無叫過我99嚟，我覺得自己人都未必信得過尤其係99，根本越幫越忙，最慘係唔話得佢始終係人o地o家亞爸或者亞媽。

[ 本帖最後由 Smallpigbb 於 09-2-18 08:29 編輯 ]

私人傳訊

hinleungwah

大宅

積分: 1360

5^#

發表於 09-2-18 08:53 |只看該作者

好采你老公幫你, 如果係愚孝, 就算99幾唔啱, 都唔會出聲

原帖由 Smallpigbb 於 09-2-18 08:24 發表
cookingma,

我都好明白你所講o既o野，因為我都係俾工人湊我個女，起初姐姐好乖，我雖然係返part time工但好多時都唔可以準時放工，我放完產假就叫99嚟幫手睇頭睇尾同睇住姐姐，老實講我就知道99唔識照顧BB（因為佢根本唔照顧過 ...

私人傳訊

hinleungwah

大宅

積分: 1360

6^#

發表於 09-2-18 09:02 |只看該作者

樓主, 當然自己湊會好d, 尤其是女女而家9歲, 好話唔好聽, 已經識得是非黑白, 就算自己幾5啱, 都用好多歪理藉口黎推番自己既事情, 如果再比62咁縱法, 你有排煩, 再過2年, 亞女可能反叛期, 再5好好教佢, 一定會學壞.

私人傳訊

123!@#

伯爵府

積分: 16607

7^#

發表於 09-2-18 09:31 |只看該作者

咁當時你老公知唔知個問題呀?
不過宜家你決定湊番個女, 係好事架.
唔駛擔心你62發脾氣, 只要你老公認同你就得, 到時叫你老公同佢講囉.
講真, 過多2年, 真係反叛期, 到時你想教都幾難呀.

私人傳訊

hhmum

侯爵府

積分: 21858

2025勳章蛇年勳章虎到金來勳章

8^#

發表於 09-2-18 13:14 |只看該作者

好支持樓主自己揍返個女,唔係好似我個女咁自小寵壞,
好教.

私人傳訊

cherryj

洋房

積分: 61

9^#

發表於 09-2-18 13:42 |只看該作者

回覆 # 的文章

如果你62教我你個女好好, 都算啦! 但係就...
攪成貢, 你根本無得選擇. 我都試過. 希望你可以順利解決, 最重要你 c6認同你做法.
唔好貢興!!

私人傳訊

麟媽媽

王國長老

積分: 89584

好媽媽勳章王國長老

10^#

發表於 09-2-18 14:32 |只看該作者

小朋友好直接，邊個平日親佢多d，
佢就最鍚佢，我仔都勁錫婆婆既。
你個女已經九歲咁大個，
佢地之間已經建立左好深既感情，
以往呢九年點解你無發現呢個問題？
你話「得唔返同亞女既感情」，
感情應該從小建立...希望你同囡囡可以得，
不過你要小心處理，
因為九歲已經有自己思想同情感，
如果佢咁親62，不要一刀切，
唔係適得其反，怕亞女反感更嬲你啊。

私人傳訊

debbieip

大宅

積分: 1113

11^#

發表於 09-2-18 16:16 |只看該作者

我諗樓主係講 "以前", 唔係依家女女9歲才拿回來自己湊...
係一早已經帶回家自己湊...

私人傳訊

cookingma

大宅

積分: 1201

12^#

發表於 09-2-18 17:52 |只看該作者

part 2

我都未講完．．．

其實我已經湊返個女好多年，由我放亞女係幼稚園，
再請工人湊到依家我做咗全職家庭主婦，今時今日，
亞女係好黏我同好鍚我，

對爺爺既印象，就只記得62成日送野比佢咁，
但我女因為之前都被寵壞過，所以個脾氣係好大，
喱d我咁多年都教唔到，我知唔可以硬碰，
都會就住黎教，慢慢同佢講．

由亞女歲半開始，我同老公堅決每晚都帶個女返
屋企瞓，最多第二日早d起身，帶返個女去99,62到，
到兩歲我搵到間幼稚園，夾到我放工時間，但當
時屋企環境起咗變化，c6從此要返大6工作，一星期
只可以返黎兩日，但我依然堅持獨力湊返個女．

由果日開始，我就非常辛苦，每日一早開奶比佢飲，
同佢著校服，送佢返學．放工我立刻走，因為我要
在一個鐘頭內由九龍趕返新界，用五分鐘買送，
再去接女，果時亞女得兩歲仲成要抱，學校返屋企
要行10分鐘，我一身要拎亞女，手袋，書包，一袋送，
一袋被，又時落雨要拎埋雨傘，依家回想自己好似顛婆咁．

返到屋企又要煲粥，同亞女沖涼洗衫，全部一腳踢，
當時都未想到請工人，直至我因為太辛苦，捱出
病來，健康跌到最底點，我都堅持唔比99,62去
沾手亞女d野，所以我老公就請工人幫手．

仲有我點甩62　d野都末講，因為初初湊返亞女，
佢真係寃魂不惜咁，成日失驚無神咁出現．．

好啦！　依又趕住湊女，part 3再續．．．．．．．　

私人傳訊

Smallpigbb

大宅

積分: 3406

13^#

發表於 09-2-18 22:51 |只看該作者

原帖由 hinleungwah 於 09-2-18 08:53 發表
好采你老公幫你, 如果係愚孝, 就算99幾唔啱, 都唔會出聲

係呀，因為我老公分工唔洗準時返工，有好多時99做o既o野唔需要我講c6自己都睇到，而且c6都知道自己亞媽根本都唔湊過自己呢個係事實。

私人傳訊

cookingma

大宅

積分: 1201

14^#

發表於 09-2-18 23:31 |只看該作者

原帖由 cookingma 於 09-2-18 17:52 發表
part 2

我都未講完．．．

其實我已經湊返個女好多年，由我放亞女係幼稚園，
再請工人湊到依家我做咗全職家庭主婦，今時今日，
亞女係好黏我同好鍚我，
對爺爺既印象，就只記得62成日送野比佢咁，
但我女因為之前都被寵壞過，所 ...

初初湊返個女時, 我要絕對隔開亞女同62既距離，
所以我無論幾趕，都唔會搵62幫手湊放學，
我知咁真係好似好絕情咁，但我點都要同個
建立返好d感情，如果一日有62係身邊哝哝
哦哦就唔會成功．

62真係幾討厭，佢知道我幾點接放學，就無端端
係學校樓下或屋企出現，講咗無數次，叫佢黎都
打個電比我，等我有心理準見到你，次次都咁嚇人，
佢仲要攞大包零食，大包玩具黎，次次我見到佢，
我都唔知點反應，備又無得備，因為學校得一條路
返屋企，好想快d打發佢走，點知佢都唔識趣，
係咁跟住我返屋企，仲要磿係我屋企同亞女玩，
跟住又睇吓我煮乜比亞女食，又睇吓亞女張床有d乜，
喱度話危險，果度又話d光橕親亞女，佢真係仲煩過d女人，我99都無咁煩，唔該你快d走，又唔係黎幫手，
係度攪攪震，我c6又唔係身邊，仲要我係無心理準備下
招呼你，我當時真係好鬼掹．

試過一次，62離譜到上咗學校，因為等家長接既
小朋友，都會坐定定係接待處d凳仔等家長，
而無我既指示，當然無人可以接走亞囡，62
上埋學校坐係到同亞女玩，老師都覺得奇怪，
點解有個亞伯走咗上黎同個小朋友玩，但又
唔係接放學，我上到去又見到佢真火都黎，
62好似寃鬼咁，c6又唔係香港，真係有寃無
路訴，所以果次起我見親佢都講大話，話我約咗
人，要搭火車出去，等佢跟我去到火車站入閘
bye bye,一陣我再出閘返屋企．

又一次仲經典，有一日我早放工，所以早咗接
走亞女，點知62又失驚無神出現，當然等唔到啦，
佢就痴咗線咁，走上學校問我地點解咁早走，
無理由咁早走，又問d老師攞我個電話號碼，
要搵我，問我去咗邊，等d老師意謂我約咗佢，
自己走咗賴低佢，天呀！點解62會咁，攪到我
好尷尬，好彩佢搵唔到我，搵到我老公，
我老話返比我聽，我真係啋你都傻，我又無約你，
唔見我，你咪走囉．

咁多年，62都撞好多次板，都減少咗失驚無神出現
既次數，但都依然有，不過盡量都唔會透露我
既行跡比佢聽，因為亞囡真試過去學學吓畫畫
見到佢，去補補吓習見到佢，真係好騷擾．

其實當初如果唔係62咁對我，我都唔會咁決絕
一定要攞返個女，仲要好似備乜咁備佢，
我一早就見到佢點樣寵壞c6個甥女，但都
估唔到會教佢唔要媽咪．

亞女初頭都唔跟我，仲成搵爺爺，但當佢知度
從此起就只有媽咪同佢，佢慢慢開始識鍚返我，
我地相依為命咗7年，亞女依家係好鬼黏我，
仲成日攬到我實，有乜都同我講，唯一缺點
就係62種落咗一舗臭脾氣比佢．

我真係好長氣，62 d經典野同埋　d無理種
細路法真係好多，真係不能盡錄．．

私人傳訊

心抱

子爵府

積分: 13095

好媽媽勳章醒目開學勳章畀面勳章

15^#

發表於 09-2-18 23:59 |只看該作者

你62好錫你囡囡,不過用錯方法

可吾可以同佢定d時間俾佢見你囡囡黎解決佢成日失驚無神咁出現

私人傳訊

123!@#

伯爵府

積分: 16607

16^#

發表於 09-2-19 10:23 |只看該作者

我覺得你62好可憐呀.

無錯, 佢愛錫囡囡既方法可能有問題, 但當我睇到佢會走來學校揾囡囡, 而你又討厭佢時, 我真係覺得佢好慘.
樓主, 我想問下, 如果個個係你媽媽, 而你c6做左你角色, 你有咩感受呀?
唔知你地宜家同62既關係係點? 但真心希望你, 多d帶囡囡回去, 等62可以見佢多d.

私人傳訊

mother904

翡翠宮

積分: 82289

畀面勳章

17^#

發表於 09-2-19 12:04 |只看該作者

真係唔明，點解有d人一定要做到咁討厭？鍚孫女係好，但點解要教人地唔要媽媽？

如果係我，我都會好似樓主你咁做。

而家過左咁多年，你62仲會唔會失驚無神咁出現？如果佢有改善，樓主都可以放寬些少，帶個女多少少番去見下佢。如果佢仲係好似以前咁，就睇定d先啦。

私人傳訊

bencat

子爵府

積分: 10018

好媽媽勳章畀面勳章

18^#

發表於 09-2-19 12:33 |只看該作者

原帖由 mother904 於 09-2-19 12:04 發表
真係唔明，點解有d人一定要做到咁討厭？鍚孫女係好，但點解要教人地唔要媽媽？

如果係我，我都會好似樓主你咁做。

而家過左咁多年，你62仲會唔會失驚無神咁出現？如果佢有改善，樓主都可以放寬些少，帶個女多少少番去見下佢。如果佢 ...

十分同意

私人傳訊

cookingma

大宅

積分: 1201

19^#

發表於 09-2-19 13:29 |只看該作者

你話覺得佢可憐，但如果你十月懷胎生個女出黎，個女
居然唔要你，當你仇人咁，到時就你仲可憐．

其實62咁多年都無乜變，佢自己鍾意點就點，從來
都唔諗人地方唔方便，鍾唔鍾意．

其實佢咁既行為，我可以話佢無禮貌．

我老公同佢講過無數次，又叫99同佢講過，叫佢打個電話比我地，又或者約個時間，免得會打亂人地既生活，而你又無謂要白行一次，我地都唔想，佢聽完都仲係咁，我地都無辦法．

我都唔係完全唔比62見我個女，星期六日，等我c6返咗黎香港，我地一家會約6299飲茶，又時又會返去食晚飯，但就唔可以每個星期囉，因為c6一星期先返黎兩日，c6好想我地一家三口開心吓，同個女玩吓，享受family day,因為到c6驚個女見得佢少，唔黏佢．

我只係唔想佢打擾我地平日既生活，唔想佢騷擾我同個
女相處既時間，我要湊返個女，我知62好唔想，佢意謂
我會好似佢個女咁，放個女係佢度湊到大，而因為c6成
日唔係香港，所以睇死我湊唔掂，要比返佢，但是實
我依家湊到亞女9歲，雖然亞女有時真係好曵，但都叫
同亞媽一齊生活，會聽爸爸媽媽話，唔會心目中只有一
個爺爺．

私人傳訊