張繼聰雖然唔係sell靚仔，不過勝在演技好、身型好、戲路又廣，之前喺有份演出嘅《老表》系列、《幕後玩家》、《收規華》及《食為奴》等等嘅收視都有返咁上下，終於成功搣甩「廢柴老公」之名。雖然唔係無綫親生仔，但有指唔少監製指明要張繼聰為佢哋下年嘅劇集做男主角，仲私底下傾掂晒數。
以為佢可以順順利利賺奶粉錢嘅時候，有傳一班監製突然收到高層指令講到明唔可以再用張繼聰，當時好多人都唔知道點解，以為佢講錯嘢得罪高層。
去到今日就有報道指原來係被蕭定一公司同無綫嘅官司所累！話說14年無綫仍然係佘詩曼經理人嘅時候，同蕭定一公司簽約拍電影《十月初五的月光》。點知有傳當時張智霖唔滿意劇本要改，搞到電影要逾期完成。無綫就同蕭定一公司追回補水薪金，話佘詩曼應該要收取番過百萬嘅額外薪酬。但係對方就只係肯俾一半，條數搞到依家都未傾掂，所以無綫決定封殺佢旗下所有藝人。
不過蕭定一就話張繼聰唔係被人封殺，而係想拍電影先，成個都係策略嚟架喎。究竟係唔係，大家到時睇吓無綫啲劇用啲咩藝人就知啦！
希望唔好啦, 我好鍾意睇佢做戲
發表於 
返回列表
