吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 長老唔鍾意你裝cam和請工人，請問有咩對策？ ...

自由講場今日: 636|主題: 1355548

收藏本版

發帖

返回列表

跳至頁

查看: 4184 | 回覆: 38

長老唔鍾意你裝cam和請工人，請問有咩對策？ [複製鏈接]

jacobkit

子爵府

積分: 14543

HiPP勳章(1) 2018父親節勳章 Poo得好勳章瞓得好勳章開心吸收勳章認識瑞士牛牛第四回認識瑞士牛牛第一回育兒性格勳章我的育兒心得勳章 BK Milk勳章畀面勳章

1^#

發表於 17-11-25 15:28 |只看該作者 |正序瀏覽 |打印

上個月奶奶（54歲不同住，湊開我b)驗到有個瘤，睇咗好多個醫生，最後發現係免疫系統疾病，自己攻擊自己產生，原因同壓力太大休息不足有關系

老爺都有抱怨奶奶太辛苦，同埋叫極奶奶休息早d睡都唔制（奶奶要玩手機成凌晨先睡，來到我屋企又午睡，同埋要整蛋糕、包，佢覺得佢整的好好味但其實大家都吃不消，又話要俾我b食），其實奶奶的生活重心一直在仔身上，無咩朋友，也沒有興趣，最大的興趣係整糕，果時以為生癌問奶奶有咩心願，佢話希望我們買樓

好la, 都費事大家咁辛苦，奶奶病c6都內疚，因為當初係佢大力話想奶奶湊唔請工人，我自己都覺得放工做家務好累，c6有時幫手但佢自己其實都好累，對大家關係和生活社交都有影響，最後c6由反對請工人變成同意請工人兼主動出聲話出錢

請工人湊18m , 參考前人經驗，都諗住裝哂cam用iCloud save , 訂立rule

奶奶一知要請工人就好反對，話好貴工人無用etc(因為佢以前請工人俾個工人玩到要即炒，因為果時奶奶對工人好差，我聽返我係工人都唔想打你工），最後話無計la你要請我都無法，都話我無事

但奶奶話以後都係星期一至五照來，除非唔得閒，由朝到晚，話唔放心，而且工人佢來果時做哂家務就要出街，話見到個工人都眼火爆，知我裝cam又黑面話佢起度時要熄cam, 但其實我唔想，因為無理由你返返下工打俾我叫我熄之後又開返，大佬，我邊有咁得閒。同佢講有工人幫手可以去享受人生la,唔洗日日來la, 佢就話無嘢做好得閒好想湊孫

工人一月先到，請問應點應對好，唉，我覺得好煩，我直覺奶奶會想盡辦法趕個工人走，因為奶奶想省錢想我們買樓，其實我覺得有工人都好，奶奶每個月實有些事來唔到睇b, 成日就要我媽臨時幫手，但其實我媽唔鍾意，耐咗，就好似變奉旨咁（老爺有次想奶奶臨時返大陸，就話叫婆婆睇咪得law, 佢都無嘢做的la)

0 0 0

私人傳訊

魚兒小寶貝

珍珠宮

積分: 36739

2025勳章 2025勳章蛇年勳章 2024年龍年勳章 2018復活節勳章

39^#

發表於 17-11-26 10:28 |只看該作者

我99 幾好人，唔煩，但老一輩難免會塞d 食物，用品比你，我會直講：認真架99 我落到樓下就掉架喇！99 知我講真，就唔會塞落黎。

Cam 照裝，咪應佢會熄囉，工人果到冇計，叫佢在99 上黎前盡做，佢一黎就落街慢慢買餸，之後入房避開，盡量唔喺99面前做野。

私人傳訊

Suncloud

大宅

積分: 2286

38^#

發表於 17-11-26 10:19 |只看該作者

puzzledmama 發表於 17-11-26 00:02
有點想不通，奶奶點解一定要熄cam ?

冇人鍾意，被監視。如果你上司話要喺你枱頭裝cam，你都唔鍾意。

私人傳訊

Suncloud

大宅

積分: 2286

37^#

發表於 17-11-26 10:17 |只看該作者

jacobkit 發表於 17-11-25 15:28
上個月奶奶（54歲不同住，湊開我b)驗到有個瘤，睇咗好多個醫生，最後發現係免疫系統疾病，自己攻擊自己產生 ...

我覺得你要向工人落藥，教識佢點同你奶奶應對。叫工人體諒下老人家，你又要講到你好信工人，明白工人嘅苦況，間中醒佢一二百蚊。

我成日同我工人講，合約上我係你老細，但係我嘅老細係我阿媽。我工人都好識做，見親我媽來，都首先斟茶遞水，當佢上賓咁。問我阿媽有啲乜嘢，要幫佢做咗先。絕對唔會當我媽無到。

同個工人打定底。頭嗰幾次阿媽點到工人陀羅令。過年嘅時候，我會代我阿媽，畀大利日是工人，當然我媽係唔知嘅。

私人傳訊

brindlewin

珍珠宮

積分: 38404

36^#

發表於 17-11-26 01:19 |只看該作者

jacobkit 發表於 17-11-25 22:52
今日返去又有整包，其實c6在中午已打電話返去話唔好整想停下先，奶奶今次整咗5個就算

不過因為蒸包整到好 ...

我係工人上工前(當時嚟湊我N B)，已捉4大當面講。佢地若他日對工人有意見，請告訴我，由我話工人，唔好3頭馬車(我，我媽，99)將人地“分撕”。
我媽本身唔鐘意做家務，所以我明知佢唔會插手，但99做了多年主婦亦非常能做能煮，難免.......所以我叫齊四大一齊講，唔使99覺得只針對佢咯。
日後我工人向佢討敎煮餸，佢咪開心敎，又威下，滿足就少鬧人啦。

私人傳訊

tansyneko

琥珀宮

積分: 152982

35^#

發表於 17-11-26 01:15 |只看該作者

回覆樓主:

齋睇文字都覺你99好癲

私人傳訊

brindlewin

珍珠宮

積分: 38404

34^#

發表於 17-11-26 01:05 |只看該作者

jacobkit 發表於 17-11-25 22:39
唔得，因為我用闊鏡頭，set的位好高，我唔想佢要上上落落

本帖最後由 brindlewin 於 17-11-26 01:21 編輯

cam 果度你根本唔使同佢講時開，就話做個樣都要放係度。

老人家根本孤注一擲，尤其佢做咗成世主婦，已經唔識放手，你地依家請工人，好聽係唔使佢辛苦，實在佢覺得係被你地“炒魷”，咪insertive咁要自己立例攞返話事權。到時工人難應付兩個女主人，亦根本冇位俾你地建立正常關係。

私人傳訊

huiwo太太

子爵府

積分: 13517

33^#

發表於 17-11-26 00:46 |只看該作者

回覆樓主

以前去99到食飯，99成日都會比好多食物我地拎走，之後我叫c6拒絕唔拎，而家改善好多。

而我媽咪個邊都係咁，我會拒絕話食唔哂會掉好浪費，而家都好左d 。

其實係長輩太錫我地ja~係過份左，需要時企硬拒絕表達意見。

私人傳訊

puzzledmama

伯爵府

積分: 15980

32^#

發表於 17-11-26 00:02 |只看該作者

回覆樓主

有點想不通，奶奶點解一定要熄cam ?

私人傳訊

teambuilder

男爵府

積分: 5473

31^#

發表於 17-11-25 23:56 |只看該作者

回覆樓主:

我奶奶都係咁，我都唔鐘意奶奶比太多野食我地。不過聽你形容，你奶奶都幾錫你，當你一家人，而你亦好顧奶奶感受。我嘅做法係一般情況下如果自己無所謂都會聽奶奶講，會對奶奶特別好。但如果件事自己好在乎，就一定顧自己感受先，會企硬，會有禮貌地照直講。如果係早餐食唔食羔呢d，我唔會太理，拎左番屋企想食就食，唔食就由佢，最緊要唔好傷和氣。請工人其實都好有用，當多個人洗野都好，尤其bb出世頭兩三年，幫到好多，你可以專心工作，賺多d錢買樓。

私人傳訊

SHILINGFA

大宅

積分: 4345

30^#

發表於 17-11-25 23:41 |只看該作者

艾森發表於 17-11-25 20:59
原來咁多人都有類似經歷，成日要拎一大堆食物，但根本無人食要浪費食物

逞強湊孫係好多固執老人家都 ...

我都有同樣煩惱，奶奶成日買一堆生果要我地拎番屋企，次次都要被迫拎10個8個，仲要次次唔係蘋果就係橙，食都食到厭！
有時唔想拎，佢又話啲蘋果拜過觀音，唔可以掉，焗我地一定要拎走！講幾千萬次叫佢唔使再買生果俾我地又唔聽，真係煩到嘔

私人傳訊

SHILINGFA

大宅

積分: 4345

29^#

發表於 17-11-25 23:37 |只看該作者

jacobkit 發表於 17-11-25 22:52
今日返去又有整包，其實c6在中午已打電話返去話唔好整想停下先，奶奶今次整咗5個就算

不過因為蒸包整到好 ...

你放心，你奶奶到時對個工人一定尖酸刻薄！有個咁既奶奶日日係到，工人一定唔會做得耐！！

私人傳訊

Petonemama

大宅

積分: 1502

28^#

發表於 17-11-25 23:14 |只看該作者

回覆樓主:

每個月慳$4千幾，預算慳幾耐買到樓?

私人傳訊

cloudyjess

伯爵府

積分: 15033

27^#

發表於 17-11-25 23:01 |只看該作者

jacobkit 發表於 17-11-25 22:52
今日返去又有整包，其實c6在中午已打電話返去話唔好整想停下先，奶奶今次整咗5個就算

不過因為蒸包整到好 ...

就咁聽你99咁惡頂....但日日上去，應該咩工人都做唔長

我諗要打定底同工人講唔好咁在意你99，但你話唔so你99唔知佢會唔會癲左喎
其實佢咁病真係要好好抖下

私人傳訊

jacobkit

子爵府

積分: 14543

26^#

發表於 17-11-25 22:52 |只看該作者

今日返去又有整包，其實c6在中午已打電話返去話唔好整想停下先，奶奶今次整咗5個就算

不過因為蒸包整到好遲先食飯，唉

希望在工人度佢唔好發工人脾氣或者洗工人太盡，我驚工人唔老脾玩返我

其實應唔應該叫工人聽奶奶話好

私人傳訊

jacobkit

子爵府

積分: 14543

25^#

發表於 17-11-25 22:39 |只看該作者

Jasmine-4711 發表於 17-11-25 21:03
揾你62同C6做醜人，你米出声。

用她健康為大前題，勸佢如想睇住个孫長大，要少操勞。個瘤生大左可大可小， ...

唔得，因為我用闊鏡頭，set的位好高，我唔想佢要上上落落

私人傳訊

Jasmine-4711

翡翠宮

積分: 93074

2025勳章 2025勳章蛇年勳章 2024年龍年勳章牛年勳章

24^#

發表於 17-11-25 21:03 |只看該作者

回覆樓主:

揾你62同C6做醜人，你米出声。

用她健康為大前題，勸佢如想睇住个孫長大，要少操勞。個瘤生大左可大可小，冇命点睇仔同孫。

她來時，叫佢用塊布蓋住個cam,走時揭开布ok吗？一人行一步啦。

私人傳訊

木土土

琥珀宮

積分: 166779

23^#

發表於 17-11-25 21:02 |只看該作者

jacobkit 發表於 17-11-25 15:33
最後我其實唔係想公審邊個，我只是想諗個解決方法，當中無人係壞人，只是大家立場唔同
...

無解決方法，我會跟自己意思，但唔會駁奶奶，由得佢發表意見，但聽完就算。

絕對唔會奶奶在家就叫工人出街，我會話定比工人聽，唔需要聽奶奶講出街。

私人傳訊

艾森

子爵府

積分: 11164

22^#

發表於 17-11-25 20:59 |只看該作者

原來咁多人都有類似經歷，成日要拎一大堆食物，但根本無人食要浪費食物

逞強湊孫係好多固執老人家都有，遇過一年要急入住4次醫院都仲覺得自己可以湊孫（唔係講自己，我好享受做ftm亦唔想辛苦長老）

長老下下要控制後輩，要控制仔女，新抱點樣生活，反而令人敬而遠之。永遠唔聽人講係唔會改，但呢類長老通常好肯聽長輩同算命師傅既說話。

如無計可施唯有出命理之說，搵個算命師傅同奶奶講，話奶奶八字唔適宜湊孫，湊孫就會大病，想身體健康就唔好湊孫.......