懷孕前後

收藏本版
發帖
返回列表
跳至頁

首頁
123

尾頁
   0
Lenatsang


大宅

積分: 2719


1#
發表於 09-2-26 17:43 |只看該作者
我已經有咗9W, 但係我成日都唔開心, 因為我覺得生BB好大壓力? 我唔知點先可以開心D, 同思想唔好咁負面?

[ 本帖最後由 Lenatsang 於 09-2-26 19:33 編輯 ]
私人傳訊

daisyc1


大宅

積分: 2166


49#
發表於 09-3-8 22:07 |只看該作者
Hi Lenatsang 其實我同你的case差不多, 可能俾你仲差d, 意外懷孕但我又未結婚, 準老公同我都冇乜錢, 加上我都係好自私愛自己多d的人, 晚晚好鍾意去玩, 所以起初都唔想要, 但到你係u/s見到肚裡的bb, 你的感覺會唔同的, 慢慢接受了, 其實生bb都可以有自由的, 我的時間可以自己去安排, 一星期可以俾自己去玩一兩晚, 做人唔好咁悲觀, 所有的問題都需要時間去面對及接受, 無人可以一下子解決問題的, 做人每個階段都會有問題, 我而家都好矛盾的, 已經32週好想快d見到亞b, 但又好唔捨得懷孕的日子, 實在好幸福, 你要學會感受懷孕的幸福, 因為人一生中懷孕的日子可能係好少的, 好好enjoy一下吧!
私人傳訊

bloody_jackie


複式洋房

積分: 150


48#
發表於 09-3-6 01:00 |只看該作者
Lenatsang
您好, 我都係一個意外有咗bb ge mama, 剛知道自己有bb 時, 用驗孕棒證實bingo咗之后好開心, 但第二日同bf的屋企人傾結婚(我哋當時未結婚)時開始feel到壓力... 親朋戚友好多"關心" 的"慰問"... 好煩好煩... 仲有工作啦, 我剛發現自己有咗之前二日先in 完一份新工... 一下子面對新工作, bb, 結婚, 經濟.... 好多好多問題.

仲要份工我返咗唔夠一個月, 事頭婆一知我有咗, 講咗一大輪好難聽的說話, 我好唔開心就無做. 辭職嗰日, 仲要健康院打比我, 話我有隠性地中海貧血,嗰日開始唔開心. 再加上無做嘢, 就成日在屋企亂諗嘢, 怕唔夠$養, 怕自己無能力做一個媽媽, 老公又唔喺自己身邊(因為佢一星期有5.5days 在大陸做嘢), 怕成為老公負擔, 咁啱又金融海潚...成日唔開心, 成日喊, 嗰時9-10週左右. 一瞓醒就喊, 喊到自己feel到自己再咁落去唔得, 于是我打電話到健康院要求見社工, 護士長即日見完我之后, 立即轉介我去見精神科姑娘, 好彩我唔係有產前抑鬱, 只係荷爾蒙分泌變化大, 影響到我情緒. 后來過咗16週之后心情平伏咗好多. 起碼會揾番d朋友出來傾吓, 因為之前我完全自閉在家, 足不出戶, 又唔食嘢...

我而家仲有keep住見精神科姑娘, 我諗你同我一樣, 初頭未接受到有咗bb, 再加上荷爾蒙分泌變化, 所以心情受到影響. 我想同你分享我ge 經歷, 希望你會同我一樣, 賞試吓揾專業人士幫幫手, 可以同我一樣, 揾健康院姑娘傾吓, 會舒服好多.

希望過渡咗呢一段時期后, 你會同我一樣, 做個快快樂樂的mama.

p.s. 好彩老公無地中海貧血的因子, 所以我bb無事, thanks god!
私人傳訊

珊珊媽媽


大宅

積分: 1414


47#
發表於 09-3-5 17:59 |只看該作者
我都有咁既情況, 好少事就會好易火
有時好後悔, 因為我發脾氣會傷害到我身邊人
唔單止係肚里面既bb (佢知媽咪唔開心, 怕佢會有-ve影響) 其實一諗到咁, 我都叫自己克制下

一遇到唔開心, 走開先
等我自己claim down...





原帖由 chanwendy 於 09-3-4 10:32 發表
我今次係第二胎, 呢一胎仲係我 plan 好的, 我唔係唔開心,但係就情緒起伏好大, 尤其是返到屋企. 有時 c6 講同一句說話, 如果係以前我可能冇咁嬲, 覺得冇咩嘢, 但而家我會發晒脾氣. 以前對亞囡的容忍度都會高啲, 而 ...

私人傳訊

chanwendy


伯爵府

積分: 16931


46#
發表於 09-3-4 10:32 |只看該作者
我今次係第二胎, 呢一胎仲係我 plan 好的, 我唔係唔開心,但係就情緒起伏好大, 尤其是返到屋企. 有時 c6 講同一句說話, 如果係以前我可能冇咁嬲, 覺得冇咩嘢, 但而家我會發晒脾氣. 以前對亞囡的容忍度都會高啲, 而家可能到第三次唔聽我就會出手. 呢啲情緒係完全控制唔到的. 我自己都知咁樣對個胎唔好, 我都怕佢會 eq 超低, 有時都會盡量提自己唔好亂發脾氣. 多啲食朱古力囉, 自己開心啲, 對個 bb 都好啲.
私人傳訊

珊珊媽媽


大宅

積分: 1414


45#
發表於 09-3-3 15:07 |只看該作者
我依家都陀住阿b, 大囡依家都係得個歲幾
係呀, 你話無自由, 一放工就要返屋企, 無得話想去邊就去邊, 因為心態都唔同左, 想即刻卜返屋企, 此其一

以前二人世界, 依家咪三人甚至四人世界囉, 都係一樣咁自由咁開心, 星期六日我負責PLANNING去邊去邊, 因為我帶住囡囡同奶奶一齊玩仲happy, 佢地兩個一老一嫩, 好搞笑; 而老公呢, 佢會好感激你為佢負出, 我唔知依個TERM會唔會唔係咁好, 不過佢真係會因為睇住BB出世, 更加錫你, 生完BB夫妻感情好似進入另一境界

我估你都係產前抑鬱多
我都有(產後尤其嚴重), 成日會諗埋一邊, 無架, 唔開心最緊要講出黎/發洩到, 同老公講對我係最有用, 因為有左後受荷爾蒙等影響, 心情自不然會大起大落, 即使好少事大肚婆都好易發脾氣, 正常架!

你話無心機煮唔到飯, 可能都係因為咁
但係依個過渡期嘛, 你要知道先, 如果你覺得係因為BB搞到你咁, 咁你再諗落去咪會怨埋你老公
最衰老公仲意BB, 如果唔係我就唔洗咁....

其實我咁講都係想話你知, 你愛一個人會為佢付出
你依家想後悔已經無用, 不如積極D面對仲好

唔煮飯仔, 仲有好多野可以搞姐, 陀住BB又唔係咩都唔做得
私人傳訊

波波波


別墅

積分: 694


44#
發表於 09-3-3 13:47 |只看該作者
好多人都係抑鬱, 其實都好正常, 不如睇多d可愛bb相, 見到佢地咁可愛, 就會開心d啦

仲有呢, 多d同老公講你既感覺, 唔好收埋係心面, 搵d朋友食下飯, 唔好匿係屋企

做人最緊要開心嘛
覺得做咩係開心咪就去做囉~! ^_^
私人傳訊

香香


禁止訪問

積分: 8199


43#
發表於 09-3-3 13:16 |只看該作者
提示: 作者被禁止或刪除 內容自動屏蔽
提示: 作者被禁止或刪除 內容自動屏蔽
私人傳訊

ox_ma


大宅

積分: 1826


42#
發表於 09-3-1 17:14 |只看該作者
原帖由 Lenatsang 於 09-2-28 01:07 發表
OX-MA 如果我有得選擇我估我真係會唔要個BB, 不過我知道如我選擇唔要BB, 我既婚姻亦會因為咁而會破壞咗, 所以我只可以選擇要BB, 也謝謝你的關心!


咁我希望你可以解到你既心結. 如果唔係, keep住個BB都保唔到你既婚姻. 到時, 三個人都痛苦.
私人傳訊

littlecarey


男爵府

積分: 8097

育兒性格勳章 畀面勳章


41#
發表於 09-2-28 12:37 |只看該作者
如果妳唔喜歡bb或未有心理準備生bb,係唔應該將bb帶來這世界的
但我明白每個人都要面對不同處境,妳需要bb為妳維持婚姻,妳咪生出來接受佢,為咗老公愛bb囉,妳可以請工人,請鐘點,請陪月,找爸媽幫手解決照顧bb的事,有人幫手一樣可以有自由的,relax~~
私人傳訊

kittyfish


大宅

積分: 1416


40#
發表於 09-2-28 12:13 |只看該作者
Lenatsang,
當我知道有左的時候, 我都好唔開心架, 我返到公司見到個同事即刻咸左出來, 跟住佢安慰完我都係咁, 我亦都唔開心左一排, 後來當我知道冇左個小 b 之後, 個心仲唔開心過有 bb 的時候呀, 所以呢, 你唔好唔開心喇, 順其自然喇, 開心 d, 生左 bb 之後個 b 都會開心架.
私人傳訊

卡樂B~


別墅

積分: 757


39#
發表於 09-2-28 11:02 |只看該作者
我到而家都會為覺得準備做媽媽既事而覺得煩... 好佩服BK有D媽媽真係全心全意為BB做好準備... 但我相信無論咩類型既媽媽都會係好媽媽.. 只係性格唔同姐... 我都唔覺我生左BB之後... 我既生活只有BB... 我一樣會同朋友行街睇戲食飯飲野去旅行... 所以唔需要將所有野focus晒去BB到呀~~ 甘樣你同BB都會有壓力... 隨心咪得囉... 呢個世界無一個標準講做媽媽係要點點點... 最緊要開心... 做自己鐘意做既野囉~~
私人傳訊

卡樂B~


別墅

積分: 757


38#
發表於 09-2-28 10:50 |只看該作者
Lenatsang,

其實我同你個case都有D似架, 我又係老公好想要BB, 其實自己唔係甘想, 但因為想就佢而無避孕.. 諗住順其自然,有咪當滿足老公既心願囉, 但我一直都唔覺得會甘易有..

到有左之後我都一直接受唔到..亦都不斷覺得有左BB之後.. 我無可能好似以前甘, 自己鐘意做咩都得... 而且我仲嘔得好犀利..個時真係好唔開心...個個人都走黎恭喜我....但我自己都唔覺得開心or值得恭喜...

個時好多人都會講同樣既說話去安慰我... 又話同BB有緣先會有BB, 又話見到BB郁下郁下/ 心跳就會感動.. 其實我一樣係無咩感覺..你所諗既所有負面野我都同樣有諗過~~

但而家我已經26周喇..同BB都建立左感情..我亦都覺得自己會好愛錫BB, 當然有時都會諗...有左BB後...唔可以再點點點.. 但我都會期待小生命既來臨... 因為係自己揀ge.. 我都同意其實BB係最無辜架...係我地決定要帶BB黎呢個世界... 我諗你唔洗特別逼自己去開心... 因為慢慢你自己既心態可能會轉呢.. 到時先算啦~~

有左BB係人生一個大轉變... 當然需要D時間去接受同消化啦... 如果你未有BB之前, 每日都係開開心心既.. 我相信你本身都係一個樂觀既人.. 遲D一定會開心返架喇~~

加油啦~~
私人傳訊

凍0荼


民房

積分: 35


37#
發表於 09-2-28 09:50 |只看該作者
睇你都係好愛你老公, 你為咗滿足佢願望而有 bb, 點解你唔諗吓你愛你老公, 你老公又愛你, 而家就係有一樣嘢你哋可以共同擁有, 真正一生一世...

你話怕冇自由, 講真真係睇你點安排, 你而家應該安排吓 bb 出世後邊個 take care 佢, 99 定你自已媽咪定請工人? 我自己嚟講係我mami 日中幫我湊, 夜晚我會自己接返佢返屋企, 好多時係同老公食完飯行吓街, 二人世界一陣先接返阿囡, 而有時都會約d 朋友去街食飯, 如果我出街, 咪老公接阿囡, 有時會掉轉, 所以我唔覺得冇晒私人時間, 都係睇吓點安排姐...

不過而家我有咗第二個, 其實最初心情都好似你咁, 但就諗既然呢個係改變唔到的事實, 唯有積極去面對...

唔知你信唔信, 如果你想第日阿 b 日日都笑面迎人, 唔想佢成日哭哭啼啼, 喺你懷孕呢個過程你面保持心境開朗, 唔好成日愁眉苦臉, 唔好諗 d 唔開心嘢, 開心咪開懷大笑, 我就係個好好例子... 我第一胎有咗成日都好開心, 唔會諗 d 唔開心嘢, 而老公又鍚自己, 到阿囡出世到而家佢成日都笑, 唔會成日 cry..

anyway, 希望你會諗通 la. 不過呢 d 真係靠你自己, 冇人可以幫到你.
私人傳訊

phoebe^^


子爵府

積分: 13842


36#
發表於 09-2-28 03:19 |只看該作者
到你真正生左佢出黎果時你就會好鍾意佢GA喇,我都見有D未有小朋友0既人之前係唔太鍾意小朋友,,,但生完出黎成個人都變晒,,,變得好鍾意,,,你都會GA,,,不過你要俾D時間自己去接受現實,接受BB,慢慢黎啦,有咩野唔開心搵人傾下,同你老公講下都好GA,,有身邊0既人支持你會好好多,加油!
私人傳訊

America_Canada


洋房

積分: 62


35#
發表於 09-2-28 01:34 |只看該作者
無論你當初生BB的出發點是什麼也好, 在我看來, 你是偉大的, 因為你選擇要個BB (不理會你是為老公的成份咁樣做也好)。開始的時候是會有很多爭扎, 正常不過, 不用怪責自已。但當你開始見到個BB, 開始感到胎動時, 那時我相信你的看法會有所不同了。

[ 本帖最後由 America_Canada 於 09-2-28 01:36 編輯 ]
私人傳訊

Lenatsang


大宅

積分: 2719


34#
發表於 09-2-28 01:26 |只看該作者
JESSIEKWOK

點解當初你又唔做足安全措施呢?到有左之後又不斷埋怨同唔開心又何苦呢?....

你呢個問題問得好, 係因為我想滿足老公既心願, 所以最後我成日強調: 原來我真係唔係咁偉大 KA JA!

原帖由 JESSIEKWOK 於 09-2-27 23:02 發表
Lenatsang,

在我十九歲那一年,我意外咁有了第一個BB,佢來得太突然,果時我又未結婚,我男朋友的媽媽極之反對個仔咁早就結婚.當時我唔知點同我媽媽交代,我又唔想咁年輕就冇哂自由,係好唔理智0既情況下我選擇左唔要佢. ...
私人傳訊

雨晴B


珍珠宮

積分: 32721

好媽媽勳章 醒目開學勳章 畀面勳章 大廚勳章


33#
發表於 09-2-28 01:26 |只看該作者
到你生左之後, 就唔係咁GA喇, 你10月懷胎生佢出來, 到時你望少佢一眼都唔得

私人傳訊

Lenatsang


大宅

積分: 2719


32#
發表於 09-2-28 01:07 |只看該作者
OX-MA 如果我有得選擇我估我真係會唔要個BB, 不過我知道如我選擇唔要BB, 我既婚姻亦會因為咁而會破壞咗, 所以我只可以選擇要BB, 也謝謝你的關心!

原帖由 ox_ma 於 09-2-27 18:14 發表
你根本就係度鑽緊牛角尖, 完全冇諗過去解決個問題, 咁唯有就係將個問題連根拔除 - 唔好帶個BB黎呢個世界.

雖然有好多媽媽係見到自己既BB之後會改變, 好錫個BB, 但係亦有好多媽咪生完出黎唔理或者虐打個小朋友. 如 ...
私人傳訊

Lenatsang


大宅

積分: 2719


31#
發表於 09-2-28 01:04 |只看該作者
princessash, 雖然你既語氣係好重, 但我明白你都係想為我好, 我會盡力的, 謝謝你!

原帖由 princessash 於 09-2-27 17:32 發表
Lenatsang

恕我直言, 你可唔可以保證係冇bb既時候你係100%全部時間都無憂無慮, 快快樂樂? 一d煩惱都唔會有? 我覺得你講到bb係"扼殺"你既快樂自由就唔係好o岩, 事實根本係你自己諗唔通, ,關一個末出世既bb咩事呢?

...

[ 本帖最後由 Lenatsang 於 09-2-28 01:05 編輯 ]
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy