齋睇演技的確好，胡歌呢套演技比琅琊榜更多發擇揮，加埋孫紅雷、張嘉譯、趙立新，好好睇，連萬茜都做得好好，可惜劇情真係唔掂，開頭去得太快，令人消化唔切，去到中段，其實幾好幾唔錯，點知後面又死下死下咁，最後5集真係捱，跳住咁叫做睇到尾，完全冇可能再由頭到尾煲多次，唔似琅琊榜，我大大話話完整都十次八次，個別場次幾乎翻煲到識背。
獵場嘅問題係宣傳錯位，根本唔係職場劇，俾人質疑就改口話係講人性，講一個小人物嘅成長成功，而去到尾，其實都唔係好算成功，起碼唔係之前宣傳講到主角變成神級咁。入面好多引經據典講書講電影，但如果冇睇過果幾本書果幾套電影，根本唔知佢講咩，完全click唔到有咩咁大迴響，最最敗筆係第一女主角同男主角嘅愛情玩完一次錯過又一次，仲要兩個冇因為錯過對方而難過，不到幾個月又有新歡，仲要個個都騎呢，感覺係但求就手，真悶到發顛。
無錯，入面係好多好台詞金句，但成套電視劇要用邏輯同故事性去貫連至係，唔係金句集，開頭都覺得好大氣，之後就完全hold唔住，其他重要人物個性同地位又反覆，令人好失望，單睇胡歌演技真係無話可說，佢真係有進步，但以套劇嚟睇，真係言過其實，都可以一睇，但唔係必睇，去睇其他把啦，費事越睇越激氣。
花旗太太生活在花旗國，留意時差，你問我未必即時答到。
發表於 
套劇改錯名，根本唔應該叫猎場。
返回列表
