吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 小朋友真係一D都唔天真...

自由講場今日: 880|主題: 1349450

收藏本版

發帖

返回列表

跳至頁

查看: 13170 | 回覆: 83

12 3 4 5

積分: 8688

2018復活節勳章

1^#

發表於 17-12-28 13:33 |只看該作者 |正序瀏覽 |打印

我自己有一個2歲仔仔!
咁聖誕有個4歲既表姐一齊玩, 成晚亞仔係咁掹表姐衫同頭髮
我都鬧同罰左仔仔, 但都一樣繼續掹。我同老公都覺得唔好意思, 我地只好隔離仔仔。
仔仔同一歲表弟玩又完全無問題, 而且都識分享同讓表弟。
(平時仔仔上PLAYGROUP 或公園都無用過小朋友打架或鬧得不快)
而且仔仔都表現好想同表姐玩。

我同老公商量後, 我地決定同亞仔講道理, 之後再觀察下佢。
仔仔再去跟表姐玩, 我就係遠少少望住睇佢。

點知俾我發現, 好多時候係表姐推開亞仔, 之後搶佢D玩具。
亞仔一心急想拎返D玩具, 又伸手掹表姐。
表姐就會即時大喊, 話亞仔掹佢,搶佢D玩具。
之後大人就會鬧我個仔, 之後又俾糖又呵表姐叫佢唔好喊。
表姐之後會好似SHOW OFF 咁係我個仔面前FING下粒糖.....

之前呢到D JM話小一欺凌果單野, 其實小朋友一D都唔天真,
我依家相信, 一個4歲既人仔.... 點解會咁?

如果我成日話佢, 又會俾人覺得我針對佢。
我只好睇實D自己果個同教佢要點做啦....

0 0 0

私人傳訊

sasatt

伯爵府

積分: 19685

84^#

發表於 18-1-2 11:43 |只看該作者

回覆樓主:

我女個表姐都係咁
我就盡量唔約埋一齊囉
避唔到既家族聚會
我就跟住個女
話時話，佢又幾醒架
想做衰野前眼尾會稍來稍去
見到我望住佢佢就扮nice同我笑下添

私人傳訊

Kasrissa

男爵府

積分: 6309

83^#

發表於 18-1-2 02:58 |只看該作者

我自己揀左少見少接觸，除左唔想小朋友被屈外，都唔想小朋友學左啲衰野返來。

私人傳訊

華美

侯爵府

積分: 21308

82^#

發表於 18-1-2 02:52 |只看該作者

cindyyu73 發表於 17-12-28 13:33
我自己有一個2歲仔仔!
咁聖誕有個4歲既表姐一齊玩, 成晚亞仔係咁掹表姐衫同頭髮
我都鬧同罰左仔仔, 但都一 ...

疏遠佢啦

私人傳訊

piv

珍珠宮

積分: 34294

81^#

發表於 17-12-30 18:48 |只看該作者

回覆樓主:

小朋友係咁架啦！唔好打架就得，佢哋有自己相處方式。

私人傳訊

tansyneko

琥珀宮

積分: 152982

80^#

發表於 17-12-30 17:10 |只看該作者

回覆樓主:

你講既表姐依類小朋友，見唔少，唔係親眼見到過程真會俾佢哋呃到，佢哋好明白點樣做可以對自身利益最高

私人傳訊

mspigpig

男爵府

積分: 5164

玩具勳章畀面勳章 BK Milk勳章

79^#

發表於 17-12-30 16:59 |只看該作者

回覆樓主:

其實我都有類似經驗！
我個仔6歲，佢表哥大佢9個月，但佢大份D，一齊玩果陣間唔中會打我個仔，我個仔有時會還手，雖然我見到系表哥唔啱在先，但我衹鬧我個仔，叫佢唔好郁手郁腳，有時佢好嬲果陣，會話我做佢媽媽，點解成日幫住其他人……其實佢話得我啱，但系，人地個仔，我點鬧人地嗟？幫人教仔？一出聲又會話我蝦人地個仔架啦！唯有衹話自己個仔羅！

私人傳訊

mrschocolate

珍珠宮

積分: 31074

78^#

發表於 17-12-30 09:28 |只看該作者

cindyyu73 發表於 17-12-28 14:44
其實因為我地住得好近~ 好多時候都會去到大家屋企玩...依家頭果個情況無論係佢屋企定我地屋企都會發生...
...

我會減少接觸，少D安排佢地一齊玩。

私人傳訊

mrschocolate

珍珠宮

積分: 31074

77^#

發表於 17-12-30 09:25 |只看該作者

本帖最後由 mrschocolate 於 17-12-30 09:27 編輯

LOVEJELLY 發表於 17-12-28 14:41
我朋友個外甥仔，我買野請佢食，佢話我買啲咁難食既野，咁我話咁我啲野你覺得難食咁你唔好食，我請你阿姨食 ...

我都試過類似的情況。

我讀大學時，有個表弟讀小學，把口超臭同無禮貌，新年時團拜好悶嘛，我咪問D讀緊小學的表弟妹落唔落街行下。個表弟無啦啦叫我八婆，又話我樣衰。咁我梗係唔帶佢去。

後尾佢見個個有得出街，返來又買左零食同玩具(我送的)，佢就喊得好淒涼咁同佢阿媽告狀，話我蝦佢。

我即刻話：係，我係專登唔帶佢去，我頭先問佢去唔去，佢叫我八婆，又話我樣衰。我覺得佢好無禮貌。

私人傳訊

lavender_baby

男爵府

積分: 6442

76^#

發表於 17-12-30 09:13 |只看該作者

回覆樓主

女仔不嬲係早熟啲，我fd個女都係四歲，對住我都瞄嘴瞄舌講嘢仲識反白眼，自三歲之後每隔一排見佢都老積咗、欠打咗，我帶我仔放學後同佢&佢同學去遊戲室玩，我仔係咁追住佢哋，佢哋話唔要同我仔玩，仲排斥佢，我仔一行埋去佢哋就擰歪面，所以女仔某程度啲攻心計真係天生，之前有個客係中學老師，佢話教過女校係最恐怖，啲學生成日諗計想跣老師，反而教男校就好好多，同佢哋講下義氣佢哋就乜都聽

私人傳訊

sammanyu

禁止訪問

積分: 1678

75^#

發表於 17-12-30 08:43 |只看該作者

回覆樓主:

提示: 作者被禁止或刪除內容自動屏蔽

私人傳訊

smiletigger

侯爵府

積分: 21804

74^#

發表於 17-12-30 04:22 |只看該作者

回覆樓主:

就算小朋友唔天真，都係要教。
依家好多家庭都只有一小朋友，往往成為家庭中心。就算去到其他人屋企都唔分莊閒。
如樓主情況，我會睇下在邊個屋企發生。不過既然唔係第一次，就應該每次gathering前講明，和平共處先可繼續玩玩具，否則就收起晒所有玩具。在表姐屋企，d玩具係表姐，就會問咗表姐先，是否願意做主人家要學分享畀表弟，同願意分享邊幾件，順便講埋規則，輪流玩，唔準搶，暴力行為更加唔得。總之outcome一見有不和諧就收晒玩具各自自己玩一件。唔好judge邊個啱定唔啱，因為一睇漏眼就易講錯。
如果係表弟屋企，更易講，自己係主人屋，講定今次同表姐一齊玩邊幾件玩具，收玩具嘅主權係自己度。
畀小朋友知道，同朋友仔玩已經係樂趣, 做錯就無。唔好用其他嘢唔sidetruck咗，扮完嘢就有糖/有得打機，etc.