親子旅遊 今日: 2 | 主題: 161669

積分: 40299

1^#

發表於 18-1-5 11:57 |只看該作者 |正序瀏覽 |打印

本帖最後由 Littlecatta2013 於 18-1-5 12:32 編輯

見好多都係自駕遊，我分享下不自駕鐵路遊，坦白講開頭都難難地計劃，
因為南九州火車公車班次疏，景點散，遊記都係絕大多數自駕。
而且驚特式火車冇位，年末年始景點同餐廳都休息。

24/12-1/1，香港航空，兩大一小，$9984連稅同行李，小朋友剛4歲，第一次去鹿兒島(童年跟團去過唔算啦)，上年聖誕去了福岡。
其他日本大城巿都去過好多次。揀鹿兒島因為未去過同機票相對便宜。

小朋友得剛4歲還要午睡，今次全程冇用BB車，有7個整天可以玩，所以行程編排係較hea

D1：HX670 11點機，A320細機，冇獨立電視，有餐飲，約2點半到達鹿兒島，搭巴士40分鐘到達鹿兒島中央站。
宿鹿兒島中央站西口東橫INN DELUXE TWINS，
放下行李後，返回中央站JR綠色窗口兌換JR南九州三日PASS(之前響JR網買左PASS同買指宿玉手箱號票劃位)、劃哂未來幾日火車同新幹線的指定席，都搞左一陣，之後行左一陣中央站商場就去食晚飯，食壽痷黑豚涮涮鍋，好味

D2：訓飽訓足，去天文館食LUNCH，再去錦江灣公園同平川動物公園，錦江灣公園有小朋友設施，平川動物公園比相像中大，慢行要3個鐘先睇得完，有巴士直接去天文館通，小朋友可以補眠，在天文館通食晚飯，食手打SOBA。跟住去天文館公園睇燈飾。

D3：冇用JR PASS，0959搭特急霧島號到霧島神宮站，即上巴士到神話之里公園，約1115已到神話之里公園，玩左吊椅、超長溜滑梯，之後又搭巴士4分鐘去到霧島神宮，食個LUNCH，響霧島神宮行下，但巴士班次很疏，天氣好凍，有點難HEA。差唔多1600搭番巴士落霧島神宮站，搭LOCAL JR回鹿兒島，小朋友在JR補眠。晚飯於天文館通食鰻魚飯，好食。

D4：搭新幹線上熊本，之後轉搭特式火車A-TRAIN，到三角駅，如果頂得順可以去天草TRIP睇海豚，好似我地咁，天氣咁凍加上小朋友仲係細，就冇去天草，因為驚佢暈船浪，所以坐下火車河返回熊本了，但第日有機會我會去天草的。LUNCH食左勝烈亭吉列豬扒，好好食，之後行去櫻之彩苑，又圍住熊本城外面行左一圈，此時小朋友已經想訓了，便急急腳番通町搵間舒服CAFE坐，大人食TEA，小朋友午睡。跟住行下熊本熊辦公室、通町筋，食熊本拉面，呢日天氣好凍。宿東橫INN熊本站前TWINS ROOM。

D5：勁早起身，搭0712特式火車特急翡翠‧山翡翠號，此車十分新，內面裝潢十分靚，可欣賞球磨川，車程1.5小時到達人吉駅，去了隔離小小的火車博物館玩了一陣，就行去附近食好出名的炭燒鰻魚飯，但小店今日開1100(本來開1030)，我們行了一陣1050回來的時候，已經看到人龍，等到1125先入座，所以人吉其他地方都冇時間行了。
上了1320特式火車伊三郎‧新平號，人吉-->吉松，沿途經過三個可落車參觀的舊式車站，火車又會經過高地望落去，所以車程1.5小時的旅程一點都唔悶，有驚喜。
最後搭特式火車隼人之風，吉松-->鹿兒島中央，小朋友在火車上補眠了。

D6：訓飽訓足，食完拉面LUNCH後，響天文館通HEA一陣，搭1402指宿玉手箱號到砂樂會館玩砂浴，小朋友都有玩，仲玩得好開心，但佢頂唔順溫泉水大浴池，只係用花酒同佢沖涼。我地冇住溫泉旅館，因為小朋友仲未識欣賞溫泉同慳錢，我地兩公婆之前都住過試過。跟住搭番LOCAL車出去中央站，小朋友在JR補眠了。

D7：訓飽訓足，1100直接去食LUNCH(ENCORE 黑豚涮涮鍋)，去櫻島，用了WELCOME CUTE，上了ISLAND VIEW趕鴨仔遊了一圈，再去櫻島恐龍公園玩，之後響櫻島獨有啡色招牌便利店食少少野，浸下足湯，天已經黑了，便回中央站行下食晚飯。

D8：0930已到鹿兒島水族館(其實可以同D7一齊，但我特登分開行)，睇到1200便搭巴士直到AEON MALL(小朋友又響巴士訓左一陣)，響AEON MALL食LUNCH，是日係31/12，所有餐廳同商場都早收，所以我地2030便離開AEON MALL搭巴士回酒店。同埋要執行李走了。

D9：尋晚已見有人通宵排福袋，AMU 1000開，除了福袋，其他都做緊大減價，我把握1個多小時血拼，食埋LUNCH，搭1345巴士到機場，機場十分細，COUNTER處理十分慢，基本就係排完隊直接上機，HX 671 1605 -->1835到香港

D4同D5可行程再作調整，不用那麼早0712搭火車，可以搭特式火車上熊本，落番鹿兒島先搭新幹線，我之前搞錯左D日子所以搞到要咁早搭火車

九州氣氛比大城巿更有旅行感覺，一日坐差唔多5小時觀光火車亦唔辛苦。

住中央駅方便轉車/有間收2300 AEON超巿(晚晚幫襯)，天文館就多餐廳一點

其實我想響熊本摘士多啤利，但唔時間未就到喳。

0 0 0

私人傳訊

missvivi

積分: 5530

32^#

發表於 18-8-2 21:59 |只看該作者

Ychun 發表於 18-8-2 14:35
各位JM如行程不順或有其他意見更好，請指教。谢谢

上網找资料看巴士時間的確有些難和复雜

day 3-4 因為你沒有說你火車的時間，我只可以比個參考你。以下是我的行程：

1）坐8：19分最早的日南巴士出發 9：48分到達鵜戶神宮
2）坐11：02分（反方向，宮崎方向）的巴士 11：07到sunmesse
3) 坐12：34分（飫肥方向）13：21到飫肥城下町 ......

你唔會去飫肥，但回程宮崎都要個半小時左右,如果早上去，回到宮崎可能都要2點過外了，你要去check巴士時間，真係好疏，如無記錯miss左班車，下一班係最少一個小時之後。如果你打算早上去，這個巴士時間你可以參考。

另外青島神社係巴士同jr 都去到的,時間方面會靈活d.

私人傳訊

Ychun

大宅

積分: 1930

31^#

發表於 18-8-2 14:35 |只看該作者

Littlecatta2013 發表於 18-7-31 23:29
夠了，唔多野玩，一個鐘內玩完

各位JM如行程不順或有其他意見更好，請指教。谢谢

上網找资料看巴士時間的確有些難和复雜

Day1 ：大约13:30到鹿兒島天文館下車，放行李-
鹿兒岛中央（買一日卷和JR pass、特色列車劃位指定席)--（仙巖園沒時間就不去）--鹿兒島車站逛街 / 天文館通（住宿：鹿兒島天文館通Hotel Mystays）

用welcom cute 1日卷
Day 2 (鹿兒島）樱島--城山公園展望台--（如有時間去仙巖園-行天文館通（宿天文館Hotel Mystays)

Day3-4《鹿兒島中央>宮崎車站-》買巴士票～放行李～宫崎車站～青島神社～鵜戶神宮～日南太陽花園～回宮崎站（晚饭、超市）宮崎地頭雞炭火燒+宮崎牛 →-酒店：天空塔飯店宮崎站前

問題：day 3 .,一早由鹿兒岛坐車到宫崎，去青島神社～鵜戶神宮～日南太陽花，一日去三个景点趕不趕？

定day 4一早坐車去鵜戶神宮～日南太陽花～下去熊本

day4宫崎-熊本（用3日jr pass)
Day4 鶴屋百貨熊本部長辦公室 → 熊本城、城彩苑桜の小路 → 熊本上通、下通町商店街 →【晚餐】黑亭拉麵
交通：熊本市電一日乘車券（宿）三井花國飯店

（用三日jr pass)可能用不著
Day 5 水前寺成趣園、上下通商店街等景點) （宿）三井花國飯店

Day6 熊本駅～霧島（隼人駅）（用JR PASS 3日）
一早出發
SL人吉列車：
伊三郎、新平列車：
隼人之風列車：
霧島隼人駅下車（宿）Hotel Kyocera)

Day 7 霧岛10:00離開去机场。

私人傳訊

積分: 14754

30^#

發表於 18-8-1 17:13 |只看該作者

Littlecatta2013 發表於 18-7-31 23:29
夠了，唔多野玩，一個鐘內玩完

謝謝你，我想一日玩晒神話之里同牧場，巴士時間緊迫，聽你咁講都好D，早上神話後去牧場，謝謝

私人傳訊

積分: 40299

29^#

發表於 18-7-31 23:29 |只看該作者

bbasco 發表於 18-7-31 22:04
我想問下神話之里預幾多時間玩？兩個半鐘夠嗎？

夠了，唔多野玩，一個鐘內玩完

私人傳訊

積分: 14754

28^#

發表於 18-7-31 22:04 |只看該作者

Littlecatta2013 發表於 18-1-5 11:57
見好多都係自駕遊，我分享下不自駕鐵路遊，坦白講開頭都難難地計劃，
因為南九州火車公車班次疏，景點散， ...

我想問下神話之里預幾多時間玩？兩個半鐘夠嗎？

私人傳訊

積分: 14754

27^#

發表於 18-6-26 17:11 |只看該作者

Littlecatta2013 發表於 18-6-26 15:00
回覆 bbasco 的帖子

一間，東橫INN鹿兒島中央駅西口

本帖最後由 bbasco 於 18-6-26 17:13 編輯

錦江動物園同平川比較，那個好？謝謝

私人傳訊

積分: 40299

26^#

發表於 18-6-26 15:00 |只看該作者

回覆 bbasco 的帖子

一間，東橫INN鹿兒島中央駅西口

私人傳訊

積分: 14754

25^#

發表於 18-6-21 21:26 |只看該作者

回覆樓主:

其實最後係住左幾多間酒店？

私人傳訊

積分: 14754

24^#

發表於 18-6-21 21:22 |只看該作者

回覆樓主:

謝謝分享，好好

私人傳訊

積分: 40299

23^#

發表於 18-3-7 11:24 |只看該作者

回覆 babybeauty 的帖子

因為我怕小孩搭太耐巴士會暈車浪，所以才選擇去程搭JR去，JR都成半小時先有一班，要行15至20分鐘先到，
錦江灣公園冇食店的，
動物園內有好簡單o既餐提供，動物園範疇大，行哂睇下食下野要預3小時，
我係1400-1500玩錦江灣公園，1500-1700玩動物園，但要預1630後有d動物已回籠裏休息。
回程我們搭巴士，因為預小孩訓覺，連塞車搭左1個鐘回到天文館

恐龍公園就響碼頭轉左過些少行上去就是(徒步8-10分鐘)，這公園我們玩了一小時，然後就行番落巴士站搭一定兩個站到遊客中心，行左一陣後去浸腳，其實就算由碼頭行去浸腳位都係10分鐘到，不過有pass就唔想行，回程已天黑沒有巴士，所以由浸腳位行番去碼頭，沿途有便利店

私人傳訊

babybeauty

伯爵府

積分: 15744

22^#

發表於 18-2-20 12:59 |只看該作者

回覆 Littlecatta2013 的帖子

謝謝回覆!
如果係動物園有車返回天文站都不錯. 但我仍考慮坐咩車去動物園比較好. 因為我主要係買巴士PASS坐. 但又想試下坐JR 去. 想問如果係JR站出,要行幾耐先到動物園?
另外,想問如果係動物園同錦江灣公園附近都有食店嗎? 不知道要預多少時間比較好.

至於,我見你係櫻島都有介紹恐龍公園,因那天我會買櫻島 CUTE PASS,我見好多介紹都係係站停一陳. 如果想去恐龍公園玩,可以係邊個站下車,我見係一小時一班. 那麼,這公園可以玩到一小時內嗎?
另外都見有浸腳的地方,不知道是否在上車附近行10MIN內可以到達.

不好意思,太多問題想問..... 希望收到你的回覆.

謝謝

私人傳訊

積分: 40299

21^#

發表於 18-2-20 12:10 |只看該作者

回覆 babybeauty 的帖子

我地搭JR由中央站到五位野站，再行上去，五位野站有巴士到動物園，但半小時一班車所以我們沒有等。
回程動物園有巴士直到天文館通，玩完直接去天文館晚飯

私人傳訊

babybeauty

伯爵府

積分: 15744

20^#

發表於 18-2-18 21:41 |只看該作者

Littlecatta2013 發表於 18-1-5 11:57
見好多都係自駕遊，我分享下不自駕鐵路遊，坦白講開頭都難難地計劃，
因為南九州火車公車班次疏，景點散， ...

你好，如果去平川動物園是否坐電車可到？我見網介紹坐二番缐的動物園行，因為仍分不凊買welcome cute pass可否去到. 或者想問是坐咩車可到達？因為我地住係中央站，帶住小朋友怕到時搵得辛苦，謝謝

私人傳訊

cpcog

積分: 9197

19^#

發表於 18-1-24 14:56 |只看該作者

回覆 missvivi 的帖子

Thanks a lot! I will search more information about the public transports.

I will ask my husband would want to drive or not. I can't drive and cannot help him. And parking might be another issue too.

私人傳訊

missvivi

積分: 5530

18^#

發表於 18-1-24 08:26 |只看該作者

cpcog 發表於 18-1-23 23:24
回覆 missvivi 的帖子

hi! how did you book the taxi? In HK before going?? I am thinking about how ma ...

我唔識揸車，比唔到去指宿個程的意見，我係坐玉手箱號火車去的。
的士問題，我有寫呀，去到才在旅客服務中心找的。佢地有晒行程同價錢，你亦可自組行程佢會幫你計價。玩幾耐好睇你想去指宿做乜啦，指宿都幾大，因為兩丁友，所以本來都係打算坐巴士，所以只可以去到health land 泡玉手箱溫泉同玩沙浴就要返歸，但係去程火車上無意中search 到有人提過可以包的士。去到就見到，問左，覺得價錢ok, 咪包的士囉。我只可以答你指宿同霧島的巴士都係疏得好緊要，搭唔搭我覺得有好多考慮,要去邊，時間（e.g.要唔要就玉手箱號），人數等。我都係上網找資料的，一查就有。指宿包的士行程價錢，比大家參考。

私人傳訊

missvivi

積分: 5530

17^#

發表於 18-1-24 08:06 |只看該作者

cpcog 發表於 18-1-23 23:21
is it possible to have one day trip to 霧島 and 指宿 ? We don't want to change hotel if possible.
O ...

霧島同指宿都可以day trip.

點評

cpcog

發表於 18-1-24 14:53

私人傳訊

cpcog

積分: 9197

16^#

發表於 18-1-23 23:24 |只看該作者

回覆 missvivi 的帖子

hi! how did you book the taxi? In HK before going?? I am thinking about how many hours should I spend in 指宿市. Is it better to drive or take public transport to 指宿市?

私人傳訊

cpcog