夫婦情感 今日: 3|主題: 42725

我有少少不同, 係找伴侶的時候, 我選擇了揀到差不多啱, 而又容易handle的女仔, 才來拍拖, 所以以前通常都係D 女仔主動, 但我會無反應或無下次,比D 朋友鬧死, 因為我較注重對方價值觀是否接近, 當然樣貌都會考慮, 但唔係最重要, 當然又不能太差…. 而我太太開頭都以為我係同性戀者, 拍拖只做給家人睇, 你可想像我被動到離譜果種…. 我果陣同D 女仔出街, 如果三次唔拖手, 就會以為妳玩佢架啦.....又投訴又剩….. 未拍已經通天, 點樣甩……

果陣仲記得我26歲, 仲係望住個天, 問我都唔太差, 點解我未來太太未出現… 見人人拍拖, 有D 男仔樣唔掂都可以拖住件靚女, 我年年情人節同另外兩條麻甩仔一起渡過, 佢地之後仲話情人節唔再三支公出來拍dry 得滯, 怕左喎…….但D 朋友唔明點解我唔拖住件先, 又係比佢地鬧爆.

所以依家好真惜太太和家庭, D 朋友問點解同老婆識左成廿年都無諗過偷食, 佢地好多都有….. 我只係微笑而不答.

我又比較保守,心軟, 拖拖下真係怕甩唔到又一世, 所以睇清楚D係啱既, 到依家都不覺揀錯.

但人無完美, 亦會有習慣不同, 真係要磨合, 妥協,包容, 但最緊要係無痛苦.

我又咁樣諗, 如果我變心, 咪豪比佢lor, 如果佢變心,相信佢真係搵到個比我更好或有錢.., 找到比我對佢好, 我18 年對佢的細心仍然不變喎, 如果覺得搵到, 無計啦, 祝福佢囉…. 我又唔係咩都無, 賭輸一半啫, 再黎過囉…..

我又唔怕貨比貨喎, 佢以前都拍過拖, 咩係好男人佢知, 亦有老闆,醫生想追佢, 佢同我一齊無比機會, 不過要變都會變,但最好唔會啦, 仔開始大個啦, 就來計劃人生另一階段….!

要對樓住說聲唔好意思, 我們像騎劫了她的貼文….

其實我們觀點不同, 無對與錯.

我好贊成結婚前需要做輔導, 老實講, 我婚前我姐夫都有為我做輔導, 聽起來好戇居,結婚都要人輔導, 但幾句說話, 一生受用, 無論婚姻或工作上.

他對我說, 如果認為對方不是結婚對象, 不要為結婚而結, 去玩過夠. 如果確定係, 就要承擔起一個家,有膊頭, 有大海無量的胸襟來應付一切突發的事情, 做一家之主不易的….. 之後說了倆人相處會遇到的問題,

又舉出生小孩的例子, 說回到家, 見屋企亂糟糟, 未煮飯,千其唔好怪責太太, 一定係小朋友不乖, 只要坐埋一邊, 看看點樣可以幫到太太, 煮唔煮飯其實係好小事. 又說太太湊小朋友, 對四面牆, 要體諒她等等…..

當我遇上家庭困難的時, 都會用這些觀點來變通, 並且告訴自己, 太太是自己揀的…. 基本上沒有犯上不忠, 其他事情都可以解決…..等, 我們都有小炒架,但大家喜歡現狀的屋企, 會好快和好….

但我都不能保証我日後會否變心, 亦可能太太突然告知我好她變了心, 所以我會做很多在我能力可以保障到她的事情, 當然她變了心我亦不至於一無所有…可能你會覺得我想法很怪, 但我覺得這樣想, 才會記得對方, 真惜對方. 雖然我都係正常男人,耐不耐暇想下會有, 但有時諗, 就算搵到件正過老婆, 10幾廿年又會老, 唔通又搵個過咩…… 建立家庭太費神費錢(我唔係有錢),所以依家太太都不錯, 又setup 屋企OK, 無謂攪咁多….. 朋友話我太理智做人沒趣喎,我費事攪到一身屎, 自得其樂都不錯…..

保險, 我當時真係度過剛剛夠冚層樓架,不過以前樓價好低, 唔能夠同依家比, 但起碼唔好令與妳並肩的人突然變了困局嘛, 每家人都有不同負擔, 但對身邊的一個要負責.

至於仔仔, 我都會一樣婚前輔導他, 他get 唔get到睇佢自己喇!

咁我又無JM搵過我傾佢地出軌既野喎, 咁我係BK 的見識又真係淺既…我一般都係在這版, 有時睇到眼火爆想揼人, 見到D 男人好賤, 又見到D 女人好傻, 我見到咁多case, 都會覺得要對老婆好D, 唔想佢係其中一個.. 所以為何我經常叫D C9要保障自己呢!! 當然我覺得男方都要, 所以起碼一人一半最公平.

始終我對女人多過男人出軌的結果仍然很難相信…..

我覺得如果一齊係咁痛苦, 離婚係一個解脫, 亦可令自己重新, 最怕係一些原因未能離婚,
日日焗住一齊, 很虛耗自己….

“香港嘅女性已經算幸福”完全同意!! 我們的年代, 基本上係教男人要有風度, 好多野大部份男人不願跟女人爭(男人發火的時候除外)…