夫婦情感 今日: 0 | 主題: 42799

積分: 161

1^#

發表於 18-2-26 08:13 |只看該作者 |正序瀏覽 |打印

老婆話同我結婚一齊五年好唔開心，好有壓力…………其實我知好大因素係我兩老關係，阿B出左世之後關係變得好差，所以我之後好少安排佢地見面。另外，佢話仲有其他好多嘢積埋積埋，同埋同我溝通唔到，佢唔係一時間嘅諗法，話要分開一下，返左外母住都差唔多一個月。我哋依家只係send message 講下阿b嘢，佢自己嘅嘢唔願多講。有咩方法可以令我哋嘅關係好一點？返番來一齊生活。唔想一錯再錯…… 一次又一次令佢唔開心……

0 0 0

私人傳訊

alice_b

積分: 1117

45^#

發表於 18-3-6 00:28 |只看該作者

本帖最後由 alice_b 於 18-3-6 00:29 編輯

多d企係你太太角度去看件事，也看看自己可以為太太貢獻/付出什麼，但不要期待有什麼結果。祝福你，加油！

私人傳訊

natalie1228

積分: 1618

44^#

發表於 18-3-4 19:09 |只看該作者

hklmh 發表於 18-2-26 08:13
老婆話同我結婚一齊五年好唔開心，好有壓力…………其實我知好大因素係我兩老關係，阿B出左世之後關係變得 ...

樓主你願意出post 問意見, 已經証明左你好想認真想氹返個老婆, 俾個叻你先!

女人生小朋友之後, 就會好快流露出母性, 會十分之緊張自己既小朋友, 亦因為咁會衍生出很多衛生、教養、成長同飲食既顧慮, 如果男人可主動了解同幫助, 女人會好感激, 覺得自己同bb都被重視, 減少好多不必要既磨擦嫁~

好多jm 都俾左好多很好既意見喇, 記住千祈唔好拖得太耐呀, 諗下點樣可以令老婆有返以前拍拖既甜蜜, 湊b真係好辛苦嫁...

看你既留言態度正面, 你老婆好快會回心轉意嫁喇, 加油!

私人傳訊

sallywcng

積分: 1240

43^#

發表於 18-3-2 13:11 |只看該作者

真的建議比Ｄ時間，耐性，雨夫婦有很多事要共同戍長！努力！

私人傳訊

jwy2

積分: 10000

42^#

發表於 18-2-27 20:44 |只看該作者

hklmh 發表於 18-2-26 23:42
謝謝你嘅建議，好實用，我會一一記低，可以時刻提醒自己。
至於揾外母出手，我暫時有點保留，未到最後一步 ...

現在你同外母關係如何? 可唔可以問外母你衰什麼令太太走番外家? 問外母你可點做先感令太太原諒? 叫你外母係適當的時間配合你，但就叫外母做說客。。。我自己覺得如果沒有第三者，而你又唔係太急進push 太太原諒你，我覺得有機會的

私人傳訊

anyuser18

子爵府

積分: 14110

41^#

發表於 18-2-27 16:29 |只看該作者

hklmh 發表於 18-2-26 23:42
謝謝你嘅建議，好實用，我會一一記低，可以時刻提醒自己。
至於揾外母出手，我暫時有點保留，未到最後一步 ...

本帖最後由 anyuser18 於 18-2-27 16:31 編輯

我覺得你態度好好，希望你兩個會好返

再講多兩個pt
1.女士大部份係感情動物，但男士好多時就唔去回應佢嘅感受，走去用理性，講道理，比較硬磞磞。所以若你想同太太建立返關係，無論你覺得佢講嘅幾無道理，你都聽咗，明咗佢感受先。就算唔明都忍住口唔好講道理。如果呢招你學識，你太太的幸福感會提升好多

2.既然無咩機會溝通現在，咁除咗反省道歉，仲有一招係感謝。搵出佢為你和家庭的付和貢獻，誠心感謝佢。又係，越細緻就越感動到佢，例如bb出生後幾盡心盡力，面對老爺奶奶就算唔開心都好努力去維持。表達時要注意唔係俾壓力佢，係肯定認同及欣賞返佢嘅付出。

加油！你態度良好已win咗一半

補充：找外母係去索料，了解吓你要做乜你太太先會滿意返，尤其佢有個點話你對佢家人唔夠好，所以誠意下問外母你有咩要改善，我覺得都係一個方法。

私人傳訊

33154

積分: 5958

40^#

發表於 18-2-27 15:33 |只看該作者

hklmh 發表於 18-2-26 21:10
收到！如果有一日可以約到佢食餐飯，我會好多謝你！

加油我覺得你好好

私人傳訊

cedarcone

積分: 7281

39^#

發表於 18-2-27 04:26 |只看該作者

本帖最後由 cedarcone 於 18-2-27 04:47 編輯

以上問題 , 好多人己分享了 !

唯一是等待 !

嘗試求助婚姻輔導!
若是惡化就由家庭調解員介入,沒有親朋好友幫手的話 !
祝好運 !

私人傳訊

Ting886

積分: 261

38^#

發表於 18-2-27 02:47 |只看該作者

回覆樓主

路過覺得經歷好似..
我同先生因爲佢屋企啲長老問題，嘈到分居->離婚...(唔係同長老同住) 主要係，佢永遠對住我就話一套，但對住佢媽又另一套。永遠用大話蓋過，夫妻之間信任係好重要，連枕邊人都信唔過，幾咁可悲。仲有，管教小朋友又係，例如佢同小朋友沖涼，佢地會知邊個可以玩得，蝦得，咪會多手玩下水之類咁。佢就一星期沖一次半次，我平時主力湊，仲要放工煮飯，洗碗，作為媽媽，希望你幫手同佢沖個涼，幫輕下，結果又教到個小朋友一路沖一路玩，到我接手又要做衰人教翻正，呢樣係其中一個例子，仲有好多樣佢唔教/容許，有時見佢做衰野仲話個仔好可愛

。教育方面我就做哂衰人。同佢講，佢話我好話佢，唔鐘意。唔講，又真係唔會覺得冇野。對於長老啲事，心入面係有條刺，但係個男人係點，其實都好重要，由其教育小朋友，一個家庭最好教育一致唔好淨係一個辛苦。希望你快啲氹翻你太太，早啲處理好件事，越放得耐，感情越淡，就會死心，到時好難挽救。祝你成功！

私人傳訊

做個靚太

水晶宮

積分: 51139

37^#

發表於 18-2-27 01:54 |只看該作者

hklmh 發表於 18-2-27 00:39
你好好呀，搵到個咁錫你嘅老公。
經過呢個月反省，我自問唔係一個好好嘅老公……

其實我一早就有腸胃焦慮，只係對住我99時更嚴重，後來真係同99嘈大交，情緒就直線下落，戈時已經發現自己係有問題，直至懷孕，我真係可以晚晚都夢見99，半夜大叫喊醒，唔敢訓，真係會鑽牛角尖，我老公一直都陪我產檢，係醫生覺得我需要心理醫生，我先開始正視情緒病，我仲曾經有段時間，一直懷疑我老公究竟盤算梗啲乜，覺得或者佢私底下係同99夾埋呃我，所以都幾討厭佢，到產後，我都係一直心情唔好，總之就係放唔低99對我唔好嘅過去，一直都係嬲同傷心，我係因為專注bb，加上有番工，有我媽幫我湊，99係完全零接觸，無左個煩音，一放工放假就係family day，我bb嘅所有野，都係我包辦，我老公多數係負責幫手，時間過得快，我都無時間去諗咁多99，所以心情愈尼愈好，我其實一路有睇心理醫生，佢好好，建議你都可以帶老婆去睇下，只係傾下偈，已經差好遠~抑鬱嘅起步就係焦慮，焦慮嚴重時，乜都擔心，乜都驚，例如你太太對你地段關係嘅不安~對6299嘅不安~對將來嘅不安~都會無限放大~
我最近已見番99，過程都係開心嘅，其實我都仲係好緊張，但為左我個女，我都希望自己能夠解開尼個心結，好在老公俾時間我冷靜，所以我覺得你老婆都需要時間，勉強無幸福~
至於我娘家同我老公，一開始我父母都唔中意佢，不過我老公從來無理，佢當時同依加真係差好遠，尼樣都同99有關係~總之佢就令到我娘家係另眼相看，什至如果我地有爭吵，會幫我老公先~我覺得，男人有時面皮需要厚啲，我覺得你仲叻過我老公嘅，因為你會諗點算，會打算，我老公係唔諗架~天跌落尼當被琴，所以相對，就會少啲計較~
但你話約飲茶，我覺得尼點，你老婆可以自己主動約，然後話你約都得~

私人傳訊

積分: 161

36^#

發表於 18-2-27 00:48 |只看該作者

KAVEN 發表於 18-2-26 23:51
回覆 hklmh 的帖子

BB咁細個唔好輕易放棄吖！你地都唔系咩大問題，你每日也要電話佢保持你存在，唔好話尊 ...

知道，謝謝。我會記住。

私人傳訊

積分: 161

35^#

發表於 18-2-27 00:44 |只看該作者

jeffkafung 發表於 18-2-26 22:55
送下花去佢公司，出門，吃飯，翻家報到一下，借bb向下外母埋手，睇下有無得救，希望你能氹翻佢
...

多謝你建議。分開後，情人節我有送花去佢公司，佢都好surprised。因為佢知我以前唔會做呢D野。

私人傳訊

積分: 161

34^#

發表於 18-2-27 00:39 |只看該作者

做個靚太發表於 18-2-26 22:43
都唔會嘅~始終曾經係最親密嘅人，我永遠都覺得，離左婚嘅人係最易撻番著！
我自己都有婆媳問題，我同老公 ...

你好好呀，搵到個咁錫你嘅老公。
經過呢個月反省，我自問唔係一個好好嘅老公……

你嘅經歷有D似我太太，而係咪有情緒病，我都有留意過，可能冇抑鬱咁嚴重，你講得啱可能有焦慮，等我再留意多一點。因為好耐之前，生B之後，太太見我兩老會覺得好唔開心，佢話俾D時間佢，可能會好D。有一排見面都ok，但再過一排見面又開始番唔開心。
最近分開後太太都再講過，一諗起我兩老就會唔開心，情緒就開始有點問題。
你介唔介意話我知當時點發現到有情緒病？直接揾醫生check?

而之前話同外母家相處唔好，其實都係我太太話我知。佢話我，我唔尊重佢地，上到去成日口黑面黑，又唔揾佢地飲下茶咁。其實呢D係我本身性格，少講嘢，被動唔去約人。所以我依家知衰……

不過，你都要好好加油，多D搵人傾計。唔好鑽牛角尖，99呢個婆媳問題，大多數結婚嘅女人都會經歷，唔係只有你一個人會面對嘅問題。總有個99比你個99更衰！

私人傳訊

KAVEN

積分: 7399

33^#

發表於 18-2-26 23:51 |只看該作者

回覆 hklmh 的帖子

BB咁細個唔好輕易放棄吖！你地都唔系咩大問題，你每日也要電話佢保持你存在，唔好話尊重唔好話煩到佢，你唔主動彼此好易放低習慣唔需要大家，你應該每日都要去見佢同BB。一定要，加油!

簡簡單單，開開心心！

私人傳訊

積分: 161

32^#

發表於 18-2-26 23:42 |只看該作者

anyuser18 發表於 18-2-26 22:16
建議
1.誠意。有誠意十分重要
2.道歉。為過往發生過的事，好仔細逐件事反省再道歉。唔好大概咁，要好實在， ...

謝謝你嘅建議，好實用，我會一一記低，可以時刻提醒自己。
至於揾外母出手，我暫時有點保留，未到最後一步我都唔揾。因為我知我太太好聽外母話，我怕揾外母幫手反而會俾咗壓力太太，就算返來都唔係自己意願，希望我哋兩個自己解決到，唔使揾其他人幫手。

點都好，謝謝你建議，令我可以自我反省。

私人傳訊

jeffkafung