夫婦情感今日: 0|主題: 42770

收藏本版

發帖

返回列表

跳至頁

查看: 35179 | 回覆: 148

老公與前度

[複製鏈接]

12 3 4 5...8

夏落特

大宅

積分: 1760

開心吸收勳章

1^#

發表於 18-3-4 01:37 |只看該作者 |正序瀏覽 |打印

本帖最後由夏落特於 18-3-4 02:17 編輯

故事有點長，不喜勿插

同先生拍拖結婚12年，有兩個小孩一個3歲一個歲半 ,先生本身脾氣比較差，發脾氣嘅時候講野好刻薄, 但唔發脾氣嘅時候個人好好,好錫我, 所以明知咁樣我都嫁畀佢, 但自從小朋友出世之後情況越來越差, 我諗好多太太都會明白, 屋企被人無視, 冇人關心冇人錫, 小小事就被無理取鬧, 就連呼吸都係錯嘅感覺, 上年發現問題越來越大我嘗試修補, 換來只係不被尊重，直到我開始想放棄，我先生意識到就對番我好啲，但呢個循環繼續開始, 慢慢又開始對我差返, 係上年12月尾我最失意嘅時候, 因為公司小人令我連份工都冇埋, 份工做咗六年所以我真係好唔開心, 佢冇關心過我一句, 凈係話我廢物冇用, 佢話係佢先要我, 佢話叫我試下搵其他男人嚟評價我…… 真係好Hurt，但最傷心係我睇到佢十二月信用卡嘅statement，用咗萬六蚊嚟打online game，我最嬲唔係個萬六蚊, 係我最痛苦困難嘅時候, 我嘅老公净係顧住打機。

曾經試過喺我屋企人面前鬧我係狗叫我食狗糧，雖然最後對我有道歉，但心裏面都仲係難過萬分。

大約係個半月前, 因為面書嘅關係, 我同冇見差唔多十八年中學那些年嘅初戀聯絡番, 佢依然係單身, 佢亦知道我已成為人妻, 我哋每日會whatsapp關心大家嘅近況, 傾返過去嘅點點滴滴, 我知道我咁樣做係唔啱, 我好似偷緊我想要嘅嘢, 我真係需要人錫, 需要人關心, 情人節我見到個個朋友喺facebook放閃, 而我老公當冇件事, 所以我真係好羨慕其他人, 終於早幾日我因為去完日本畀手信ex約咗出嚟見面, 佢揸住架七人車經過我身邊, 我喺街外望入車窗坦白講真係幾靚仔, 冇諗過佢會揸7人車, 當年佢係有啲錢嘅少爺仔, 佢夠18歲就買咗架全新飛仔型嘅跑車，所以真係冇諗過佢揸七人車嚟搵我, 我哋見面大約見咗一個鐘，嘻嘻哈哈的笑聲，而且佢畀我感覺成熟咗好多，最後我離開嘅時候，佢話只要知道我一切安好就夠，我冇同佢講過我同我老公嘅問題，我唔想畀佢知道我咁狼狽。

見完面之後呢兩日我哋繼續keep住whatsapp，呢兩日我哋whatsapp密咗好多, 亦有少少曖昧嘅說話, 但係最後佢提醒番我, 我哋兩個要小心啲如果唔係玩大咗就會影響我家庭, 再一次提醒我唔可以越過界線, 但我真係好傷心好傷心, 冇諗過自己會為呢個男人隔咗18年再傷心

我知道我嘅家庭先係最重要, 但我真係好傷心好難過, 約前度見面時前一晚, 我特登抱緊我老公, 得唔到佢回應, 我好想同佢講你可唔可以鬧少啲我，但我講唔出口, 今朝我同我先生去飲茶仲有奶奶喺度, 我只係大約㩒咗兩分鐘電話, 佢就當場鬧我信唔信我爆你啦，有冇人明我好難受嘢都食唔落嘅感覺, 對住老公同對住ex真係天堂同地獄嘅分別, 我知道因為我同ex唔係一齊生活所以見到嘅都係美好……

聽日我打算同ex講我會小心唔會再越過嗰條界線，只要佢一切安好就夠.

所有嘢收咗喺個心裏面唔敢同任何一個人講,惟有係度抒發，謝謝收看