潮流時尚 今日: 3 | 主題: 104766

積分: 793

1^#

發表於 18-3-6 02:14 |只看該作者 |正序瀏覽 |打印

通常我去開LG, 所以好少機會特登去Elements H.

話說一入到去，我就即刻叫sales幫我check貨，咁我就自己睇銀包啦。我已經feel到俾四眼保安釘住左，佢基本上每隔5秒就郁一郁，伸個頭望下我check住我。好心，所有野都放喺櫥櫃入邊！使唔使咁驚？

好難形容，那種被人(emoji)實的感覺非常唔舒服。再加上sales仲未出返嚟，咁我就行來行去、望左望右睇吓邊個得閑可以開櫃筒攞件貨俾我欣賞。

四眼保安好緊張，淨係mark實我一個，睇吓我行去邊。最後佢都忍唔住，急步走近，用好唔友善又大聲嘅語氣同我講：你係唔係等緊X？我話唔係，跟住我話我等左好耐。此時立刻有另一位SA來serve我。

着到身光頸靚，成身都支持品牌，都俾佢搞到我有一種我係唔屬於個度嘅感覺。這樣比保安對待真係從未係LG ，Central 又或者外國試過。人哋都一樣盡忠職守，但係就有技巧好多，起碼唔會咁大動作比客人知道佢已經成為target.

最後好唔開心，冇買野就走。

大家有冇類似的遭遇呢？

點評

JD930

發表於 18-3-15 17:43

0 0 0

私人傳訊

agnes-L

積分: 6592

26^#

發表於 18-3-16 07:42 |只看該作者

Hydrangea_C 發表於 18-3-16 03:35
我都試過
去圓方C搵袋，諗住果到少d人可能多貨d，(係個有返咁上下年紀，戴眼 ...

可能要係圓方說普通話才有好點服務

私人傳訊

Hydrangea_C

大宅

積分: 3334

25^#

發表於 18-3-16 03:35 |只看該作者

agnes-L 發表於 18-3-6 20:36
我認同間間牌子店的sa的服務都唔同。c牌。去圓方果間搵銀包。黑口黑面好似唔多願招呼你咁。廣東道果間唔錯 ...

我都試過

去圓方C搵袋，諗住果到少d人可能多貨d，(係個有返咁上下年紀，戴眼鏡，頭髮到膊頭左右既SA)，我到而家都仲記得佢樣。問完無我想要既袋，我都話仲想睇下有無其他野岩，佢好似唔想理我咁，亦都無介紹其他野比我睇，最後我留左電話就走人

跟手我再去埋半島，個SA好nice，好好傾，當然都無我想要既袋，不過SA有介紹其他，又問我想要d咩款，係個櫃拎左個出黎比我睇，最後買左果個走。明明都係C，但唔同人真係有分別架

私人傳訊

pui-e

積分: 8498

24^#

發表於 18-3-15 22:55 |只看該作者

summerc 發表於 18-3-7 09:15
睇大家既回覆有d 保安哥哥既行為又幫唔落，但我反而諗，佢地外判工，福利無咁好，分分鐘人工都好低，入面賣 ...

你講得無錯，你慌唔係一朝被蛇咬，十年怕草繩，分分鐘保安哥哥比人交換咗個超A袋，公司梗係暗肋底唔揚出去，唔通仲四圍話俾人聽我呢度好易俾人偷㗎；你睇新聞珠寶展都有見賊人着到成身闊太咁，一D裝扮都唔似賊，所以在佢嗰覺度個個都係高危

私人傳訊

JD930

珊瑚宮

積分: 113090

牛年勳章 HiPP勳章(1) 2018母親節勳章

23^#

發表於 18-3-15 17:43 |只看該作者

That's bad :O

私人傳訊

summerc

積分: 775

22^#

發表於 18-3-7 09:15 |只看該作者

回覆樓主

睇大家既回覆有d 保安哥哥既行為又幫唔落，但我反而諗，佢地外判工，福利無咁好，分分鐘人工都好低，入面賣既都係貴野，可能佢地怕失竊時自己填數啫。分分鐘多過佢一年人工，連工都無埋

私人傳訊

積分: 793

21^#

發表於 18-3-6 20:56 |只看該作者

CambridgeGirl 發表於 18-3-6 19:25
我其實喺香港都會同保安員傾計㗎不過只限某個品牌某間boutique熟落咗先會咁做！其實我覺 ...

Wow wow wow, 報料話你知有兩隻鱷魚皮返咗！呢位保安叔叔真係唔話得！真係要俾個like佢！

咁等我都同secu搞好關係先。

私人傳訊

積分: 793

20^#

發表於 18-3-6 20:52 |只看該作者

maggiejane 發表於 18-3-6 19:07
我上次喺C店就係咁！
我一向都去同一間C店好多年，SA一直叫我上層入，同門口保安講搵邊個SA, 佢就會開門。 ...

原來C有啲都係咁！其實聽完JM們嘅分享，大家對保安嘅要求就係有基本禮貌。咁應該唔難啫？

睇到你講大字形企係度再兇客人，我笑咗！

保安哥哥使唔使咁誇張？

私人傳訊

agnes-L

積分: 6592

19^#

發表於 18-3-6 20:36 |只看該作者

回覆樓主:

我認同間間牌子店的sa的服務都唔同。c牌。去圓方果間搵銀包。黑口黑面好似唔多願招呼你咁。廣東道果間唔錯。起碼無比你覺得唔想理你咁。半島果間直頭好招呼。送埋你出門口

所以我最唔鍾意去嘅就係圓方果間

私人傳訊

CambridgeGirl

積分: 6626

18^#

發表於 18-3-6 20:30 |只看該作者

maggiejane 發表於 18-3-6 19:07
我上次喺C店就係咁！
我一向都去同一間C店好多年，SA一直叫我上層入，同門口保安講搵邊個SA, 佢就會開門。 ...

咁我都有一次類似經驗...不過無妳遇到果個咁無禮貌！

我平時入C boutique都係唔駛排隊就咁行入去，只要唔係新入職既SA/保安都會認得我...不過有次咁啱有個新保安返工企喺門口...我想就咁行入去即刻俾人攔住咗

好彩最後門口附近既SA即刻走出黎一路夾住我入去...仲一路講唔好意思！

佢地話當日已經有好幾個熟客俾新保安攔住所以嬲嬲豬

有時我覺得d保安其實真係當打份工，做到份工就算...佢地之前可能從來無接觸過luxury industry...所以初期唔了解奢侈品牌既待客模式其實可以理解。不過如果品牌知道保安唔理解，但都繼續由得佢用無禮態度去待客就變成係品牌既錯喇！

好彩C舖之後都教返佢d新保安/SA記熟d熟客個樣，所以再無發生呢d經歷！

私人傳訊

CambridgeGirl

積分: 6626

17^#

發表於 18-3-6 19:25 |只看該作者

lycheemason 發表於 18-3-6 17:56
JM的分析也有趣，莫非這一間鋪有特別指示比保安員？照道理香港所有H應該外判比同一間公司去確保服 ...

我其實喺香港都會同保安員傾計㗎

不過只限某個品牌某間boutique熟落咗先會咁做！

其實我覺得睇吓本身個保安員係咪健談type啦～有一次個保安叔叔主動同我講話返咗兩隻鱷魚皮手袋勁靚，唔買都要叫SA攞黎睇吓咁話！

咁結果我真係叫我SA拎黎俾我鑑賞吓咁囉

講返Elements H...係㗎我早兩日見到果個case都幾誇張...如果係我我應該會好嬲

只能夠講...好彩我住港島唔駛焗住行呢間H...同埋好好彩已經搵到一個好肯幫我攞靚offer既SA!!!

私人傳訊

maggiejane

侯爵府

積分: 24354

16^#

發表於 18-3-6 19:23 |只看該作者

lycheemason 發表於 18-3-6 17:17
多謝JM明白。(emoji)(emoji)

咦? C的保安都唔掂？點解搞到嬲嬲豬？我又真係冇乜留意嗰度嘅secu. 不過係會 ...

另一次都係C牌event 發生。
嗰次個event 劃咗一個private 區，有coffee table 可以坐，但要一早reserve.
咁大個event 其實肯定有外判保安公司做，C牌event 一直都做得好好，保安，餐飲侍應，泊車都無得彈。唯獨上次event 一個secure真係令我覺得要改善。
講返個private zone, 有個secure 長企個入口，佢身體動作好大，加上現場音樂聲好大，每次有客行入口近佢就大字型擋喺前面，兼好大聲講：唔入得！no enter! 冇解釋係因為要預約。
我本身可以入private zone, 我都未行近佢已經大字擋住大叫：唔准入！我話有預約，你話：你係邊個？咩名吖？（我估佢想問我用咩名reserve...)
我真係接唔上，跟唔到囉！

私人傳訊

maggiejane

侯爵府

積分: 24354

15^#

發表於 18-3-6 19:07 |只看該作者

CambridgeGirl 發表於 18-3-6 17:26
樓上兩位JM講得無錯～保安員係外判返黎而唔係H本身既full time staff. (其實應該大部分品牌既保安都係outso ...

我上次喺C店就係咁！
我一向都去同一間C店好多年，SA一直叫我上層入，同門口保安講搵邊個SA, 佢就會開門。上一次個保安開條門＂那＂問我：你咩事？做乜嘢吖？呢度唔入得，落地面排隊。我已經呆一呆，然後同佢講約咗邊位SA, 佢話：下？！哦！，然後關門⋯
店內近門口手袋部一排幾個SA見到我，都即刻走嚟開門，我知唔關SA事，但我當時真的好滾好黑臉，佢地都解釋保安新嚟，唔好意思。我認我小器EQ低，控制唔到情緒，但我堅嬲囉！點解個保安可以咁冇禮貌？去地面排隊冇問題，可以有D禮貌啩？

私人傳訊

積分: 793

14^#

發表於 18-3-6 17:56 |只看該作者

CambridgeGirl 發表於 18-3-6 17:26
樓上兩位JM講得無錯～保安員係外判返黎而唔係H本身既full time staff. (其實應該大部分品牌既保安都係outso ...

JM的分析也有趣，莫非這一間鋪有特別指示比保安員？

照道理香港所有H應該外判比同一間公司去確保服務態度標準同consistency.

其實大家都應該去過香港以外的H，我自己就覺得其他地區的保安員都有一定嘅質素。有時我等緊sales，都會同友善嘅保安傾下計，係香港我就唔夠膽啦。我跟你看法一樣，我明白佢哋嘅職責，但唔好忘記佢哋亦都代表住品牌。其實做得好嘅保安員係會好似透明咁，唔會影響客人購物心情。

企門口那一位其實都幾重要，你見到那個case都幾shocking. 需唔需要咁對人？如果我係嗰位男士我都會掉頭走。

私人傳訊

ash_yehyeh

水晶宮

積分: 64129

13^#

發表於 18-3-6 17:44 |只看該作者

BduckduckB 發表於 18-3-6 17:35
其實我想知，假如shop 得一個lindy 佢地D sa 點分l比邊個sa 可以offer 比客呢，因為我找開的sa 好後生，是 ...

呢層我真係唔知

其實Lindy係可以唔使任何spending買

我覺得係shop買H係要有耐性

如果你好急要就自己去巡鋪

點評

wcpcelia

發表於 18-3-12 16:46

私人傳訊

BduckduckB

大宅

積分: 2622

12^#

發表於 18-3-6 17:35 |只看該作者

ash_yehyeh 發表於 18-3-6 16:08
樓主，可能你sensitive咗

Elements H同其他H係有唔同policy

其實我想知，假如shop 得一個lindy 佢地D sa 點分l比邊個sa 可以offer 比客呢，因為我找開的sa 好後生，是否會優先比左d 年資高或高級D sa offer 比客先呢?

私人傳訊

CambridgeGirl

積分: 6626

11^#

發表於 18-3-6 17:26 |只看該作者

lycheemason 發表於 18-3-6 13:29
冇錯確實係技巧，做到出晒面就會影衰品牌。保安都係前線工作人員，有足夠嘅訓練和良好服務態度是必要。Cus ...

樓上兩位JM講得無錯～保安員係外判返黎而唔係H本身既full time staff. (其實應該大部分品牌既保安都係outsource去保安公司)
但企喺客既角度，其實唔會理究竟個staff係品牌自己請返黎定外判俾人，總之我喺你間舖既範圍入面見到個staff，咁佢既言行舉止就係代表緊呢個品牌...其實問題在於，點解特別係呢間H既保安員相對比較多呢種不愉快既情況？既然所有保安員都係外判，理論上佢地喺保安公司接受既training都係一樣...咁可能性應該只有兩個：一係就呢間H咁唔好彩by chance成日被派過黎既保安員都係無乜技巧

...另一可能性係保安被派到boutique後所接收到既指示唔同，所以對待顧客既態度都會唔同。

其實我仲有另一個例子...話說我啱啱呢個weekend同朋友一齊入去呢間H逛個圈，喺入面等緊SA幫我搵貨既時候，我同朋友一齊見到門口外有位男士開門問咗個保安員（企喺舖入面）一個問題（聽唔到問咩），個保安員答完之後，其實我地見到個男士仲想再繼續問，但係個保安員已經一手slam-shut咗道大門唔俾佢繼續問...坦白講，我就算唔係當事人，作為旁觀者，其實我都覺得呢位保安員好無禮貌...已經唔係講緊佢係咪大客、會唔會買嘢，而係人對人基本應有既禮貌都欠缺。

我同我朋友當時真係呆咗一下。

私人傳訊

積分: 793

10^#

發表於 18-3-6 17:21 |只看該作者

ash_yehyeh 發表於 18-3-6 16:08
樓主，可能你sensitive咗

Elements H同其他H係有唔同policy

係保安令我不快。

行開街入去第二間H睇下野問下野冇問題㗎，諗住spend好多梗係搵番相熟sales.

私人傳訊