想生BB 今日: 0 | 主題: 109511

積分: 548

1^#

發表於 18-3-7 14:36 |只看該作者 |正序瀏覽 |打印

2017/5月第一次小產，小豆好錫我，自動排出㗎，事前乜嘢痛楚都無，只係間斷流啡(可能已經有心理準備)
2018/3月，今次無流啡，妊娠過程好舒服，食同訓，點知都係.....
相隔十個月，小產兩次，真係好失落，兩次都係胎停成長，第一次6week, 今次6week5，究竟係咩問題(emoji)
我已經係全面停工，淨係食同訓，粗重嘢全部唔需要我粗心，中段重睇住中醫調理緊，我真係好想知道，究竟我要點做，我已經好擔心下一次，好無信心☹️

0 0 0

私人傳訊

積分: 3819

47^#

發表於 18-3-13 09:23 |只看該作者

回覆 scmying2 的帖子

絕對明白呢個過程，產檢時因為孖胎好多變數，每次都好驚去檢查，之前唐氏檢查有問題，俾人即call番醫院，好彩有做T21,但報告未出時，俾醫院個電話嚇到係咁喊。懷孕呢10個月真係好漫長，你已經頂左一半，心情要放鬆啦，bb感受到媽媽既情緒。

雖然我知道我地小產過既人會特別緊張，因為外人係唔會明我地有幾大陰影。絕對贊同每一個人問候，就好似令我諗番成件事，又好似案重現咁，心裡好難受。

私人傳訊

LAILAILAILAI

積分: 1449

46^#

發表於 18-3-13 00:11 |只看該作者

回覆樓主：

本帖最後由 LAILAILAILAI 於 18-3-13 00:12 編輯

我都曾經小產2次，半年2次，第一次空心胎，第2次3個幾月跌左出嚟。醫院同我驗過血睇有冇隱性病，同埋驗過bb，結果係我同bb都正常，但就唔知點解會搞成咁。。。
生b真的講緣分，你盡左力就可以了，其他交比個天安排，加油

私人傳訊

積分: 698

45^#

發表於 18-3-12 23:37 |只看該作者

debby51 發表於 18-3-12 23:23
回覆 scmying2 的帖子

我都係idential twins，無啦啦肚痛穿水，醫院拎曬bbs胎盤去化驗，不過醫生話通常無 ...

本帖最後由 scmying2 於 18-3-12 23:38 編輯

係..我估我都會不安到見到bb健康出世為止。

今次我7週幾開始嘔到天昏地暗，9週突然有2日冇事，我喊住問老公bb係咪又唔要我哋

T21 report過左幾日未打俾我又怕有咩事

16週幾流粉色血又衝急症怕子宮閉合不全跌左bb出黎

宜家又擔心緊過2星期照結構

小產過真係好有陰影，我諗生完之前我都唔可以好似其他人咁係Facebook 開心宣佈自己有左。因為上次小產，我覺得每多一個人知，佢哋嘅問候對我都係2次傷害，好多野係親身經歷過既人先會明

私人傳訊

積分: 3819

44^#

發表於 18-3-12 23:23 |只看該作者

回覆 scmying2 的帖子

我都係idential twins，無啦啦肚痛穿水，醫院拎曬bbs胎盤去化驗，不過醫生話通常無原因。個晚醫院俾左間2人房我，老公可以全天侯倍住我，大家都好傷心。無諗過呢刻政府醫院都會體諒，俾老公陪住，可以拖住手一齊喊。無左老公係身邊，個晚真係好難過。
可能我週數算大，醫院仲有個負責睇情緒嘅姑娘同我地傾計。
不過呢次陰影，好怕再懷孕都係咁⋯⋯真係會好擔心。

私人傳訊

積分: 698

43^#

發表於 18-3-12 23:01 |只看該作者

debby51 發表於 18-3-12 22:10
回覆 bearbearlo 的帖子

我係3星期都未完，搵私家睇又係話未清，唔知血塊定胎盤未清，醫生開宮縮藥俾我排 ...

其實我上次藥流如果唔係急住當睌入院收多左日醫生費，住左4日院食埋醫院餐都係一萬蚊左右。仲要頭3日間3人房得我一個，靠窗口位。護士好好成日黎睇我，又有教牧同我祈禱。

老公心痛我半夜偷偷入左黎，護士都隻眼開隻眼閉。如果唔係twins驚大出血，我估我都去左公立。

我覺得藥流個幾日真係好需要有人喺身邊

私人傳訊

積分: 698

42^#

發表於 18-3-12 22:52 |只看該作者

debby51 發表於 18-3-12 22:14
回覆 scmying2 的帖子

我陀住孖胎5個月流產，你當時有冇搵到咩原因流產？醫生話好多時孖胎流產都無原因， ...

我個陣係頭3個月冇左架，本來一個有心跳，一個冇，之後有個個都停埋。identical twins

醫生話平均每80對twins得一對可以成功出世，我個陣去私家藥流個陣唔小心沖走左bb

所以揾唔到原因，再有個陣都好驚係自己身體問題。

因為twins 組織多，我食左差唔多成個月藥先清，醫生話藥流對身體傷害細d，我唔敢去公立因為知佢地會俾比較短時間我，一check唔清就要我刮宮

我藥流第一日起計48日後黎m,好水好多，係平時2，3倍。之後個量正常番，28-30日就一個cycle,完左3次m再試就bingo左，bb size 都跟28日cycle咁去。

私人傳訊

積分: 480

41^#

發表於 18-3-12 22:23 |只看該作者

cavy0511 發表於 18-3-12 21:30
路過, 但你老公真係太過份, 你有無當過你係老婆, 失去最難受既係媽媽, 點解佢唔係擔心你竟然怪你
個bb佢都 ...

本帖最後由 bearbearlo 於 18-3-12 22:24 編輯

我老公今日同我講左對唔住了，佢都係唔開心，再自己諗唔通，我都有同佢講清楚，因為你咁樣唔體諒，我好難受。佢中途有掉底我自己一個喺屋企，佢自己出左去話同朋友食飯，返黎後，雖然都仲未完全嬲完，但睇得出佢有變化，我估佢揾朋友係傾訴，朋友都有開解佢啩⋯⋯我都有同佢講，2個人結婚，就算有咩困難，難關，都要一齊去面對，唔係咁樣，有咩事就賴對方，佢都聽得入耳，同我講對唔住。

私人傳訊

積分: 3819

40^#

發表於 18-3-12 22:22 |只看該作者

回覆 bearbearlo 的帖子

大家一齊努力我都諗緊有人關心既話，我會答唔好意思，唔想再提，多謝關心就走左去。
希望d人醒少少唔好問，自己做自己野。
我都明白喊係傷身，養好身體先有下次機會，但唔係一下子就話可以笑就笑。
講真真係要再懷孕先暫時放低呢件事，事情真係發生左嘛⋯⋯

私人傳訊

積分: 480

39^#

發表於 18-3-12 22:18 |只看該作者

cavy0511 發表於 18-3-12 21:36
政府覆診都未必照架, 只同你驗尿, 無雙線就當清左, 但私家醫生唔係咁講, 佢話驗唔到唔代表清左, 一定要照, ...

原來咁架？真係唔知，原來政府係咁樣覆診，無得照都得的......真係一分錢一分貨

私人傳訊

積分: 480

38^#

發表於 18-3-12 22:16 |只看該作者

debby51 發表於 18-3-12 22:14
回覆 scmying2 的帖子

我陀住孖胎5個月流產，你當時有冇搵到咩原因流產？醫生話好多時孖胎流產都無原因， ...

本帖最後由 bearbearlo 於 18-3-12 22:17 編輯

我都係，我都擔心係咪公立醫院做得個手術唔好....所以仲未排清，同埋，我都好想有bb，我依家都係只想做個健康的孕婦咋......

私人傳訊

積分: 480

37^#

發表於 18-3-12 22:14 |只看該作者

debby51 發表於 18-3-12 22:10
回覆 bearbearlo 的帖子

我係3星期都未完，搵私家睇又係話未清，唔知血塊定胎盤未清，醫生開宮縮藥俾我排 ...

係囉，未排清，無得補，我都係擔心緊囉，我對上一次就係好似無排咁耐架，睇黎，我都應該票去揾私家了☹️
係，我今日第一日返工，我都想人地當我透明，除左工作，真係咩都唔想同人地講。今日我老闆娘先同我講，叫我快d做返平常做既野，唔好再自己鑽牛角尖，我其實好明白，但真係要d時間囉⋯⋯

私人傳訊

積分: 3819

36^#

發表於 18-3-12 22:14 |只看該作者

回覆 scmying2 的帖子

我陀住孖胎5個月流產，你當時有冇搵到咩原因流產？醫生話好多時孖胎流產都無原因，真係好無奈。

想問下你抖幾耐先有M到，幾時再可以開工做人。

我真係好想快d有bb⋯⋯

私人傳訊

積分: 3819

35^#

發表於 18-3-12 22:10 |只看該作者

回覆 bearbearlo 的帖子

我係3星期都未完，搵私家睇又係話未清，唔知血塊定胎盤未清，醫生開宮縮藥俾我排清。政府係無覆診，我5個月流產，要自己生完，一日就出院，姑娘講有咩要自己搵私家睇，除非你入急症。我覺得自己負擔到就睇私家，排唔清無得補身，好難開始再懷孕。
唉，我仲未番工，好怕一番工，d同事關心自己又想喊。
希望大家當我隱形，我自己做野就好啦！

私人傳訊

cavy0511

男爵府

積分: 9959

34^#

發表於 18-3-12 21:36 |只看該作者

bearbearlo 發表於 18-3-12 18:09
我依家食緊中藥，醫師開左生化湯俾我，幫我排清，應該等我食晒d生化湯，下星期，仲係咁，睇怕我都一係去急 ...

政府覆診都未必照架, 只同你驗尿, 無雙線就當清左, 但私家醫生唔係咁講, 佢話驗唔到唔代表清左, 一定要照, 咁普通搵個醫生照一照都唔貴既, 買個安心

私人傳訊

cavy0511

男爵府

積分: 9959

33^#

發表於 18-3-12 21:30 |只看該作者

bearbearlo 發表於 18-3-10 18:23
我都同你一樣......又小產.....我已經休息左個多星期，下星期一要上班了。但心情仲未調整到，老公怪我，話 ...

路過, 但你老公真係太過份, 你有無當過你係老婆, 失去最難受既係媽媽, 點解佢唔係擔心你竟然怪你
個bb佢都有份, 亦有可能係佢精子唔好, 唔可以咁講野!!

私人傳訊

積分: 480

32^#

發表於 18-3-12 18:13 |只看該作者

scmying2 發表於 18-3-12 14:27
我上年懷孕雙胞胎都胎停，宜家有左bb 差唔多5個月了。上次小產之後我睇左2個月中醫，resign左日日自己煮飯 ...

多謝你的鼓勵呀⋯⋯我都想可以快d走到出黎。多謝

私人傳訊

積分: 480

31^#

發表於 18-3-12 18:09 |只看該作者

CHOWCHOWWW 發表於 18-3-12 14:07
本帖最後由 CHOWCHOWWW 於 18-3-12 14:18 編輯

如果呢2都未清，咁你快d覆返個婦科睇下好d,開頭私家有寫 ...

我依家食緊中藥，醫師開左生化湯俾我，幫我排清，應該等我食晒d生化湯，下星期，仲係咁，睇怕我都一係去急症室，一係自己揾私家照下。我2年前第一次時，私家寫紙我去公立，又係唔收，要我等，我等左成個星期都無自然排出，結果去私家，洗左2萬幾.....今次去另一間公立醫院，即收我囉，200有找.....可能就係價錢啦⋯⋯無得返去覆診(emoji)

私人傳訊

積分: 698

30^#

發表於 18-3-12 14:27 |只看該作者

bearbearlo 發表於 18-3-10 18:23
我都同你一樣......又小產.....我已經休息左個多星期，下星期一要上班了。但心情仲未調整到，老公怪我，話 ...

我上年懷孕雙胞胎都胎停，宜家有左bb 差唔多5個月了。上次小產之後我睇左2個月中醫，resign左日日自己煮飯食，仲送飯比老公。

之後老公都同我一齊睇左次中醫，佢知道染色體問題可以係雙方，所以都好聽話戒曬濃茶同咖啡。我晚晚煲湯，煮飯加麥片同用olive oil。因為我哋信食療應該最有效。

等3次m後再試就bingo 左，個陣仲買左好多滴鷄精諗住試，但中左之後話有中藥成份唔好就送曬比朋友lu

其實老公支持好重要，同埋妳都要放鬆d, 唔好咩都攬上身覺得自己有問題。中醫話曬太陽係好重要，我個陣送完飯比老公都會去公園曬半個鐘太陽。

BB知媽媽掛住佢，妳要快d調理好身子(老公都要), BB會好快番妳身邊的

私人傳訊

CHOWCHOWWW