想生BB 今日: 0 | 主題: 109612

積分: 1116

1^#

發表於 18-3-12 21:04 |只看該作者 |正序瀏覽 |打印

本帖最後由 tt147 於 18-7-3 23:48 編輯

大家好，我會嚮呢個POST 講下我第1次做IVF既心路歷程
1月底我開始咨詢吉隆坡各IVF 診所，最後揀左間CS比較盡責既診所

8/3/18 到埗+初診+回港，醫生係嚮英國深造過、經驗非淺既印度裔醫生，英文口音純正，基本上唔洗靠助理翻譯都可順利溝通，開藥: GONAL F 200IU/6天、ORGALUTRAN 0.25MG/2天，當日抽左血，照左超聲波，因自己有PCOS，卵泡多，醫生目標係取到10-20粒成熟卵子，護士教我打第1枝 GONAL F 後，就俾左個大冰袋俾我拎D針藥返香港，我1AM落機，但我4PM就坐飛機返香港喇，好CHUR

9/3/18至今，GONAL F 冇咩令我唔舒服，亦都習慣左自己打針，但ORGALUTRAN針頭粗D，打落都痛D

14/3/18 就要覆診，要留嚮吉隆坡起碼1WEEK直至取卵，但老公要返工，頭3日只得我自己嚮吉隆坡咋，同事們都話我大膽，但老公年假有限，我自己都係拎 NO PAY LEAVE 黎做IVF

終於到左14/3覆診日喇，坐完凌晨機到吉隆坡真係眼訓到一坐低就訓得著，我由機場直接到診所見醫生，醫生態度其實幾positive ，佢話我啲卵泡有長大但速度比預期慢左一，兩日，所以取卵要延遲，但數量方面亦令人滿意，20粒嚮佢診所已經好夠用，取再多都冇用，quality is important than quantity 喎，而醫生將gonal f 增大劑量到225iu/4天，orgalutran/3天繼續打，亦再抽血驗e2，話可以預測取卵數目，星期六再去覆診，今日睇完醫生就去左做thai massage同食野，之後就嚮酒店訓左6個鐘，一醒已經8點半

15/3/18，11點起身即打支orgalutran，為左避開lunch peak hour，我2點先出門食lunch，本來想行下街，但發現好多時打完枝orgalutran都會眼訓，結果又返酒店hea，用電話睇tvb過日晨

16/3/18，出街剪左個頭，又去左食韓國餐，呢幾日都係揀日韓野食，馬來西亞消費唔平，好多野都係香港價錢（如果係嚮商場入面）

17/3/18朝早去覆診，醫生照超聲波時發現啲卵泡都係生得好慢，有1粒成熟左，但好多粒維持嚮1cm，醫生話唔洗擔心，因為要打針打16日先取卵嘅大有人在，所以唔洗換藥唔洗加強劑量，因為225iu 已經好高，再打多啲iu卵質量會差左，同埋睇左e2驗血結果，e2同目標差成倍，結果要再抽血驗e2，而orgalutran同gonal f 繼續打，約左3月19日再去覆診，取卵日期暫定於3月22日，希望唔好再延遲啦，嚮吉隆坡好悶呀

17/3/18至21/3/18有老公陪，但無奈地我做完取卵手術要自行回港，老公最多黎接我機，最初初醫生預計我係3月19日取卵，所以我先叫老公連埋星期六日黎吉隆坡5日，但計劃永遠追不上變化，今日同老公去食餐好嘅先，開心下

18/3/18，同老公行大商場，但香港實在咩都有得買，所以行左半個鐘覺得太悶，就返酒店hea1日

19/3/18 覆診，gonal f 都打左11日，醫生話啲卵泡都係生得太慢，但好過唔識生長，而e2就有進展，今日再抽血驗e2，老公因要提早回港，只好揀冷凍精子，我地亦揀左做xy精子篩選，我取卵日期就推遲到3月23日星期五，要繼續打gonal f 同orgalutran，呢刻我寧願返工捱騾仔都好過日日嚮酒店hea，好悶呀

20/3/18，酒店hea

21/3/18，取卵前最後覆診，醫生確定3月23日早上取卵，今晚要打Decapeptyl，醫生話取卵數目預測係12粒左右，達到目標，佢地經驗係取得多唔代表用得著喎，e2驗血結果都有進展，今日係醫生親自抽血，手勢比護士好，今日老公要返香港了，得返我自己一個喇又

22/3/18，hea

23/3/18，取卵日，取左19粒卵，醫生打完麻醉冇幾秒就訓著左，醒左個陣已經嚮休息室，迷迷糊糊咁過左1個鐘之後清醒返曬，姑娘要我立即決定做唔做pgs，我當然做仲即時碌卡添，希望多啲day5囊胚可以拎去驗啦，因為1個又係咁多錢，4個又係咁多錢（頭1至4個係套餐價)，醫生仲開左crinone同progynova調理子宮，我休息4個鐘後就獨自一個坐車去機場返香港喇

24/3/18，返工賺錢，朝早CS講我知取卵19粒，成熟15粒，受精7粒，個刻我好想喊，我26歲受精率得4成，我已經做埋ICSI，唔受精其實係LAB，精子定卵子有問題都不得而知。我仲要俾左~30K港幣做PGS，CS話如果冇囊胚就會退返PGS既錢俾我，老公安慰我，如果有1個胎做PGS但FAIL，咁咪當破財擋災，避免流產。老公平時好慳，慳到不得了，同時唔想生BB，但佢見我想生BB又竟然肯泵水俾我去做IVF，好神奇，仲話AFFORD到多5次IVF WITHOUT PGS，大佬呀，我想1 TAKE PASS囉

24-25/3/18，取卵後個肚唔多舒服，肚漲漲，去toilet唔順暢，同時有肚瀉添

26/3/18，培植day3，晏晝CS同我講醫生review左我個 case ，醫生話如果星期三得1至2個胚胎捱到day5就取消pgs退錢俾我，3個或以上胚胎就可以繼續做pgs，問我意下如何，咁我當然同意啦，我寧願退錢俾我重做多次ivf，因為我知pass pgs本身唔容易，尤其我今次受精卵比率好低，對胚胎質素我不抱期望啦

27/3/18，聽朝就知有幾多胚胎可以成為囊胚，我取卵後第日已經返工，返工時冇咩閒情逸致去諗ivf嘅事，心情都放鬆啲，可能同老公傾好如果第1次ivf唔成功就會去台灣做，諗定plan b嫁喇，咁樣去諗會比較容易接受失敗，老公支持好緊要，公司嘅配合亦不容忽視

28/3/18，囊胚數量放榜日，有2個grade a 囊胚，另外仲有1個生長較慢，如果聽日都冇成長就應該拜拜左，都唔知搞咩野，成熟卵子受精率低到得4成，受精卵變為囊胚率得3成，本身pcos的我啲卵又的確質素冇咁好，而我決定取消pgs，反正診所可以1次擺2個囊胚，用肚皮去做決定啦，其實我前排發過1個夢，就係自己陀到twins，去到瑪麗醫院個醫生幫我做超聲波，最好笑係我著左全屋最鬆身個條裙去，個夢好寫實，希望今次夢想成真啦

10/4/18，因為我一定要用人工周期黎放胎，同時想生大b嘅意慾較強，所以揀左5月15左右植入，診所就叫我定時食藥，check好內膜厚度，醫生覺得ok先飛過去準備植入，一次定輸贏，應該會係最後一次去吉隆坡嫁喇，因為已經冇曬胚胎

21/4/18，印度同事嚮印度幫我買左20枝crinone同9盒progynova，盛惠660，平到不得了

4/5/18，等m come，同時食profertil female希望身子會好啲，老公同上司表明一切，上司俾佢以work from home 方式返工，如無意外我地會嚮吉隆坡逗留5日左右，之後我會繼續返工喇，最多行慢啲講少啲野，好過嚮屋企百無聊賴

5/5/18，m came，cs 叫我6/5開始食progynova2mg，醒後1粒睡前2粒，食到第14日即係19/5就要去照超聲波睇內膜厚度，夠厚就要塞crinone4日，第5日即5月23日就移植，如果唔夠厚就要繼續食progynova，直至check到內膜夠厚先可以飛去吉隆坡

9/5/18，食progynova 嘅呢幾日好似特別攰咁，自我出黎做野，weekdays都堅持around11點訓到7點，但無奈工作屬於會勞氣嘅行業，所以更攰

16/5/18，好似就黎黎M咁，終於明白點解放胎後7日左右唔成功就會黎M，book左星期六去深圳做全套婦科檢查，睇內膜加驗孕酮

20/5/18，好sad，事緣我驗孕酮同照內膜都符合移植要求，但我照乳房超聲波時發現有個硬塊，bi-rads分類為3，代表唔一定係惡性，但唔包係良性，諗左1日，決定取消移植，下星期約左私家醫生照多次，我首要任務係處理左自己健康先，不過食左2星期藥食到自己溫溫燉燉，最後要延遲，比較失望，好彩未買機票未訂酒店姐

21/5/18，去港安book左下星期一做多次乳房超聲波加活檢，究竟保險包唔包底又係一回事，今日返去公司銷假同將個故事講左2次，唉，究竟我啲囊胚要雪多幾耐

23/5/18，醫療保險拒絕左我個申請，原因係活檢可以out patient 做無需day case，而港安太貴喇成12k，所以我轉book 另一個有好評嘅男醫生，佢先收4800，亦同港安做同一set野，聽日我就去做切片喇，咩事都好啦，我都希望嚮我移植前處理曬

30/5/2018，胸部活檢結果係纖維瘤，但醫生覺得切除左佢會好啲，因為超聲波影像唔算100%良性，加上size2cm都到切除界線，所以等保險批左approval 就會做手術，另外吉隆坡醫生見我都延遲移植，就建議我切左粒子宮肌瘤幫助囊胚著床，所以又要搵婦科醫生，自己又貪快是但book個，點知book左個差嘅醫生，880都覺得俾多左佢，又sell我驗血，買藥，打hpv針，etc，我想照陰超又迫我照腹超，話佢部美國機唔谷尿都好清喎，然後又話我粒瘤咁細唔洗切，切左又傷子宮等等，又話買左保險都唔係亂做手術，之後去左朋友介紹嚮中環嘅醫生，真係1分錢1分貨，1700蚊都抵，醫生話我粒瘤都1。4cm大，同埋個位置係最需要切除肌瘤，尋日開始又要食progynova, 等11日後再照超聲波，粒瘤就會更明顯，到時可以寫pre approval

9/6/2018，睇左婦科醫生，醫生話我個內膜食左progynova 之後生得好好喎，1cm厚，香港醫生上次ban左吉隆坡醫生個progynova 食法，結果我跟香港醫生個食法真係進步神速，然後醫生照清楚子宮粒瘤係唔影響著床，為左個子宮已經睇左3500蚊醫生，都好嘅，起碼知道自己唔洗又開刀

16/6/18，月經來了又可以預備移植，但血量比平時少好多，吉隆坡醫生今次叫我早午晚各食2mg progynova, 之前醒前食1粒都已經成日冇力做嘢，所以我仍然會跟從中環醫生，循序漸進咁食藥，起碼上次用呢個方法令到內膜好靚先，又唔會令到自己日頭咁攰

21-22/6/2018，入仁安私家房做胸部腫塊移除，買左保險，費用全包，姑娘定時黎打針止嘔止痛，而家我龍精虎猛喇，移除左個瘤就唔洗擔心懷孕時會長大

24，28/6/18，去左2次照內膜，2次都1。1cm厚，但孕酮都係0。12或0。16

3/7/18，第2次坐深圳清晨機去吉隆坡，一落機就去做返個泰式按摩，之後就去診所喇，忍尿忍到就爆膀胱，但醫生未入到黎，所以去次廁所先，我飲左10杯水飲到反胃，原來移植都幾唔舒服，有個夾夾住下面，好難受，移植完下面唔舒服到唔想行路，休息左半個鐘就坐的士去機場返香港，即日來回吉隆坡，其實咁冒險係因為我對今次ivf冇咩信心，同老公約定星期日即day5會用驗孕棒test

醫療費用，56500hkd
機票酒店膳食，12000hkd
是次ivf費用共計約70000

0 0 0

私人傳訊

小野花

男爵府

積分: 6411

69^#

發表於 19-3-23 18:15 |只看該作者

tt147 發表於 18-5-7 19:35
我2粒囊胚係取消左做pgs,因為太貴，3萬港紙驗2粒（本身3萬可以包我驗4粒，無奈我得2粒），只係胚胎師話2粒 ...

我有少少吾明？
即係你剩返2粒 Day 5 , 但無做 PGS 就植入？

而家陀仔定女呀

私人傳訊

NancyWong_FB

積分: 166

68^#

發表於 19-3-19 22:57 |只看該作者

回覆 tt147 的帖子

平過泰國喎！

私人傳訊

積分: 1116

67^#

發表於 18-5-23 23:21 |只看該作者

anGie818 發表於 18-5-22 14:46
回覆 tt147 的帖子

加油💪 一齊加油 :)

養好身子迎接bb到來

私人傳訊

anGie818

別墅

積分: 692

66^#

發表於 18-5-22 14:46 |只看該作者

回覆 tt147 的帖子

加油💪 一齊加油 :)

私人傳訊

積分: 1116

65^#

發表於 18-5-22 12:37 |只看該作者

Joeyfan1982 發表於 18-5-22 07:32
我開頭其實想揀Helena (KL fertxxxx), 但係佢哋又唔俾我揀男女。我問過Sun, 佢哋可以，所以先考慮佢哋。而 ...

我當時問sun33800馬幣，另加3000馬幣外國人費，幾乎全包

私人傳訊

積分: 1116

64^#

發表於 18-5-22 12:20 |只看該作者

chonglulu 發表於 18-5-22 08:58
根據台灣個數據，如果台灣ivf邊間比較popular?

係個啲綜合大醫院最多case

私人傳訊

chonglulu

男爵府

積分: 6900

63^#

發表於 18-5-22 08:58 |只看該作者

tt147 發表於 18-5-15 21:19
Hi,好奇想知你咩原因做pgd? 因為冇咩特別原因的話通常都係做pgs，我都想去泰國但太貴喇，每一個step都收次 ...

根據台灣個數據，如果台灣ivf邊間比較popular?

私人傳訊

Joeyfan1982

積分: 224

62^#

發表於 18-5-22 07:32 |只看該作者

回覆樓主

我開頭其實想揀Helena (KL fertxxxx), 但係佢哋又唔俾我揀男女。我問過Sun, 佢哋可以，所以先考慮佢哋。而家我都1516(emoji)

私人傳訊

積分: 1116

61^#

發表於 18-5-22 00:44 |只看該作者

Joeyfan1982 發表於 18-5-21 22:13
我amh 只有 0.77，打算過幾日去 sunferx 找 Dr. Lim. (emoji)

我本身想去sun到做，我用英文email佢地都仲好地地，一用中文覆email並曝露左自己係香港人之後，佢地夠膽死同我講話價錢有變要加價，想我join衣食住行全包宴，上網亦見到有人反映佢地商業味太濃，初診覆診取卵放胎都唔同醫生，最後我幫襯左第間，因為覺得sun太賤，haha，不過計價錢sun係最抵

私人傳訊

Joeyfan1982

積分: 224

60^#

發表於 18-5-21 22:13 |只看該作者

tt147 發表於 18-5-21 20:01
我唔太推薦我間診所，因為我受精率太低，我覺得50%關診所嘅器材同技術事，hahahaha ，你可以上網search馬來 ...

我amh 只有 0.77，打算過幾日去 sunferx 找 Dr. Lim. (emoji)

私人傳訊

積分: 1116

59^#

發表於 18-5-21 20:03 |只看該作者

cg903 發表於 18-5-21 13:05
樓主我欣賞你，你冇浪費過時間，雖然好後生，但目標清晰！

明知唔會自然懷到孕，只好借助生殖科技，haha

私人傳訊

積分: 1116

58^#

發表於 18-5-21 20:01 |只看該作者

Joeyfan1982 發表於 18-5-21 09:20
請問你係睇邊一個醫生？我都有興趣去吉隆坡做ivf

我唔太推薦我間診所，因為我受精率太低，我覺得50%關診所嘅器材同技術事，hahahaha ，你可以上網search馬來西亞試管，sunferx, tmx, alphx, fertility assx.呢4間都多外國人做，我都揀左其中一間黎做

私人傳訊

cg903

積分: 232

57^#

發表於 18-5-21 13:05 |只看該作者

回覆樓主:

樓主我欣賞你，你冇浪費過時間，雖然好後生，但目標清晰！

私人傳訊

Joeyfan1982

積分: 224

56^#

發表於 18-5-21 09:20 |只看該作者

回覆樓主

請問你係睇邊一個醫生？我都有興趣去吉隆坡做ivf

私人傳訊

積分: 1116

55^#

發表於 18-5-16 21:55 |只看該作者

NelsonLao 發表於 18-5-15 23:58
當初不自量力未調理好身體就直接去做ivf，仲諗住查埋染色體簡個A級胚胎，點知唉！太天真了
...

我都係，直接走去ivf ，睇完受精結果先補獲，而家keep住食profertil female（富精多個fd富卵多)，說明書話專for pcos+ivf

私人傳訊

NelsonLao

民房

積分: 16

54^#

發表於 18-5-15 23:58 |只看該作者

tt147 發表於 18-5-15 21:19
Hi,好奇想知你咩原因做pgd? 因為冇咩特別原因的話通常都係做pgs，我都想去泰國但太貴喇，每一個step都收次 ...

當初不自量力未調理好身體就直接去做ivf，仲諗住查埋染色體簡個A級胚胎，點知

唉！太天真了

私人傳訊

積分: 1116

53^#

發表於 18-5-15 21:19 |只看該作者

NelsonLao 發表於 18-5-15 09:58
加油呀！祝你成功，我都系有pcos，上年八月系Thailand做ivf，取左19粒，受精得六粒，我簡左pgd，最后全部 ...

Hi,好奇想知你咩原因做pgd? 因為冇咩特別原因的話通常都係做pgs，我都想去泰國但太貴喇，每一個step都收次錢，我有研究過台灣嘅ivf醫生，台灣每年都有份全國ivf統計數據，我會揀多台灣人睇既醫院做ivf多過揀多香港人睇嘅醫院，haha

私人傳訊