我讀 Band 1A 學校，老師就一半一半啦。有 d 真係好畀心機教書而且又教得好，亦願意付出額外時間去幫學生，有老師會犧牲午飯時間去幫學生補課，我因為數學練習有好多都唔識做，數學老師都肯陪我由 4 點開始教到 7 點。另一個數學老師，不論數學有幾差，係佢手上從來都冇學生唔合格，最差都一定 DSE 有 3。有 d 老師當班學生係女，亦默許我地叫佢地做阿爸阿媽，有老師形容過 last day 就好似睇住個女出嫁，為我地畢業而開心但係同時又好擔心同不捨。
有 d 老師就都會教書，但係更加鼓勵我地出去補習，咁樣可以攞多 d past paper、練習，班補習老師可以幫我地補底同搶分。因為 syllabus 太多，未必教得切，試過成個暑假星期一至五都返 9－3，但都係略教，因為真係教唔切。佢仲會講頗有意思嘅人生哲學，例如「拍拖可以，不過要搵個讀得書嘅，咁佢可以幫你攞好成績，大家一齊入大學」「女校唔一定防止到拍拖，係恨拍拖嘅，去到尼姑庵都搵到仔」「讀書考試比打工辛苦，打工仔只要冇做錯就可以保飯碗，考試係需要攞高分，合格達標未必有大學讀。」
有一部份係有心教，但係唔識教。睇得出佢地好想幫我地，但係奈何講極都係一堆外星文，冇人聽得明。
有少部份真係 hea 到冇朋友，7:55 分先返到學校，放學未打鐘已經企定係門口／開定車。教書就教到一舊舊，我上堂都冇聽過佢講書。好彩我底好，唔聽書唔跟佢進度都可以 DSE 攞高分。佢都知我唔聽佢支笛，不過我學科成績好好所以佢冇得出聲。
發表於 
返回列表
