吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 3歲或以上› 真心求解答-抗拒媽媽，好傷心...

3歲或以上今日: 0|主題: 8798

收藏本版

發帖

返回列表

跳至頁

查看: 18343 | 回覆: 25

真心求解答-抗拒媽媽，好傷心... [複製鏈接]

JNF

子爵府

積分: 11007

1^#

發表於 18-4-3 00:24 |只看該作者 |正序瀏覽 |打印

我個仔三歲，講嘢開始識得表達。
我是在職媽媽，兩公婆要工作。一直以來我夫婦照顧佢的模式都是c6負責絕大部分接送到99及學校，以及沖涼，我就同佢講故事，一齊買嘢。晚上同假期玩就多數三個人一齊玩。自問對佢盡心盡力，無閙佢，會同佢傾計。但兩歲開始，佢就鐘意c6多些，但平時c6不在時同我都一樣玩得開心。
但最近幾日，佢對我就有抗拒感。食早餐我坐佢隔離就話:爸爸坐我隔離，媽媽坐對面。我嬲佢就話唔要媽媽。c6都好惡咁話佢，一定要拖媽媽先可以拖爸爸，同我獨處時成日問爸爸係邊，好唔想同我，又話聽爸爸話，爸爸錫佢。
我同c6研究覺得佢驚我搶走佢爸爸，覺得聽落好怪，媽媽係第三者？但佢刻意表達唔鍾意我。
聽佢講呢啲嘢真係好傷心，有可能係我接送及直接照顧少過c6,但都唔使咁抗拒，我又冇叫佢揀c6或我。
唔知有冇過來人，點入手可以改善情況。好擔心將來

0 0 0

私人傳訊

我要做媽媽

珍珠宮

積分: 47784

BB防敏心得分享勳章

26^#

發表於 18-6-26 15:44 |只看該作者

我覺得你要多D時間陪佢，我仔仔細個既時候都係，邊個陪得佢多，佢果段時間就比較癡邊個架

私人傳訊

dativebond

大宅

積分: 4224

25^#

發表於 18-6-26 13:33 |只看該作者

csbaik 發表於 18-6-24 22:09
其實好簡單，边果陪佢玩，边果陪佢食，边果陪佢馴，佢就會鐘意边過。边果陪佢温習，边果陪佢學 ...

都係既。。。

但點解而家既家長要陪溫書既？我由細到大都未試過有人陪我溫書。。。

私人傳訊

csbaik

大宅

積分: 4511

24^#

發表於 18-6-24 22:09 |只看該作者

dativebond 發表於 18-5-3 15:18
唔關罵唔罵事，我覺得你和小朋友要有多點單獨既出街玩時間，我估你肯堅持做一星期，就好快見效。
...

其實好簡單，边果陪佢玩，边果陪佢食，边果陪佢馴，佢就會鐘意边過

。边果陪佢温習，边果陪佢學補習野，佢就會憎边果

:-D :-?

私人傳訊

dativebond

大宅

積分: 4224

23^#

發表於 18-5-3 15:18 |只看該作者

JNF 發表於 18-4-4 19:01
多謝大家
咁係咪大少少就會明白？我諗緊洗唔洗老公要唔好太就佢，咁佢做錯野或唔聽話我點話佢又唔會 ...

唔關罵唔罵事，我覺得你和小朋友要有多點單獨既出街玩時間，我估你肯堅持做一星期，就好快見效。

私人傳訊

dativebond

大宅

積分: 4224

22^#

發表於 18-5-3 14:50 |只看該作者

JNF 發表於 18-4-3 00:24
我個仔三歲，講嘢開始識得表達。
我是在職媽媽，兩公婆要工作。一直以來我夫婦照顧佢的模式都是c6負責絕大 ...

本帖最後由 dativebond 於 18-5-3 15:09 編輯

哦，係咁架。

雖然通常小朋友都中意痴媽媽，但有些小朋友會掉轉，好似我兩個仔都係咁，中意痴我。

有時未必關媽媽事，未必你做得唔好，只不過可能你老公做得太好，小朋友總會最中意其中一個。我每朝送佢番學，有時和佢沖涼，成日帶佢出街，又成日攬佢錫佢陪佢玩，的確係由細到大都比老婆多。好似你先生和小朋友有咁多單獨的相處一樣，小朋友好自然揀個比較好玩既。

其實未必關罵唔罵事，我都偶然會罵佢，老婆反而有耐性，比較少罵。罵唔罵未必係決定性因素，反而多唔多帶佢出街呢個仲緊要，個個小朋友都中意出街玩，有街去便是娘。你可以諗下每晚只係你飯後帶佢落街玩，我覺得幫助會好大。

初頭佢肯定要接老豆一齊去，你和老公先溝通好，叫佢扮有野做。或者襯老公沖涼，你就帶佢出街玩。有街去，無理由唔去既我覺得。

其實唔好咁介意佢地講乜，佢地話唔中意，唔代表唔中意，只係意思最中意爸爸，唔係真係話憎你。

咁你都要適應，唔駛諗住和爸爸有得鬥，最中意既地位已經確立，咁你咪做第二最愛囉。仔越大，越痴老豆。

正面咁諗，即係你老公做老豆呢個角色做得好出色囉，好過佢不聞不問，你亦樂得清閒。。。

我而家餵飯又係我(因為阻住我食飯，我而家勁鼓勵佢自己食，否則唔好食)，疴屎疴尿又係我，沖奶奶又係我，沖涼又係我，出街又係我，抱又係我，氹瞓覺又係我。。。等等，我老婆好寫意。

但當然，我都要佢中意媽媽，每晚我都要佢錫媽咪，和講中意媽媽，跟住我先幫佢R背脊氹瞓覺。所以，佢而家如果媽咪在場，佢會話中意媽媽爸爸，唔會只係講中意爸爸。

同埋，我地成日都灌輸比佢知爸爸最中意媽媽，第二先係佢，等佢知莊閒，仲要佢用自己把口講。

私人傳訊

nataliemei

複式洋房

積分: 347

21^#

發表於 18-4-29 08:34 |只看該作者

回覆樓主:

我仔3歲半，近半年因為佢爸要返學或做功課，所以平日晚由我自己接佢返家做功課玩下同埋我陪佢訓傾計講故事，星期六日多數都係我主力湊佢食訓玩，。佢由原本過去係好痴佢爸爸架，個陣我都好傷心好呷醋，仲會喊

成日唔要我同佢玩啦，唔同我訓啦，咩都要佢爸幫佢陪佢幫佢，到而家呢半年，佢唔要佢爸一齊訓，痴我多左好多，個轉變令我覺得係真正付出既時間心機多左，小朋友真係feel到，同我仔感情好左好多聽我話多左，不過佢爸在家既角色又唔可以減低，所以佢爸主力返黎係同佢玩同傾計，放假會一家人去玩，佢仍然好鍾意佢爸爸。

私人傳訊

已刪除用戶

已刪除用户

積分: 24878

20^#

發表於 18-4-10 06:29 |只看該作者

回覆樓主:

提示: 作者被禁止或刪除內容自動屏蔽

私人傳訊

joeyjoey223

男爵府

積分: 8770

減齡達人勳章

19^#

發表於 18-4-8 09:04 |只看該作者

JNF 發表於 18-4-3 00:24
我個仔三歲，講嘢開始識得表達。
我是在職媽媽，兩公婆要工作。一直以來我夫婦照顧佢的模式都是c6負責絕大 ...

我同你調轉，仔仔成日唔要爸爸，兩公婆在小朋友表現得恩愛一點，對我仔有幫助

私人傳訊

ibe

大宅

積分: 1116

18^#

發表於 18-4-7 22:39 |只看該作者

Lapine 發表於 18-4-7 13:13
我都好相似，個仔3 歲，爸爸一喺到就話唔要媽媽，我全職湊的。就算爸爸返工唔喺到，都會想搵爸爸，但都跟 ...

我返全職，返到屋企亂到暈，唯有不停做家務，而爸爸咪大把時間陪佢，陪佢講故事，陪佢玩，樣樣就佢，而我有時覺得似姐姐多過媽媽

私人傳訊

Lapine

大宅

積分: 2390

17^#

發表於 18-4-7 13:13 |只看該作者

JNF 發表於 18-4-3 00:24
我個仔三歲，講嘢開始識得表達。
我是在職媽媽，兩公婆要工作。一直以來我夫婦照顧佢的模式都是c6負責絕大 ...

我都好相似，個仔3 歲，爸爸一喺到就話唔要媽媽，我全職湊的。就算爸爸返工唔喺到，都會想搵爸爸，但都跟我的。爸爸係比較就佢同識同佢玩，我主要照顧佢同家務，自問盡心盡力，但每次爸爸放假，佢一朝早就會話唔要我，叫我返入房訓覺，跟住成日痴住爸爸唔俾我行近佢，真係好傷心。。。

私人傳訊

ibe

大宅

積分: 1116

16^#

發表於 18-4-6 09:26 |只看該作者

JNF 發表於 18-4-6 00:11
多謝你分享呀，我都覺佢故意激我（佢知我想聽佢錫媽媽），但我仔無咁識講返錫媽媽，同真心覺佢係鍾意同爸 ...

我咪一樣，一瞓覺就好煩，我都唔知自己應該瞓邊?自己想瞓佢隔離，但真心覺得佢唔想同我瞓，佢習慣了爸爸在側邊瞓嘛，我已好厭倦在這問題上糾纏，我決定自己一個瞓算

私人傳訊

JNF

子爵府

積分: 11007

15^#

發表於 18-4-6 00:11 |只看該作者

ch14kwok 發表於 18-4-6 00:03
我半職，但星期一至五係我湊，星期六日返工老公湊。我間中係會鬧佢，如果佢做錯，我仔3歲半，但之後話完佢 ...

多謝你分享呀，我都覺佢故意激我（佢知我想聽佢錫媽媽），但我仔無咁識講返錫媽媽，同真心覺佢係鍾意同爸爸坐同唔想我抱佢...係好傷感

私人傳訊

ch14kwok

大宅

積分: 3732

14^#

發表於 18-4-6 00:03 |只看該作者

回覆樓主:

我半職，但星期一至五係我湊，星期六日返工老公湊。我間中係會鬧佢，如果佢做錯，我仔3歲半，但之後話完佢仲喊定發脾氣，我會攬住佢叫佢冷靜d，解釋番件事，之後我仔會立即變乖（係真，唔再激動發脾氣），同我講知道同埋sorry仲要攬實我。但老豆每日放工返來，佢會超級開心，痴住老豆問長問短又話要玩呢樣個樣，明顯冇理我但我樂得清閒做下自己野