少年成長 今日: 0 | 主題: 16056

積分: 15620

1^#

發表於 18-4-6 23:57 |只看該作者 |正序瀏覽 |打印

雖然我知攬下小朋友係可以增進感情，但有無媽媽係會抗拒？我以前係可以既，但呢幾年鬧多左，有時對住佢已經無左以前種喜悅，佢只係5歲，雖然我都會帶佢去街玩，但唔和諧既時間好似多過和諧既時間咁樣，差唔多2年無抱過攬過佢。我有見過社工，大家都叫我慢慢黎，但1年1年咁過去，我都係咁，有無媽媽經歷過，可以指引下我到底係咩問題....

0 0 0

私人傳訊

namnamg

複式洋房

積分: 279

42^#

發表於 18-7-1 21:34 |只看該作者

rainbow000 發表於 18-6-27 01:40
好多謝大家既詳盡回覆同支援，我嘗試努力控制自己，唔想阿囡變成我咁情緒化。
不過有幾個情境想請教下，亦 ...

我朋友的仔女都係咁, 想問你個女記唔記仇? 小朋友可能想要你注意力, 如果咆哮後情況無改善, 可試心理學家教的正向思維, 情境1和情境2：可試下預備好小朋友好喜歡的食物, 在她面前獎細佬, "細佬做得好, 個書包放好" <<忍>>, 唔好理阿囡, 一路自言自語<<D書包, 衫應放回適當的地方>>, 一路幫佢將D書包, 衫放好, 觀察2,3日, 如果阿囡嘗試放好D書包同衫, 就要即讚, 再做好就要獎小禮物, 獎賞記得要慢慢減弱, 例如初頭每次讚, 之後2次讚1次, 4次讚1次... 唔得就再試其它方法, 方法總比困難多.

私人傳訊

lemonlemoncc

子爵府

積分: 13855

41^#

發表於 18-7-1 12:12 |只看該作者

rainbow000 發表於 18-4-6 23:57
雖然我知攬下小朋友係可以增進感情，但有無媽媽係會抗拒？我以前係可以既，但呢幾年鬧多左，有時對住佢已經 ...

Jm 我都有同感啊，有時候都唔想湊
有時候想同佢玩玩,教下佢，唔夠2 分鐘就走開
唔明d 人仲話可以好enjoy 親子？我諗互動係相方
單方面真係涉氣，係有時候帶佢出去玩就開心d
雖則都係周圍走但起碼郁動下無禁悶

唉，不過我小孩2 歲都無

私人傳訊

積分: 15620

40^#

發表於 18-6-27 01:40 |只看該作者

回覆樓主:

好多謝大家既詳盡回覆同支援，我嘗試努力控制自己，唔想阿囡變成我咁情緒化。
不過有幾個情境想請教下，亦係近排發癲既原因
情境1：個書包或者其他物品用完就咁放喺屋企路中心，我煮緊飯見到，叫阿囡執起，我叫左3次係確定佢聽到，到我開飯，都仲係原封不動放喺路中心
情境2：換衫好鐘意將換出黎既衫褲就咁掉落地下（全家得佢係咁），我教左無限次地下係污糟既，衫褲係放喺床，要有手尾。每日都要講一次先做到。
情景3：同細佬用攬枕玩打交，比人打中嗰個實喊，明知玩落去實會有人喊，叫住兩個停手，叫10次都唔會停，係要咆哮先停。

私人傳訊

ballaaa

洋房

積分: 84

39^#

發表於 18-6-16 19:24 |只看該作者

回覆樓主:

依家有冇好啲呀？自己心情有冇都好啲?

私人傳訊

wendy_jed

男爵府

積分: 6526

38^#

發表於 18-6-15 13:49 |只看該作者

回覆 rainbow000 的帖子

你個囡, 有D似我本人...我都係女仔....乜都係論論盡盡, 唔係唔記得LEE樣就係唔記得果樣............我而家三十幾歲, 果個年代無專注力不足, 但我都頗肯定自己係專注力不足........
另外, 每個人既性格, 特質都好唔同....... 我一屋男人婆, 但唔知點解生個囡出黎好女仔...一定唔係學番黎, 只可以話係天生.....
當然, 我好明白對住個甩漏既小朋友係好勞氣.... 因為我大囝都係甩漏型, 但對比小時侯既自己, 佢都仲好似好我一點點.......
但咁講, 好似跌LEE樣跌果樣咁, 我真係十分有經驗.........細過出街, 一係唔見手袋, 一係唔見傘,唔見銀包, 唔見眼鏡.... 總有事發生, 到今日我性格依然大意, 但總會諗到方法去解決...例如:有D情境, 會漏底野, 咁不如唔好放底, 就唔會漏...... 把傘放响店舖傘架, 出黎一定唔記得攞, 咁就用縮骨傘, 直接放入膠袋再放手袋, 咪唔會漏低...
你話你抗拒攬你既小朋友....... 我記得當我個囝8-9歲時, 我地一向都係好CLOSE, 咁有一日我同佢講....我要攬下你...其實我時不時都會攬下佢的, 但佢見我咁講就問點解, 我話, 可能我地忙下LEE樣忙下果樣, 有一日, 我會發現你已經發育, 就唔好意思攬你, 咁日子一路過, 你變左大人, 到時又咁耐無攬過, 怕尷尬, 又唔會再攬....所以LEE次有機會係LAST一次攬你... 佢聽完話好尷尬, 但佢都會記得時時攬下我........... 到而家佢十四歲喇, 成腳都係毛, 但佢時時都話攬下我,(有時响屋企著得好無區無束果時, 我真係唔係太想攬下佢.) 佢又會大我話可能係LAST 一次架喇...
實話, 我同佢亦唔係時時刻刻都咁溫馨..... 有經歷過好難過既/ 恐怖既日子.... 但我時時諗, 唔係我當日咁肉麻咁講出自己既做法, 比佢知我幾愛鍚佢.... 响佢反叛既日子,我一定挨唔過...........
响而家, 佢仲响反叛期.....難免會對佢有種煩厭....覺得自己付出好多, 教佢教到好疲累..... 面對佢地既壞習慣, 小問題....日日錯, 日日改, 改完又錯, 錯完又改, 好似唔會有完既一日咁....鬧到無話可說時.... 我有時對佢都會好冷淡, 刻意咁表現出冷漠眼神...... 但佢而家都叫做大個仔, 佢會話番我知..我咁冷落佢, 佢好傷心..傷心過打佢/ 鬧佢........

私人傳訊

傻之達人

積分: 3269

37^#

發表於 18-6-15 06:56 |只看該作者

rainbow000 發表於 18-5-13 23:13
你意思如果跌左係咪唔應該再派過件俾佢當作懲罰？

係呀，唔再俾

又唔可以話係懲罰，只係要小朋友明白到如果食得唔小心，食物跌咗落地就會無得食呢個後果，慢慢佢就會識得要小心食

私人傳訊

cplus

積分: 3617

36^#

發表於 18-6-15 00:09 |只看該作者

rainbow000 發表於 18-4-6 23:57
雖然我知攬下小朋友係可以增進感情，但有無媽媽係會抗拒？我以前係可以既，但呢幾年鬧多左，有時對住佢已經 ...

可唔可以試下鬧完佢，罰完佢，攬番佢以作鼓勵？

私人傳訊

moonmoonstar

積分: 2808

食得好勳章美好大世界2017勳章 BK Milk勳章

35^#

發表於 18-6-1 14:03 |只看該作者

rainbow000 發表於 18-5-12 21:01
或者我具體小小，我唔知係我有問題定咩問題出現左。我小朋友6歲，我知小朋友係好輪盡，但我知成日提住佢小 ...

食野佢由細到大係咁?如果係只因佢習慣左,唔係專登要食得唔同其他人,你只需要解決佢食到跌晒的部份,食面先定低先好個人姐。
跌到周維係就要佢自已執乾淨,久而久之應該有改善的。
至於佢分開腳坐,係咪見到有人咁,有樣學樣?如果佢係咁就提點佢,主要著衭唔好著裙,可能天生豪放少少姐啦,總有呢d個性的女仔。
其實你唔開心係覺得佢唔符合女仔的斯文期望啦,改變下心態可能會舒服d。豪邁的女仔也無不好,溫柔的男仔也不代表無男子氣概嘛。
最重要做個善良的人。

私人傳訊

SandraLo

珍珠宮

積分: 33215

34^#

發表於 18-5-19 12:48 |只看該作者

rainbow000 發表於 18-5-18 23:17
我會努力去睇去學下，謝謝你阿

睇就睇呢度頭兩個 posts 就得：

http://www.baby-kingdom.com/forum.php?mod=viewthread&tid=951856&extra=&page=1

教仔心得：媽咪容易犯的錯誤
http://www.baby-kingdom.com/forum.php?mod=viewthread&tid=951856&extra=&page=1

成日話「讚」可以改正小朋友壞行為，到底點解同點讚？
http://forum.baby-kingdom.com//v ... page%3D1&page=1

私人傳訊

積分: 15620

33^#

發表於 18-5-18 23:17 |只看該作者

SandraLo 發表於 18-5-18 15:48
教仔可以幫你
http://www.baby-kingdom.com/forum.php?mod=viewthread&tid=4960072&extra=page%3D1&page=1 ...

我會努力去睇去學下，謝謝你阿

私人傳訊

積分: 15620

32^#

發表於 18-5-18 23:16 |只看該作者

HelloS 發表於 18-5-18 10:30
見到你話情緒handle 唔到，實在是有d擔心你。如果你想搵人傾下，你可以pm我。 ...

多謝你阿，上面你個回覆我都好明白，我都會嘗試調整下自己既諗法，同調劑下自己既情緒，多謝你既正能量

私人傳訊

SandraLo

珍珠宮

積分: 33215

31^#

發表於 18-5-18 15:48 |只看該作者

本帖最後由 SandraLo 於 18-5-18 15:49 編輯

rainbow000 發表於 18-5-17 03:10
真心想問下如果開始意識到自己情緒上handle唔到，可以向邊到求助

教仔可以幫你
http://www.baby-kingdom.com/forum.php?mod=viewthread&tid=4960072&extra=page%3D1&page=168

情緒就要找輔導了

私人傳訊

HelloS

積分: 1863

30^#

發表於 18-5-18 10:30 |只看該作者

見到你話情緒handle 唔到，實在是有d擔心你。如果你想搵人傾下，你可以pm我。

私人傳訊

HelloS

積分: 1863

29^#

發表於 18-5-18 09:51 |只看該作者

其實每個小朋友每天都在學習中，大人眼中好簡單嘅事，佢地都需要學，需要練習，冇人知道佢要學幾多次練幾多次先成功，所以我地大人唔應該設定佢要幾耐或幾多次就要佢成功做到。重點係唔小心跌嘢落地唔緊要，最緊要佢並非惡意咁做。
你之前所講嘅例子，其實係失敗中可以比佢學到好多嘢。例如佢跌食物落地，可以教識佢怎樣去清潔，又可以教佢自己去處理，等佢有責任感。如發生係公眾地方，可以教導佢向清潔姨姨叔叔道歉，等佢知道佢做嘅事情會做成別人嘅不便。也可以告訴佢這樣唔小心會浪費食物等等。
你唔明點解咁小事佢都做唔好學唔識，等於一個醫生唔明你點解記唔好所有藥名，作用，副作用，所有醫學名詞一樣。
唔係所有嘢迫同閙就可以做到。我當你今年30歳，你至少比你小朋友在地球生活咗25年，又有良好嘅教育，你嘅能力必定比你的小孩好好多倍，咁你應該對自己要求更高。咁你可唔可以做到每日背英文字典30個生字連解釋標點符號，不準有錯呢？如果你做唔到，我係咪可以咁惡咁鬧你呢？定你想我聽你解釋或比機會你再試，什至減少生字數量至每日2個並陪你一齊諗方法去記呢？
下次如果控制唔到情緒，試下想像下，如果你下一句說話，係最後一句説話，咁你會講咩呢？定你想給她一個擁抱呢？
我自己都有個囡，所以我明白你感受。希望你可以以放鬆d放開d，有一個幸福嘅親子關係，開心每一天。

點評

SandraLo

發表於 18-5-18 15:15

私人傳訊

積分: 15620

28^#

發表於 18-5-17 03:10 |只看該作者

回覆樓主:

真心想問下如果開始意識到自己情緒上handle唔到，可以向邊到求助

私人傳訊

smallmama