吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 決定辭職唔做喇~~~~

大仔大女媽媽會今日: 0|主題: 177860

收藏本版

發帖

返回列表

跳至頁

查看: 2117 | 回覆: 45

[2009年] 決定辭職唔做喇~~~~ [複製鏈接]

12 3

幸福黃太太

公爵府

積分: 28558

分享愛

1^#

發表於 09-3-22 10:32 |只看該作者 |正序瀏覽 |打印

因為湊bb既問題, 我決定辭職唔做喇, 不過唔會即時走, 等多幾個月先~

其實我份工工時少, 人工比較高, 我唔係好想唔做, 不過係湊bb呢個問題同老公嘈過好多次, 我比較著重家庭, 雖然手上既現金唔係好多, 不過都足夠租屋, 家庭開支用幾年, 想到時先再搵下工~

呢個決定我諗左成晚, 其實我岩岩先升職, 而且份工我又好鐘意, 加上多我份人工, 屋企收入就大增, 而且冇收入只係用儲蓄太危險, 不過我又好唔捨得囝囝 ......唉....

好想知我咁既決定有冇錯?

0 0 0

私人傳訊

taimun

別墅

積分: 512

46^#

發表於 09-3-27 23:37 |只看該作者

原帖由 sampcy 於 09-3-27 15:27 發表

介唔介意話我地知你做咩工架??可以話返少d既!!

純粹好奇...

哈哈...我都有點好奇呢....工作情況同我份工都有小小相似

仲有, 如果可以既, 我都好想可以做全職媽媽, 之前請左個工人, 點知可能我自己太緊張, 完全唔肯比佢掂bb, 又攪到自己有小小depression...好彩而家都總算解決左問題, 雖然都係唔捨得去返工, 但起碼比之前安心

私人傳訊

sampcy

侯爵府

積分: 23203

虎到金來勳章牛年勳章畀面勳章 BK Milk勳章親子王國15週年勳章

45^#

發表於 09-3-27 15:27 |只看該作者

原帖由 幸福黃太太 於 09-3-26 22:45 發表
哈哈~其實昨晚已經同6299傾過啦~ 62係一個好明白事理既人, 有佢係度傾乜都順利好多, 99就成日都一時話明, 一時又扮叻既人, 不過好同意大家既講法, 99都係錫我哋, 做得好唔好都係其次, 做唔好又唔會死人既, 所以我叫 ...

介唔介意話我地知你做咩工架??可以話返少d既!!

純粹好奇...

係啦...一家人又一齊住...有咩都開心見誠講...唔好自己屈屈埋埋...而且你都唔想你老公左右做人難架...

不過講左出黎又有人同你分析/分擔同比意見...好過自己鑽牛角尖...祝你以後同老公/囝囝/6299都開開心心

私人傳訊

幸福黃太太

公爵府

積分: 28558

分享愛

44^#

發表於 09-3-26 22:45 |只看該作者

哈哈~其實昨晚已經同6299傾過啦~ 62係一個好明白事理既人, 有佢係度傾乜都順利好多, 99就成日都一時話明, 一時又扮叻既人, 不過好同意大家既講法, 99都係錫我哋, 做得好唔好都係其次, 做唔好又唔會死人既, 所以我叫佢左唔好辭職, 只係我返工既時候佢先請假幫我湊, 我諗住如果第時有乜問題, 真係要請工人或者EE, 都唔會好似呃左99辭工又冇BB俾佢湊~
而我自己會繼續返工, 不過會盡量返少D, 收入雖然會少左, 不過可以見多D囝囝, 好值得~
好多謝大家既意見呀~
係度講完, 成個人輕鬆哂~

私人傳訊

jonesjack

複式洋房

積分: 164

43^#

發表於 09-3-26 00:46 |只看該作者

原帖由 幸福黃太太 於 09-3-25 03:16 發表
其實我99未正式湊過我bb, 我座月既時候, bb喊, 佢成日都話幫手, 不過講多過做, 果時我又唔識湊, 個人好唔開心又大壓力, 加上佢成日係度嘈嘈閉, eg. 換尿片既時候又話果度點呢度點, 叫佢換, 原來佢連尿片都未用過
eg ...

其實..唔好話99係咁丫,我係自己阿媽度坐月,我阿媽都係指天督地講多過做架..連換片都唔識換..但就成日嘈住哂,又話咁又話咁..又話慢手慢腳(快得既我都快左啦..haha)..咁我都無理架...所以睇開d啦,鬼叫我地係後輩咩..但媽咪同99又係唔同既,我可以剷到阿媽上天花板都唔怕死..
至於99呢..我第一次帶阿b返99屋企,佢都好cute架..阿b訓係床,佢抱都唔抱起,成枝水塞落佢個口到,好似唔驚佢濁親咁..咁個刻我見到都打個突,不過都無出聲..因為呢d都唔係好死得人既,最多都係濁親下,我62見到即刻話驚唔驚濁親呀..佢咪抱起阿b囉..所以我覺得唔死得人個d都可以唔出聲既,會有其他人出聲,或者佢自己撞多兩次板自然會醒水..
我成日都安慰自己,佢兩個仔咪又係牛龜咁大隻..應該無事既..haha

私人傳訊

榛子果仁

別墅

積分: 643

42^#

發表於 09-3-26 00:03 |只看該作者

睇到呢個topic, 其實, 我都係其中一個想做全職媽咪的人.
但係我嫁左俾呢個老公, 我嫁的時候知道一定唔會做得到, 因為我變左家庭收入的支柱, 我搵多成一個double架...

依家好彩我媽我爸爸睇住bb, 幫我睇到2歲, 呢個星期第一次返我地屋企, 因為bb同我一直住在娘家呀... 由坐月到依家都係.

諗住呢兩年, 我地1至5夜晚食完飯即刻帶b返屋企, 星期六日都全日湊b.

因為我係兒科的治療師, 心中好明白呢幾年對bb的重要性. 真係好想睇住佢成長, 好想陪住佢, 但係奈何我經濟做唔到. 如果做到, 我一定會咁做.

唯有係不能做到的情況下, 做到最好.

但因為媽爸好辛苦, 如果生下一胎, 我一定會請工人, 但請爸爸媽媽幫手睇住個工人, 因為聽過有些工人有d真係好離譜. 所以如果唔係爸爸媽媽睇住, 我唔會生啦, 因為我信唔過個工人唔係我睇住的情況下湊bb. (因為我囡囡真係好難湊, 我相信個工人一定唔錫佢, 唔係自己仔女, 點會錫呀...)

私人傳訊

sweetheart2008

洋房

積分: 73

41^#

發表於 09-3-25 21:44 |只看該作者

我係路過既, 其實妳都覺得妳99對妳同囝囝一向都唔錯, 只不過係唔識店湊仔啫, 妳都係唔好再怪佢啦。講真, 99都咁多年無湊過BB, 妳又店可以期望佢可以即刻pick up 得到呢? 自己初為人母都要時間學習啦, 係咪? 我覺得妳99對妳地有愛莫能肋的反應, 未識得店湊BB....

咁妳同c6傾下, set 定一個時間, 如半個月或一個月, 睇下99係咪真係做唔黎, 如是, 就一齊坐底同99傾下, 話妳地就意話唔想佢辛苦湊BB, 妳地做人父母, 會負責任湊番.. 然後就揾地方搬, 再請工人... 睇下妳媽咪可否來睇下工人做野咁.... 如果再唔係, 就不如揾EE湊BB, 一了百了!

希望我既意見可以help u lar...

私人傳訊

DoubleOs

大宅

積分: 4771

睛靈勳章

40^#

發表於 09-3-25 17:44 |只看該作者

但我可能要自動波,因反正都唔諗住做,唔想斷左人奶,而家仲諗緊,因我放假放到4月尾,而家仲心大心細,未下到決定

原帖由 幸福黃太太 於 09-3-25 15:18 發表
我同你一樣等公司郁我~

私人傳訊

幸福黃太太

公爵府

積分: 28558

分享愛

39^#

發表於 09-3-25 15:18 |只看該作者

我同你一樣等公司郁我~

原帖由 DoubleOs 於 09-3-25 14:07 發表
唉!我都想唔做啦,而家放假覺得好free,好正呀,又多自己時間,又可以多d陪阿囝同阿囡,又想繼續埋身餵人奶,但又想等公司抄,點算?

私人傳訊

DoubleOs

大宅

積分: 4771

睛靈勳章

38^#

發表於 09-3-25 14:07 |只看該作者

唉!我都想唔做啦,而家放假覺得好free,好正呀,又多自己時間,又可以多d陪阿囝同阿囡,又想繼續埋身餵人奶,但又想等公司抄,點算?

私人傳訊

幸福黃太太

公爵府

積分: 28558

分享愛

37^#

發表於 09-3-25 03:16 |只看該作者

其實我99未正式湊過我bb, 我座月既時候, bb喊, 佢成日都話幫手, 不過講多過做, 果時我又唔識湊, 個人好唔開心又大壓力, 加上佢成日係度嘈嘈閉, eg. 換尿片既時候又話果度點呢度點, 叫佢換, 原來佢連尿片都未用過
eg. 沖奶唔知要用熱水沖完再座返暖比bb食, 攪到熱親亞b咀仔
eg, 教佢同亞b沖涼 (因為果時我學左, 又知佢都係乜都唔識扮識咪教佢) 點知佢係一邊指手劃腳, 講多過聽, 到第2次我叫佢準備定野比我同bb沖涼, 佢竟然只係整左水同俾左2條毛巾我, 衫都冇件, 換尿片既野當然佢都冇準備俾我啦~

有時我都知我對99偏見好大 (我會覺得佢乜都唔識, 成日只係會講卿下d人都係點點點) 其實佢好錫我同bb, 不過佢唔識又唔認, 話佢佢就口和心不和, 教佢又唔上心照做自己果套, 我唔想大家明明關係好好, 因為湊bb攪到咁差~

99同我老公講既, 係我唔俾佢湊bb(bb出世到宜家2個幾月都係我一個人攪掂哂, 佢想沖奶都冇份, 因為bb飲人奶好少要沖奶

) 而唔係bb有事佢冇話我知, 不過我覺得你有不滿點解唔同我講, 仍唔知佢咁做會令我2個唔開心, 成日為左99而嘈~

[ 本帖最後由幸福黃太太於 09-3-25 03:20 編輯 ]

私人傳訊

ryan-mama

大宅

積分: 1506

36^#

發表於 09-3-25 00:21 |只看該作者

似乎你99對你的態度不是太正面, 所以有事唔同你講, 你又好就你老公, 所以佢唔同你講返bb的問題你就由得佢, 其實你嘅問題不難解決, 不過要花多些時間同你c6和6299多加溝通。辭職就唔好想啦, 為經濟問題同c6嗌交仲係你做無收入o個個係會好慘o架, 光是受氣都受c 呀!

你同你62的關係好不好呢? 可以從佢入手嗎? 仲有你老公都係時間由一個大細路變做一個負責任的一家之主了, 試下用分析角度同佢講道理, 佢唔為自己都應該為個小朋友著想, 多一個人搵錢就等於bb將來有多d資源學習, 佢有責任配合你多d, 溝通多d, 請佢幫手同奶奶一齊坐低開心見誠傾下, 如果佢真係拒絕, 你就明刀明槍係全家人面前(溫柔地)問你奶奶點解bb有事唔話俾你知, 但係唔好話佢有錯, 淨係話你感到唔開心, 有hurt feelings, 自己個仔有事做媽媽都無資格知道...等等, 講到有d 委屈, 咁樣你才有機會爭取到全家人的支持, 到時你老公都唔好意思同你嘈啦。

私人傳訊

幸福黃太太

公爵府

積分: 28558

分享愛

35^#

發表於 09-3-24 22:34 |只看該作者

其實我都好想99湊, 不過大家宗未講清楚, 我怕第時湊b有乜野拗, 就傷哂大家感情, 最大問題係99有乜事都唔直接同我講, 只係同老公講, 不過老公又唔講返我知, 攪到大家越黎越多問題~

quote]原帖由 tantanmama 於 09-3-24 14:57 發表

你99返開工, 可唔可以話唔想佢因為要幫你湊bb而辭職? 你知啦, 老人家一唔做嘢真係好難再揾工. 無謂為咗幫你湊果兩三年而以後都失業啦.
你99果度咁逼, 你同老公唔搬屋會唔夠地方住, 你可以用校網做藉口搬遠d. 搬到 ... [/quote]

私人傳訊

幸福黃太太

公爵府

積分: 28558

分享愛

34^#

發表於 09-3-24 22:29 |只看該作者

你講得好岩呀~ 呢個就係我重未正式辭職既原因, 如果我真係唔做, 我老公一定好大壓力, 因為我自己既人工都唔少,唔做成間屋就要依賴老公一個人既收入, 佢係大細佬,忽然要佢負咁大責任,我怕佢short都似~

原帖由 sampcy 於 09-3-24 15:39 發表
其實你老公對你辭職做全職媽媽有咩睇法呢?
聽你咁講佢好似同你有d爭拗喎，為乜先?
你要知全職做媽媽一來無收入，二來使費可能仲大左，因為成日係屋企好悶，出街自然會洗錢。雖則你話可以返屋企間鋪頭消磨時間，但呢個決定始終 ...

私人傳訊

sampcy

侯爵府

積分: 23203

虎到金來勳章牛年勳章畀面勳章 BK Milk勳章親子王國15週年勳章

33^#

發表於 09-3-24 15:39 |只看該作者

其實你老公對你辭職做全職媽媽有咩睇法呢?
聽你咁講佢好似同你有d爭拗喎，為乜先?
你要知全職做媽媽一來無收入，二來使費可能仲大左，因為成日係屋企好悶，出街自然會洗錢。雖則你話可以返屋企間鋪頭消磨時間，但呢個決定始終要兩公婆有共識兼同一睇法先好，無謂不久將來因為呢個決定嘈交，又或因為少左收入有壓力而影響感情啦

mouth:

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

32^#

發表於 09-3-24 14:57 |只看該作者

原帖由 幸福黃太太 於 09-3-23 23:49 發表
不過ee上門湊又唔可以湊埋過夜, 加上我99有工返既, 如果叫佢唔返工又唔係俾佢湊哂我個囝, 老公一定唔俾~

你99返開工, 可唔可以話唔想佢因為要幫你湊bb而辭職? 你知啦, 老人家一唔做嘢真係好難再揾工. 無謂為咗幫你湊果兩三年而以後都失業啦.
你99果度咁逼, 你同老公唔搬屋會唔夠地方住, 你可以用校網做藉口搬遠d. 搬到咁遠俾99湊都唔方便啦, 日日帶黎帶去, 個bb都辛苦啦. 唯有俾工人或附近ee湊.
如果可以, 我覺得最好可以揾你媽咪幫你睇住工人湊.