吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 請教前輩意見（未來奶奶，未來老公）

婆媳關係今日: 0|主題: 27779

收藏本版

發帖

返回列表

跳至頁

查看: 7125 | 回覆: 35

請教前輩意見（未來奶奶，未來老公） [複製鏈接]

joeywong2193

大宅

積分: 1671

1^#

發表於 18-5-7 01:46 |只看該作者 |正序瀏覽 |打印

本帖最後由 joeywong2193 於 18-5-7 17:04 編輯

我同男朋友一齊左10年，逢星期六都會上男朋友屋企打機或者等佢一齊出街男朋友牙媽平時講野好真接，有時都會暗串下我話搶左佢個仔，我都可以忍受點都會應佢一聲，但有一日真係忍唔住唔想理佢
話說第一年同男朋友過聖誕，我送左一條手織頸巾比佢，果時第一次整，可想而知手工唔係太好，起碼無甩線問題
當然經過時間洗滌，條頸巾開始甩線同鬆。曾經有問過男朋友咁鬆又開始甩線洗唔洗織過條比你，佢話唔洗，打多個圈就夠暖，咁我就無織同無理。
到左上星期六我如常去佢屋企，我自己打緊機，男朋友既細佬就執緊行李準備去旅行，咁岩佢細佬問佢媽有冇見過佢條頸巾係邊，佢媽答唔知，之後隨手係梳化拎我送既頸巾話拎住牙哥果條用住先，細佬唔濟，跟住佢媽就話: 而家厭棄人地織野牙。不過都甩線甩到咁樣你就織過條啦，甩都咁樣點帶牙，好心織過啦。佢一路講我諗住男朋友會幫我解話係佢要求唔洗我整過，但佢冇任何反應，而我一路打緊機冇應佢。佢媽見我冇應就繼續講，喂，你睇下甩到咁，織過啦。佢細佬見我同男朋友都冇出聲就話，佢打緊機唔得閒應你住牙，中途佢媽一路都係咁講同一句說話，而佢細佬就一路幫我講我唔得閒應佢。
最後打完一場完左我就當冇野發生平時咁講幾句，而佢媽冇再繼續講就出門口去街。當佢地走晒就問男朋友點解當時唔幫我解話，明明係你話繼續用，當佢係咁踩條頸巾又話要整過而我又唔應伍，點解你唔出下聲。佢答我話佢講野不嬲都係咁，佢覺得冇問題，聽左唔一定要做，你是旦應佢一聲咪算。

之後我同男朋友講返尼件事，話佢冇幫我出聲我好唔開心，就算明知佢講野直接但都令我好難受
佢話當時見我冇反應比佢媽冇禮貌，就冇諗點解我唔出聲，知我介意佢媽批評我之後佢下次會幫我出聲
佢話佢媽講野不嬲都係咁，唔認為係批評，只係建議，佢話自己忍受能力高所以覺得冇問題
男朋友話返比我知，原來佢媽之前有幾次問過佢點解仲要用/點解唔叫我再整過，而佢每次都有講原因

其實我有問題？
心裡好擔心將來比未來奶奶蝦老公唔會幫我...

我係覺得佢媽有少少得寸進尺, 佢屋企有隻貓唔親屋企以外既人, 唔比人掂有介心, 行過都可能比隻貓打/叫罵。佢媽每次聽到隻貓罵我就會走埋去安撫話:哎呀, 做咩鬧姐姐牙, 唔鐘意佢搶左你哥哥丫, 媽媽呵返。每次聽到我都冇出聲, 最近我同隻貓打好左關係已經聽少左好多

除左條頸巾同隻貓, 我對男朋友好佢又會話做咩對佢咁好寵壞佢,第時辛苦係你自己。對佢唔好又話好心你就點點點啦...
以上尼D我全部冇反駁過, 同埋男朋友原全冇出過聲, 我覺得頸巾事件真係唔同佢反映唔得。我唔係話佢媽係主要問題, 而係佢知我性格唔會唔應人咁冇禮貌, 加上佢知理由最後都冇幫我出句聲, 我覺得佢唔識時務, 如果我今日唔講, 將來就算唔常見但比佢媽批到上心口佢都冇反應, 當時我又冇意識拋個波比佢

當時得我自己打緊, 男朋友係到食花生

0 0 0

私人傳訊

hyln

別墅

積分: 912

36^#

發表於 18-5-14 16:45 |只看該作者

o_____o 發表於 18-5-7 13:47
我覺得佢媽同你講野，就算你打緊機或者唔啱聽都起碼＂哦＂應佢一聲，你係佢屋企打機佢同你講野你應都唔應咪 ...

老婆係可以換，但又唔可以講到隨時可以換既，有小朋友就更加唔係話離婚就離婚啦

私人傳訊

sssssssss

男爵府

積分: 9857

35^#

發表於 18-5-12 19:10 |只看該作者

回覆樓主

以後一起住嗎？

私人傳訊

20150618bb

珊瑚宮

積分: 109029

2026勳章 2024年龍年勳章虎到金來勳章牛年勳章 2018復活節勳章開心吸收勳章

34^#

發表於 18-5-11 18:10 |只看該作者

joeywong2193 發表於 18-5-7 01:46
我同男朋友一齊左10年，逢星期六都會上男朋友屋企打機或者等佢一齊出街男朋友牙媽平時講野好真接，有時都會 ...

如果下次再講話搶走佢個仔,你咪回應下唔通想個仔無老婆,勿生氣咁講.

私人傳訊

yuuri_vp

別墅

積分: 551

33^#

發表於 18-5-10 10:00 |只看該作者

回覆 joeywong2193 的帖子

衰啲講句~唔使擔心~你唔改變嘅話第日佢一定唔會幫你~就算幫都係幫得唔心甘情願
覺得係你唔懂事唔包容老人家

而家你要自己諗下~
你可唔可以強大到能夠獨自處理你未來99
可以做到唔會俾人話之餘又唔使受氣?
唔得嘅你有無信心改變你男朋友嘅諗法?
令佢明白唔係所有嘢都係佢自己諗嘅就係正確?

私人傳訊

ilovecafe

男爵府

積分: 5657

32^#

發表於 18-5-10 02:22 |只看該作者

joeywong2193 發表於 18-5-7 01:46
我同男朋友一齊左10年，逢星期六都會上男朋友屋企打機或者等佢一齊出街男朋友牙媽平時講野好真接，有時都會 ...

睇黎你男友係媽寶，比我c6,我整比佢的野，佢屋企人唔會可以隨便可以拎黎用。更不用說兼舊，呢樣野係見証住呢段愛情，唔系d外人說三道四，你老毋咁鐘意織咪自己織飽佢，咪叫我再織。。。

私人傳訊

skybiebie

侯爵府

積分: 24828

31^#

發表於 18-5-8 21:20 |只看該作者

joeywong2193 發表於 18-5-7 10:17
佢唔明白我感受我先覺得要同佢講清楚,已經同最和平理性, 唔係發住脾氣咁講。我假設返事情如果發生係佢身上 ...

豬豬，太認真了，要學下四両撥千斤呢，佢媽咁講時，你唔應就係你蝕底了，比人話無禮貌啊，你男人講得啱可以照應佢，哦左佢又得，高d 嘅答：（嗲）係啦，人地送比你架，你都唔錫住用嘅（扁扁咀） or 答：bb, 你咪話帶開有感情，唔想要條新架

, 事實係點，你2 個知就得，唔洗得失佢媽嘅，睇你男人都可以train 吖，佢都照你意思做，係男人對呢d 都遲鈍，唔洗勞氣，嗲下佢就得，唔洗咁理智傾到辯論比賽咁

私人傳訊

aquaQ

大宅

積分: 1248

30^#

發表於 18-5-8 18:22 |只看該作者

joeywong2193 發表於 18-5-7 01:46
我同男朋友一齊左10年，逢星期六都會上男朋友屋企打機或者等佢一齊出街男朋友牙媽平時講野好真接，有時都會 ...

99對新抱的主流態度，唔使上心

不過，真是唔好期望老公仔會幫口，做少D豬對友已經好好

私人傳訊

joeywong2193

大宅

積分: 1671

29^#

發表於 18-5-7 20:36 |只看該作者

Solarflare 發表於 18-5-7 19:22
呢招叫移形換影。其實好多野都可以用呢招。扮傻扮豬扮羊扮唔明你99講乜。總之每次你99暗地裡話緊你, 你就 ...

高招

私人傳訊

Solarflare

男爵府

積分: 7514

28^#

發表於 18-5-7 19:22 |只看該作者

本帖最後由 Solarflare 於 18-5-7 19:29 編輯

joeywong2193 發表於 18-5-7 09:40
最尾果個方法唔錯, 學到野了

呢招叫移形換影。其實好多野都可以用呢招。扮傻扮豬扮羊扮唔明你99講乜。總之每次你99暗地裡話緊你, 你就講到係話緊你老公。好似有次我99叫我煲多啲湯比佢個仔飲, 我即刻同佢仔講: "99叫你飲湯丫。咁我每日煲比你。你要飲晒佢喎。" 佢個仔即刻話唔好, 我即回 "99落order喎, 你唔係唔飲下嘩?" (事實係我老公成日唔肯飲湯) 我仲同99講 "你睇下, 我成日煲左佢都唔飲, 你幫我話下佢啦"。99即刻收左聲, 以後都無再提過煲湯。
現場執生好緊要, 我都係學習中。加油。

私人傳訊

joeywong2193

大宅

積分: 1671

27^#

發表於 18-5-7 17:55 |只看該作者

yuuri_vp 發表於 18-5-7 17:45
其實你唔出聲應呀伯母機就真係幾無禮貌
呢啲位梗係第一時間拋返個波俾呀伯友嗰大仔啦
再有呢啲情況你直接話 ...

講中晒...我成日都同佢講你係心甘情願改你先好應承我, 但佢最後都係答我我唔鐘意佢咁佢就照我講咁做而唔係覺得自己都有問題...

私人傳訊

yuuri_vp

別墅

積分: 551

26^#

發表於 18-5-7 17:45 |只看該作者

其實你唔出聲應呀伯母機就真係幾無禮貌
呢啲位梗係第一時間拋返個波俾呀伯友嗰大仔啦
再有呢啲情況你直接話我問過你個仔~你個仔話唔使~
如果佢話我個仔話唔使你就唔做架啦~
咁你就俾個花痴表情佢話:係~我好聽你個仔話

仲有我初戀同你男友都好似~認真如果佢改並唔係心甘情願咁改
只係覺得因為你唔鍾意所以佢先配合你嘅話
佢會有一種我已經對你好好嘅優越感~繼而覺得你所付出嘅一切係nothing

再諗衰啲~男人係怕煩嘅動物~佢細佬同呀伯友都相處得耐呀~
見呀伯友無限LOOP都出聲叫佢唔好煩啦~你男友點解唔出聲?
因為得罪你比得罪伯友嚟得無咁麻煩嘛!!
你睇你~同你講2句你就無晒嘢咁啦~人地話佢你又幫佢講說話~
俾著我我都簡個易氹嘅嚟激啦