吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我應該嬲嗎?

夫婦情感今日: 0|主題: 42799

收藏本版

發帖

返回列表

跳至頁

查看: 5899 | 回覆: 30

我應該嬲嗎? [複製鏈接]

Bbtvsvod

大宅

積分: 3134

1^#

發表於 18-5-17 11:14 |只看該作者 |正序瀏覽 |打印

係上年，幼稚園邀請我地小朋友出席一個關於Family既活動，咁我就專登請假出席，亦叫埋老公去，但最後佢因為工作甩底，搵左奶奶頂上。
到今個星期，我地終於排到政府既語言治療服務俾小朋友，又係約左老公一齊去聽下醫生講咩，我亦專登請假去，點知佢又話記錯左日子，要開工，又要搵奶奶頂上。

我真係唔明，我都要返工，我要專登請假去，但因為我重視，所以會一早計劃好。

但點解個老公將小朋友既事咁唔上心呢? 點解我成日都好似單親?

0 0 0

私人傳訊

zoe_youngshop

大宅

積分: 2159

31^#

發表於 18-5-18 20:46 |只看該作者

瑤瑤~ 發表於 18-5-18 20:32
樓主, 希望你唔好介意我咁講, 而家你地唔只係關於照顧小朋友有問題, 更加面對緊婚姻問題
大把男人都有自己 ...

我也認同，樓主唔止照顧小朋友有問題，其實婚姻問題更為嚴重
印象中，樓主之前好似都有post過同先生既問題，嗰時都有好多jm俾意見(唔知有冇記錯人？)，之後有冇好好同老公傾下

老實講平時你地已經乜都分開晒黎做，佢更加唔會為呢啲事而刻意請假同你一齊去做。佢擺到明唔係唔記得，而係唔想

樓主應該首先同老公傾下相處模式既問題先，我感覺佢一係唔愛你，一係逃避屋企

私人傳訊

瑤瑤~

珍珠宮

積分: 49369

醒目開學勳章環保接龍勳章 15週年勳章親子王國15週年勳章

30^#

發表於 18-5-18 20:32 |只看該作者

Bbtvsvod 發表於 18-5-18 16:32
其實就係因為成日都見唔到佢，大家只可以靠whatsapp溝通，所以好多時唔係唔想提佢，係見唔到佢時自己都唔記 ...

樓主, 希望你唔好介意我咁講, 而家你地唔只係關於照顧小朋友有問題, 更加面對緊婚姻問題
大把男人都有自己生意, 但做生意做到要同老婆仔女分開住, 日日都唔返屋企, 根本就唔正常, 有咩生意要做到屋企都唔返得?
如果我係你, 我會極度懷疑佢已經唔愛你, 甚至出面有女人, 否則佢為乜要結婚?
除非佢個個月俾好多家用你, 可以令你唔使返工全天候照顧小朋友, 仲可以俾錢請到言語治療師(你小朋友已經嚴重程度, 單靠政府既服務係唔足夠支援的), 先會勉強接受到個老公咁樣囉(唔係話有錢就乜都得, 只係好過人又無錢又無, 仲要同佢捱世界)

私人傳訊

suetfunglui

男爵府

積分: 5303

BB防敏心得分享勳章

29^#

發表於 18-5-18 16:50 |只看該作者

回覆樓主

講返自己感受比佢知；不過睇得出樓主C6擺位工作至上，下次問下佢係咪唔想去！

私人傳訊

Bbtvsvod

大宅

積分: 3134

28^#

發表於 18-5-18 16:32 |只看該作者

本帖最後由 Bbtvsvod 於 18-5-18 17:11 編輯

其實就係因為成日都見唔到佢，大家只可以靠whatsapp溝通，所以好多時唔係唔想提佢，係見唔到佢時自己都唔記得提佢，因為自己太多野要處理，加上我係全職工作，返到屋企其實對小朋友既時間已經無多。但到今日見埋一個專業治療師，先知道可能對個小朋友已經造成左不可磨滅的傷害.....

一對父母都冇溝通，點會令小朋友勇於對自己父母溝通呢?
另外，我就係理解佢係自己開公司，所以呢一年黎我先頂住做份穩定既工作，亦將照顧小朋友既重擔放係自己身上，俾佢放心D發展，但原來我發現小朋友唔係需要父母少少時間去陪伴，佢根本係需要一個肯撥時間同佢溝通既父母

私人傳訊

tansyneko

琥珀宮

積分: 152982

27^#

發表於 18-5-18 16:13 |只看該作者

Bbtvsvod 發表於 18-5-18 14:07
好，等我講多少少background先

我同我先生基本上係分開住，亦每晚分開食飯，佢會係公司做野、食飯、留宿， ...

下，分開住？咁結嚟做咩？太過獨立了吧？下次早一個月就開始提佢幾時有活動要出席，提到佢記得為止

私人傳訊

anyuser18

子爵府

積分: 14110

26^#

發表於 18-5-18 14:27 |只看該作者

回覆樓主:

咁只係政府語言治療唔夠
同埋，家中要有大人幫小朋友先得
求人不如求己
妳要取捨吓，現在小朋友係有好大需要

私人傳訊

mini1204

翡翠宮

積分: 79228

25^#

發表於 18-5-18 14:22 |只看該作者

回覆樓主:

我同我先生基本上係分開住，亦每晚分開食飯，佢會係公司做野、食飯、留宿，星期一至日都係。

咁你吾係假單親，係堅單親

點解要咁樣生活？有乜理由一至日都分開？呢個婚結黎做乜？

私人傳訊

Bbtvsvod

大宅

積分: 3134

24^#

發表於 18-5-18 14:07 |只看該作者

好，等我講多少少background先

我同我先生基本上係分開住，亦每晚分開食飯，佢會係公司做野、食飯、留宿，星期一至日都係。

所以我同佢係好獨立生活，佢得閒就會朝早送小朋友返學，於是佢同個仔既親子時間就只有5分鐘，其餘既時間都係我獨力湊小朋友。

講番件事，今日我地帶小朋友去睇語言治療，被評為「嚴重語言障礙」。

於是，今晚我會同屋企人開家庭會議，大家一齊傾呢件事，因為我知道得我一個，係永遠搞唔掂。

私人傳訊

瑤瑤~

珍珠宮

積分: 49369

醒目開學勳章環保接龍勳章 15週年勳章親子王國15週年勳章

23^#

發表於 18-5-17 23:41 |只看該作者

上年1次, 今年(暫時)1次, 我明你會唔開心, 但會唔會太過放大左佢既不是?
小朋友一年會有好多個活動, 其中一兩次去唔到我又唔覺得好大件事, 當然佢如果可以事前講明去唔到, 係好過應承左先甩底既, 呢方面可能要再溝通得好D, 活動前一兩個星期, 提多幾次囉
如果佢既生意係普通生意仔, 未上軌道, 佢好多野都要親力親為, 呢方面都要多D體諒下, 力不到不為財嘛

私人傳訊

bebichhichi0128

大宅

積分: 2007

22^#

發表於 18-5-17 23:15 |只看該作者

回覆樓主

成日見到人少少事就講話感覺好似單親，唔知點解睇到會覺得好反感。樓主丈夫甩底故然係有不著的地方，但佢都只係為左做野，為左頭家經濟著想，唔係因為其他事，嬲還嬲，但唔好講到似單親呢d傷害感情的字眼。

樓主睇下其他jm的老公，拋妻棄子的有，唔養家做大食懶的有，相對黎講，真係少事一樁。

每個人母親的都一定會呻或者有感另一半支援唔夠，可以呻，可以開心見誠同另一半傾下你的需要，但千其唔好氣餒，亦唔好因為一時的悔氣說話，而傷害到真心努力為頭家的另一半。或者樓主的丈夫根本唔知道原來樓主係咁需要佢陪同一齊出席，兒子先得幾歲，仲有大把活動將來需要你出席，咁快覺得單親，有排你唔開心呀，加油啦

私人傳訊

Nipjune

別墅

積分: 611

21^#

發表於 18-5-17 22:46 |只看該作者

回覆樓主

係我都會嬲，發下佢脾氣！
你心態係唔係想兩個人一起多D陪仔仔？同佢傾應承左就要做得到，唔好俾人有失望感。

私人傳訊

hamsterma

伯爵府

積分: 19137

20^#

發表於 18-5-17 22:06 |只看該作者

Bbtvsvod 發表於 18-5-17 11:14
係上年，幼稚園邀請我地小朋友出席一個關於Family既活動，咁我就專登請假出席，亦叫埋老公去，但最後佢因為 ...

我會嬲，感覺要c6黎無用

私人傳訊

zoe_youngshop

大宅

積分: 2159

19^#

發表於 18-5-17 19:41 |只看該作者

雖然話呀仔重要，但我自己會覺得又唔洗成日都要兩個人請假陪呀仔去活動既，講真呀，香港地有幾多夫妻，可以咁好兩個人一齊請假？
你老公可能覺得有你去就得啦，又或者佢真係行唔開呢？
如果係我我會有少少嬲，但唔會發脾氣囉，都冇乜野
同埋唔好成日諗我自己份工都點點點，我都請假去啦！邊有得咁講架，你情我願架喎，同埋有啲人如果兩公婆都行唔開，叫嫲嫲/奶奶自己帶都係咁架姐，睇你自己點睇