吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 25M男仔依然唔肯講嘢！好灰！

少年成長今日: 0|主題: 16081

收藏本版

發帖

返回列表

跳至頁

查看: 16606 | 回覆: 89

12 3 4 5

積分: 8246

1^#

發表於 18-6-4 06:08 |只看該作者 |正序瀏覽 |打印

男仔25M，依然講唔到10個單字。18M開始講爸爸、波波、包包、奶奶，一直到依家無進步。
13M開始翻playgroup，一星期2-3堂，因為翻兩間，每日只要唔落雨，都會去公園玩，阿仔好鍾意同小朋友玩，無論大過佢細過佢都好肯玩，唔怕陌生人（除非眼訓）。
屋企得我一個人照顧，無工人無長老無其他家人，單一語言廣東話，老公成日出trip，一有時間都會親子，行商場去公園，我地成日旅行，阿仔2歲已經坐過20次飛機，去過好多地方。我每日同佢講好多嘢，陪讀，睇卡通聽兒歌。同佢去街，我乜都講，細到塊樹葉，路邊的車的顏色，講到今日聲都沙埋，真係好擔心！
翻健康院就勁hea，無任何建議無任何跟進，等就成個鐘，2、3分鐘打發我走，叫我2歲半翻去複診就算。我自己出去搵評估，20M時做過一次評估，醫生叫我俾d時間佢，可能佢儲緊未爆power！依家另外再排緊協康會！
眼見身邊同齡小朋友甚至更細個的都已經好多嘢講，我仔完全明白指令，有時好複雜的指令，例如入房攞個杯俾媽媽洗，佢都識入房攞俾我，動物獅子長頸鹿呢D、生果蘋果香蕉橙等等，好多都認到，淨係手指指，講bb話，教極都唔講，逼佢都唔講，令願訓地大喊。
今日我自己同佢講嘢都講到聲沙啦，真係灰到好大壓力，失眠眼光光。

0 0 0

私人傳訊

sillykaka

男爵府

積分: 8246

90^#

發表於 18-7-18 22:12 |只看該作者

alex1814 發表於 18-7-18 21:32
想知道玩排列有咩問題？

ADHD的一種表現，好似係.....固執地要每件物件排列或者擺放固定位置

私人傳訊

alex1814

大宅

積分: 1768

89^#

發表於 18-7-18 21:32 |只看該作者

sillykaka 發表於 18-6-14 08:23
我仔由bb開始已經唔怕陌生人，就算依家去人地屋企夜晚過夜都無問題，有得玩有得食就得。平時返學或者去公 ...

想知道玩排列有咩問題？

私人傳訊

EudyptulaMinor

男爵府

積分: 9263

88^#

發表於 18-7-12 16:07 |只看該作者

sillykaka 發表於 18-7-2 17:15
治療師無教我呢D啊，JM可以分享一下嗎？
治療師都話我屋企人太少，對象比較單一，就算日日帶佢去公園、商 ...

會唔會小朋友未夠自信？會唔會曾經俾人笑佢講野？
我見你話冇動機講野，媽媽試下攞幾隻毛公仔出黎同毛公仔傾偈，普通閒話家常就可以，最緊要係輕鬆同愉快，途中俾小朋友參與對話

私人傳訊

俊翔妈咪

複式洋房

積分: 202

87^#

發表於 18-7-11 16:04 |只看該作者

提示: 該帖被管理員或版主屏蔽

私人傳訊

namnamg

複式洋房

積分: 279

86^#

發表於 18-7-8 06:42 |只看該作者

回覆貓山公主的帖子

好正的分享!!

私人傳訊

貓山公主

伯爵府

積分: 15367

85^#

發表於 18-7-2 19:07 |只看該作者

sillykaka 發表於 18-7-2 17:15
治療師無教我呢D啊，JM可以分享一下嗎？
治療師都話我屋企人太少，對象比較單一，就算日日帶佢去公園、商 ...

個時治療師教我講野要簡而精，音調偏高，速度要慢少少，要就返小朋友程度
音偏高係因為我仔個時耳朵發育不完全，聽唔到低音，宜家已經正常返
速度方面係要就小朋友能力，因為佢可能明指令，但唔代表佢聽得晒完整句子，咁聽唔得晒，又變相表達唔到全部，咁無自信咪更加唔講野。
講野要正面，例如佢唔合作，你會叫停手，唔好再點點點
治療師教可以講:停手，手放大脾/後面等...
如果做訓練建議雙眼要水平線，感覺係建立關係，舒服d..
最緊要多正面積極鼓勵小朋友
仲有係，可以多同朋友相處，我本身多朋友，真係特登成日約朋友出黎玩，身教示範俾個仔睇，什麼是溝通，同點講野..
同埋我見你回post講左，你仔會發脾氣，我仔都有㗎。。
個時我會揀地點同事件去一步步訓練佢
即比較容易佢講到的，我點都要佢講，發爛如果係屋企，我由佢發
但當佢即是一句簡單講到，我都會讚佢
不過我同仔都堅持左一段長時間
即喊呀，癲呀，必經階段，我最初都多妥協，跟著越黎越少
挑戰自己，又挑戰個仔，不停係到拉鋸戰...

私人傳訊

sillykaka

男爵府

積分: 8246

84^#

發表於 18-7-2 17:15 |只看該作者

貓山公主發表於 18-7-2 16:51
咁睇最大原因係....小朋友缺乏講野動機治療師會幫你手，你放心啦…
訓練個d keep住做
不過唔知你治療師有冇 ...

治療師無教我呢D啊，JM可以分享一下嗎？
治療師都話我屋企人太少，對象比較單一，就算日日帶佢去公園、商場都係一兩個鐘的事，始終留係屋企時間係最多，佢都話我仔無動機講嘢。因為我自己都係無人同我講嘢，所以佢吸收就少左。

私人傳訊

貓山公主

伯爵府

積分: 15367

83^#

發表於 18-7-2 16:51 |只看該作者

sillykaka 發表於 18-7-1 23:58
我仔一歲多D已經食大人飯，評估口腔發展合格，佢口肌ok㗎，因為我行blw，無喂過糊同粥，食到雞脾雞亦豬肋 ...

咁睇最大原因係....小朋友缺乏講野動機治療師會幫你手，你放心啦…
訓練個d keep住做
不過唔知你治療師有冇訓練埋你?
我個時個治療師會教埋我講野的方法，音調，速度同溝通方法
務求事倍功半
治療師話佢教方法，做的始終係媽媽，小朋友會見風轉舵，亦會觀言察色
係訓練中做到，唔代表係屋企做到
所以媽媽都要學習點同小朋友溝通

私人傳訊

sillykaka

男爵府

積分: 8246

82^#

發表於 18-7-2 15:35 |只看該作者

藍尾巴發表於 18-7-2 14:47
我女21m時都係咁，言語治療師教我，就算佢唔講，都要佢做手語。佢唔開口，你捉佢手幫佢表達，例如開，就兩 ...

PLaygroup老師都有教我做手勢，飲水就做飲的動作，小白兔就手放頭頂扮耳仔之類。Jm你解釋得好詳細啊，我都要試下先，多謝你！

私人傳訊

已刪除用戶

已刪除用户

積分: 24878

81^#

發表於 18-7-2 14:47 |只看該作者

回覆樓主:

提示: 作者被禁止或刪除內容自動屏蔽

私人傳訊

sillykaka

男爵府

積分: 8246

80^#

發表於 18-7-1 23:58 |只看該作者

貓山公主發表於 18-6-28 11:39
我仔36個月都唔講野, 宜家一樣煩到嘔...

你平日俾咩佢食??

我仔一歲多D已經食大人飯，評估口腔發展合格，佢口肌ok㗎，因為我行blw，無喂過糊同粥，食到雞脾雞亦豬肋骨呢D。我自己湊，無工人無長老，基本上我地食乜佢食乜，佢食嘢訓覺poopoo呢D自理能力非常好，大小肌發展都好，唯獨唔講嘢呢度好頭痛！

私人傳訊

sillykaka

男爵府

積分: 8246

79^#

發表於 18-7-1 23:54 |只看該作者

namnamg 發表於 18-7-1 22:35
好為你開心, 在這裡很多人支持你!! 小朋友唔講野有很多原因, 有冇試用排除法去尋找原因? 我朋友有一例子可 ...

好多謝你同呢度支持我的jm！你地真係好好！
畢竟只有同路人先明白。
我有帶小朋友去評估，口腔發展合格，佢口肌ok㗎，因為我行blw，無喂過糊同粥，食到雞脾雞亦豬肋骨呢D。依家playgroup同言語治療兩邊一齊上，協康會同CAC都排緊期，依家睇下仲有無乜嘢可以幫到佢啦！

私人傳訊

namnamg

複式洋房

積分: 279

78^#

發表於 18-7-1 22:35 |只看該作者

sillykaka 發表於 18-6-19 10:53
係健康院遇到好的醫生同姑娘真係好大幫助啊！
自己俾錢搵私人機構真係好貴，大家都要加油啊！
...

好為你開心, 在這裡很多人支持你!! 小朋友唔講野有很多原因, 有冇試用排除法去尋找原因? 我朋友有一例子可供參巧, 小朋友有自閉病, 口腔發展唔好, 朋友好有心機, 先用飯開始, 模仿孩子發音, 以加強互動, 溝通需要, 再慢慢引導小朋友正確發音, 不停努力下, 現在小朋友可講很多嘢, 努力, 支持你!!! 記得有時間要對自己好D, 食自己鍾意食的嘢, 買自己鍾意買的衫, 一定要充電, 唔充電好快無力行落去, 十萬個支持你!!!