吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 3度小產，是否真的要放棄.....！

懷孕前後今日: 14|主題: 330371

收藏本版

發帖

返回列表

跳至頁

查看: 4930 | 回覆: 24

3度小產，是否真的要放棄.....！ [複製鏈接]

lamwinnie

複式洋房

積分: 262

1^#

發表於 18-6-5 09:59 |只看該作者 |正序瀏覽 |打印

一直都期望生第二胎，但唔知道什麼原因分別於16、17年頭小(emoji)都離開我了，在17年中再繼續努力，但努力(emoji)(emoji)咗大半年都見無消息(18年)，已放棄念頭，幾日前又發現自己有咗，原本好開心，以為上天憐憫我，再賜與我機會，讓我與小(emoji)續緣，但好景不常，當知道有咗第2日已見紅，即時入院，醫生當時抽血HCG(605)指數是符合當時懷孕週數，隔日再抽第二次，HCG已跌咗一半，醫生說已流產了(emoji)(emoji)(emoji)

0 0 0

私人傳訊

marsh_mallow

大宅

積分: 1436

25^#

發表於 18-7-26 15:08 |只看該作者

回覆 lamwinnie 的帖子

我都3次慣性流產, 之後做哂所有檢查發現是免疫系統問題. 發現問題係咩, 對症下藥希望今次順利, 我而家9W都唔敢太早安心, 不過已經比之前3次進步左. 所以我覺得如果你想要BB, 就做足檢查搵下問題出響邊度. 我都曾經想過放棄, 因為試左一年幾自然懷孕都無, 當我疊埋心水唔去諗, BB就來了. 緣份真係好難講, 我興幸之前已檢查哂, 今次一發現有左BB即刻睇醫生同食藥, 你都唔好放棄, 加油啊~

私人傳訊

ss1120

大宅

積分: 3168

24^#

發表於 18-7-26 14:24 |只看該作者

kathywong2018 發表於 18-6-5 20:36
睇中醫調理，我同朋友都睇呢個叫戚醫師，係尖東半島中心（陽光中醫診所）23273927，睇左半年都有。我朋友都 ...

大概幾多錢？可pm 資料嗎？thanks

私人傳訊

chriskaan

別墅

積分: 834

23^#

發表於 18-7-26 11:00 |只看該作者

回覆 lamwinnie 的帖子

其實 , 樓上講得岩 , 我都係過來人....第一次小產 , 年紀比較年輕 , 當年唔太傷心 , 只覺得無左咪遲D再努力過....!!

第二次小產 , 已經係34,35歲 , 初初有左 , 所有野都好緊張 , 無好好休息 , 到左10W 左右就無心跳 , 當時仲問自己 , 點解會係我...?! 係個天覺得我未準備好做媽媽 , 定係咩原因...!!
結果去睇私家醫生求正 , 照完只講一句 , 物競天擇 , 叫我盡快返政府醫院處理好 , 養好身體 , 重新黎過 , 當時個心真係跌到落谷底 , 亦只好面對現實...!!

之後我同先生努力左2年 , 一直未有消息 , 當中亦有做好多檢查 , 到左想放棄時 , 家人提意我去睇輔助生育科的醫生(因為我家人咁岩就係做D一樣野)
我由家人的安排下 , 睇左第一間好出名幫名人造 B 的醫務所入面的其中一個醫生 , 醫生幫我同老公做晒所以檢查之後 , 話我地兩個都無問題 , 只係可以我比較遲排卵 , 教我用排卵棒 , check 到第幾日要行房 , 之後果日就要返去複診再檢查........等等

結果 , 我同先生試左第二個週期就中左 , 即刻通知醫生當日再複診 , 第一次照當時醫生只見到個極細小的胎囊就開 "阿士匹靈 + 塞藥" 俾我安胎 (醫藥8折後 , 大約要 2000 千左右)
三日後返去複診再照胎囊大了就開始加安胎針 (醫藥8折後 , 大約要 2000 幾)

而第三次懷孕我老公就說 "如果D胎都唔成功 , 我地就努力搵錢 , 提早退休...!!
而醫生亦講 , 可以用的藥都已經用晒 , 盡左最大的努力 , 唔成功都無法了...!!
所以到第三胎我咩都無諗 , 工照返 , 想食就食 , 想訓就訓 , 家務做唔做都唔重要 , 12W 就係醫生俾藥的情況下 , 安全渡過....!!
最後仲一直 keep 住睇D個醫生 , 同開刀生產 , 價錢係會比一般婦女科醫生貴40% , 但係醫生俾到我同老公的信心係 100% , 所以我地覺得係值得的 , 現在小朋友已經3歲啦....!!

所以 , 建議首先搵中醫養好自己的身體 , 可以再接再厲唔好咁易放棄 , 我覺得開頭就算俾多少少錢唔緊要 , 起碼所有驗血唔駛媽媽自己去其他化驗所 , 貴D都係值得 , 所以要加油喔...!!