婆媳關係 今日: 0 | 主題: 27782

積分: 460

1^#

發表於 18-6-8 15:58 |只看該作者 |正序瀏覽 |打印

老公台灣人（目前一家3口香港工作生活，住娘家村屋），6299退休、姑9單身（40零歲），爺爺生前贈與位處台北嘅幾塊地同佢地成家人住緊嗰間屋，全部直接登記老公名。
最近62話住緊間屋有地產商合作重建一棟高級住宅（show晒文件合約同設計平面圖俾我睇），起好可以按土地比例分屋，62想再買地到時分間大啲嘅單位會送車位（本身分600幾呎單位冇車位，洗多135萬hkd買地增加持分就可以分到1100呎送1個車位），到時一樣登記老公個名，老公話可以加埋我名，但係62意思要我地負責俾晒買地錢，同埋要留房比姑9（因為應該都唔會嫁人），62話姑9會負責俾以後嘅管理費。

如果計以後留俾仔仔嘅話有賺無賠，掙扎點係萬一我地移居台灣（5-10年後嘅事）勢必一齊住，我會冇晒自由。老公話唔想一齊住，可以按樓再供第二間搬出去住，咁點解我要辛苦自己洗錢買完一間自己唔住又揹多間？如果6299百年歸老想放盤仲要顧慮埋姑9以後住屋問題？

另一難題，睇左平面圖會係一個3房單位（其中一間180呎左右大套房），如果套房俾6299嘅話，姑9一間房，以後番去4人迫一間房我真係唔想（我陀緊b）；如果套房自己要左，咁我地依家生活重心又唔喺台灣，霸住好似怪怪地；如果每次番去先交換房唔work，因為62好大煙癮，所到之處煙味好濃我接受唔到。

最後，可能係我太計較，姑9前期完全唔需要付出，以後管理費估計最多都係每月1000hkd以內，住100年都唔及我地要即俾135萬hkd。不過要佢夾錢又冇佢名就講唔通，我唔想佔人便宜，點計都唔岩數，唉！

0 0 0

私人傳訊

aptcan

積分: 8997

畀面勳章

78^#

發表於 18-6-10 23:35 |只看該作者

回覆樓主:

想問吓樓主，如果唔係有6299＆c6，你會選擇移民台灣嗎，如果你本身鍾意台灣，就算無親人係果邊都照去，咁咪早點安排囉，如果你其實只喜歡去果邊旅行，而唔係喜歡長住果邊，咁咪唔好買樓囉。

私人傳訊

baby_suki

別墅

積分: 828

77^#

發表於 18-6-10 23:15 |只看該作者

回覆樓主

唔好貪最好，煩惱來自一個字：貪

點評

lamdou

發表於 18-6-11 13:11

私人傳訊

積分: 460

76^#

發表於 18-6-10 16:35 |只看該作者

ZetaGundam 發表於 18-6-10 13:51
樓主，今次答應後，一切不必要開支就要減少，好似99/62傳誚，借錢，手信等！
好好再計畫吓自己移民臺灣後 ...

開支要認真同老公商量，老公係唔太識計數亦唔會理，所以錢銀交晒俾我；至於日後一齊生活，真係要諗過度過。
未有小朋友前喺台灣間唔中同住一頭半個月都ok，只係囉唆啲去邊都要交代，連去對面街7-11買m巾都唔例外（娘家只要唔外面過夜都唔洗通知，自由度好大）；飲食方面99有宗教信仰食素但會照煮肉唔試味，我鍾意出街食多過喺屋企，有時會就下老公陪6299屋企食小小，夜啲老公再出街買宵夜填肚；家務我會負責老公間房同洗晾我地啲衫（6299分開洗，62通常零晨先開機洗衫），其他掃地拖地99會做（會呻辛苦），老公都會幫手；拜神拜山嗰啲我一概唔插手，拜祖先要準備嘅嘢交晒俾老公去學去做，我最多一齊喺旁邊上柱香（99會喺我面前講拜神好多野搞，我會微笑不回應一切照舊）。

有仔仔後放假返台灣嘅自由空間更狹窄，6299恨湊孫但無經驗唔識湊（老公幾個都係嫲嫲湊），一日到黑爭住抱唔放連boo boo左都唔知，片又唔識換，亂咁餵食（未夠半歲俾朱古力，1歲想餵涼果），變左我要留喺屋企嘅時間多左睇實個仔（我在場會企硬阻止佢地一切不當行為，6299有時會黑面，老公尊重同我一陣線，仔仔出世開始就係我呢個新手媽餵人奶自己湊，老公從旁協助），真係唔放心同老公出街放手俾佢地湊。到仔仔識行識走，6299帶出街時拖住仔仔，忽然鬆手任仔仔走喺佢地面前1米外，我即時衝去拖實仔仔並警告老公萬一仔仔衝出馬路追都追唔切；去餐廳食飯，62食飽就坐唔定，仔仔有樣學樣，62拖佢喺餐廳行黎行去，我又要做醜人制止，餐廳都係熱野，炙傷仔仔當然唔好，分分鐘累埋侍應失職打爛人地飯碗。依家陀第二胎，睇怕又要再提心吊膽輪迴一次。

私人傳訊

ZetaGundam

積分: 7556

75^#

發表於 18-6-10 13:51 |只看該作者

irky819 發表於 18-6-10 13:36
原本婚前計劃幾年後移民台灣，經濟上無問題（當時6299都有工作，亦無過度消費），我娘家不嬲都唔洗我擔心 ...

樓主，今次答應後，一切不必要開支就要減少，好似99/62傳誚，借錢，手信等！
好好再計畫吓自己移民臺灣後生活同開支！

私人傳訊

積分: 460

74^#

發表於 18-6-10 13:36 |只看該作者

本帖最後由 irky819 於 18-6-10 13:42 編輯

ZetaGundam 發表於 18-6-10 11:09
咁幾年後，移民臺灣，你老公同你，可否有足夠財力支持你地同99，62洗費？
好好考慮吓先決定！
...

原本婚前計劃幾年後移民台灣，經濟上無問題（當時6299都有工作，亦無過度消費），我娘家不嬲都唔洗我擔心，爸爸一向都同我講佢地有樓住有舖收租又儲夠錢退休，只係期望我地班仔女得閒陪下佢兩老飲茶就夠。
點知同老公結婚冇耐，6299即話退休，仲搞埋傳銷（無底洞supplement當飯食，99講到產品係神丹咁款，靠食產品佢早排手術先復原得快，有次佢仲喺電話大大聲同一個book左期做手術嘅fd講取消手術，剩係食產品就得，但係99自己就做手術前都經已一路有keep住食）。99都有叫我老公食，有時我地返去，佢朝早塞俾我老公食一次嘅份量加埋係成樽康鈣c咁多，仲要早晚食係basic，有病嗰陣連午飯、下午茶都會再追加，真係嚇親我。

如果返台灣，要負擔埋6299一切開支，真係驚驚地，明明自己一家4口生活好地地唔洗愁，返去嘅話分分鐘係委屈自己一家去成全人地，6299要將孝順外判俾我嘅話，我仲未接受到，所以目前歸期都係一拖再拖。

依家會考慮買唔買，都係為兩個仔諗，我自己本身有保險留俾仔仔，買地算係額外bonus。如果自私啲剩係為我自己諗，可以堅決拒絕。

私人傳訊

ZetaGundam

積分: 7556

73^#

發表於 18-6-10 11:09 |只看該作者

irky819 發表於 18-6-10 10:53
老公自己出嘅話，要抵押土地問銀行借，以後份糧應該都去左還貸款同應付6299不時之需（佢地做直銷，三不五時 ...

咁幾年後，移民臺灣，你老公同你，可否有足夠財力支持你地同99，62洗費？
好好考慮吓先決定！

私人傳訊

積分: 460

72^#

發表於 18-6-10 10:53 |只看該作者

ZetaGundam 發表於 18-6-10 07:04
樓主做慣etc，所以一有錢出，就要搵樓主！
樓主老公能否自己出錢？
港幣135萬，係臺北可否買同樣樓房？

老公自己出嘅話，要抵押土地問銀行借，以後份糧應該都去左還貸款同應付6299不時之需（佢地做直銷，三不五時時就7000起錶咁要），咁以後兩個仔都靠我養。
如果計同樣600呎左右差唔多位置同建材，大概2倍價錢。

私人傳訊

ZetaGundam

積分: 7556

71^#

發表於 18-6-10 07:04 |只看該作者

回覆樓主:

樓主做慣etc，所以一有錢出，就要搵樓主！
樓主老公能否自己出錢？
港幣135萬，係臺北可否買同樣樓房？

私人傳訊

a328

大宅

積分: 3295

70^#

發表於 18-6-10 00:10 |只看該作者

irky819 發表於 18-6-9 15:40
我都知道自己嘅壓力唔係筆錢，錢我計過數冇問題，係我自己可唔可以心甘情願拎出黎。
62一開始就同發展商傾 ...

企硬分兩間，佢耐你唔何，講真又唔係冇得住。你話唔一齊住唔冼搬大

私人傳訊

Natalie625

子爵府

積分: 13149

69^#

發表於 18-6-9 21:49 |只看該作者

irky819 發表於 18-6-9 15:40
我都知道自己嘅壓力唔係筆錢，錢我計過數冇問題，係我自己可唔可以心甘情願拎出黎。
62一開始就同發展商傾 ...

我都明白，但你老公唔願做醜人，唔講拒絕既話真係冇人幫到你

私人傳訊

ilovecafe

積分: 5657

68^#

發表於 18-6-9 21:18 |只看該作者

irky819 發表於 18-6-9 15:40
我都知道自己嘅壓力唔係筆錢，錢我計過數冇問題，係我自己可唔可以心甘情願拎出黎。
62一開始就同發展商傾 ...

我明你，有時唔系能力的問題，以係自己的付出衰過倒錢落海，無論個忙有幾大，幫完佢地都唔會多謝你

私人傳訊

積分: 460

67^#

發表於 18-6-9 15:40 |只看該作者

我都知道自己嘅壓力唔係筆錢，錢我計過數冇問題，係我自己可唔可以心甘情願拎出黎。
62一開始就同發展商傾晒條件，表示唔夠住想買要我地俾嘅時候，先同我地商量，合約條款都佢地定好左仲可以商量啲乜？仲要限時一個月扑槌。

平時幫99朋友買野、同我借錢唔還，錢唔係問題，但原則上佢都係幫人買有收錢就應該俾返我，有借有還，佢唔夠老公再俾佢係另一回事，佢開到口老公冇一次拓手肘。

99醫療保事件，姑9一開口就同老公講：「1萬幾，3人share你要負責1萬。」而唔係問老公分擔多啲1萬o唔ok。

有時係態度問題，我同老公付出唔係老奉㗎。

私人傳訊

積分: 460

66^#

發表於 18-6-9 15:07 |只看該作者

Signhela 發表於 18-6-9 14:32
分兩個單位再買1個車位俾62可行嗎？
買地的百幾萬只係個開始，起樓期間的住宿開支，收樓後的裝修費用，林 ...

你講岩左只係個開始，住宿開支發展商有每月補貼我唔擔心，但裝修62講左話都係我同老公負責，仲有我後黎自己查資料契稅乜稅、初期管理基金又係我地要俾。
反正姑9就只需要交每月管理費，萬一以後管委會唔知整咩業主夾錢，我地應該又走唔甩。

老公婚後黎左香港，每月都仲交緊台灣屋企嘅雜費。
姑9成日會同老公提起自己又買左乜嘢俾99，叫老公都要有表示，唔通母親節買左金手鐲俾99要話佢知？過年封6299各1萬利是又要同佢交代？
我同老公都係行動實際派，唔會同其他人多講，好多野我真係收埋收埋，依家陀b情緒就黎爆煲上網發洩下，呢啲事娘家、好姊妹同班老死都唔知。
姑9生活習慣無問題，只係我會覺得佢干涉太多。

其實如果62要講公平，點解剩係留房俾姑9，無話要留多間俾嫁左嘅姑仔（老公同姑仔關係close好多）？

私人傳訊

Signhela

大宅

積分: 1753

65^#

發表於 18-6-9 14:32 |只看該作者

回覆樓主

分兩個單位再買1個車位俾62可行嗎？
買地的百幾萬只係個開始，起樓期間的住宿開支，收樓後的裝修費用，林林總總嘅雜費，好可能最後都要樓主負責埋。

私人傳訊

a328

大宅

積分: 3295

64^#

發表於 18-6-9 12:43 |只看該作者

irky819 發表於 18-6-9 12:01
自己有存款，每月份糧剩差唔多4萬，要揹筆數負擔唔大。就算我靠娘家，至少我同自己屋企人都唔會計，你對我 ...

其實你可以企硬唔俾或要求分開2個單位，你同你62講話返台無諗過同住，所以冇必要買大，其實同一屋宛探孫也不成問題

私人傳訊

laiyee6121

伯爵府

積分: 16496

63^#

發表於 18-6-9 12:18 |只看該作者

shannon_fky4186 發表於 18-6-8 17:13
X 2

私人傳訊