試過有一次佢一「中」我打返去，佢一企起身我就收缐，等佢個人醒一醒，點知一坐低立刻再「中」
再打返去佢，佢聽電話，話「I tried not to sleep mamn」
⋯咁都叫tried? 我試過記住要出糧不過真係唔記得呀，可以嗎？
另一次佢「中」我叫佢唔好再向房餵，個廰光猛D，點知佢出到廳一坐落沙發立刻再「中」過
最後叫老公同佢傾下，佢承認佢每晚同老公傾計到12:30-1am之後5am起身同佢D小朋友傾計！
佢之前同我講，我已經話，佢可以向唔影響工作下同屋企人傾計⋯不過佢甘小休息又點會唔影響呢！
每次話佢，佢例牌叫我明白佢，甘佢又唔明白個存在危險，同明白我有幾膽心
我老公話如果係咁，收佢電話，每晚10:30-11:30先可以用，咁冇電話就逼住瞓只少可以瞓7-7個半鐘，佢喊到收唔到聲覺得我地蝦佢，我地係仆街僱主。到底係我無良定係佢另到我無所適從？
做咗唔到4個月，佢老公已經可以有$唻香港旅行！真有＄，又叫我 understand佢，俾佢星期五夜晚出發唔返來瞓到星期日夜晚。
當我以為佢走之前所有麻煩都停止只有最後兩星期者，因為已經俾佢放假去見個老公。同時真係睇住對仔女緊要，琴日一朝早俾佢搞到我喊，都忍過去算啦，放工對佢態度好D啦，當冇事發生過，唔夠一個晚上3個鐘？⋯佢就行出唻叫我俾佢去送機，冇野呀麻，沒完沒了要求再要求再要求，真係俾我休息下啦，我真係好累。仲要係星期五2am機，冇野吧，我星期四五都要返工，我係咪要請假呀咁，我又要怕你唔夠瞓星期五又一路瞓一路餵我個女⋯
講真⋯辛苦到我已經唔識表達內心既無助，心痛對仔女！！
花之豆 發表於 18-6-14 07:36
菲呀！我搵過印，不過咁啱3個印知下午有老人家都唔肯做呀
發表於 
返回列表
