4年前生完第一胎後，已見識到99獸o既威力。。。。。但原來4年後，99獸已經進化左，變成＜進擊之99獸＞，依家對C6造成好大o既傷害。。。。
生完大寶（即第一胎）之後，因為99獸ｏ既關係，我同C6一直諗緊好唔好生多個。4年後，我地終於有左二寶！當我地岩岩知道有左時，一直都唔敢同99獸講，怕佢又好似4年前咁樣，搞到我有抑鬱。於是，我地等到3個月過左，同埋所有檢查做晒，確定二寶無事先同佢講。C6都好驚，所以send左張超聲波相俾99獸，再打去同佢講。
99獸睇完張相，表現得好冷淡，問左幾句無聊野，終於入正題：係囝定囡呀？C6話未照到，99獸即係話＂囡好呀，生囡好D會痴家，我鐘意囡呀，不過囝囡都無所謂喇！＂一收線，C6同我講99獸無乜反應，仲叫我唔好周圍走，唔使返去同佢食飯。我聽完心諗：係咪真係無所謂呀。。。。。
今次陀二寶比較辛苦，所以頭6個月我一路都無返去見99獸，直到農曆新年，我地就頭痛緊點安排好。。。。。因為ｏ係未生大寶之前，我同C6ｏ係年三十晚同年初一係會返去同99獸食飯o既，但自從生左大寶之後，我地只會年初一返去同99獸飲茶同拜年。由於今年我陀住二寶，所以就問C6諗住點安排。。。。。C6話唔想我咁辛苦，淨係諗住年初一返去拜年，上舅父度坐一坐，唔飲茶喇。我問佢同99獸講左未？唔想到時佢又發癲，C6話佢會搞掂。
到左年初一，我地食完午飯就返去C6舅父屋企同99獸果邊團拜；講好左大家2:30返到去，點知我地係最早到，咁我地全部人就係度呆等99獸佢地。。。。。結果等左超過半個鐘，99獸先同62同姑9施施然咁出現，一黎到第一件事就話佢專登走去買左好多零食俾我大寶，所以遲到。。。。。。跟住就不停咁拎d零食出黎叫我大寶食，全部唔係朱古力就係薯片；我同99獸講，話岩岩食左飯唔食住，拎返屋企先，多謝你！反而62就好有耐性咁同大寶傾計，問下佢返學開唔開心呀，有無去公園玩呀咁。
99獸唔抵得大寶同62傾得咁開心，就係咁問大寶記唔記得佢係邊個？做乜咁叫佢。。。bla bla bla不停咁勁大聲講野。而大寶不嬲都唔太鐘意99獸，全因佢講野好無禮貌又大聲，仲成日嚇佢話＂爸爸媽媽有左二寶無咁多時間陪你架喇！你再係咁就唔要你架喇！＂諸如此類o既說話。。。。。雖然我都唔多like 99獸，但我都會叫99獸，同教大寶要有禮貌要叫人，所以大寶都佢有叫人同埋有同佢拜年。同佢拜完年之後，大寶開始扭眼瞓，係咁問幾時返屋企。99獸一聽到，就話＂你好眼瞓咩？我唔覺得你眼瞓喎，係度玩喇，一係同你去公園度玩，再唔係你係呢度瞓，唔好返屋企瞓覺喇！＂大寶一聽到，梗係say no 喇，跟住不停問C6幾時返屋企。。。。。C6就同大寶講，我地坐多5分鐘就call的士返屋企。99獸一聽到話call 的士，即刻同大寶講＂嘩！搭的士呀！乜你有錢咩？呢度搭巴士返去平好多喎，唔使搭的士喇！＂我聽到佢咁講，真係Ｏ晒咀，大佬呀，我陀住7個幾月籮咁大個肚，大寶又扭眼瞓，仲要我地行20分鐘去搭巴士？好彩C6識做，即刻話call 車返去，唔好行喇，99獸先收聲。
新年之後，99獸一直都無話要我地返去探佢，直到我入院生二寶ｏ既時候，佢就開始發癲喇。。。。。
發表於 
鄧佢陰功
去飲茶與否係佢「個人」選擇，唔洗樓主去就得喇
返回列表
