吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 老公話同我溝通唔到了

夫婦情感今日: 0|主題: 42770

收藏本版

發帖

返回列表

跳至頁

查看: 10449 | 回覆: 23

老公話同我溝通唔到了 [複製鏈接]

Iris_fu

複式洋房

積分: 356

1^#

發表於 18-6-28 16:49 |只看該作者 |正序瀏覽 |打印

本帖最後由 Iris_fu 於 18-6-28 17:00 編輯

一齊14年，小朋友6歲，話壓力大走錯佐一步，但最終醒覺選擇佐屋企，想維繫大家關係，心回來話到依㗎已接近4年，現佢話感覺我同佢開始溝通唔到了，話下下做咩都係佢著急，我就懶懶閒唔當一回事，話我完全唔知道自己要咩，無諗法，淨得個軀殼，完全唔肯改變自己！完成唔為自己想下！佢話已用盡方法想我改變，但都唔得，佢已好攰甘！無力再落力掙啦！我個心好難受呀！夫妻之間原來真係好難白頭到老㗎！自己無論為個家付出幾多都無用的，總有磨合唔到嘅事！原來付出仲要有自己諗法，要識教小朋友，要有思想思維去教育小朋友！

0 0 0

私人傳訊

Iris_fu

複式洋房

積分: 356

24^#

發表於 18-7-2 23:22 |只看該作者

~小樹兒~ 發表於 18-7-2 11:39
養育小朋友唔係淨係比飯佢食，比書佢讀，就叫做完美，或唔可以被挑剔，父母本身有責任教育孩子，如何教育、 ...

好多謝你嘅意見！

私人傳訊

~小樹兒~

男爵府

積分: 6156

23^#

發表於 18-7-2 11:39 |只看該作者

養育小朋友唔係淨係比飯佢食，比書佢讀，就叫做完美，或唔可以被挑剔，父母本身有責任教育孩子，如何教育、什麼教育內容，都係要父母去決定，唔係有咩你就塞比個小朋友就叫好媽媽。你老公要求你對教育小朋友要有自己思想和方針，都只係希望小朋友得到應得嘅照顧，講真唔係好過份，如果你話返一份工就令你唔可以教育小朋友，咁你係唔應該生，或者叫你老公爭氣啲，你做全職媽。

另外佢覺得你個人PAIR，呢啲就冇得講，你有選擇你自己生活嘅自由，不過你老公可能自己做人有目標，而你冇，自然覺得唔啱傾。男人唔同女人，唔會苦口婆心勸你十年廿載，幻想你有日龍穿鳳，佢覺得你有問題，就會嘗試要你改，多數未必會大吵大鬧，你當耳邊風，就要預咗有日會得到負面結果嘅風險。佢講得出想改變你已經幾年，而佢真係有做的話，應該都係有心，比足時間睇有冇效果。冇效果，就會死心。

你搵返同你一樣做人理念嘅人就冇事，最緊要唔好寄望個老公好叻比你依靠，但自己又不能成為可以被依靠嘅人。

私人傳訊

Rubik

珍珠宮

積分: 32759

22^#

發表於 18-7-1 03:05 |只看該作者

回覆樓主

應該有d嘢發生咗，男人最鐘意將d責任推比人，佢好醒咩，懶叻，叫佢慳d講少d廢話，幾時兩性關係都唔係靠改變對方去維持，叫佢去睇下書啦

私人傳訊

ml628

大宅

積分: 2654

21^#

發表於 18-6-30 23:53 |只看該作者

Iris_fu 發表於 18-6-28 16:49
一齊14年，小朋友6歲，話壓力大走錯佐一步，但最終醒覺選擇佐屋企，想維繫大家關係，心回來話到依㗎已接近4 ...

你老公話你轉數慢啊

私人傳訊

coraor

子爵府

積分: 12479

20^#

發表於 18-6-30 21:59 |只看該作者

回覆樓主:

你叫老公放工返嚟做哂所有家務+教仔，咁你先有時間放工去做運動刺激個腦。
返工已經用咗成日腦，放工返屋企想比個腦抖下都比老公話…
你老公係咪d轉數好快嘅人嚟㗎? 通常呢類人先會嫌人地唔諗/諗唔到野。

私人傳訊

yeunghung

侯爵府

積分: 22824

19^#

發表於 18-6-30 19:48 |只看該作者

回覆樓主:

叫佢幫你湊仔，你去運動加學野，不是為佢改變而係為自己找返自由時間。有時樣樣野上身係無人欣賞反覺你只識做家庭主婦湊仔睇唔起你。

私人傳訊

Amycow

別墅

積分: 890

18^#

發表於 18-6-30 15:40 |只看該作者

回覆樓主

可能他同某人比較或許你要認真看待。或許你試試告訴他同你互換角色一個月，他每天放工回來煮飯，洗衫、清潔地方，你就在家看看YouTube fashion show 經濟近日事物，睇下濺男點握女仔，女仔點様搵男朋友，你發覺自己時間多了知識了解，沒有話題溝通不到不是你差下去，只是你時間心思放了家庭，沒有放在別的地方。若是他每天真的煮飯，就知道多困擾⋯⋯一晚好快11點又到又上床，明天又來了

私人傳訊

Nancy20090615

瑪瑙宮

積分: 137519

17^#

發表於 18-6-30 14:52 |只看該作者

我日日返工放重要凑两件打理屋企重有咩時间，想我个腦点轉法？人冇完美，揾野黎挑剔。

私人傳訊

mini1204

翡翠宮

積分: 79226

16^#

發表於 18-6-30 13:07 |只看該作者

Iris_fu 發表於 18-6-30 11:30
應該甘講，佢成日認為佢一出聲我已只記住佢錯過而唔會聽佢講，佢覺得我有時講嘢會表達唔到自己想講的，佢 ...

佢當時出軌既女士係吾係思考型既人？事業女性？
似乎佢係比較完跟住想你改變不過你配合吾到(當然亦吾需要配合)
事實就係你吾係佢想要既人，可能一直吾係，亦可能係中途變左

佢肯老實講亦未嘗不是一件好事，是否再擺時間落去你要自己諗清楚。長期對住一個覺得佢自己 deserves better 而對方非常不足，在你係一件好痛苦既事，你既自我形象會嚴重低落。

私人傳訊

衝勁BB

男爵府

積分: 5241

15^#

發表於 18-6-30 12:06 |只看該作者

Iris_fu 發表於 18-6-30 11:30
應該甘講，佢成日認為佢一出聲我已只記住佢錯過而唔會聽佢講，佢覺得我有時講嘢會表達唔到自己想講的，佢 ...

做運動可以改善詞不達意-你老公呢啲咩邏輯？
返工搵錢仲要諗係咪自己長處-搵錢返黎已經對屋企好大貢獻，唔係長處有咩所謂？
幫唔到小朋友，淨返工-放工返黎已好攰，教唔到小朋友就送去補習，仲有你老公都可以教，有咩大問題？
感覺你老公有啲小題大做，佢覺得步伐唔同都未致於嫌棄，係咪有第三者？

私人傳訊

Iris_fu

複式洋房

積分: 356

14^#

發表於 18-6-30 11:30 |只看該作者

anyuser18 發表於 18-6-30 06:41
咁你個人係咪真係無諗法無思維教小朋友
如果日日只係柴米油鹽照顧打理頭家，咁娶個阿媽又係無乜意思。不過 ...

應該甘講，佢成日認為佢一出聲我已只記住佢錯過而唔會聽佢講，佢覺得我有時講嘢會表達唔到自己想講的，佢叫我去做多d運動刺激下個腦，但我放工番嚟再湊兩個小朋友，我一攰就完全無力去做，只想坐底休息！所以佢會覺得我腦轉唔到，即係無辦法做嘢，幫唔到小朋友，淨番工，無認真諗下自己長處係咪而去做，每日都得過且過甘意思！佢話已用心力所有方法叫我去改變，但幾年前同幾年後都無改變過甘話！我個陣真正覺得太苛刻對待自己了，完全無為過自己！無為自己諗過！但原來呢d都係夫妻間的問題！